Shima-Style
New member
rawona
**مشرفة قسم السياحة والسفر**
كانت شيخه توها حاطه راسها على المخده بتنام .. والا يوصلها مسج على موبايلها ..
المسج:
ما وحشتك ياحبيبي .. بعد هالغيبه الطويله
والا شايف هالليالي .. اللي ابعدناها قليله ..
مــــــــــــــا وحــــــــــــــشتـــــــــــــــك؟؟
ابتسمت لمسج طلال .. وقررت شيخه اتفهمه الوضع واللي صار مع امها بطريقتها الخاصه..
ودزتله هالمسج!
اهلي عنك ابعدوني
في عذابي اتركوني
يوم شافوني احبك
عذبوك وعذبوني
مهما ياخلي ابعدوك
عن هواي وفرقوك
مهما ياعمري اظلموك
انا افديك بعيوني
ودزت send
انطرت اشوي وماياها جواب! ومروا يومين ثانين من غير ما تسمع عن طلال اي خبر!! كانت وايد اتفكر فيه .. ومو قادره اتشيله من بالها .. حاولت تنساه بس ما اقدرت! اتعبت حيل من التفكير وحست ان قلبها بيوقف!
صار يوم السبت وخذت خلودي ومرت حنان في بيت اهلها "جيران اهل شيخه" وخذتها اهي وولد حماها عبود ..
راحوا اول شي يتغدون في بيرجر كينغ السالميه اللي يم ليلى غاليري .. وتالي اطلعوا وراحوا المركز العلمي .. اقعدوا يتمشون مع اليهال على البحر .. وكان الجو خيــــــــــــال .. كانت شيخه لابسه بنطرون جينز وبلوفر ملون من تومي وجاكيت اوف وايت من اكسبريس.. ومسويه شعرها "عجفه فرنسيه" .. وكانت جنطتها كروس من غوتشي .. حاولو شباب يتحرشون فيهم ويلاحقونهم .. بس ماعطوهم ويهه .. ولما مصخوها صرخت عليهم حنان وهددتهم انها تتصل بريلها الحين! وخافوا وراحوا عنهم .. بدت الشمس اتغيب والجو وكل ماله يصير احلى .. وفجأه وصل لشيخه مسج على موبايلها .. كان من طلال!
"وينج؟"
استغربت المسج واول شي خافت انه يكون دازه بالغلط لها! بس قررت ادزله رد
"طالعه مع حنان واليهال انتمشى على البحر .. عند المركز العلمي.. ليش؟"
بعد فتره ياها الرد "لا بس أسأل.. : )"
استغربت شيخه وماردت على المسج .. تمشوا اشوي والا ايدق تلفون حنان ..
حنان: الوو
ناديه (حماة حنان): هلا حنان شلونج؟
حنان: هلا ندوووووي .. تمام شخبارج؟
ناديه: تمام .. اقول وينج فيه؟
حنان: في المركز العلمي مع عبود ورفيجتي شيخه .. ليش؟
ناديه: زين اشوه طلعتي اقريبه .. انا في الفنار الحين ومسوين سيل وقلت اقولج لا يطوفج اليوم اول يوم قبل لا ايوون الناس يخمطون وتالي ماتحصلين شي!
حنان: اي والله صاجه زين علمتيني ... خلاص باشوف شيخه وارد لج خبر..
وقالت حنان حق شيخه عن التنزيلات وان ودها اتروح ..
شيخه: حنون والله مالي خلق كلش .. مودي مو مود سوق الحين!
حنان: وييي اشعندج .. خل نروح نشوف اكيد زارا ومانجو مسوين خوش سيل الحين .. واليهال عادي معانا ماراح يأذونا..
شيخه: لا حنونه والله مالي خلق .. تدرين اشلون اتصلي على حماتج شوفيها اذا قطيتج عليهم عادي ترجعين معاها البيت؟
حنان: هااا؟ اي والله فكره .. خلاص خليني اكلمها ..
واتفقت حنان مع حماتها وراحت شيخه اتغسل ايد خلودي واتوديه الحمام قبل لا تروح اتقط حنان الفنار ..
اول ما اركبو السياره واهم توهم بمصافط المركز العلمي .. وصلها مسج من طلال ..
"شنو سيارتج؟"
ردت شيخه من غير تفكير " اودي سودا"
وحركت صوب الفنار .. ياترى ليش يسأل؟ وبعدين اهوا عارف سيارتها!! مره سالها عن سيارتها يوم كانوا بامريكا وقالتله .. واهوا قالها ان سيارته جاكوار ذهبيه.. فليش يسال؟
وصلت شيخه الفنار وقطت حنان وسلمت عليها وتاكدت ان خلودي رابط الحزام ورا .. وحركت .. كانت تمشي بسيارتها باتجاه شوبيز .. وفجأه حست انه مالها خلق اترد البيت .. فلفت الاشاره فوق تحت وقررت اتمشى اشوي على شارع الخليج ..
*************************************** يتبع!
Shima-Style
New member
rawona
**مشرفة قسم السياحة والسفر**
التفتت شيخه على خلودي لقته المسكين حط راسه ونام .. ابتسمت وكملت طريجها .. تتمشى بهدوء وكانت تسمع الاف ام ..
حطوا اغنية محمد المسباح – يفوق الوصف .. اشوي والا اييها مسج
"الاغنيه اللي بالاف ام الحين "يفوق الوصف" اهداء خاص لشيوختي"
ادمعت عينها وقامت تسمع الاغنيه وادموعها اتصب! ..
يفوق الوصف حبي لك يفوق الوصف
يفوق الوصف شوقي لك يفوق الوصف
يافارق حيل عن غيرك .. سطى في قلبي تأثيرك
وكل ما جيت اعبر لك ... تغلبني تعابيرك
يفوق الوصف..
إذا فكرت أفكر فيك ..وإذا سولفت اسولف فيك
كأن الدنيا بس أنت ..وكلام الحب بس طاريك
يا شهد العشق وميزانه..وكل الورد وألوانه
لو أن للغلا عنوان ..ياعمري انت عنوانه
يافارق حيل عن غيرك .. سطى في قلبي تأثيرك
وكل ما جيت أعبر لك .. تغلبني تعابيرك
يفوق الوصف.
كملت شيخه طريجها وحست انها اتعبت .. وقررت ترجع .. كانت بتلف فوق تحت عقب اشارة سوق شرق يوم المحت بالمرايه العاكسه سياره جاغوار ذهبيه تمشي وراها .. خففت سرعة سيارتها وبلحظه قررت اتكمل سيده وما اتلف .. علشان تتأكد اذا كانت هالسياره لاحقتها والا لا .. وفعلا .. غير راعي الجاغوار رايه اهو بعد ولحقها!!
كانت تنقل نظراتها بين الطريج جدامها وبين المرايه وتشوف الجاغوار اللي تلحقها .. كانت اتحاول تثبت السايق بس ماكان يبين شكله عدل .. لفت فوق تحت .. وارجعت تسوق على شارع الخليج .. وصلها مسج ..
" ترى يننتيني.. وين بتروحين بالضبط؟ : )"
ابتسمت يوم قرت المسج وتأكدت ان اللي بالجاغوار وراها كان طلال !
اقعدو طول طريج الرده يتبادلون المسجات ويضحكون ويهدون بعض الاغاني اللي يحطونها على الاف ام .. واخر اغنيه اهدتها شيخه لطلال كانت
"عاشقه اسمراني" لنجوى كرم! .. وصلها طلال بسيارته لباب البيت ومشى..!
************************************ يتبع!
rawona
**مشرفة قسم السياحة والسفر**
اليوم الثاني – الاحد
اقعدت شيخه الصبح ولقت 3 مسجات واصلتها على الموبايل .. واحد من حنان واثنين من طلال ..
اكشتت بمسج حنان وبطلت مسج طلال الاول ..
أنا بحبك افيض بشوق
تخشع في هواك ايامي
يالون المطر يا اجمل احلامي
أنت روحي وانا من ظليت بدنيا
لقيت الدنيا كلها بين اديك
كل مكان تشوف عيني
يابعد روحي..
هوى .. واشواقي تسالني عليك
المسج الثاني ..
شيوختي .. حبيبتي .. مادري شاقولج .. بس حبيت اصبح عليج .. واقولج انج احلى شي صارلي بحياتي .. وعسى ربي يقدرني اسعدج طول العمر.. طلال..
كانت شيخه اتحس انها تتعلق بطلال كل يوم اكثر من اللي قبله .. واتحس ان حبها له قاعد يزيد ويكبر بداخلها .. دزتله مسج اتصبح عليه وتشكره على المسجات الحلوه من الصبح!
*** ** *** ***
الساعه 7 بليل .. يرن التليفون في بيت بو مشعل ..
بدريه: الوو
سعاد: الوو هلا ام مشعل شلونج؟
بدريه: هلا فيج حبيبتي .. شخباركم؟؟
سعاد: والله الحمدلله بخير .. شلونكم وشلون بو مشعل والعيال؟
بدريه: تمام والله كلهم بخير ..
سعاد: والاحفاد الحلوين شخبارهم؟
بدريه: والله ياحلوهم .. ايهبلون اهم اللي تارسين علينا البيت والله ..
سعاد: الله يخليهم لكم انشاءالله .. وانشاءالله تفرحين بعيال شيخه وعبدالعزيز ..
بدريه: امين .. وياج حبيبتي ..
سعاد: بدريه ..
بدريه: هلا؟
سعاد: بغيتج بسالفه .. بيني وبينج..
بدريه: خير؟
************************************* يتبع!
esperanza
New member
Shima-Style
New member
rawona
**مشرفة قسم السياحة والسفر**
بيت بو وليد
ام وليد : تشاندركا .. وينج؟؟ تعالي شتسوين؟؟
كانت تشاندركا ماره ومعاها كراتين نازله فيهم للسرداب..
تشاندركا: انا يودي كلو مائووون تهت .. مشاااان زواره خميس ..
ام وليد: وليش شايلتهم جذي؟؟ طلعي السخانات من الكراتين .. وغسليهم ونشفيهم وبعدين روحي حطيهم تحت .. مو شايلتهم جذي !
تشاندركا: جين ماما ..
ام وليد: و ويعه! صج اتغثون الواحد ..
ام وليد: شريفه ..شرفوووه !
شريفه: هلا يمه..
ام وليد: دزيتي مسجات من موبايلي حق عماتج وحريم عمامج؟؟ علشان الزواره الخميس عندنا ..
شريفه: لا مادزيت الحين بادزهم انشالله ..
ام وليد: وفطومه وينها؟
شريفه: بدارها فوق ..
ام وليد: شتسوي فوق؟
شريفه: مادري الظاهر قاعده اتسولف مع طلال ونوره بالماسنجر!
ام وليد تبتسم : اي خليها .. يالله سوي اللي قلتلج عليه .. انا باروح اشوف ابوج ياب الاغراض الناقصه والا للحين!
*** ****** **
بيت بو مشعل
شيخه: هاي دلول .. ها عيل وينهم؟ جنه ماكو احد؟
دلال: مشعل بالدوام عنده شفت اليوم .. وخالتي اطلعت تشتري اشوية اغراض .. قالت ان بيونها ناس باجر فراحت اتقضي جم شغله .. اليهال بالحديقه .. وعمي طالع مع عزوز .. هالايام هاب بعزيزان ياخذه معاه الديوانيه!
شيخه: هيهيهي مسكين عزوز شكله ماكلها عدل !
دلال: والله احسن له بدال الفراره بالشارع .. على الاقل يتعلم شلون يقعد مع الرياييل ويتفاهم معاهم ..
شيخه: اي والله صاجه .. يالله انا صاعده اخذ شاور سريع قبل العشى .. بدك شيي؟؟
دلال: سلامتك!
شيخه: تشاو
دلال: حياج الله!
************************************ يتبع!
rawona
**مشرفة قسم السياحة والسفر**
انزلت شيوخه تحت علشان تتعشى مع اهلها .. وامها للحين ماردت ..
شيخه: وييي دلول جنه امي تأخرت مو؟
دلال: اي والله مو عوايدها ..
والا يسمعون جرس الباب بهاللحظه ..
شيخه: اكيد هذي اهي !
ادخلت ام مشعل واهي شايله اجياس .. ونادت جينيفر اتييب باجي الاغراض من السياره ..
بدريه: السلام عليكم..
شيخه ودلال: وعليكم السلام..
شيخه: يمه وين رحتي؟ تأخرتي وايد..
بدريه: ابوج رد؟
شيخه: لا للحين ..
بدريه: اشوه! ..( وطالعت ساعة ايدينها).. الحين على حروة وصول .. دلال يمه خليهم ايزهبون العشا على ما ابدل وانزل ..
دلال: انشاءالله ..
اقعدت شيخه اتقلب بالتلفزيون واطالع البرامج والمحطات .. وصلها مسج من طلال ..
" شيوختي كل الحلا فيها! .. شلونج؟"
اضحكت شيخه وردت على المسج
" اشعندك اليوم؟ هذي عاشر مره تسالني شلونج! اممممم والله انت مشكوك في امرك!"
ياها الرد " لول .. لا .. لا تحاتين .. تراني حيل مسالم .. وطيب وعلى نياتي!"
ردت عليه" اشك في ذلك! حبيبي ادزلك مسج بعدين ماماتي قادمه!"
طلال" لول اوكيش!"
وصل بو مشعل مع عزيز .. وقامت شيخه اتسلم عليهم باست راس ابوها وسلمت على اخوها ..
بو مشعل: شيوخه شلونج يبه؟ وينج ما اتبينين؟ ما اشوفج؟
شيخه: انا موجوده يبه انت اللي لاهي بالديوانيه ..
بو مشعل يضحك: اي والله صاجه .. ها وين امج؟ ما حطوا العشا؟
شيخه: امبلا كل شي جاهز .. راحت امي مع دلال المطبخ يحطونه..
بو مشعل: وانتي ليش مو رايحه اتساعدينهم؟
شيخه: يبه حبيبي انا بعطله الحين ويايه الكويت اتدلل .. كافي علي بارجع اكرف لي رديت امريكا!
بو مشعل: والله انتي اللي بغيتي هالشي ! تحملي!
ويضحكون ..
على العشا ..
بدريه: دلال اشعندج باجر؟
دلال: ماعندي شي خالتي .. آمري؟
بدريه: مايامر عليج عدو .. ابيج انتي وشيوخه تكونون لا بسين وكاشخين وزاهبين عقب صلاة المغرب ليش بايونيي صديقاتي ..
بدريه: اليوم دقت علي سعاد وكانت تبينا انتيمع انا وانتصار ولطيفه ونروح انتريق بره .. من تقاعدنا ما تشاوفنا .. بس انا قلت بدال لا نطلع انتريق بره ايون اهم عندي البيت اريح ..
دلال: زين اتسوين خالتي ..
شيخه: سعاد اهي نفسها ام طلال؟
بدريه اترد بنبره اللي فاهمه قصد بنتها ومو عاجبها سؤالها: ايي اهي!
ارتبكت شيخه من نظرة امها .. وخلصت اكلها ابسرعه واصعدت اتنام!
دزت مسج حق طلال ..
" تدري ان امك باجر بتزور امي مع صديقاتها؟"
طلال " صج والله! ماقالتلي؟ يصير ايي معاها؟ : )"
شيخه اترد " جان زين! : )"
وبعد ما تبادلوا جم مسج كل واحد فيهم حط راسه ونام!
**************************************** يتبع!
إنسانه وأكثر
New member
يلا بينا يلااااا
رووونه واااي قلبي انشلع من مكانه حسيت نفسي مكان شيووووخ وناطره طلال يتقدملي
بس شكلها امه داقه تخطبهاااااااا
صح ؟
يلا ننطر
رووونه واااي قلبي انشلع من مكانه حسيت نفسي مكان شيووووخ وناطره طلال يتقدملي
بس شكلها امه داقه تخطبهاااااااا
صح ؟
يلا ننطر
rawona
**مشرفة قسم السياحة والسفر**
يوم الاثنين
اقعدت شيخه الصبح امبجر .. جيكت على التليفون ما حصلت شي من طلال .. دزت مسج حق حنان
"قاعده؟"
بعد دقيقتين يرن تلفون شيخه..
حنان: هاا اشعندج من صباح الله خير؟
شيخه: ههيهي ماكو ..طرى علي انتريق بره اشرايج؟ ريلج وينه اول؟
حنان: راح الدوام .. وانا معطله للحين ما بدت الدراسه.. اممم المفروض انام .. بس تدرين اشلون؟ يالله قومي بدلي ابسرعه .. علشان انلحق على ريوق "لو نوتر"!
شيخه: اوكيش!
البست شيخه تنوره اقصيره بنيه وبلوفر اوف وايت بقصه ناعمه .. وفوقه بالطو طويل . وانهت اللوك بالبوت الطويل اللي لي اركبها وجنطتها ال lv ولمت شعرها كله لي وره "كبه" .. والبست السلسه اللي اهداها لها طلال (ماكانت تقطها كلش من يوم اهداها لها) .. وتراجي ناعمه واطلعت ..
كانت متواعده مع حنان اتييها اهناك .. اوصلت قبل حنان بربع ساعه فقررت تنطرها بالسياره .. واهي قاعده تنطر ياها مسج من طلال
"الحلو لسه نايم؟ : ) "
ابتسمت وردت عليه
"الحلو رايح يفطر في لو نوتر.. شكلك انت اللي مكبر المخده! : )"
رد عليها طلال بعد فتره
"وشلون تطلعين وماتعطيني خبر؟؟"
ارتبكت شيخه وخافت انه معصب عليها .. احتارت شلون اترد عليه واتخليه يهدا!
وردت " سوري حبيبي .. مره ثانيه ما اعيدها!"
رد طلال " اي .. خلج خوش بنت ولا تعيدينها مره ثانيه! : ) مع منو رايحه؟"
واقعدت اتسولف معاه اشوي بالمسجات لين اوصلت حنان
" خلاص بس تطلعين عطيني خبر علشان ما احاتيج!"
ترد شيخه" اوكي .. "
ونزلت تتريق مع حنان بالمطعم وسوالف وضحك .. ونست نفسها وماشافت الوقت .. ماوعت الا تلفونها يدق ..
شيخه: هلا يمه؟
بدريه: انتي للحين مارديتي؟؟ انا اشقايلتلج؟
شيخه: سوري يمه ما انتبهت للوقت .. خذتنا السوالف انا وحنان .. كاني الحين راجعه!
وتأشر حق حنان بيدها تبين لها ان امها معصبه! ..
بدريه: يالله ديري بالج ..
شيخه: انشاءالله .. بيباي!
وسكرته واقعدت تضحك مع حنان وتتذكر معاها سوالفهم قبل!
***************************************** يتبع!
rawona
**مشرفة قسم السياحة والسفر**
الحين ماعرفتلج!!
تبيني انزل بارتات قصيره وسريعه والا اطول في البارتات وانزلهم على راحتي؟؟ يعني تبيني اكتب بارت طويل وانزله العصر والا استمر على البارتات السريعه؟؟
حددي موقفج! :eh_s(6):
Shima-Style
New member
مو قتلج الله يعينج على حنتي ...:tomato2:
انا اذا حنيت مادري شنو اب بالضبط :dddds: :dddds: :dddds:
