بتسافرين؟؟اشلون يمعتوا للسفره؟؟

[جوري الكويت]

انا ماسافرت مع زوجي ,, و ما ودي اسافر قبل ما نخلص شوي من الالتزامات اللي علينا

ما احب اسافر اسبوعين ولا شهر .. و اقعد طول السنه مفلسه

 

[مفحطه بناقه]

الله طاري السفر بس انا افسفس فليسااني شالحل

 

[زيزية سمره]

أمبيية انا بعد اموت على السفر واخواني كلهم نفسي ...فينا هوس السفر..كل سنة نسوي جمعية أنا واخواني والمقربين ودايم أخش فلوس الجمعية حق السفر.... ووقت السفر تكون الجمعية خالصة ..آخذ معاشي و معاش ريلي حق المصرف ...بس لازم يكون معاي الفيزا و الماستر حق الاحتياط ..سبحان اللة الواحد ما يدري شنو يصير لة بالسفرة...بس وااااااااااااااااااي انا هالسنة مثلج حامل و ماراح أقدر أسافر ..تخيلي امي و أبوي و اخواني كلهم راح يسافرون بس آنا... اللة يعيني...

 

[bint_looda]

ايووونس الموضوووع يخليني من الحين احس بالبراد لوول

 

[أم ضارى]

أمبيية انا بعد اموت على السفر واخواني كلهم نفسي ...فينا هوس السفر..كل سنة نسوي جمعية أنا واخواني والمقربين ودايم أخش فلوس الجمعية حق السفر.... ووقت السفر تكون الجمعية خالصة ..آخذ معاشي و معاش ريلي حق المصرف ...بس لازم يكون معاي الفيزا و الماستر حق الاحتياط ..سبحان اللة الواحد ما يدري شنو يصير لة بالسفرة...بس وااااااااااااااااااي انا هالسنة مثلج حامل و ماراح أقدر أسافر ..تخيلي امي و أبوي و اخواني كلهم راح يسافرون بس آنا... اللة يعيني...

اى والله السفر يهبللللللللللللللل فينى هوس غرامى شى اسمه سفر مع انى فينى فوبيا من الطياره بس ماتوب طول ما انا قاعده بالطياره على اعصابى
اشحقه اسافر عيل مادرى !!! شالله محدينى

وبالنسبه للحمال قاص على ريلى كله نساتى وقت الصيف علشان يفتك خخخخخخخخخخخخخخ

 

[فراولة حمرة]

ادش جمعية والخش شوي

 

[أم ضارى]

بنات قرب الصيف اشصار عليكم .... شخبار التيمع؟

والا خلاص هونتوا عقب انفلونزا الخنازير

 

[سأكسر القيود]

حيبتي احسن فكره الجمعيه تاخذينها وقت الطلب ومو مكلفتج الا حدود ةالمبلغ ولا في فوايد ولا شي
هذا برايي احلى حل

 

[د-سوسه]

خططي حق السفر سوي استقطاع انتي وريلج او دشو جمعيه واستلميها اخر وحده وخلي النهايه تكون قبل موسم السفر يعني لوصادف انها ماتخلص بالعطله لا تخلين استلامج لها بالعطله لا اجلي السفره لي السنه الي وراها عشان تكون فلوسج كاش ماتردين من السفر تدفعين اقساط ..انا اسوي جذي يكون عندنا مبلغ الجمعيه انا وياه وفوقه معاشاتنا مالت شهر السفره والبونس احطه بالبنك احتياط عشان اسحبه من هناك اذا صار اي ظرف لاسمح الله اوالمصاريف الاضافيه وبجذي تسافرين وتني مستانسه فلوسج كاش وماتستخدمين فيزا وتردين معاشج لج لان صارلنا جم سنه انرد من السفر علي طول مصاريف رمضان والعيد والتزاماته ..وسلامتج

 

[البسايل]

شهيتونى بالسفره ... حرام عليكم انا مالى امل اسافر هالسنه لانى بكون والده وهم عندنا بنيان يعنى حتى السنه الجايه ماكو سفر .... الله على ماليزيا وسفرة ماليزيا ولا فى الاحلام الله كريم واعيدها .... وطبعا عن طريق جمعيه قويه قبضت 4 الاف وشلعت متمتعنا بشكل ما تتصورونه .... الحين انا عدت الجمعيه نفسها بس لبيتى ولما تخلص اعيدها لسفره حلوه مثل ماليزيا انا مفكره باستراليا

 

[أم ضارى]

انا جمعيتى منى وفينى من جم شهر وانا شاده الحزام قاعه ايمع وماسكه روحى بالعافيه عن هالمبلغ

والله كريم عسى بس دوام ريلى مايخونون فينى ومايرضون يعطونه اجازه

 

[برونزية رشيقة]

موضوع في وقته ..


رفع


رفع


رفع

 

[ثلاثينية]

طقيتوا على الوتر الحساس
اخ يا سفر
يبه انا من الحين مطلعه الجناط وعندي استنفار لانه فيني حره ,,,, من حملت وريلي ما خلاني اسافر والحين بعد ما ولدت ولله الحمد والبيبي عمره 5 شهور يعني الامور تمام
وبالنسبه اشلون اجمع هالقروش .... وبصراحه ريلي الله يخليه لي يا رب اهو اللي يدبر هالامور وانا على احط الجناط ... وكله يقولي مسكي ايدج لانه بنسافر وبالنهايه ايدي فالته ونسافر خخخخ
والله من تقولون سفر احس اني سحت من على الغنفه وطحت لوووووووول

 

[دنيا سعوديه]

لاتنسون ان توفر لكم سياحه دينيه لمكه بيت الله الله ييسر لكم يارب سفراتكم جميعا

 

[الدلال]

هالسنه انا مع ريلي تقاسمنا مصاريف السفر

انا تحملت التذاكر واهو عليه المصرف والفندق وبعد تكاليف الفيز لوووووول

انا العاده ما حط معاه حق السفر واهو مسكين يتحمل كل التكاليف برووحه

بس هالسنه غير لاني بسافر سفرتين وبهالسفرتين ادري بنفسي راح انسى نفسي بالسووق

 

[أميرة]

حلووو ان الوحده تجمع حق السفر احسن لانج تعرفين شكثر تصرفين طبعا حسب الدولة اللي بتروووحين لهاا



بس الاحلى ان حتى زوجج يجمع ويااج


بنات ترا احنا بخير ونعمه ومن وجهة نظري تقدرين تسااافرين من غير جمعيات او قرووض>>>>>>>>>>>> يمكن لاني ماجربت الوظيفه واني اصرف على نفسي احتمال تخالفوني الراي

لكن لاءلاء لاء والف لاء للفيزااااااااااااااااا

واحلى شي انج لمن تردين يكون المعاش بينزل يعني تتحملين التفليسه جم يوم

 

[ريان 123]

رفع

 

[أم ضارى]

طارت السفره

صارتلى ظروف وماقدر اسافر يالله خيره

من اخلى حقه الغبار

 

[أم ضارى]

up up up

 

[شانييل]

أنا عندي طريقة عجيبة وسهلة لأن كل سفراتنا مو متأكدة منها قبلها بشهور, بس لما نحجز لا وندفع التذاكر أتأكد إنا بنسافر
فتكون سفرة مستعجلة
الشهر نفسة ندفع التذاكر والفندق, والشهر الياي مثلا وراه سيدة تكون السفرة فرضا 26 من الشهر إلا إحنا ما خذين معاشات هالشهر ومخلينة مصروفنا, وأطلع فيزا إحتياط لمشترواتي والظروف الطارئة لاسمح الله
وأنا عندي حساب إستقطا ممكن أستعملة لرحلات وغيره< إذا بقى فيه شي لأني مخلصة عليه أول بأول ههههههههه