إللي تعرف معلومات عن السلحفاة البرية تساعدني

[ريحانة_14]

السلام عليكم بنات شلونكم وشلون حيواناتكم

بنتي ذبحتني تي سلحفاة وأنا ماشريتلها .. فقام عمي الله يحفظه وشرالها سلحفاة برية

وبصراحه ماني عارفه شنو أسويلها وشلون أعتني فيها .. هل أعطيها ماي كل يوم والا أخليه يمها ؟؟

والا أحطلها طشت فيه رمل أخليها تتمرغد بالرمل ؟؟

وعمي كان حاطلها شوية خس .. مادري شنو تاكل غير الخس .. اليوم طليت بالثلاجه خستها خاست فقيرة

لقيت خيار .. حطيته لها .. وطبعا بنتي كل شوي تعطيها بسكوت وتغطسها بالعصير تقول علشان تشرب عصير

فقيرة وينها وين العصير .. لا وريولها بعد دبببببببببقه

وذاك اليوم بنتي الله يسلمكم حاطه على ظهر السلحفاة الطين اللاصق ولازقتها من ظهرها بالطوفه

والسلحفاة تعافر فقيرة تبي تنزل

ما أدري شلون أعتني فيها كاسرة خاطري

ساعدوني ماعليكم أمر إللي تعرف

 

[دلوووولة]

السلام فى اكل خاص للسلاحف عند محلات السمك الزينة وبعدين علمى بنتج تكون حنونة على هالمسكينة واذا اهى سلاحفة برية ماتحتاج تشرب ماى ابرشى لها خيار وجزر راح تاخذ الماى منة وسلامتج

 

[ريانه الخالدي]

حرام عليج بنتج بتموتهاااا

 

[ريحانة_14]

الله يعطيكم العافيه على الردود يابنات

بنتي تحبها وايد .. ومن محبتها لها هذا يعني قاعده تلعب معاها

بس علمتها وماقصرت بنيتي .. إعتذرت حق السلحفاة ولونت لها ظهرها .. عربون محبه لووووووووووول

ومشكورين مره ثانيه ياقليباتي

 

[Dare to challenge]

الله يخلي لج بنتج

انا كان عندي سلحفاتينين بريه

الاكل

خيار و خس وخضره وملفوف ابيض وجزر مبشور

وانا كنت حاطه تراب لها وغاطسه باديه فيها ماي علشان السلحفات ما تقدر ترفع راسه علشان تشرب من الباديه

ونفس إلى قلتلج عليه شفته بحديقت الحيوان

حاطين باديتين فيها خضره إلى قلت لج عنها وباديه فيها ماي

ومغطسه بالتراب علشان تصير بمستوى السلحفات

والله يخلي بنتج وسلحفاتها

 

[xXBountyXx]

حبيبتي بنتج جم عمرها؟؟


لازم تهتمين فالسلحفاة

وتعلمين بنتج تهتم فيها بالطريقه الصحيحه

مو تغطسها بالعصير ومادري شنو!!

ماعليه نعلم البنت اشوي اشوي اشلون تعتني بالسلحفاة


راح أعطيج رابط لموضوعي عن السلاحف البريه

واااايد راح يفيدج


بس ضروووووري

تفهمين بنتج

لأنه هالحيوان برقيتج ترى

يا نهتم فيه صح أو حرام نغربله معانا


تفضلي الرابط

http://www.q8yat.net/showthread.php?t=290767



تقبلي مروري
xXBountyXx

 

[xXBountyXx]

لا وريولها بعد دبببببببببقه

أخذي فوطه فيها ماي دافي ومسحي فيها السلحفاة

نظفيها

كل ما حسيتيها وصخه سواء ريولها أو صدفتها تقدرين تنظفيها بهالطريقه



تقبلي مروري
xXBountyXx

 

[hanona]

عااد انا صارلي يومين احن على امي ابي اشتري سلحفاة وابيها تكون بريه ووعدتني انهاا راح اتيبها بس والله فدتوني مشكوورين

 

[هجورة (:]

لوووووووول حرآآم
احنا كنا ماخذين كرتون عوود مال بطاط وحاطين فيه تراب وماشاء الله عليها سلحفاتنا كانت تهبده وتزرق براا لووول
حتى مرة اخوي مااشي ولا يشوتها بالغلط واهي المسكينة طآآآآآرت بعييد وانقلبت لووووووول والله كسرت خااطري