ولدي مدمن هل في نادي حل الواجبات المدرسيه ممتع يعالج أدمانه

[صاحبة البلاط السلطاني]

سلام أحلى امهات كويتيات
ولدي الجعده مدمن متحركه وتلفزيون:cxxxp: لو أخليه أسبوع مايتحرك من جدام التلفزيون مايدرس ولا يحل واجباته الأ بالبجي
جربت مكافآت_03BA: أعطيه وأشجعه ماكو فايده قلت ماكو الا حبايبي الكويتيات يشوفونلي حل:bbbiu:
حبايبي يغيت استفسر عن أحسن معهد أو نادي لحل الواجبات المدرسيه وهم انه يستمتعون بوقتهم
في ناس قالولي عن نادي الريان ياليت أحد يعطيني فكره عن هذا النادي او اذا في رابط بنفس الموضوع لأني صراحه حست وايد بين المواضيع ماحصلت نفس طلبي ..أو أي نادي ثاني بس بالمناطق الداخليه
وأكون شاكره لكم وأدعيلكم من كل قلبي خواتي :aha:

 

[صاحبة البلاط السلطاني]

؟؟؟

 

[xxx]

هلا اختي

عسى الله يحفظة

ان شاءالله البنات مايقصرون معاج

 

[أم عبووووود]

؟؟؟

انا ما اعرف اي نادي لحل الواجبات

بس حاولي انج تعطينه الهديه على طول يعني يكتب هالماده له هديه او يكتب هالصفحة له هديه وتعطينه الله يعافي بو 100 روحي كودي له من هناك وكافئيه وان شالله ينفع هالحل

 

[صاحبة البلاط السلطاني]

هلا اختي

عسى الله يحفظة

ان شاءالله البنات مايقصرون معاج [/quot

مشكوره بنت الكويت مرورج الفله عطرتي موضوعي بمرورج:aha::aha::aha:

 

[CrystalQ8]

اول مره اسمع عن النادي ؟؟؟

 

[صاحبة البلاط السلطاني]

انا ما اعرف اي نادي لحل الواجبات

بس حاولي انج تعطينه الهديه على طول يعني يكتب هالماده له هديه او يكتب هالصفحة له هديه وتعطينه الله يعافي بو 100 روحي كودي له من هناك وكافئيه وان شالله ينفع هالحل

جربت كل شي أم عبودي مومخلية بو أميه ولا بودنانير ولاهدايا:jbdwjbd: واللحين كل يوم يخلص واجباته أعطيه دينار مكافئه التجربه نوعا ما نجحت بس خايفه تاثر من جانب ثاني وهم أختي لاحظت يحل أي كلام سريع عشان ياخذ الدينار ويفتح التلفزيون الولد متعلق بالتلفزيون بصوره قمت أخاف منها لدرجة فكرت اروح حق اخصائي يعطيني يمكن حلول
أم عبودي مشكوره حياتي ويارب يخليلج عبودي

 

[صاحبة البلاط السلطاني]

اول مره اسمع عن النادي ؟؟؟

كرستاله النادي هذا تابع حق بيادر السلام على مااعتقد بس مادري اذا الى الان موجودين ولا لا
ماقصرتي حبي وشاكره مرورج

 

[أم عبووووود]

جربت كل شي أم عبودي مومخلية بو أميه ولا بودنانير ولاهدايا:jbdwjbd: واللحين كل يوم يخلص واجباته أعطيه دينار مكافئه التجربه نوعا ما نجحت بس خايفه تاثر من جانب ثاني وهم أختي لاحظت يحل أي كلام سريع عشان ياخذ الدينار ويفتح التلفزيون الولد متعلق بالتلفزيون بصوره قمت أخاف منها لدرجة فكرت اروح حق اخصائي يعطيني يمكن حلول
أم عبودي مشكوره حياتي ويارب يخليلج عبودي

العفو حبيبتي ماسويت شي

بس حطي بالج لايتعود عالفلوس بعدين كل سشي بيسويه يبي له مقابل تى الهدايا ملوت بو 100 ما تأثر كثر الفلوس

الله يخليه لج يارب ويهديه ويصلحه

 

[صاحبة البلاط السلطاني]

العفو حبيبتي ماسويت شي

بس حطي بالج لايتعود عالفلوس بعدين كل سشي بيسويه يبي له مقابل تى الهدايا ملوت بو 100 ما تأثر كثر الفلوس

الله يخليه لج يارب ويهديه ويصلحه

صاجه ام عبود الواحد يخاف يدش بمتاهات راح أوقف عن هالطريقه
مشكوره ياعمري مره ثانيه

 

[صاحبة البلاط السلطاني]

بنات اللي جربت نادي أكسس أو الريان ياريت يشاركون ويعطونا فكره عشان الكل يستفيد ...أي كلمه حبايبي تشاركين فيها والله ممكن تساعد بالموضوع وانتو ماتدرون
وعلى فكره ترى يقولون نادي الريان تابع حق حضانة دار الفرح
الحبوبه اللي عندها رقمهم ياريت تكتبه ولها أكبر دعاء من القلب

 

[بمبة المفترسة]

جم عمره

اولاا خلي ابووه يخانقه وخلي لج شخصية جدامه
شيلي وايرات التلفزيون والريسيفر ماراح يعرف يركبهم
وخليه مرة مرتين مايكتب واجباته ويخانقوونه بالمدرسة ويسقط بيتعلم لاتشيلين الهم بداله خليهم يتعلمووون
هم يدرسون بروحهم ويكتبون واجباتهم ماراح يحس الا اذا سقط ويشوف غيره ناجح
ولاتعلمينه على الفلوس والهدايا اصلاا عيالنا ماعاد يفيد فيهم لانه كل شي عندهم
احرميه من الطلعة معاكم او اذا تشترون وجبات لاتشترين له
لاتكلمينه حاربيه

 

[صاحبة البلاط السلطاني]

ههههههه واااي مفترسه يا بمبه صج كلامج... وتقريبا صح بس ماقدر هذا جعدتي بسرعه يقص علي اسلوبه ودلاله حقي يخلوني اخق اذا عصبت وحاربته ..توه قالي موتنسين ماما جهزي جنطتي قتله ماعرف لانه كان معتمد على أخته الكبيره عاد أنحبط وقال هم أنا ماعرف قتله كيفك تصرف جان يروح يجهزها خخخخخ عاد حسيت أني شريره قلبي رشيش كلش
ولدي بسنه ثالثه ابتدائي وماشالله أشيل الرسيفر يرد يركبه يعرف عاد شلته كلش اليوم وخشيته جان يدش غرفتي يطالع ,,,أحباط وين ماطقها عويه بهلولد
ماكو غير نادي أو معهد ينجبر معاهم
شاكره مرورج الطيب بمبه المفترسه

 

[صاحبة البلاط السلطاني]

أفاااااااااااااا كويتيات فوق ال60 يدخلون ومحد معطي موضوعي اهتمام بس 4 ردوا

 

[كويتية صغيرة]

انا جربت نادي الريان
هو لحل الواجبات فقط ......... و اذا خلص واجباته يخلونه يلعب
جربته شهر و ماكملت انتى شوفي المكان و على راحتك مكانهم في مدرسة القطوف

لكن مو هذي النقطة ........ اللي لفت نظري اسلوبك معاه حاولي تغيرينه .....خلي شخصيتك قويه شوي

اذا استمريتي على اسلوب الفلوس ........ راح تتعبين و يصير الولد ماعنده مبادىء كل شي بمقابل

حتى لو دخلتيه نادي

انتى الأم
و انتى اللي تحطين قوانين البيت

و علميه انه يسمع كلامك او تزعلين عليه

خللك شوي شديدة علشان مصلحته
ألحين الولد صغير و مثل العجينة بإيدك
اذا علمتيه ان كلامه اهو اللي يمشي ...... راح تتعبين معاه لما يكبر و مايعمللك حساب

 

[برونزية رشيقة]

حتى لو الجعدة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لازم تشدين عليه ؟؟؟؟؟؟؟؟؟؟

مابي أخرعج بس أذا من ألحين مدلل وكلشي متوفر له باجر إذا صار بو 16 سنة شنوووووو راح يسوي فيج ؟؟؟؟ وهو ما يخاف منج؟؟؟

الولد ما فيه شي ... أسلوب تربيتج معاه غلط في غلط !!!!!!!!!!!!!!!!!!!!!!!!!!!!!!!!!!!!!! قاعدة أدمرين الغلط ؟؟؟

مو جذي الحب ؟ ولا جذي الدلال ؟ وأذا قلبج رهيييف كلنا عاطفيين وقلوبنا ريشه ......... بسسسسسسس بليز أختي

عيدي حساباتج والله العظيم أنتي قاعدة تضيعينه ... خلج شديدة بسسسسسسس 4 شهووووور دوسي على قلبج والله ثم والله راح تشوفينه شلون متغير ومتعدل وراح تلحقين على مستقبله ...

 

[صاحبة البلاط السلطاني]

والله كلامج صح بصح قطوه والله أني دايسه على قلبي عشان مصلحته ...وأعصب عليه بس شسوي الولد دبلوماسي بمعاملته لنا أنا وأبوه حنووووون أسم الله عليه.. الله يحفظه وقطوه ماشالله ماشالله ماشالله الولد أمتياز بدون دراسه ومدرسته قويه مو حكومه يعني حيل شديده :فجر الصباح و((طبعا أحنا ندرسه أذا عنده أمتحان بس الله لا يوريج معانات وصراخ عشان يدرس)) ,,بس ابي أحسسه بمسئولية الدراسه من الحين أبيه يتعلم يحاتي ..ماكو باااارد بالدراسه وموراضي يفج عن التلفزيون
مشكووووره قطوه

 

[صاحبة البلاط السلطاني]

مشكوره كويتيه صغيره كلامج عين العقل
حبوبه وين القطوف