تجمع امهات العالمية الامريكية

[ReeMaN]

اهلين كاراميل شخبارج حبيبتى لا مو زعلانه بس الجو بالنت بالنهار مو مثل بالليل ماكو حياة بالنهار ماكو الا تاخذون طبيه عشان اتجابلونى بالنهار

 

[sara999]

سلامات ياريمان وما تشوفون شر لا انتي ولا وليدج ديري بالج عليه
الحضانه شنو نسوي وين نودي عيالنا بس حرام صج كنت اقطه بالحضانه من الفجر بس اذا مرض ما يهياني قلبي اداوم واخليه والله اقعد وياه
عساه مو سليمان كل عشر ايام نايم بالمستشفى الحمالله فتكينا عقب العمليه الله لا يعودها من أيام

 

[ReeMaN]

الله يسلمج سارونا مشكوره ماقصرتي وصاجه والله وين نودي عيالنا اا مرضو بس انا ولدي لا مرض وكان مرض خفيف اخليه عند امي واروح دوامي واذا مريض حيل لا والله اغيب عشانه .... الحمدلله على سلامة سلووم كان معاه اللوز والا شنو ؟

 

[caramella]

هاهاهاها ماكو إلا جذي ريمان نجابل بعض بالنت
سلامته سلوم ساره
حبيبي صغيرونو عالعمليات
و أنصح بتطعيم الفلونزا آنا عطيته ولدي لأن ذبحني بالفلونزا كل شهر مضاد لما نصحني دكتوره إني أطعمه تطعيم الفلونزا ما أقولج ما إصخن طول السنه كلش إمبلا بس أقل من قبل صار إصخن بدخول المواسم و مع تغيير الجو مو نفس قبل وايد كان إصخن

 

[ملكة بيتها]

ReeMan شكرا ياعمري وهالتجمع منور بوجودج وبوجود باجي الأمهات الحلوين وسلامات ماتشوفين شر إنتي ووليدج

 

[ReeMaN]

انا معاج ودي بهالتطعيم بس ابي اخذ راي الاغلبيه بهالتطعيم لان في ناس قالو لى ان موزين حق اليهال هالتطعيم لازم يتعود جسمه على المناعه الطبيعيه من غير االتطعيم ولا المضاد.... بالله الالتهاب شيطيبه غير المضاد؟؟؟

مشكوووره ملكة تجمعنا الشر ما ايج يالغاليه

 

[mr000]

سلام بنات اشلونكم شخباركم سووري الليله النشره الأخباريه تاخرت عن موعدها لان المنتدى امعلق مافتح عندي! المهم اليوم الجو حلو ماكو مطر بس كان بارد يعني الحين آنا مسكره الدرايش ولبست بجامه شتويه وهم بردانه!والله كراميلا للأسف روحتي كوفنت غاردن كانت نص فاشله هو السوق حلو بس تقريبا كله مسكر علشان الأيستر يعني ماكو الا بوتس وجم محل فاتحين بعدين اليوم كل مكان مسكر والمتاحف عليها طوابير ماتتصورين استغرب اشلون لهم خلق يوقفون طابور يمكن جدامهم 200 واحد والله لو يوزعون ذهب ماوقفت نطرت كل هالعالم! حتى هارودز مسكر بس شوفي عالحظ كان محل بليز مام في نايتس بريدج فاتح فشريت منه تالي رحنا الهايد بارك العصر وكان فيه واحد مصري من اللي عايشين بلندن في السبيكركورنر مااشعنده يتحجى عن الكويت ويطب فيهم ومادري كلامه يبط الجبد والمصريين يضحكون بس ماقصروا شباب كويتيين وسعودي كانوا يردون عليه وسكتوه!

 

[mr000]

عفيه على طاري التطعيم ياريت تقولون لي عن تطعيم جديري الماي جنتي سامعه من بنت خالتها أن مطعمه عيالها بمستشفى خاص وتقول تبي تودي بنت ولدي تطعمها ماعندكم فكره عنه يعني صج الياهل مايحوشه جديري واشلون يصخنون وايد آنا قلتلها سأليها قبل وبعدين تونا امطعمينها مال عمر السنه!

 

[ReeMaN]

ويي شهالحظ ؟؟؟؟ يعنى ماتهنيتو بالطلعه اليووم !! اخاف عشان اليوم عطله عندهم مو عشان الايستر وبعدين وبعدين وبعدين ..... شكو يطبون في الكويت يعنى ؟؟ كل هذا محترين منا قل اعوذ برب الفلق وهذي الكويت صل على النبي ديرة الخير وحريه الراي والديمقراطيه من حاصل له اللى عندنا الله يحفظ ديرتنا من عيون الحساد قولو آمين :yaaaaaarb:

 

[ReeMaN]

مروو اذا تقصدين البوشنيتر ولد اختى لما كان صغير خذا التطعيم بامريكا وكان اجباري ياخذه والحين عمره 14 سنه الله يحفظه كل اخوانه صار فيهم الا اهو بس هنى ماادري عن تطعيمهم انشالله البنات يفيدونج

 

[ReeMaN]

الا تعالوو وين فوز ؟؟؟ من زمان عنا ! احد عندها خبر وينها في ؟؟

ياربي ذيك الايام اشحلاتكم كل من يشارك بالتجمع وانا مو ملحقه عليكم بسبة جهازي والحين لما تعدل الجهاز كل من اختفى عيل لازم اسوي فتنه هنى عشان تطبون علي ............

بنات ترا العالميه كلش مو شي انا مانى مرتاحه لها شكلي بطلع ولدي وبوديه المدرسه الشيزوفينيا هههههههههههه

 

[caramella]

انا معاج ودي بهالتطعيم بس ابي اخذ راي الاغلبيه بهالتطعيم لان في ناس قالو لى ان موزين حق اليهال هالتطعيم لازم يتعود جسمه على المناعه الطبيعيه من غير االتطعيم ولا المضاد.... بالله الالتهاب شيطيبه غير المضاد؟؟؟

مشكوووره ملكة تجمعنا الشر ما ايج يالغاليه

آنا عندي مبدأ ما أحب أخلي الياهل يفحط بالمرض عشان تتكون له مناعه إذا فيه علاج إنعالجه و خلصنا
وصاجه الإلنهاب يلعب في حسبة الياهل لعب وخيرته عالمضاد نبدي مضاد من أول شي و خلاص
والله التطعيم حيل مرتاحه عليه و لازم ياخذه كل سنه ينزل بالمستوصفات مالت الحكومه شهر 10
وأنصح كل أم تعطيه عيالها اليي وايد يستمرضون لأن يقلل من إصاباتهم بالفلونزا

 

[caramella]

سلام بنات اشلونكم شخباركم سووري الليله النشره الأخباريه تاخرت عن موعدها لان المنتدى امعلق مافتح عندي! المهم اليوم الجو حلو ماكو مطر بس كان بارد يعني الحين آنا مسكره الدرايش ولبست بجامه شتويه وهم بردانه!والله كراميلا للأسف روحتي كوفنت غاردن كانت نص فاشله هو السوق حلو بس تقريبا كله مسكر علشان الأيستر يعني ماكو الا بوتس وجم محل فاتحين بعدين اليوم كل مكان مسكر والمتاحف عليها طوابير ماتتصورين استغرب اشلون لهم خلق يوقفون طابور يمكن جدامهم 200 واحد والله لو يوزعون ذهب ماوقفت نطرت كل هالعالم! حتى هارودز مسكر بس شوفي عالحظ كان محل بليز مام في نايتس بريدج فاتح فشريت منه تالي رحنا الهايد بارك العصر وكان فيه واحد مصري من اللي عايشين بلندن في السبيكركورنر مااشعنده يتحجى عن الكويت ويطب فيهم ومادري كلامه يبط الجبد والمصريين يضحكون بس ماقصروا شباب كويتيين وسعودي كانوا يردون عليه وسكتوه!

وي غميظه
أيام الكرسمس كانت لندن لوعه زحمهههههههههههههههه و المحلات مسكره و الزحمه عالأماكن السياحيه أثر هم بالإيستر جذي !!!!!!!
عمى بعينه هالمصري أهو شكو بالكويت ولا إحش لأن مو محصل له كرت زياره لووووول

 

[caramella]

عفيه على طاري التطعيم ياريت تقولون لي عن تطعيم جديري الماي جنتي سامعه من بنت خالتها أن مطعمه عيالها بمستشفى خاص وتقول تبي تودي بنت ولدي تطعمها ماعندكم فكره عنه يعني صج الياهل مايحوشه جديري واشلون يصخنون وايد آنا قلتلها سأليها قبل وبعدين تونا امطعمينها مال عمر السنه!

آنا معطيه ولدي تطعيم الجدري بإنترناشيونال كلينيك
و إنشالله ما إحوشه لأن دكتورة قالي التطعيم يعطي مناعه 99% من المرض نفس لما إحوشه الجدري و ما يرجع إصير فيه مره ثانيه
أحسن لها تفتك منه لأن الياهل إسخن و يتبهذل و غير جذي إتعلم الحبوب عالجسم ولا تروح آثارها
عاد آنا مره سألت دكتور الصحه الوقائيه ليش ما تعطون هالتطعيم روتين بالحكومه مع جدول التطعيمات
قالي إن التطعيم غالي!!!!!!! و غير جذي يعطي نفس المناعه إذا الياهل إنصاب بالجدري و المرض مو خطير إسبب عاهه
ف بما معناه
خلي اليهال إفحطون و إصير فيهم جدري ولا ندفع 15 دينار على كل إبره و بالنهايه نفس الياهل ياخذ نفس المناعه
خوش منطق

 

[caramella]

الا تعالوو وين فوز ؟؟؟ من زمان عنا ! احد عندها خبر وينها في ؟؟

ياربي ذيك الايام اشحلاتكم كل من يشارك بالتجمع وانا مو ملحقه عليكم بسبة جهازي والحين لما تعدل الجهاز كل من اختفى عيل لازم اسوي فتنه هنى عشان تطبون علي ............

بنات ترا العالميه كلش مو شي انا مانى مرتاحه لها شكلي بطلع ولدي وبوديه المدرسه الشيزوفينيا هههههههههههه

آنا فاقدتها بعد قلت اليوم إذا ما دشت بسأل عنها بعد مكانج كبير يا فوز
ريمان يوزي يالله طخينا و إفتكينا من الشيزوفرينيا
يا ربي هالبنيه خذت طبيه وفاضيه بتدور أي شي تطفرنا فيه
ريمان شنو غذاكم إليوم لووول ماكو شغل

 

[Fouz]

أنا هنااااااااااااااااااا يا امهات يا حلوات و عساكم ما تفقدون غالي يارب صج فاااااااقدتكم

ترى قمت ما أدش لاني سحبت أوراق بنتي من المدرسة و المدرسة صج مو شي الوحدة ما تصدق لما تشوف بعينها و اللي شفته شي خلاني أغير رايي بالمرة و الحين قاعدة أحوس مادري وين أوديها

ولدي بحضانة ريبورناللي بالزهراء

كاراميللا الله يهديج شنو هالحضانة ترى مو زينة كلش،، يارة بنت خالت رفيجة بنت عمتي فيها و تذمها
























لووووووووووووووووووووووووووووووووووووول لا تصدقون قاعدة أطفركم :lololoe:


ريمان بعد عمري انتي تسلمين على السؤال و الله يعلم ودي اشوفكم كل يوم بس الدوام هااالكني والله اني نايمة بالصالة و توني قاعدة من التعب،، سلامات يالغالية و ما تشوفون شر ان شاءالله

كاراميللا حبيبتي شخبارج،، هههه ما عليج مني حضانة وليدج ما عرفها بس أطفرج و تسلمين على السؤال

ملكة بيتها ، سارونة زلموكا ترى وايد عجبتني الزلموكا، مروو اللندنية ،،و باجي الخوات شخباركم ان شاءالله تكونون بخير

 

[caramella]

الله يقطع سوالفج يا فوز آنا أقول ويييي أثروا فيها ربع الشيزوفرينيا
فقدناج والله
الله يساعدج عالدوام والله يعطيج ألف عافيه

 

[Fouz]

الله يقطع سوالفج يا فوز آنا أقول ويييي أثروا فيها ربع الشيزوفرينيا
فقدناج والله
الله يساعدج عالدوام والله يعطيج ألف عافيه

عساج ما تفقدين غالي كاراميللا
شخبارج ان شاالله زينة شلونج ويا النساة عسى خفت عليج شوية و شلون وليدج رضى يروح الحضانة؟
والله الدوام هالكني فزعة من الصبح مع بنتي و ما ارد البيت الا 4 أو 5 حسب الوضع

 

[sara999]

الله يسلمج سارونا مشكوره ماقصرتي وصاجه والله وين نودي عيالنا اا مرضو بس انا ولدي لا مرض وكان مرض خفيف اخليه عند امي واروح دوامي واذا مريض حيل لا والله اغيب عشانه .... الحمدلله على سلامة سلووم كان معاه اللوز والا شنو ؟

الله يسلمج يا قلبي ...سلومي كان يعاني من اللوز واللحميه ... الحمدالله سويتهم له وحطوله تيوب في اذونه والحمدالله طحت من راس طوفه

 

[ReeMaN]

والله اثرتي فينى كارميلا بس ابي تعلومات اكثر عن التطعيم ابي احد يدزنى اشوي الى جدام ..... بس بسالكم البوسنيتر التشيكن بوكس اهو نفسه جدري الماي ؟؟

بعد شسوي كاراميلا ماتعطوني ويه الا لما ااييب سيره الشيزوفينيا

والله فوزو خبستي قلبي قلت من صجها هاللي ماعندها سالفه بتسحب اوراق بنتها عيل انا وراها بسحب اوراق ولدي خخخخخ

الف سلامات سلوووم مايشوف شر والحمدلله افتك من اللوز