مدمنة مكياج مثلي؟؟حياج.....متجدد

[milkshake]

الحين حبيت ارجع لاخطاء المكياج من كثر الهوايل اللي نشوفها هالايام في المجمعات ..

بالنسبة لي اهم شي في المكياج هو طريقة تحديد الوجه وابراز ملامحه يعني باختصار طريقة الهايلايت والشيدنج..عاد في بنات وممثلات الله يسامحهم يبالغون في هالشي ويبين انهم امخططين ويوهم تخطيط ..ياجماعة هذي فن ..ولازم مايبين الهايلايت او الشيدنق على انها خطوط بالعكس لازم يتدمج مع البشرة عدل عشان مايبين شي..باعططيكم أمثلة والطريقة الصح..

لازم تكون عندج المنتجات اللازمة لتحديد ملامح الوجه : أمثلة :

وايد ماركات الحين تبيه هايلايتر وشيدينج..مثال من ماركة ستيلا واسمه contouring trio



ومب لازم تشترين منتجات مخصصة للكونتور..يعني مثلا انا استخدم بلاشر مات مطفي لونه بني على بيج وايد درجته رهيبة من عند الهنود ماركة فلورمار واستخدمه للشيدنق ويبين وايد طبيعي..وللهايلايت ممكن اي شدو صدفي عندج يفي بالغرض..مب لازم اتخسرين ..

contouring brush تلاقينها عند اغلب الماركات ويكون شكلها جذي..




وهذي صورة للوجه اتبين المناطق اللي لازم نسويها هايلايت والمناطق اللي لازم انسويلها شيدينق,,



انزين شلون نبتدي ..اول خطوة عقب ماتخلصين من الفاونديشن والبودرة وكل شي وقبل البلاشر ,,سوي الحركة هذي بويهج..



هذي الحركة بتبينلج الخط اللي لازم اتحطين الشيدينج عليه وبالفرشاة المناسبة (سويه على شكل خط بالضبط على الخط اللي بيبينلج بالحركة هذي لا فوق ولا تحت ..) وحركي الفرشاة اكثر من مرة عشان يندمج اللون عدل ..





بتكون هذي اهي النتيجة ..




وبعدين ضحكي وحطي البلاشر اللي تبينه على تفاحة الخد ..ومزجي بين البلاشر وبين الشيدينق اللي حطيتيه على خدج ومايبين ان هناك فاصل ..وبيكون هذا شكلج ..شوفو شلون شكل الخدود طبيعي ومحدد وحلو ..







يتبع..

 

[» мǿōŋ Łıģђŧ «]

tslmeeeeeeeeeeeeeeeen yaa 3ssssl

 

[milkshake]

شوفو الاخطاء..

اهني مكياج حليمة كلش مو مضبوط ويبين الخط واضح عند خشمها..وبغالها شيدنج لخدودها عشان يكتمل اللوك..



واهني بعد الخطأ واضح ...مأسااااااااااااااااااااة



جوفو اهني جينيفر لوبيز..مافي مكياج وايد ومعتمدة وايد على الهايلايت والشيدنج..لكنها روووعة ..

 

[العصيمية]

اي والله الميكب فن ..,
حلو الطريقه يعطيج الف عافيه ملوك

 

[أسيرة_أحزاني]

شنو يعني ( الهايلايت والشيدنج )

سوري حبيبتي بس انا توني بديت اتعلم على الميكب ممكن تفسرين لي هالكلمتين :>

 

[أسيرة_أحزاني]

وبغيت اسأل حبيبتي

شكثر اشوف البنات يحطون تحت عيونهم وتقريبا نص الخد لمعه بيضه

بس مو لمعه الي خبرج شكلها مؤرف

لا لمعه شكلها وايد حلووو تعطي اضاءه شي جذي

مادري شنو هذا اذا عندج خبره تفيديني وتقولين لي شسمها وشلون تنحط واسفه على الاطاله

 

[milkshake]

tslmeeeeeeeeeeeeeeeen yaa 3ssssl

حياج الله ياقلبي..

اي والله الميكب فن ..,
حلو الطريقه يعطيج الف عافيه ملوك

الله يعافيج ياقلبي

شنو يعني ( الهايلايت والشيدنج )

سوري حبيبتي بس انا توني بديت اتعلم على الميكب ممكن تفسرين لي هالكلمتين :>

وبغيت اسأل حبيبتي

شكثر اشوف البنات يحطون تحت عيونهم وتقريبا نص الخد لمعه بيضه

بس مو لمعه الي خبرج شكلها مؤرف

لا لمعه شكلها وايد حلووو تعطي اضاءه شي جذي

مادري شنو هذا اذا عندج خبره تفيديني وتقولين لي شسمها وشلون تنحط واسفه على الاطاله

هلا حبيبتي..
الشيدنق يعني تظليل الوجه او تغميج مناطق معينة ..لابراز ملامح الوجه ولاخفاء العيوب..يعني في صالونات اتمكيج للاسف الويه يطلع بدون ملامح كنه طحين مايبين طبيعي فيه تظليل ولا شي..وبعضهم ايضللون بطريقة خاطئة مثل الصور اللي حطيتها فوق..
الهايلايت يعني اضاءة مناطق معينة من الوجه..لابراز الملامح وتسليط الضوء على مناطق معينة (شوفي الصورة اللي حاطتها فوق) مثال عظمة الحاجب..
والعملية هذي كلها (الشيدينق والهايلايت ايسمونها كونتور) يعني تحديد الوجه ..وبالنسبة لي هذا اللي يحلي المكياج ..قارني الصور اللي فوق وانتي اتعرفين الفرق..
وبالنسبة للمعة اللي تكلمتي عنها..هذي ماتنحط على منتصف الخد المفروض تنحط على أعلى الخد الى جانب العين من فوق وبطريقة خفيفة ..تكلمت عن هالشي في الصفحات السابقة والبنات بعد ماقصرو في مواضيعهم..والطريقة انج عقب ماتخلصين الشيدينق والبلاشر تاخذين الهايلايتر وتحطين منه شوي يسواء بصبعج او بالفرشاة شوي على عظمة الخد او المنطقة اللي حددتها قبل شوي..
انا حطيت امثلة وايد في موضوعي من قبل بس معلي بارد احطلج امثلة الحين..عند الـ msf من ماك وعادة ينباع ليميتد ادشن..وعندج الشدو المخملي اللي من الهنود حلو بس حطي كمية بسيطة..عندج من ماركة نارس اضاءة وايد حلوة نسيت اسمها الحين بس لما تروحين ستاندهم بتشوفينه مع الشدوات ولونه سلفر على ابيض..ووايد ماركات الحين عندهم حتى كاراجا وغيرها..

 

[HASB_83]

ملووكه بعد قلبي عيونج سالمه

موضوع الشيدينق عجييييب

 

[milkshake]

من ذوقج حبيبتي..
تعالي..مالج يية البحرين ؟؟

 

[ريماااني]

ميلك شيك الموضوع عجيب
و استفدت منه وايد
و بخصوص هايلات ستيلا ترا عجيب
انا استخدمه دايما و ما استغني عنه

 

[milkshake]

من ذوقج ياقلبي..
انا دايما اشوفه بس ماقط جربته ..شجعتيني اشتريه..
ريماني انتي شنو الفاونديشن اللي تستخدمينه ؟؟

 

[ريماااني]

احسن شي جربته ماك و اخلطه مع كفر ديرم للحفلات
و احلى فاونديشن من ماك الفاونديشن الجديد من كولكشن ويل ديفايند
و كانيبو سنساي حلو
و بن ناي كيك فاونديشن بعد حلو
و الماجيك وند من توفيسد بعد حلو
حتى سماش بوكس بعد
وايد الصراحه

 

[أسيرة_أحزاني]

تسلمين حبيبتي على الرد الله يوفقج

 

[milkshake]

احسن شي جربته ماك و اخلطه مع كفر ديرم للحفلات
و احلى فاونديشن من ماك الفاونديشن الجديد من كولكشن ويل ديفايند
و كانيبو سنساي حلو
و بن ناي كيك فاونديشن بعد حلو
و الماجيك وند من توفيسد بعد حلو
حتى سماش بوكس بعد
وايد الصراحه

خاطري اجرب فاونديشن ماك اليديد ..
شلون تغطيته حبيبتي زينة ولا لاء؟؟ لان بشرتي ما شالله مليانة آثار ..

تسلمين حبيبتي على الرد الله يوفقج

حياج الله حبيبتي ..

 

[«قطـــر موطــني»]

يعطيج العافيه عزيزتي

بس تصدقين مايناسبني اي مكيااج لانه ملاحمي نااااعمه وايد وويهي صغير

يعني مااحط الا مكيااج ناعم وساعات مايبين كلش

فشنو المكيااج الي ينااسبني

 

[شيختكن]

يسلموعلى الموضوع الحلو:nbptr:

 

[مهندسة مكياج]

ايننون يا ملك شيك

 

[SeDuCTive]

شلونكم بنات.. ولهت على ميلك شيك وموضوعها فديتها..
ومستمتعه وانا اقرى الصفحات

 

[SeDuCTive]

ملوووكه عجبني هالبلش وبنفس الوقت برونزر من ديور بينزلونه بكوليكشن صيف 2009..
شرايكم فيه بنات؟

 

[milkshake]

يعطيج العافيه عزيزتي

بس تصدقين مايناسبني اي مكيااج لانه ملاحمي نااااعمه وايد وويهي صغير

يعني مااحط الا مكيااج ناعم وساعات مايبين كلش

فشنو المكيااج الي ينااسبني

الله يعافيج ياقلبي..
اكيد المكياج الناعم اهو الانسب لج لان ملامحج نعومة..
يمكن مايبين لان الالوان وايد خفيفة او فاتحة او ماتحددين عيونج ..
حاولي اتغمجين اشوي في الالوان وركزي على البلاشر ..الالوان الهادية احس حلوة عليج ..يمكن الماركات اللي تستخدمينها الوانها تبهت بسرعة ..
اما العين فهذي امثلة لمكياجات نعومة احس ممكن تناسبج ..لاحظي شلون العين ...يعني حتى اذا ماتبين ترسمينها بالكحل فممكن تححدينها بالشدو ..واذا تبين تستخدمين الكحل فلا تخافين بيطلع وايد حلو عليج اذا عرفتي الحطة اللي تناسبج ..وممكن تركبين رموش واتزيدين الماسكرا عشان تبرزين عينج ...
شنو الماركات اللي تستخدمينها وشنو طريقتج في حطت المكياج ؟؟

يسلموعلى الموضوع الحلو:nbptr:

حياج الله ياقلبي ..

ايننون يا ملك شيك

من ذوقج الغالية..

شلونكم بنات.. ولهت على ميلك شيك وموضوعها فديتها..
ومستمتعه وانا اقرى الصفحات

ملوووكه عجبني هالبلش وبنفس الوقت برونزر من ديور بينزلونه بكوليكشن صيف 2009..
شرايكم فيه بنات؟

انا بعد ولهت عليج وعلى مشاركاتج الروعة ..
واي بلاشر ديور يهبللللللل شكله راقي حده ...