موضوع خاص للأستفسارات المتعلقة بالأسنان

[دكتورة أسنان]

مشكورة دكتورة بعد قلبي طمنتيني...

حياج الله حبيبتي عسى دووووم

 

[دكتورة أسنان]

يعطيج العافييييه

عندى سؤال

تعرفين اذا فى دكتورات متخصصين بزراعهة الاسنان

دكتووورات يعنى بنات مو رياييل ؟؟؟

الله يعافيج حبيبتي .. للاسف ماعرف السموحه

 

[دكتورة أسنان]

السلام عليكم اشلونج دكتورتنا .....انا دشيت بس علشان اقولج يعطيج العافيه على كل اللى سويتيه مع بنات المنتدى.....

وعليكم السلام ورحمة الله و بركاته .. حبيبتي الله يعافيج حياج الله

 

[دكتورة أسنان]

دكتوره يعطيج العافيه ابي اسأللزراعه تعور ؟؟؟؟؟ وتعرفين عياده زينه للزرتعه وشكرااااااااااااااااا

الله يعافيج حبيبتي .. طبعا كل شي بيكون تحت البنج الموضعي ماراح تحسين بشي حبيبتي و تالي عقب مايفج البنج تاخذين مسكن 3 ايام و خلاص ماكو الا العافيه

 

[دكتورة أسنان]

دكتورة حبيبتي عندي سؤال بسيط ارجو تردين علي ...........

انا مسوية عصب وخلصت بس بقالي لازم البس الضرس وانا زقهت من الحكومة ودي اروح خاص بس كم التكلفة ؟

سمعت 100 وفوق اذا جذي ارد الحكومة احسن لي ...............ززز

هلا حبيبتي ..

والله اللي اعرفه انه حسب الضرس اللي بتزرعينه بس 100 وايد ! سالي اكثر من مكان احسن .. والله ما اقدر افيدج لاني مو تابعه الخاص فما اعرف الا ان التلبيس سعره حسب الضرس و مكانه و عدد الاسنان ..

 

[دكتورة أسنان]

دكتوره الله يعطيج العافيه ويجزاج كل خير..

انا عندى تسوس بين الاسنان الاماميه..الثنايا..وشلته من جم سنه وقطعت عصب..وسويت حشوه بورسلان نفس لون السن..والحين الحشوه مع السنين تقريبا خفت وصار فيه فلجه بين السنين..وصارت صفره..بروح اشيلها واركب غيرها بس ودى ابيض اسنانى..شرايج ايهو الانسب..يهمنى صحة السن..لانى انا تقريبا مهمله بالفرشاة والمعجون..ماحب كل يوم استعملهم..بس انظف اسنانى بالخيط والمسواك كل يوم تقريبا..

تعليماتج يا قلبي..شسوى..

الله يعافيج حبيبتي ...

اولا ماتقدرين تبيضين اذا عندج حشوات اماميه لانها ماراح تتبيض .. فلازم تبيضين اول تالي تغيرينهم حسب لون الاسنان .. و لكن من رايي ماتبيضينهم اذا انتي ماتهتمين بالفرشه لانهم راح يردون صفر بسرعه و تضل الحشوه على لون السن لمن بيضتيه !

غيري الحشوه بس لا تبيضين .. و حاولي تهتمين فيهم اكثر

 

[دكتورة أسنان]

سلام عليكم ورحمة الله وبركاته
حياج الله يادكتوره بخصوص حالتى أنا شايله اعصاب أسنانى الأمامى الأثنين قالوا دكتور شالوا غلط وخربت معاىالأسنان قال فى هذه حاله علاجهالازم نحط لكى وتد ثم نلبسه فونيرز مو بس الأثنين الأربع أمامى

وعليكم السلام ورحمة الله و بركاته ..

عدل حبيبتي كلامهم علشان لايصير لون الاسنان الاثنين اللي بالنص غير اللي يمهم و يبينون .. بس مع هذا في عيادات تضبطهم فارجو منج قبل لا تتسرعين تطلبيت منهم يسوولج الاثنين اللي اساسا تضررو اول .. و يحطون عندهم درجة اللون و كل شي و شوفي اذا تمام و مايبين الفرق خلاص لاتسوين الباجي اذا في فرق و يبينون .. سوي الاثنين الباجين و تكون طبعا ملاحظات درجة اللون مخزنه بالفايل عندج ..

 

[دكتورة أسنان]

اول شي اشكرج على الموضوع الاكثر من رائع وله افاده كثيره
ثاني شي بدش بموضوعي :
انا كان عندي تسواس بسني فادكتور شالي الضرس وحطلي واحد ثاني من( السيراميك ) المهم الضرس هذا الصناعي له ريحه غير مستحبه مع العلم انا قبل لا احط سن صناعي ماكنت اعاني من مشكلت رائحة الفم
بس لما حطيت السن هذا صار لي رايحه بالفم مهما سويت في رايحه فارحت للدكتور فا قالي هذا لانه السن من (السيراميك) وهذا سبب الرايحه
بعدين قرارت اشيله واركب غير من (الزيركون )اذا انتي سامعه فيه او لا لانه الدكتور قالي هذا ما يخلي بضرس رايحه المهم نفس الشي للحين الريحه موجوده والسبب في الضرس
ياليت القي عندج حال ؟
نصحيني شنو اسوي ؟
والله مرات ودي اشيله واخليه فاضي بس اخاف اسنونسي تفرق
انتظر ردج ​

هلا حبيبتي حياج الله

ماكو تلبيس بالدنيا ما يسوي ريحه هذي كلها تجاره للاسف .. ماراح تروح الريحه لازم تضاعفين اهتمامج فيه من ناحية التفريش و المضمضات و الخيط كل ما حاشهم اكل لان بقايا الطعام ادش بينهم و بين اللثه و اذا مافرشتي و شلتيه بالخيط راح تتخمر و تكون مكان لتكاثر البكتيريا الي بالتالي اطلع الاحماض و تسببلج ريحه مو حلوه ..

 

[دكتورة أسنان]

مرحبا دكتورتنا انا اسناني الاماميه فيها اوجاج بسيييييييط ورحت حق الدكتور وقالي لازم تقويم وانا مااحب شكل التقويم العادي ابي اسالج عن التقويم الشفاف نفس العادي ولا لأولا العادي افضل؟

هلا حبيبتي
حبيبتي اذا بسيط حيل حيل مانصحج تدخلين بمتاهات التقويم .. اذا مصره سوي الشفاف اخف شوي من العادي و احلى شكله و يادي الغرض

 

[دكتورة أسنان]

هلا و غلا ..صبحج \ مساج الله بالنور

حيالله من يااانه :eh_s(17):

 

[سما الكويت]

الله يعافيج حبيبتي ...

اولا ماتقدرين تبيضين اذا عندج حشوات اماميه لانها ماراح تتبيض .. فلازم تبيضين اول تالي تغيرينهم حسب لون الاسنان .. و لكن من رايي ماتبيضينهم اذا انتي ماتهتمين بالفرشه لانهم راح يردون صفر بسرعه و تضل الحشوه على لون السن لمن بيضتيه !

غيري الحشوه بس لا تبيضين .. و حاولي تهتمين فيهم اكثر

جزاج الله خير..

 

[Lemon Juice]

قوه اختي

عساج بخير ؟

بغيب أستفسر منج عن شغله

انا أمس رحت سويت تنظيف أسنان

أسناني الحمد لله ما فيهم شي محافظه عليهم

لكن أمس قالي عندج 4 ضروس طواحن فيهم بداية سوس

فاليوم رحت الطبيب مره ثانيه

سوالي ضرس واحد .. عطاني بنج ونظفه لي وحطالي حشوه

رديت البيت وكل شي تمام

الحين البنج فج

قاعده أحس بعوار بهالضرس اللي اشتغل فيه

هل العوار هذا طبيعي ؟

ما عمري حسيت بهالعوار .. لما يحوشه ماي أحس بعوار مثل شي يكهربني

الضرس أساسا ً مافيه عوار قبل لا أسويه

قاعده أحاتي هالعوار

 

[والله احبــه]

مشكوره على الرد ماقصرتي
بسالج ممكن تكتبين لي احسن غسول للفم؟
واحسن فرشه للاسنان ؟ ممكن تنزلين صورتها ؟
وانتظر ردج ياقلبي​

 

[استبرق2009]

السلام عليكم ورحمة الله وبركاته ... دكتورتنا الغاليه بغيت اسلج عن تقويم الاسنان عندي بنتي عمرها 14 سنه اقدر اسوي لها الحين وشنو الاجرات اللي ابتدي فيها مو عارفه من وين ابدي وانا اقدر اسوي تقويم للعلم عمري 34 سنه ؟؟؟ ودمت ِ بحب :eh_s(17):

 

[koosa]

هااي حبيبتي

بلييز حبيت اسألج شنو احسن نوع معجون اسنان يبيض الأسنان و ممكن اسمه و صورته ما عليج امر؟؟

و بالنسبة لعيادات الأسنان وين احسن عيادة و شغلهم حلو؟؟

 

[* المزيونه *]

عزيزتي الدكتوره والله يعجز لساني عن شكرك يالغاليه ويعطيك العافيه
حبيبتي انا سويت العصب حق ضرسي وحطيت حشوه دائمه بالمستوصف بس الضرس اللي سووله العصب صار لونه اسود
ولكي مني جزيل الشكر​

 

[Lotus]

السلام عليكم

يعطيج العافية دكتورة

عندي سؤال لو سمحتي

انا الحمدالله اسناني مافيها مشكله صفة وحده بس في شغله اكرها فيهم.. مو نفس الطول!
خاصه صوب الناب يخرب شكل الابتسامه

يعني نفس الصوره


ابيهم نفس الطول شلون؟


يبردونهم ولا يلبسونهم ؟

 

[اشغلت بالي]

مشكووووره على الرد دكتورتنا

 

[eman79]

دكتورتنا سؤالي الاول حسب ردودج عالبنات صج لو عندي ضرس بعد علاج العصب احتاج تلبيس او زراعه يسبب رائحة بالفم و بالنسبة للمواعيد بالاميري بعيده واللا اروح خاص :eh_s(14):

ثانيا هل توجد مضره صحية من حشوات الرصاص القديمة وانها تاثر عالقلب و غيره من كلام نسمعه وايد وبعد حبيبتي لو استبدلتهم بحشوات تجميلية لانهم مشوهين الفم صج يتغير اللون واللا التغيير عادي و ممكن ما استبدلهم هم بعد ممكن يسببون ريحه :tomato2:

ثالثا و اسفة عالاطالة عندي ضروس عقل طالعين بره بس شي عوي و شي غايص مو مستفيده منهم حتى حركو الضروس الامامية شرايج اشيلهم وممكن بعد الخلع الضروس اللي تحركت تاخذ وضعها السابق والف شكر لج حياتي

 

[دكتورة أسنان]

جزاج الله خير..

حياج الله حبيبتي