تجمع اولياء امور مدرسة الحياة hubs

[ReeMaN]

مبروك اى اسم قبول وليدج في الحياة عيل هونتى عن الابداع ؟؟؟؟ مع انى اقضل الابداع على الحياة ويكونو العيال مع بعض احسن من التوزع كل واحد بمدرسه .......... الله يسهل عليج الامور انشالله .......

انا اليوم اطالع صور العيد الوطنى والتحرير عند هبه واطالع امهات مصورين مع عيالهم بالحفله ليش بالنشره مالتهم قالو الحفله بس حق الطلبه ليش هالتفرقه ليييييييييييييييييييييييييييييييييييييييييشششششششششششششششششششششششش بصراحه شي يحر ان مو عند كلمتهم بشي

 

[أم فهد الكريديس]

ام فهد اشلونج اليوم مع الباص
ليش هالتاخير اللي زيادة عن حده
انا ولدي وصل البيت 3ونص وكنت قاعدة بالحوش لابسة عبايتي وانطره واتوقعت انه بيكون اخر واحد بالباص
يوم وصل وطلعت للباص وله غير علاوي في بعد طفلين بالباص فهد وبنية ...كسروا خاطري قلت اكيد بيوصلون بيوتهم على الاربع بس منو هالبنت ما كانت معاهم من قبل
انا اعرف انهم بالردة بس فهد وعلي واسرار وخالد
المهم انا كنت طالعة بكلم راعي الباص يوم شفت هالاطفال معاه تقطع قلبي وسكت وقلتله يعطيك العافية ...كان راعي الباص عربي ولابس دشداشة ويتكلم كويتي وقالي انه ما راح يتكرر هالتاخير
بس اللي ضايقني انه كانوا علي وفهد قاعدين جدام يمه والبنيه واقفة وره بس بالنص
يعني قمة الفوضى والناني موجودة وقاعدة وره بس هم متغيرة عن القبلية
انا ما احب انهم يقعدون جدام اخاف يضايقون السايق وبعدين كلش مو امان
بس ما تكلمت لان السايق كان شكله حيل متضايق يمكن من التاخير وكثرة اتصال اولياء الامور
انت شلونج اليوم- ما اخترعت

هلا حبيبتي اي اسم .. شلونج وشخبارج ...
اولا : مبروك على قبول ولدج ...وزين سويتي انج سجلتيه مع اخوه ..
اما بالنسبة لثانيا : فالباص آخ من الباص اللي من اول السنة وهو متعبني ... بس انا لو مو مضطرة جان انا وديتهم ويبتهم
لكن ظروف دوامي ما تسمح ...
لأني من اول السنة وانا اعاني من هالباص ... واما بالنسبة لهذاك اليومشصار فيني والمصيبة اللي اكبر اني ادق على كل الأرقام اللي عندي ومحد يرد وحتى المدرسة طالعين وما يردون وماخليت احد حتى السواق القدم دقيت عليهم ..
وآخر شي رد على وبكل برود قالي ان السايق طلع لأنه في مشكلة معاه .. عاد عصبت عليهم شويه قلتلهم ماتعرفون تبلغونا خليتونا على نار
مابقى شي بمخي ... كل الحوادث مرت على بالي .. وتصدقين ما وصل الا الساعة اربع وربع ...الا خلاص مافيني حيل ..
وثاني يوم الصبح جاهم الساعة سبعة ونص تصدقين ...
عاد دقيت على المدرسة وسألتهم عن هالسالفة قالولي ان السايق راح وما دلاهم الطريج وماعندهم سايق ثاني وهذا مسئول الباصات
وبالنسبة لقعدتهم جدام انا محرصة فهد اكثر من مرة انه ما يقعد جدام ...
بس لاتحاتين شكل راعي الباص حبوب وطيب ... الصبح ينزل ياخذهم من جدام البيت وبالردة هم ينزلهم ويفتح لهم الباب و
يوصلهم لحد الباب ...
انا ان شاء الله مشكلتي مع الباصات تنتهي هالسنة لأني جايبة سايق حق السنة الجاية بس قاعدة ادربه عدل
وبعدها ان شاء الله اكون خلصت دراستي واتفضى لهم بالردة ان شاء الله
والله المستعان_03ba:

 

[اي اسم]

هلا حبيبتي اي اسم .. شلونج وشخبارج ...
اولا : مبروك على قبول ولدج ...وزين سويتي انج سجلتيه مع اخوه ..
اما بالنسبة لثانيا : فالباص آخ من الباص اللي من اول السنة وهو متعبني ... بس انا لو مو مضطرة جان انا وديتهم ويبتهم
لكن ظروف دوامي ما تسمح ...
لأني من اول السنة وانا اعاني من هالباص ... واما بالنسبة لهذاك اليومشصار فيني والمصيبة اللي اكبر اني ادق على كل الأرقام اللي عندي ومحد يرد وحتى المدرسة طالعين وما يردون وماخليت احد حتى السواق القدم دقيت عليهم ..
وآخر شي رد على وبكل برود قالي ان السايق طلع لأنه في مشكلة معاه .. عاد عصبت عليهم شويه قلتلهم ماتعرفون تبلغونا خليتونا على نار
مابقى شي بمخي ... كل الحوادث مرت على بالي .. وتصدقين ما وصل الا الساعة اربع وربع ...الا خلاص مافيني حيل ..
وثاني يوم الصبح جاهم الساعة سبعة ونص تصدقين ...
عاد دقيت على المدرسة وسألتهم عن هالسالفة قالولي ان السايق راح وما دلاهم الطريج وماعندهم سايق ثاني وهذا مسئول الباصات
وبالنسبة لقعدتهم جدام انا محرصة فهد اكثر من مرة انه ما يقعد جدام ...
بس لاتحاتين شكل راعي الباص حبوب وطيب ... الصبح ينزل ياخذهم من جدام البيت وبالردة هم ينزلهم ويفتح لهم الباب و
يوصلهم لحد الباب ...
انا ان شاء الله مشكلتي مع الباصات تنتهي هالسنة لأني جايبة سايق حق السنة الجاية بس قاعدة ادربه عدل
وبعدها ان شاء الله اكون خلصت دراستي واتفضى لهم بالردة ان شاء الله
والله المستعان_03ba:

هلا والله ام فهد والحمدلله على سلامة عيالنا والله يحفظهم في الباص ويردهم لنا سالمين كل يوم ...قولي اامين
جان دقيتي علي لما تأخر الباص جان عطيتج الارقام عندي اياهم كلهم بو محمد مسؤول الباصات العام وبعدين بوناصر مسؤول باصات الحيات والسايق العربي الحالي اللي اسمه عبدالقادر وفي سايق اسمه طارق هندي قالي بوناصر ان اهو اللي راح يستلم من عبدالقادر ويصير اللي يوصلهم...المفروض ان عبدالقادر يحفظ طارق الطريج هاليومين
بس حاليا ولدي يقول بس في سايق واحد بالباص اللي اهو عبدالقادر

 

[اي اسم]

وينج ام فهد
قوليلنا المعلومة اللي تعرفينها عن الرؤية
لان ولدي فيها هذي اول سنه له وانا تضايقت من عدة اشياء فيها مثل مستوى اللغة الانجليزية
وودي اعرف اكثر عنها عشان اتخذ قرار نهائي بالنسبة لها

 

[ام عبوشى]

اي اسم ام فهد وايد مشكوريين عطيتوني فكره عن مدرسة الحياة وهم راح امرهم واشوف المدرسه

 

[أم فهد الكريديس]

هلا والله ام فهد والحمدلله على سلامة عيالنا والله يحفظهم في الباص ويردهم لنا سالمين كل يوم ...قولي اامين
جان دقيتي علي لما تأخر الباص جان عطيتج الارقام عندي اياهم كلهم بو محمد مسؤول الباصات العام وبعدين بوناصر مسؤول باصات الحيات والسايق العربي الحالي اللي اسمه عبدالقادر وفي سايق اسمه طارق هندي قالي بوناصر ان اهو اللي راح يستلم من عبدالقادر ويصير اللي يوصلهم...المفروض ان عبدالقادر يحفظ طارق الطريج هاليومين
بس حاليا ولدي يقول بس في سايق واحد بالباص اللي اهو عبدالقادر

هلا والله اختي اي اسم ...
بالنسبة حق الباص وليش ما دقيت عليج خفت اقلقج انتي معاي وخفت ان ولدج بعد ما وصل وقلت اخر احتمال اني ادق
ادق عليج اذا كلش فقدت الأمل وانا عندي ارقام بومحمد وبوناصر والسواق بس ادق عليهم مايردون وآخر شي رد علي بوناصر وعطاني رقم الولد اللي يابهكم ... وجزاج الله خير
ويارب يحفظ عيالنا أمين يارب العالمين
أما بالنسبة للرؤية... والله انا أول شي بغيت اسجل ولدي فيها بس بصراحة في مدرسة هناك
قالت لي ما انصحج الرؤية تغيرت مو مثل قبل ... والستاف مال المدرسين اغلبهم تغير ... ومستوى الانجليزي بالنسبة للحياة لح الحين
انا اشوف ان مستوى الحياة وايد اعلى من مستوى الرؤية ومدارس ثانية .. وعلى فكرة اللي ياخذونه اليهال في جريد ون
قاعدين ياخذونه اليهال في جريد 4 في الرؤية والبريطانية ...
وليش ما تخلين ولدج بالحياة مع اخوانه ... احسن لج بال :0bee2e8d89:

 

[ام عبوشى]

ام فهد ممكن تعطيني نبذه عن الهوم وركات لجريد 1 يوميا العربي مع الانجلش نفس اليوم او يوم ويوم في ضغط علي اليهال

 

[اي اسم]

الاختلاط لحد ثالثة ابتدائي وبعدين يبدا الفصل بين الجنسين

 

[مدرسة مكروفة]

شلونكم أشوه ولدي امتحن الرياضيات و مشاء الله درجته وايد حلوة الحمدالله

 

[أم فهد الكريديس]

ام فهد ممكن تعطيني نبذه عن الهوم وركات لجريد 1 يوميا العربي مع الانجلش نفس اليوم او يوم ويوم في ضغط علي اليهال

هلا والله ام عبوشي ....:dfgl:
بالنسبة للواجبات ... ما في ضغط بالعكس أِياء خفيفة .. العربي كل يوم بس جملة وحدة ...وطبعا يرد على طريقتج انتي
بالدراسة بس على الواجبات والا تعطينه أشياء تقوبه ...
والانجليزي يعطونه 10 كلمات يحفظهم خلال الاسبوع عشان املاء كل نهاية اسبوع...والواجب أوراق عمل توصيل
وكتابة الكلمات يعني شي خفيف ...
الرياضيات يومين بالاسبوع ...وهذا كل شي ... مافي اي ضغط على اليهال
وبالعكس انا اعتقد ان الواجبات هي اللي تقوي اليهال عشان مستواهم ... لا تحاتين حبيبتي الواجبات تراها خفيفة وحلوة وسهلة
ومثل ما قلت حق زميلاتي اللي بالمندى تبين تخلين الواجبات ممتعة مع عيالج دشي برنامج time4learning
جدا ممتع في الشرح وكتابة الواجبات عن طريقه ...:eh_s(6):

 

[أم فهد الكريديس]

بنات بسألكم عن الحياة شلونها زينه ؟


اهي ولا الرؤيه؟؟


بليز


ابي رد يبرد القلب



جنكم مدودهين عشانها مدرسه يديده؟


طيب اهي خلط لي اي مرحله؟؟؟

بس بروضه ولا حتى الابتدائي؟؟؟


ردوا علي بليز

السلام عليكم اختي ممنة كاكاو
والله انا اقولج توكلي على الله اذا لج نية في تسجيل عيالج المدرسة ممتازة ..
واهي مو جديدة حيل ترى دكتور ابراهيم عنده الحضانة وأولى ابتدائي وهذا الكلام من 8الى 9 سنين وأكثر والمدرسة صارلها تقريبا 7 سنين
والأخطاء اللي فيها ما تذكر وشي عادي يحصل بأي مدرسة جديدة
لكن كمستوى وتعامل ونظام ... بمنهى الروعة ... ومافي شي كامل بهالدنيا
فانا مثلا من أول السنة وأنا اعاني من الباصات ومشاكلهم لكن ما تذمرت على المدرسة وانها مو زينة
لأني عارفة أن مشاكل الباصات تحدث بأي مكان ومع هذا تعاملهم معاي بهالمشكلة من اروع مايكون
صدقوني ياجماعة ان المدرسة ممتازة أكادميا وتربويا:s142:

 

[أم فهد الكريديس]

شلونكم أشوه ولدي امتحن الرياضيات و مشاء الله درجته وايد حلوة الحمدالله

يالله قرت عينج مدرسة مكروفة ... وعلى البركة على درجة ولدج ... والله يوفقه ان شاء الله

 

[مدرسة مكروفة]

مشكورة بعد عمري يا أم فهد المدرسة صارلها 7 سنين؟؟؟

 

[أم فهد الكريديس]

اي 7 سنين الدكتور ابراهيم باجتماعه الأول فينا قال ان المدرسة متأسسة من زمان والطلبه اللي فيها صاعدين مع المراحل ما تلاحظين ان مافي
خامسة بس لين رابعة.. لأن كل ما يخلصون مرحلة يفتحون مرحلة اللي بعدها ...

 

[اي اسم]

تصحيح
هذي ثاني سنة للمدرسة مو اكثر والطلبة اللي في المراحل الدراسية الاكبر منتقلين من مدارس ثانية
توه بامتحان ولدي اللي بيروح الروضة المس قالت هالمعلومة
يمكن د ابراهيم قصده ان صار له 7 سنين يشتغل على تأسيس هذي المدرسة ووضع خطتها ومنهجها
بس انه 7 سنين فاتحة مستحيييييييييل

 

[اي اسم]

منقول من موقع المدرسة الالكتروني واللي يبين ان مدرسة الحياة في الكويت افتتحت بداية السنة الدراسية الماضية سبتمبر 2007 "
After the successful start of HUBS School in Kuwait in September 2007, we are starting in Qatar with PreK, KG1, KG2 and Grades1-3 and will expand gradually as our students move into higher grades.

 

[Shiny Diamond]

السلام عليكم ورحمة الله وبركاته

اشلونكم خواتي؟

أنا من قطر وصار لي فترة أتابع اللي تكتبونه عن مدرسة الحياة

لأني من فترة سمعت إن الدكتور إبراهيم بيفتح مدرسة عندنا ..عشان أعرف انطباعكم عن المدرسة

لكن المشكلة ان اعيالي ع السنة الجاية واحد منهم بيكون في رابع .. وما بقدر أحطهم اثنينهم مع بعض لأنهم بيفتحون لين ثالث بس

وبعد عندي استفسار إذا ممكن .. دوامكم لين الساعة 2 ؟

مب تعب ع اليهال؟!!!!!

أنا الحين اعيالي يخلصون وحدة وربع وعلى ما يوصلون البيت تكون صارت 2!!!!!!!

متى يتغدون .. متى يريحون .. متى يكتبون واجباتهم ؟!!!!!

آسفة إذا طولت عليكم .. بس وايد حبيت المدرسة وصار في خاطري أحط اعيالي فيها..

 

[موني موني]

مرحبااااا بنات شلونكم

ترى باجر يوم الثلاثاء ان شاء الله في محاضرة حق الدكتور ابراهيم الخليفي بعنوان ((التربيه الذكية )) بمدرسة الحياه عندكم خبر عنها

 

[أم فهد الكريديس]

:ssssso:

منقول من موقع المدرسة الالكتروني واللي يبين ان مدرسة الحياة في الكويت افتتحت بداية السنة الدراسية الماضية سبتمبر 2007 "
After the successful start of HUBS School in Kuwait in September 2007, we are starting in Qatar with PreK, KG1, KG2 and Grades1-3 and will expand gradually as our students move into higher grades.

السلام عليكم اختي اي اسم ... أنا بصراحة هالمعلومة ما جبتها من عندي .... مثل ما قلت لج ان الدكتور واذا كنتوا حاضرين قال ان المدرسة
من زمان بس هل يقصد يشتغلون فيها من زمان ... ما عندي خبر انا اللي اعرفه انه قال ان المدرسة صارلها وقت
وعلى العموم اهو عنده حضانه وفيها روضة على ما اعتقد ...لأني يوم بغيت اسجل ولدي حطتني على الاحتياط
ويوم شافتني مصرة قالت لي تقدرين تسجلينه بالحضانه ( .............. ) نسيت اسمها تابعة لهم فاعتقد انه يقصد ان الحضانة
كانت التأسيس والمدارس اللي قبل كان يديرها ..فهذي المعلومات اللي عندي .. ومنهم شخصيا انا اعرفها
والشي الثاني شلون من 2007 وولد اخوي كان بالمدرسة من 3 سنين
على العموم المعروف ان الدكتور ابراهيم صار له باع طويل في التدريس
وأسفة اذا حطيت معلومات خاطئة بس هذا اللي عرفته انا وشكرا لتصحيح المعلوم ...

 

[أم فهد الكريديس]

لا تطوفكم محاضرة الدكتور واللي عنده اي مشكلة يورح ويستفسر منه
تراه عجيب في اسلوبه في المحاضرات ...ويعطيكم اساليب حلوة في التربية