اشرايكم بهالظاهره بعياده النساء والولاده؟؟مع او ضد؟؟ دعوه للمناقشه

[Hello_kitty]

بالعكس مافيها شيء اذا الزوج يكون مع زوجته بالعياده بس يقعد في مكان انتظار الرجال..واذا مافي مكان خاص للرجال بعد لاحول ولا قوة إلا بالله يقعد مع مرته..وبعدين ممكن تكون الدكتوره نفسها طالبه الزوج يحضر مع مرته اذا كانوا يتعالجون عشان تسأله عن شغلات خاصه وموشرط تكون حامل أهم شي تكون الوحده ماخذه موعد عشان ماتطول بالعيادة..

حبيبتي احترم رايج ووجه نظرررررررج

مشكووووووره على مشاااااركتج

 

[Hello_kitty]

اتفق معاج بكل كلمه قلتيها

مشكووووووره على مشاركتج

 

[ناتشوو]

هلوكيتي
فعلا المفروض في مكان لانتظار الازواج
وموحلوة نطرتهم معانا
وحتى لوضروري دخلته للسونار او غيره
عادي تدق عليه الزوجة لي وصل موعدها
والمفروض الزوج يحس بدون لا احد يقول له
علشان الحريم ياخذون راحتهم

 

[Samora]

والله انا اشوف انها ما فيها شي بالعكس .....

 

[غلاي غير]

اختي مثل ماقلتي الانتظار يطول على ما يجي دورج وما اعتقد تحبين تقعدين بروحج اذا انتي عندج امج او اختج تقعد معاج غيرج ما عنده فانا اشوف عادي ينطر معاي ليما يجي الدور ونخلص وخلاص من ناحيتي اعرف متى دوري واقعد بمكان بعيد انا وزوجي وكل شوي اروح اسال السستر كم يبيله دوري والي تبي مكان تجي مبجر وتحجز والله يعينج على زحمة العيادات الحمد الله ماعمري جربتها كله بالمستشفيات

 

[tolin]

الحمدلله الظاهرة هذي مو عندنا بالسعودية لأن انتظار النساء منفصل عن انتظار الرجال وبعدين الغلط من المستشفى ليه مايفصل انتظار الرجال عن النساء عشان الحريم يااخذون راحتهم :gathering:..الله يعينكم صج احراج

 

[رفرف]

والله انا تمنى ايي معاي ( مو حاصلها )

خل ايي ويشوف السونار اصلا شوفة السونار وناسة احس يصير ارتباط بينه وبين البيبي ويحن عليه ..
انا أأيد وجود الريال من اول مرحلة بتحليل الحمل ليييي غرفة الولادة يكون موجود لما يستلم الياهل وايأذن باذونه ..


وماشوف انه يضايق الحريم !!
لو داش محل قمصان نوم اقولج الحريم بيطالعون ويتشرون مو عدله ..
بس هني الحريم قاعدين وهو قاعد بامانة الله ماله شغل فيهم نفس لما تروحين المستوصف عادي ما يكون في رياييل ؟؟
لما تودين عيالج عيادة اطفال ما يكون في رياييل ؟؟
انتي بكل الحالات قاعدة مالج شغل فيهم ..
والتحليل عاااااادي اي طبيب يعطي تحاليل مو بس دكتورة النسا والولادة
عيل شرايج بمستشفى الاحمدي نقعد كلنا عند المختبر وينادون بالدور واللي ينادونها اتيي تستلم قلاصها جدام العالم خخخ تالي تروح تعطيهم المقسوم سواء كانت محولة من دكتورة النسا او غيرها كل التحاليل تنوخذ من مكان واحد عادي ..
يعني شتسوين الوضع جذيه بعيادات النسا وغيرها ..
والسستر شكو تسألج جدام الله وخلقه اذا عليج الدورة والا حامل واخر دورة !! تسألج بروحج هاذي خصوصية ..
والزقاير ما أأيدها باماكن عامة اصلا فأكيد يضايقني هشي ..
بس وجود الريال نفسه عااااادي مالي شغل فيه مع اني اروح بروحي وريلي مو معاي بس ما اتضايق من اللي يايبينهم رياييلهم عليهم بألف عافية ..

ولو كان زحمة اكيد بيطلع عيل وين يقعدون الحريم ؟ سواء كان بعيادة نسا أو عيادة أطفال او اي مكان فيه انتظار لي شاف حريم وزحمة بيقوم يوسع لهم ذوقيا ..

 

[zntoosha]

السلام عليكم ورحمة الله

أختي انتي يمكن لج وجهة نظر صحيحة في مسألة إن العيادة نسائية وغالبية الحضور نسائي، بس فعلا أختي كل وحده وظرفها وفي حالات لازم الزوج موجود لأن الموضوع فيه علاج وسؤال للزوج وغيره، وفي حالات إن الزوجين ناطرين سنين هالحمل والله يرزقهم فتلقينه يبي يكون مع زوجته عشان يتابع هالتفاصيل، وفي بعضهم ماتقدر على ريلها أهو يبي يكون موجود ماتقدر تقوله لا ترى والله عقلية بعض الرياييل صعبه ومو بيد المره تغير هالشي، يعني أسباب متعددة..

بس هذا اللي لازق بزوجته موراضي يفج والا لامها جدام الله وخلقه احس شي زايد عن الحد وماله معنى، يعني التعاطف ممكن يكون بطرق ثانية ولا هالإحراج.

بنظري إن المفروض العيادات تخلي مكان مخصص للرجال حق هالحالات عشان الحريم مايتحرجون وياخذون راحتهم بالقعدة يعني أنا معاج بهالنقطة.

وشكراً على طرح الموضوع للنقاش،.

انا معاج 100%

 

[um 3li]

انا احب ريلي يكون معاي اذا كنت حامل ويشوف الياهل بالسونار

بس اذا كانت مراجعه عادية ما آخذه واروح بروحي

بس عيادة دكتورة معصومه مخصيد مرتبة في اماكن انتظار حق الرياييل وما يدخلون الريال داخل الا لما المره تدش داخل غرفة السونار

والتحاليلي تسويها بغرفة داخل ومحد معاها

يعني مرتبة عيادتها وكلش ما عانيت من الي تقولين عنه

 

[irresistible]

واي انتي عجيبة كلامج صح صراحة شي يفشل انا مرة كنت بالعيادة و كلة رياييل حتي شكيت اني داشة غلط و لما خلصت قاعدة احاسب قاعدة السستر تقولي اشياء و الريال قاعد يطالع بط جبببببببدي

 

[مغتربة 2006]

والله انا اشوفه شي عادي الريل ايي مع زوجته يبي يشوف ولده طبعا مع احترام الادب ما ياخذ راحته ويدخن ولا يلم زوجته بس مافيها شي والله عادي احنا كنا نروح عياده ناهده زحممممه اهو ينطر بره ولما يسير دوري اناديه واذا العياده فاضيه يقعد معاي عادي

 

[om-bassma]

عيل انا اتمنى ان ريلي ايي وياي يشوف السونار كله يقولي ما يفهم بالسونار و ينطر لما يشوفه بين ايده احسن له احس باحباط وايد و اتمنى ايي يوم واحد يشوف معاي السونار فانا عادي الريال حلو ايي مع مرته علشان يحس بمراحل التعب الي اتحس فيها و اشلون الياهل يكبر بالرحم جدام عينه و اذا المره تعبانه لازم يكون وياه في رياييل يقولون حق حريمهم انتي تدلعين كا حريم اول مايسوون جذي و لا يتعبون بس الريال اذا راح العياده و سمع من الدكتوره كلام يحط اباله و يخاف على مرته اكثر

 

[Q8NV]

والله انا تمنى ايي معاي ( مو حاصلها )

خل ايي ويشوف السونار اصلا شوفة السونار وناسة احس يصير ارتباط بينه وبين البيبي ويحن عليه ..
انا أأيد وجود الريال من اول مرحلة بتحليل الحمل ليييي غرفة الولادة يكون موجود لما يستلم الياهل وايأذن باذونه ..


وماشوف انه يضايق الحريم !!
لو داش محل قمصان نوم اقولج الحريم بيطالعون ويتشرون مو عدله ..
بس هني الحريم قاعدين وهو قاعد بامانة الله ماله شغل فيهم نفس لما تروحين المستوصف عادي ما يكون في رياييل ؟؟
لما تودين عيالج عيادة اطفال ما يكون في رياييل ؟؟
انتي بكل الحالات قاعدة مالج شغل فيهم ..
والتحليل عاااااادي اي طبيب يعطي تحاليل مو بس دكتورة النسا والولادة
عيل شرايج بمستشفى الاحمدي نقعد كلنا عند المختبر وينادون بالدور واللي ينادونها اتيي تستلم قلاصها جدام العالم خخخ تالي تروح تعطيهم المقسوم سواء كانت محولة من دكتورة النسا او غيرها كل التحاليل تنوخذ من مكان واحد عادي ..
يعني شتسوين الوضع جذيه بعيادات النسا وغيرها ..
والسستر شكو تسألج جدام الله وخلقه اذا عليج الدورة والا حامل واخر دورة !! تسألج بروحج هاذي خصوصية ..
والزقاير ما أأيدها باماكن عامة اصلا فأكيد يضايقني هشي ..
بس وجود الريال نفسه عااااادي مالي شغل فيه مع اني اروح بروحي وريلي مو معاي بس ما اتضايق من اللي يايبينهم رياييلهم عليهم بألف عافية ..

ولو كان زحمة اكيد بيطلع عيل وين يقعدون الحريم ؟ سواء كان بعيادة نسا أو عيادة أطفال او اي مكان فيه انتظار لي شاف حريم وزحمة بيقوم يوسع لهم ذوقيا ..

كلامج عدل مليون بالاميه

 

[Q8NV]

انا اختلف معاااج بشغلالات و اتفق بجم شغله وياااج

وهذا رايي و اتمنى محد يزعل مني !!!

مافيها شي اذا الريال راح مع مرته العياده بكل مراجعه و مو معنات ان انا لازم اراعي ظروف كل وحده ماعرفها بالعيادة و اقول حق ريلي لا تيي علشان اهيا ترتاح ؟؟ انا ما اقيد حياتي الشخصية على حساب غيري!! ومافيها شي بلعكس احلى شعوور يكون وياها ويشوف البيبي يتحرك ويسمع نبض البيبي يعني ما افرح ريلي و افرح الحريم !! ثاني شغله انتي تقولين ان عيادة مو مشكله او حتى مستشفى انتي عندج موعد يعني عارفة انج ماراح تنطرين وااايد ومافيها شي اذا قعد و سولف ويا مرته احسن ما تقعد بروحها لا والا تتحمل لغوة الحريم اللي يمها شلون حملتي و جم لج و سوالف واسئلة بايخة مالها داعي !!!
وسالفة انها مو مصدقة شنو يعني !! احس هالكلمة مو بمحلها كلش !! يعني عيل مالاداعي تاخذينه وياج ولا مكان لان اي مكان بتروحين له بيتحلطمون الحريم خشيه بالبيت احسن !! واذا ما طلع وياكم يالحريم قلتو مهمل و مايجابل !! وشنو تاخذ صديقتها بالسونار عمري ماسمعت عنها !!!

اي و سالفة تحليل مكرمين البول !! يعني اذا حريم بس ماراح تنحرجين تمسكينه !!! اصلا كل حمام يم المختبر و تقدرين تلفينه بكلينكس والا تطلبين منهم جيس واذا ما حصلتي هالشغلتين ترى اهو عاادي انتي اصلا بمستشفى وطبيعي .

والسستر اذا والله سألتج بصوت عالي متى اخر دورة هذا مو سبب ان ما اييب ريلي وياي نهاااااااااائيا تقدرين تقولين لها وطي حسج نادر ما يسألون هالسؤال بره الغرفة مالت الدكتورة .
وسوق ويا مرته نقدتو ومستشفى و سونار هم نقدتوو ,,


والشغله اللي اتفق وياج فيها ان الريال مايصير يدخن مع ان ولا مره شفت واحد يدخن بين الحريم بأي مستشفى .

بناااااااات تكفوووون طرحووا مواضيع تساعد على الترابط و المحبه بين الزوجين وخليه يشاركج الحلوه و المره والا شحقه اسمه شريك العمر !!!

وتقبلي تحياتي

صح كلامج لازم انقوي الروابط الاسريه مو اقوله اقعد بالبيت لما اولد اييب الياهل البيت وايي علشان ما اتضايق الحريم والله مستشفى المواساه انا داشه غرفه ولاده وفي واحد ينطر مرته تولد يم غرفتي والله ما تضايقت انا رايحه اولد وعوار ذابحني والله استانست حسيت في رياييل يحسون بحريمهم

 

[أم أنور]

انا ابكل مراجعاتي وانا حامل زوجي معاي اهوا يحرص على موعدي أكثر مني

 

[AL-MHNDSA]

مادري انا اشوف انه عادي-انا احب زوجي يكون موجود معاي بالمستشفى حتى لو ماكنت تعبانه وايبد -- احس براحه نقسيه-بعدين عشان يتحمل المسئوليه ويقدر -خصوصا انا بجر - شي يديد لازم يكون معاي لحظه بلحظه- حتى حق تجهيزات الولاده والبيبي اهو بيوديني صراحه يوم حملت ماقدر اتحمل الزحمه اتعب نفسيا وعلى مانزل من السياره ريلي تنمل -ولازم يتعلم الريال يتحمل المسئوليه بهالمواقف - انا هذا رايي

 

[tmtmt]

ادري الموضوع قديم بس عجبني
قريت الردود كلهم

نبهتوني على شغلات ماكانت فبالي الصراحه
لني تعودت من قبل لا احمل كل عياده او مستشفى اروحلها مع خواتي
اشوف الحريم مع رياييلهم
فحاطه فبالي ان شي عادي وطبيعي

توني انتبهت على جم شغله فعلا ممكن تكون تضايق

بالنسبه لي مرات ريلي معاي ومرات لا
بس ضروري عندي يكون معاي
باول سونار ووقت الي ممن يببن جنس البيبي وبالتاسع طبعا مااروح بروحي

ومرات يكون عندنا شغل او طلعه ثانيه نمر العياده بعدين نكمل الطلعه

وبالنسبه ان الوحده تروح مع امها او اختها
مو الكل يقدر او مثلا انا مااا احب
اروح اقهد بروحي انطر ساعتين و 3
ولا اخذ اختي ولا امي لن وراهم مسؤوليات ةعيال ومجابل ولويه
مو ملزومين يقعدون ينطرون معاي بس عشان يطوف علي الوقت !

ويعطيج العافيه

 

[ماكنتوشه بنفسجيه 12]

رد : اشرايكم بهالظاهره بعياده النساء والولاده؟؟مع او ضد؟؟ دعوه للمناقشه

انا الصراحه تضايقت من كلمة مو مصدقه؟؟ على شنو مو مصدقه .. انه زوجها رايح معاها لمراجعات الحمل

بالعكس احس ان اللي ماتبي اي وحده تروح ويا زوجها للمراجعات فيها انانيه ..

اذا انتي مو حاصلج هالشغله ولا تحبينها .. في غيرج يهتم بهالامور...

مادري والله هالحريم صايرين مايعجبهم العجب .. بس يمشون وينتقدون .. بس والله الدنيا مو واقفه

واللي تتضايق خليها تقعد ببيتها ولا تراجع احسن اذا اهي ماتحب تشوف رجال برى
لان مو بس بالعياده رجال لأ .. في بكل مكان .. ولا تقتصر عالعياده بس ...
مستغربه !!!!!
اشفيها يعني؟ اذا ماراح معاي منو اللي يروح معاي ؟ من وين انا جايبته من الهوا مثلا؟؟
اكيد اهو الابو واجباري يشوف كل مراحل الحمل ... مع احترامي لوجة نظرج بس ماحبيتها كلش
بس سالفة مو مصدقه هههه فلم وربي
لا حبيبتي مصدقين والحمدالله وشايفين خير .. وانا زوجي يروح معاي بكل مراجعه واللي مو عاجبه يقعد ببيته احسن واوفر

سبحان الله وبحمده
سبحان الله العظيم

 

[على الطيب تربيت]

رد : اشرايكم بهالظاهره بعياده النساء والولاده؟؟مع او ضد؟؟ دعوه للمناقشه

من وجهة نظري ان الاحراج مو للحرمه بل الاحراج الاكبر للرجل نفسه

وانا اقول عن تجربه ..

راجعت مع زوجي بالخاص وماتهنا المسكين تضاايق من الحريم وطلع ينتظر بالمصلى لين دشيت

حريم ولا كنهم حمل لبس ضيق لبس قصير نغمات عاليه سوالف وضحك بالتلفون وخرابيط مالها داعي

صح الزوج يستاانس لا راح مع حرمته

وصح حلو ان الوحده تحسس زوجها انه ابو ومسؤل وحتى يتشوق للمولود

وحلو يكون مع زوجته يسليها وقت الانتظار

ولكن من وجهة نظري ان كانت العيادة زحمه ينتظر برا لين ادش وان كانت فاضيه فلا مانع

بقولكم عن موقف وحده اعرفها

لمن دشت مستانس للسونار مع زوجها ولا الدكتوووووره فشلتها قالت جدام زوجها شنوووو هذي الكرشة معقووله هذي كرشة وحده بالرابع انتي شن تاكلين ولفت ع زوجها وقالت ولي يعافيك امسكها مو اي شي تاكله هذي كرشتها مو طبيعيه

تخيلوا انصفق وجه رفيجتي وتفشلت الدكتوره حقيره نبهت زوجها عالكرشه المسكين مستانس بحرمته حامل وهذي تفشلهاااا

والسوالف واجد على هالامور وفي الي تفشلهم وتقووول وجهك كذا ولا اهتمي بعمرك يعني تحرجها لو كانت بروحها احسن

واخيرا نشكر عالطرح ونشكر من رفع هالموضوع حتى نبدي الراي ونفيد ونستفيد

 

[اخفي همومي بضحكتي]

انا عياده دكتوري الريايل بروح والحريم بروح واذا صار دوري يدخل معاي يعني مايقعد عندي..

وريلي من النوع اللي مايخليني ادخل بروحي وحتى الطريج مسافه بين العدان والجهرا..

تقبلي مروري