تعالوا قولولي شنو اسوي ...

[q8nina]

السلام عليكم

رحت امس عند عيادة حياة كلينك اول مره استقبلتني الدكتورة نهلة موسى والله حبوبه مبين عليها .. وكان عندي تحاليل
من كم شهر مسويتهم عند الدكتورة ماجده ..

وانا وزوجي رايحين لفوزية القطان نبي نسوي الحقن المجهري .. لان لنا الحين متزوجين 3 سنوات و7 اشهر ..
ولا مره كتب لي الله اني احمل الحمدلله على كل حال ..

شافت اوراقي واقالت مافيكم شي وحرام اذا جايين ونيتكم الحقن ..اللى قالته الدكتورة نهله لان ماشفت الدكتورة فوزيه لازم ثاني مراجعه ادخل عليها

وعادت تحليل الهرمونات ..
قالت مشكلتي حيل بسيطه هرمون حليب مرتفع شوي ..
وزوجي بطئ الحيوانات المنويه شوي بمعدل 50% يعني اقل نسبة بالطبيعي

قالت بسويلج تلقيح صناعي على الشهر الجاي .. مع العلم اني مسويته شهر 11 عند ماجده وما الله كتب لي
وصراحه حالمره رايحين لفوزيه معانا 1500 للحقن المجهري .. وجنها غيرت راي زوجي بالتلقيح الصناعي

بنات انا اخاف اجرب التلقيح الصناعي وتطير الفلوس انتو فاهميني اكيد ولا راح يقعد شي للحقن المجهري وتعالي نطري جم شهر علشان نكملهم او علشان ارتاح من التلقيح
والحمدلله تبويضي واشعة الصبغه كل شي زين الحمدلله ..

وقالت هم بتسوي لي منظار لاني ما سويته .. وانا خايفه منه ..


اللى بسألكم لو انكم مكاني ورايحين للحقن المجهري وقالت هذا الكلام شنو بتسوين اللى انتي تبيه
او تتركينها تسوي تلقيح صناعي مرة ومرتيين وبعدين الحقن ..

ابي رايكم

وعلى فكرة مراجعتي اليايه يوم الاثنين الجاي اللى فيه بشوف الدكتورة فوزيه القطان .. يمكن لها كلام ثاني

 

[كبْرٍيآء]

استخيري

واقري سوره البقره قبل العمليه وبعد العمليه

والله يرزقج احلى توأم يارب

 

[شاي اخضر]

استخريني نصيحه اول شي الاستخاااره .... ثاني شي انا اقول لو تسوين حقن مجهري احسن من التلقيح الصناعي .. لان سبحان الله يمكن تكون في شغلات مومبينه وينفع معها الحقن .. التلقيح يبيلج تعيدينه اكثر من مره عشان ترتفع ىنسبة النجاح... والله يرزقج ويوفقج للصواب ان شاء الله

 

[المهذبه]

أستخيري

 

[سندريللا بطه]

اختي الصراحه احسن لج تسوين حقن مجهري لان نسبه نجاحه اكبر من التلقيح بس بالنسبه لحالتج اعتقد مشكلتج بسيطه وما يحتاج حقن ولا تلقيح بس اذا انتي مقرره العمليه اتكلي على الله وسوي حقن مجهري والله يفرح قلبج ويرزقج بالذريه الصالحه المعافاه
نصيحه لا تسوين منظار لاني سمعت انه يسوي التصاقات بالانابيب اذا تبي تشيك على الانابيب سوي اشعه الصبغه افضل لج

 

[Nokia N95]

وعليكم السلام

مثل ما قالوا البنات
استخيري احسن ...
وليش ما تعالجين هرمون الحليب بالاول ؟
وتخلين زوجج ياخذ فيتامينات ومقويات لحد ماتخلصين فترة علاج هرمون الحليب
واذا لا قدر الله ما حملتي خلال هالفترة
ابتدي الخطوة الثانية ...

اما تلقيح صناعي او حقن مجهري
وعسى ربي يرزقج الذرية الصالحة البارة يارب

 

[miss_uk]

حبيبتي انا ياما نصحت البنات

حتى لو كانت ما عندج مشكلة بس ما حملتي لا تستمرين على سلسلة التجارب
افهمج

بالطب بالعالم كلة مو بس بالكويت في طابور فحوصات وآخر الطابور اهو الحقن المجهري والأنابيب
الطبيب لازم يقولج سوي اول شي فحوصات بعدين منظار وبعدين كذا كذا لين المنشطات والحقن الصناعي لين آخر شيء اللي اهو المجهري او الانابيب.

انا بالنسبة لي وصلت لين التنشيط و كانت طايفة على سنة من البداية.... اهني قررت لا منظار ولا خرابيط بفضل الله سويت الأنابيب وحملت من اول محاوله الحمدالله ....

نصــــــــــــــــــــــــيحة انسي المنظار اللحين دام في حل ثاني

انا كل دكتور بالكويت نصحتي فيها لكن الله يخليلي ريلي ما كان مقتنع لين سافرنا عند بروفيسور معروف انصدم اني احن علية يسويها قال هذي لها آثار جانبية ممكن نتفاداها بالانابيب مع انة تكلفة العملية هناك اغلى .

طولت عليج بس ان شاء الله افدتكم

 

[ايمانو حلوة]

اول شي سوي المنظار واااااااااااااااااااااااااايد مفيد وشوفون الرحم بالكامل وعالجون اذا في مشكلة وثاني شي بخصوص هرمون الحليب بسيييطة في حبوب اسمها دوناستكس اخذيهم من الصيدلية انزلون نسبة الهرمون وثاني شي بخصوص زوجج يعطونه فيتامينات اتقوي عنده الحركة وبعدها خلي كلشي طبيعي لمدة 3 شهور اذا ماصار حمل سوي التلقيح الصناعي
والله يرزقج انشالله

 

[الريشة]

وعليكم السلام

مثل ما قالوا البنات
استخيري احسن ...
وليش ما تعالجين هرمون الحليب بالاول ؟
وتخلين زوجج ياخذ فيتامينات ومقويات لحد ماتخلصين فترة علاج هرمون الحليب
واذا لا قدر الله ما حملتي خلال هالفترة
ابتدي الخطوة الثانية ...

اما تلقيح صناعي او حقن مجهري
وعسى ربي يرزقج الذرية الصالحة البارة يارب

انا معاها
عالجي الهرمون أول بالحبوب اللي يكتب لك اياها الطبيب
و زوجك خل ياكل عسل، يروح عند عسل المرشد