رد: قولوا لنا قصص الخطاااب العاهات والتحفة واللى ماانولد منه غير واحد...
كندوش
لوووووووول يمدحونه الغبار اللي عندكم ,, يبيلنا جم غرشه وبيعهم بالمول تاجراتنا مو احسن منج
اخيييه كسرتي خاطري ,, بس لو تسلفيني المخمه اكو بقه ميننتني وااااااااي من مساع تحوس مادري شسوي فيها
ناويه تعضني الشريييره ,, اذبحتي حرب البسوس معاها اففف
الحين بقولكم اخر عاهه ياني ,,
طبعا اول شي خالته يايه معاهم وطلعت خطابه
ومو اي خطابه من ربعنا ملوت اول ,, انا نازله بحجابي عبالي الولد معاهم بدش طلع لا مخلينه بالسياره وعليا عشان يعاينون الضحيه هههههههههههه
وتخزني تخزني جان تقول هااا وشعرها ليه ويين ؟؟ عسا ناعم ههههه
امي ويهها @@ ويدتي @@ وانا قامته الضحكه قصب جني ماروكو لما تضحك من داخل عرفتوا الشعوور ؟؟؟
امي قالتي صعدي فصخيه وتعالي ,, نزلت عجبتهم العينه تفحصنوني عدل مدددل الشعر الويه الجسم الطول كل شي تمام
دقت على ولدها وانا صعدت البس حجابي ,, طبعا الدريشه اللي فوق عليها رادار فطوم اختي تجيك عالمعرس واختي الثانيه عالدري تسمع حجي الحريم ههههههههههههههههههه
وانا فوق طليت من الدريشه والا اشوفه ينزل بادب ويعدل النسفه ,, ويرد يفلها ويعدلها ,, لا لا ويرد ينفسها مثل اول وحده ههههههههههههه
ويجيك على الدشداشه هههه
دش قعد وانا بنزل من الدري ,, حاستني فصله مو طبيعيه والله ضحكت ضححححححححك مادري لييش
بس اضحك وامي وافقه تناديني وتشوف الحريم تقولهم مستحيه وانا اضحك ودموع وصوتي وصل تحت صج هيلقيه امبييه
نزلت بعد طول عناء والا قاعد بين امه ويدته توني يايه بقعد ,, جان يقولي شلوونج فلانه ونقز من كرسيه ههههههههه
اتوقع لوما يدتي وامي جان قعد بحظني ويتبوسم وانا اشوف نص ويهها على مغوش ,,, مو مستوعبه من هول الصدمه
الصدمه الثانيه ,, تعرفون لما يصير ماكو حجي وهدوء مليق ,, اخته بتكسر الجو جان تقول يالله روحوا هناك عشان تاخذون راحتكم مع بعض وانا اخز امي لاااا عفياااااا ,, للحين فيني بقايا ضحك هههههههه
المهم رحنا الدوانيه (مفتوحه عالصاله) واخته معانا تكسر الجو على قولتها ,, جان تقول الله انا اسال ههههههههه والله هالعايله فاااااااصله ما مر على جذي
تقوله شسمك ؟
اهو : فلان
جم عمرك ؟
22
وين تشتغل ؟
اليوم طلع تعيني
اهيا : انا مو قتلك لا تقدم هني شفيك انت
اهو : لا زين زين خوش مكان وقعدوا يتناجرون
لا وصار طق ومدازز ههههه
وانا ويهي ؟؟؟ّ!!!!!!!@@@@@#$%^&&*)&*%$$#%%$^*&*$@َ@! كل علامات التعجب والا الاستفهام
جان يقولي عطشان ابي ماي ,, رحت يبتله ماي وعصير من المطبخ طبعا وانا طالعه والحريم بالصاله يطالعوني ومايدرون شالسالفه
هههههههههههههههههههه
يبتله جان يقولي زين اشوه تعرفين يشيلين صينيه ,, ضمنت مستقبلي
سالي عن الطبخ ما الطبخ واختا قالتلي قصتها مع ريلها ,, المهم جان تقولي ابي الحمام تكرمون دليتها
الحين بس انا وياه @@@@ تراااااااااااااااااااااااااااااااااااا << موسيقى تصويريه
جان يقولي اي وبعد !! قتله ,, ما قتله هزيت راسي بس هههه يعني ماكو شي ,, طبعا قاعده انا والقوطي واحد طرمه الحمدلله والشكر بس اتبوسم
جان يضحك فجاه ويقولي شفتي اللي طق بوش بالجوتي ؟؟
وانا هااااااااااااااااااااااااااااااا ؟؟!!!@@@##$%^%^*)*&*&%#$#!!!@#^^&*)
اولا ما كنت ادري شالسالفه وبعدين بوش شكو بخطبتي ؟؟ اخاف اهو اللي بيشهد على زواجي ؟؟؟
ويقولي السالفه واهو ميت من الضحك ويحذف الجوتي جذي وينزل راسه جذي ويمثل مادري شسوي
خلاني ضحكت ضحححححححححك واااي صج فصلت ذاك اليوم ,,
اخر شي امه قالتله يالله يمه نمشي ؟؟ طبعا اهيا واقفه عند الباب ,, جان يقولي لااااا بنمشي حساافه
هههههههههههههههههههههه
كان تحفففففففففففففففه ,, ورفضته لان حسيته مو تكانه يعني حلاته اول ما ايي اتكن شوي ,, وعقب الزواج يفصل على كيفه لاني احب الناس الفاصله
وتوته توته خلصت الحتوته
