سلام بنات أشلونكم شخباركم! والله أختي سارا اذا ولدج من النوع الحنان ماراح تستانسين بالسفر شوفي آنا ولدي اللي ماخذته معاي الحين مطلعلي قرون صج كبيربس هو من عمره حنان غير أخوانه ماتفتكين ألا لما تروحين مكان اللي هو يبيه ويكره السوق بس يمكن لأن ولدج صغير تقدرين تسيطرين عليه وتساحلينه بأي شي أو لعبه بس حق السوق نو وي لازم تشوفين لج حل يعني أبوه ياخذه مكان ثاني أو معاج خدامه تمسكه! اليوم بلندن زوو ماكنت بروحلها أصلا شايفينها 4 مرات بكل سفره بس قلت تغيير يحليلهم عيال الانجليز ماشفت أحد يبجي وألا يحن بس والله حلوه حق اليهال تونس والجو كان يهبل مطر خفيف بس مايضايق بالطلعه!عفيه كراميلا دزيلي عالخاص عن سوق الأحد باجر بروحله أشلون من وين! التجمع صار يوميات مسافر ألى لندن بدال تجمع العالميه!بس ميخالف آنا ماخذه أجازه من التفكير بالمدرسه لاحق عالحنه !
عادي خل أكتب لج عالعام إذا البنات ما يضايقهم :tomato2:
وناسه التجمع أونس إصير في أكشن مو كله حنه عالمدرسه ما هيك ؟؟؟؟ قلبت لبنانيه
ريمان كوايته!!!!!!!!! هذي مسبه لووول آنا ذبحيني ولا المصاروه إقولون كوايته أحس ياخذون ثارهم من كلمة مصاروه
_03BA:
نعود لمحور حديثنا :gathering:
الله يسلمج mr000 آنا ولا مرة رحت سوق الأحد بس آنا كاتبه بالنوت مالتي إنه سوق الأحد تروحين له بالاندرقراوند محطه إسمها notting hill gate أو اللي بعدها عالخط الأحمر إسمه central line أو باص 97 بجوررود ------->يعني المعلومه مو ثقه عاد الباص بأي إتجاه ما أدري عشان جذي آنا ما أحب الباصات لأن نفس رقم الباص تشوفينه على المحطه الليب الشارع الرايح و نفسه عالراد وكل واحد إودي مكان غير
الله يسلمج آنا رحت الأحد covent garden فيها بسطات إتونس إتحسين جنج بإيطاليا ما جنه بلندن
البسطات موجوده طول الأسبوع بس إصيرون أكثر يوم الأحد و فيه فناتق والله تسوى الروحه صراحه
وفيه هذيل اللي يسوون عروض ساحر و اللي يغننون و اللي يربط نفسه بحديد تالي يفجه سوالف الأجانب عرفتي بس حده المكان وناسه وغير البسطات فيه سوق مثل monsoon swaroviski gap وماركس سبنسر والربع
تروحين له بالأندرقراوند تاخذين الخط الأزرق إسمه picadelly line تنزلين محطه إسمها covent garden على طول تقطج بالسوق وأول ما تطلعين من المحطه روحي يمين تلقين البسطات جدامج وهم بعد فيه بنفس المكان transport musieum حلو راح يستانس ولدج عليه
