((اطلب مسج وانا تحت امرك))

[جنون زوجي]

يعطيك الف عافيه على موضوعك الحلو وماقصر شاعرنا لبى طلباتنا وان شاء الله يلبي طلب حقي
والف مبروك على تثبيت الموضوع
ابي رساله عن زوجي مايبين لي حبه ولا مشاعر ودي احسس اني متضايقه من كتمانه لي بليز والله محتاجته ضررررررروري انا بنتظارك_03BA: ​

واسم زوجي سوسو:68_asmilies-com:

 

[رضاب]

فكرتج رهيبه ماشاء الله

 

[انتي كويتيه ارفعي راسج]

روعــــــــــــــــــــــــــــه

يعطيج العفايه


ابي مسج لزوجي اسمه سعد بدوام له 3 ايام بالبر شغله

ابي مسج حلووو فيه يعطيك العافيه ومنها الشيء

عساكم على القوه

 

[syda-ml38a]

ماشالله موضوع راااائع .. وفكرته حلووه
يعطيييج العافيه اختي .. وعساااه على القوه الشااعر

 

[تعبت اشتاق]

يعطيك الف عافيه على موضوعك الحلو وماقصر شاعرنا لبى طلباتنا وان شاء الله يلبي طلب حقي
والف مبروك على تثبيت الموضوع
ابي رساله عن زوجي مايبين لي حبه ولا مشاعر ودي احسس اني متضايقه من كتمانه لي بليز والله محتاجته ضررررررروري انا بنتظارك_03ba: ​

واسم زوجي سوسو:68_asmilies-com:

هلافيك اختي الشاعر لبى طلبك

ليه المشاعر داخلك طي كتمان
والشوق في داخل عيونك مخبيه

احتاج تحكي عن شعورك والاحزان
تكفى تراني ضايقه حيل وابغيه


ودي وتقديري

 

[تعبت اشتاق]

فكرتج رهيبه ماشاء الله

تسلمين والله

 

[تعبت اشتاق]

روعــــــــــــــــــــــــــــه

يعطيج العفايه


ابي مسج لزوجي اسمه سعد بدوام له 3 ايام بالبر شغله

ابي مسج حلووو فيه يعطيك العافيه ومنها الشيء

عساكم على القوه

وحشتني يانور عييني وروحي
ماغبت عني داخل الروح موجود

هذاالمسج باشواق قلبي يبوحي
ويحفظك منهو للمخاليق معبود

ودي وتقديري

 

[تعبت اشتاق]

ماشالله موضوع راااائع .. وفكرته حلووه
يعطيييج العافيه اختي .. وعساااه على القوه الشااعر

تسلمين والله اختي يعافيك ربي

 

[بنت الهيلا الروقيه]

تعبت اشتاق

مشكوووووووره ياعمري ع الشعر وصح لسانك

 

[تعبت اشتاق]

تعبت اشتاق

مشكوووووووره ياعمري ع الشعر وصح لسانك

العفوووو ماسوينا شي

 

[جنون زوجي]

هلافيك اختي الشاعر لبى طلبك

ليه المشاعر داخلك طي كتمان
والشوق في داخل عيونك مخبيه

احتاج تحكي عن شعورك والاحزان
تكفى تراني ضايقه حيل وابغيه


ودي وتقديري
يعطيك الف عاااااافيه ماقصرتي يالغاليه

 

[جنون زوجي]

حبيبتي اسفه على الازعاج بس هذي قريبه لي تبغى لزوجه
وزوجه مقصر معه ولا يراعي لظروفه ومشاعره يعني هو دوامه فترتيين وهي ماغير جالسه بالبيت واذا رجع للغداء ولا عشاء يعني مفرغ روحه كل لشغل وياليت حبيبتي تساعدني بقصيده تنسب لظروف والحين غلطان عليه ووهجره بيت اهله يقول اجلسي اسبوعين وهي محتره تقول مو على كيفه متى مابغى يجي يمي بليز اسعفينا ويسلمووووووو

 

[تعبت اشتاق]

حبيبتي اسفه على الازعاج بس هذي قريبه لي تبغى لزوجه
وزوجه مقصر معه ولا يراعي لظروفه ومشاعره يعني هو دوامه فترتيين وهي ماغير جالسه بالبيت واذا رجع للغداء ولا عشاء يعني مفرغ روحه كل لشغل وياليت حبيبتي تساعدني بقصيده تنسب لظروف والحين غلطان عليه ووهجره بيت اهله يقول اجلسي اسبوعين وهي محتره تقول مو على كيفه متى مابغى يجي يمي بليز اسعفينا ويسلمووووووو

هلافيك اختي الشاعر قرا قصتها وكتب الابيات هذي واتمنى تعجبك

هذي قصيده كتبت ابياتها بدمعي
وارسلتها لك وجمر الشوق يكويني

ياما تحملت لاجلك دون تدريبي
واقول بكره يزين وتهتني عيني

غلاك عندي يساوي كل هالدنيا
وانت طعونك تزيد وتنغرس فيني

ترا الجفا يقتل الاحساس في قلبي
وانا سنين الشقا دلت عناويني


ودي وتقديري

 

[^^ بنــOLــوتــCOــة ^^]

تسلمين عالموضوع الروعة يستاهل التثبيت

أبي مسج عيد ميلاد بليز ...

 

[Ms.Roon]

ابي مسج عتاب ومدح
باسم مريم لي عبدالعزيز

 

[دمعة يراع]

ماقصر شاعرنا ... وانتي ماقصرتي حبيبتي << ان شاءالله نكتب لج بالافراح

 

[**نبض المحبه**]

هلا وغلا من جد موضوع روعة
بس بغيت مسج صغير ((متشره على ناس مادقوا علي عشان يسألون عن بنتي وانا ماقد قصرت معاهم :0bee2e8d89:

 

[تعبت اشتاق]

تسلمين عالموضوع الروعة يستاهل التثبيت

أبي مسج عيد ميلاد بليز ...

اختي عيد ميلاد رجل او امراه عشان اقدر ابين هالشي للشاعر

بنتظارك

 

[تعبت اشتاق]

ابي مسج عتاب ومدح
باسم مريم لي عبدالعزيز

ابشري اختي هذا اللي طلبيته لباه الشاعر

عبدالعزيز القلب يحتاج لك موت
ودي تقرب زود يانور عيني

انت الغلا والشوق لولو وياقوت
والذكريات اللي تنادي حنيني


كل الود والتقدير

 

[تعبت اشتاق]

هلا وغلا من جد موضوع روعة
بس بغيت مسج صغير ((متشره على ناس مادقوا علي عشان يسألون عن بنتي وانا ماقد قصرت معاهم :0bee2e8d89:

هلافيك الشاعر لبى طلبك

ليه الجفاء ياناس وش هالقطاعه
دقوا علينا اتحمدوا بالسلامه

ماهوب حق الوصل زاد انقطاعه
وانتم غلاكم باقي له علامه


كل الود والتقدير