مدمنة مكياج مثلي؟؟حياج.....متجدد

[Pucca]

هلا سيدكتف حبي الله يعافيج جربيها والله ما تتحسفين حلوة والفاونديشن حلو وفيه من كل درجة 3 انواع لماع ومطفي وشير وايد تغطيتهم حلوة

نكي الله يسلمج شفتي البنت اللي تطل بالافيتور مالي هذي شخصية كرتونية اسمها بوكا والكرتون من النوع اللي ما فيه كلام نفس توم وجيري تقريبا وطول الحلقات تلحق واحد تبي تبوسه وهو ينحاش لول وكل حلقة مغامرة الملاحق , وعندي شغلات وايد عليها جناط ميكاب وتيشيرتات شسوي يا اختج طفولة متأخرة

 

[SeDuCTive]

لوووووووول pucca حلاتها الطفله المتأخره والله..
وانا علبالي pucci بس قلت ما حصلت اللي اخره حرف ال i يمكن ماخذينه لوووووووول ..
بدعت انا صح

 

[Pucca]

لول بعد عمري شفتي لأنج ذوق وسنعة فكرتي بالماركة بس انا مو ويه الكشخة لو قايلتلي فكرتج قبل وقلت صح وانا ساكته أرحم لوووول

 

[milkshake]

أوشال

حياج الله ياقلبي في موضوعي المتواضع في أي وقت ...


Pucca

فعلا الماركة هذي وايد راقية ..وشوقتيني اشتري القلو ..ذوج وايد راقي في الماركات


سيدكتف

متى بتنزلين موضوع عن مكياج عيونج ؟ ترا انا ما نسيت للحين انتظر (أدري ابتلشتي فيني )

 

[ناتشوو]

هاي ميلك شخبارج
ابي منج
خطوات او نصايح او صور
لذوات العيون الناعسة

يالله صباح خير

 

[milkshake]

الحين حبيت اتكلم شوي عن ماركة بورجوا..اسعارها معقولة وعندهم شغلات اتهبل ماتهقينها فيهم ..

هذا اسمه Bourjois Apricot Complexion Enhancer وهو مثل التينتد موسترايزر ويجي بثلاث الوان حسب الصورة اللي تحت ..اتوقع الوردي احلى من هذا المشمشي بس ماجربته من قبل ..على العموم في الانترنت يمدحونه ويقولون انه يعطي قلو حلو للبشرة وتبين صحية بدون لمعة ..








وهذي روجات بورجوا Bourjois Rouge Connection Lipstick روجاتهم ثابتة والوانهم حلوة للصبح ..عجبني رقم 7 اكثر شي ..

 

[ناتشوو]

وشدواتهم بعد اللي بلمعة
حلوة
خاصة لون زيتي على اخضر غامج
بلمعة حده حلو

 

[milkshake]

من عيوني ناتشو ولا يهمج ..لي رجعة لطلباتج ..

ماركة Pupa عندهم شغلات حلوة مع اني كنت استهين فيها قبل ..وهي ماركة ايطالية

 

[ملاك بين البشر]

مشكوره حبيبتى على موضوعج الاكثر من رائع وياريت تكثرين من معلوماتج الحلوه

 

[milkshake]

هاي ميلك شخبارج
ابي منج
خطوات او نصايح او صور
لذوات العيون الناعسة

يالله صباح خير

من عيوني ياقلبي ماطلبتي شي ..

عيونج ناعسة يعني شكلهم كالتالي :



المفروض في العيون الناعسة انج تحاولين انج ترفعينها للأعلى بواسطة المكياج عشان يصير توازن ..
تقدرين تلعبين بالشدو وينصح باستخدام الوان مطفية متوسطة او غامقة ..
واذا تبين تحطين آي لاينر يفضل انج تدمجين في الثل الاخير الخارجي من عينج مع الشدو ,,ويفضل اتعرضينه في هذي المنطقة (الثلث الاخير الخارجي للعين) عشان يعطي توازن للعين..شوفي الصور ..




شوفي في هذي الصورة حاطين الشدو في الناحية الداخلية للعين على شكل حرف الـ L
وشوفي الزاوية الخارجية شلون ساحبينها لفوق ..




شوفي يعني تحطين شدو فاتح على المنطقة A في الصورة وغامج على المنطقة B وتوسين بلندنج ..



وتقدرين اتسوين نفس اول صورة اتحطين شدو غامج على شكل قوس فوق العين وتسحبينه بقوة وحدة الى الاعلى ..

 

[milkshake]

مشكوره حبيبتى على موضوعج الاكثر من رائع وياريت تكثرين من معلوماتج الحلوه

العفو ياقلبي وحياج الله ..

 

[roses_77]

ميلك شيك
هااااااااي حبيبتي شخبارج مشكوووره على الرد ويبلي امر نوبا اشوف شعندهم
لان حييييييل دشو خاطري الالوان حبيتهم

Pucca
ارمااااااااني صج صج الوان الحمر والفاونديشن عندهم روووووووووعه
بس انا جربت البودره الكومباكت جنها طحين ماناسبتني
واخر صوره اللمعه حاطه عيني عليها وذكرتيني فيها
مشكوووووووووره وتسلم ايدج

 

[*peace*]

كلولوللووووووووش اخيرا خلصت كل الصفحات

ملك شيك شنو هذا @@والله اني اتحلم بالمكياج كل يوم رايحه السوق ادمان وربي

بس صج موضوعج WOW حدددددده تسلم ايدج

الحين نبلش بالمهم :eh_s(8):

بعرف انا ليش دايما اي بيس استعمله لووووعه علي

ميك اب فور ايفر لوعه

شيسيدو لوعه

والخ الخ الخ

بشرتي عاديه

ماتعرفون شي يلبق لي <<عشتو

لاصج والله تعبت لي حطيت بيس تطلع كل الخطوط التعبيريه ولو مااحط بيس شحلاتي مافيني شي

!؟؟؟

 

[milkshake]

roses_77

جربيهم حبيبتي ترا عندهم وايد اشيا حلوة ..

*peace*

نفس حالتي كنت اقعد من النوم وانا قاعدة اقول اسامي مراكات المكياج لوووووووول الحمدلله زوجي ماسمعني جان بيقول عني مينونة..

بالنسبة حق البيس ..غريبة ياقلبي مع ان البيس المفروض يمنع ظهور الخطوط التعبيرية اللي في الوجه ..انزين يمكن العيب في الفاونديشن حبيبتي ..
شوفي جربي بيس استي لودر اهو جاي شكله على عصار ولونه كحلي ..بتحسين ملمسه مخملي على البشرة..او دوري بيسات من هالنوع اللي ملمسهم مخملي مثل بيس انجلوت بعد ملمسه مخملي ..وابتعدي عن البيسات الكريمية الثانية يمكن ينفع معاج ..
انتي شنو الفاونديشن اللي تستخدمينه ؟؟
وبعد نسيت يمكن المرطب اللي تستخدمينه وايد دهني ..جربي الكريمات اللوشن اخف على البشرة ..

 

[ناتشوو]

شكرا ميلك شيك لتلبية طلبي بخصوص النواعس!
اعرفج ماتقصرين

وين انجلوت البحرين؟ماك؟بأي مجمع؟
وين المجمعات اللي فيها مكياجات الهنود عندكم؟

 

[milkshake]

شكرا ميلك شيك لتلبية طلبي بخصوص النواعس!
اعرفج ماتقصرين

وين انجلوت البحرين؟ماك؟بأي مجمع؟
وين المجمعات اللي فيها مكياجات الهنود عندكم؟

العفو حبيبتي ماسويت شي ..واتمنى تكونين استفدتي ..
انجلوت تلاقينه في مجمع السيف + السيتي سنتر + مجمع البحرين
ماك تلاقينه في مجمع السيف والسيتي سنتر
مكياج الهنود تلاقينه في محلات متفرقة في سوق المحرق وسوق الرفاع وتلاقينه في محلات متنوعة في مجمع اللؤلؤة ومجمع مدينة عيسى وغيره..بس ترا انتو في الكويت عندكم شغلات احسن واحلى منا احنا الماركات اللي عندنا محدودة يعني مثلا ماعندنا نوبا ولا عندنا سمايلنج ولا عندنا دييغو ديلا بالما وغيرها ..

 

[HASB_83]

السلالالام عليكم

ناتشوو
ميلك شيك
سوسو
بوكا
وكل البنااات
شلووونكم

مس يووو


والله ميلك بوبا موهينه!!
عجبني ال MSF اللي بالستاند جنه من كولكشن B B red head!!


حبي مييييلك اذا العيووون صغاار شنو الرسمه اللي تكبرها؟؟

بعد قلبي اذيناج
لاني بحط حق وحده
واول مره احط حق وحده عيونها صغار ماني عارفه شسوي !!

احس اني افتح العيون من الزاوية الداخلية وارسمها من برا

 

[حوره نونا]

:edbf4317b9:الصراحه موضوعج يجنننننننننننننننننننننننننننننننننن ..

عليج بالعافيه ..

حبوبه بغيت مواقع مجربتها للمكياج توصل للإمارات .. حاولت أطلب من أمزون بس لازم يكون عندي بريد عن طريق أرامكس ..

((( أمووت في شي إسمه مكياااااااااااااااااااااااااااااااااج ))

وتسلمين ..

 

[بنت المنوخ]

بدعتوه في الموضوع وماقصرتم عنجد فوق القمه

تسلمون علي المجهود المميز والرائع​

 

[LA TROO7]

هالموضوع يشيش جدااااااااا