مقابله ولدي بال ais تعالوا شوفوا شصار..... حدي مصدومه

[HoOoriah]

:68_asmilies-com:



الســـــــــــــــــــــــــلام عليكم كويتيات




اليوم حدي انصدمت من ولدي كان عنده مقابله حق KG2 وتخيلوا دش المقابله وما نطق ولا كلمه حاولنا معاه بكل الطرق ماكو فايده معاند ومو راضي يتكلم ويجاوب على الاسئله حتى طلعت من المكتب وخليت طالبه ثانيه تدخل واحنا بعدها يمكن يرضي ويتكلم مع انه اسم الله عليه شاطر بالانجليزي ويعرف الارقام والاحرف والايام والحيوانات ويغني بالانجليزي بعد, بس ماأدري شصار بالولد وحدي محتاره معاه ماادري شسوي ومارضت الموظفه تنجحه بالمقابله لانه وايد عنيد وعيزت اقنعها بس ماكو فايده يعني هذا ياهل يمكن مستغرب من المكان يعني اهو ماعنده صعوبات تعلم الحمدلله:krkrkr:

فنصحوني شسوي حبيباتي ماعندي غيركم لانه عنده مقابله بال BSK بعد 10 ايام واخاف يكرر نفس المأساة شسوي معه!!!!

 

[ريماا]

الله يحفظة المفروض تعيد لة المقابلة بعد هذا طفل
اشتريلة هدية كبيرة وغلفيها وقوليلة هذى الهدية حلوة فيها شى كبير انت تحبة اذا جاوبت على اسالة المدرسة رااح اعطيك الهدية واذا ماجاوبت ولد رفيجتى بيدخل بعدك وراح اعطية الهدية الان انا قتلها ولدى اشطر من ولدج وراح ياخذ الهدية
شجعية وسالة وراجعيلة ونصيحة لاتخلين وقت المقابلة الصبح مبجر خلية الظهر يكون رااايق وقبلها لعبى معاة ونسية وقوليلة احبك حيييل الانك شاطر واذا اقبلوك بالمدرسة راح يودونك رحلات والعاب ومن هالسوالف حاولى تشوقينة
والله يكتبلج اللى فية الخير ان شالله

 

[HoOoriah]

مشكــــــــــــــــــــــــوره حبيبتي ريما على ردج
اهو ماادري شفيه معاند حاولت معاه وقتله راح اشتري لك الطاوله والكرسي اللي تبيهم كانوا عاجبينه وما شريتهم له بس ماكو فايده وحتى المقابله كانت وحده الظهر. بس بجرب طريقتك وانشالله ينطق

 

[أم عبووووود]

الله يعينج والله حاسة فيج

شوفي مهدي له من الحين ان فيه مقابلة وانج بتودينه وهو شاطر وراح يجاوب وراح تودينه يشتري الشغلة اللي يبيها على طول بعد المقابلة بس ترى لازم تلتزمين بكلامج انج تودينه يشتري اللي يبيه على طول علشان يصدقج على طول وخلي ابوه يشجعه وسووا له جو ان عنده امتحان وراح يجاوب وان شالله ينفع معاه

 

[حلم الطفولة]

وي الله يصلحه يارب .. ادعي ,ادعي كثري من الدعاء ..
آنا وحده من بناتي كنت خايفه تسوي لي مثل هالسوات .. ظليت اسبوع ألعب معاها-وكنت عارفه اسم الأبله اللي بتكون مقابلتها معاها -
وقمت ألعب اسبوع قبلها اني أوديها مدرسه . واني انطر بره الغرفه وتدخل هي مع الأبله- عاد باللعب كنت أمثل دور الأم والأبله - وباللعب فهمت ..
ولما صار الصج قلت لها يالله بنروح aca وبنشوف أبله ...... وبقعد مثل اللعب أنطرج بره على كرسي شويه وآخذج ..
وهالسوالف ..... ,, . وبعد تقدرين توعدينه إنج إذا جاوب بتشترين له الشي الي يحبه ( عاد قولي بالإسم مثلا سباسدر مان وللا قيم بوي .. )

ومهم اختي ان يكون نايم قبلها بليله عدل ,, مايكون دايخ وماله خلق ,,
وسئلي المدرسه متى يصير تاخذون توور فيها .. وروحي معاه زوروا المدرسه ... وان شالله الخوات يفيدونج بعد بالأفكار .. وبشرينا بالخير .

 

[HoOoriah]

مشكوريـــــــــــــــــن حبيباتي على افكاركم الله لايحرمني من تواصلكم صج ريحتوني لان قلبي يعورني وصاكه فيني الدنيا


وانشالله المقابله يوم الاربعا 11\3 اول شي المقابله بعدين بتاخذنا السكرتيره نسوي تور بالمدرسه لاني ما شفتها من قبل, وبجرب معاه لعبتج حلم الطفوله انشالله تنفع.
والله خايفه لاني مو مقدمه اوراقه بمدرسه ثانيه وهو بعد قلبي البجر فقاعدين نجرب فيه ماعندنا خبره بالمدارس.

 

[QUMAR]

اكيد أهو بجرج الله يخليه لج يا رب
بس غريبه ما قبلوه
أنا بنتي الكبيره سوت فيني نفس السالفه يوم مقابلتها
ولا كلمه ولا نطقت
قبلوها بس قالو لي بنخليها شهر تجربه
علي بالهم اهي علي طول جذيه
بعدين عادي الله يحفظها اندمجت مع اليهال
موفقين يا رب بالمقابله وبشرينا وان شاء الله ماكو الا كل خير

 

[برونزيه شقرا]

ويه قويييييييييييييه
نفس الموقف اللي ولدي سواه فيني
لوووووووووووووووووووووول

 

[ردينه]

حوووووريه ----اتصدقين ولدي قيل سنتين قدمت له بالAISو كان الله يحفظه صغير ----وكان ادائه رائع اسم الله عليه ----تدرين


شنو النتيجه ---retest إعاده إختبار ----ليش؟؟؟----ولدج واااايد صغير ما يصير نقبله حتي لو ادائه زين إيده للحين رخوه !! تخيلي ---مت من الحره و قدمت له بامريكية ثانية ----

فما بالج في ولدج و اهو ما تكلم ---مع انه طفل صغير طبيعي و عادي يصير له هالشي ---مره يتكلم و له خلق و مره لا ------أخيرا انا رايي في فرق في اختياراتج ما بين

AIS ,و الBSK نظامين مختلفين تماما ---عموما شي راجعلج -----و حبي الصغير سلم قلبه والله

 

[HoOoriah]

مشكـــــــــــــــــــــــــــــــوره قمر على مرورج
اي انا بعد استغربت ان ماقبلته بس بعد مارديت البيت كلمت ريلي وقتله اللي صار معانا بالمقابله اتصل عليهم قالوله انه بيكلمون المدير اذا رضى راح يعيدون له المقابله شهر خمسه بس مو اكيد وانا مااقدر انطر كل هالمده .
انشالله يارب الله يوفقه بمقابله الbsk ويقبلونه؟

 

[* LOVE STORY *]

مرحباا

الله يعينج صراحه شي يحر
وبعدين kg2 لاازم يتكلم ويكتب بعد فعشان جذيه ماقبلوه
قوليلهم ترى آنا واثقه من قدرات ولدي وطلبي اعادة اختبار
واهم شي انه يكون نايم عدل ومتريق عدل
واخذي معاج اي شغله يحبها مسكيها بايدج قوليله اذا تكلمت عدل اعطيك اياها
الله يوفقه ويفرح قلبج

 

[ReeMaN]

حبيبتى حوريه انا ولدي كي جي ون في الحياة واهى ثنائية اللغه و هالسنه انشالله بيكمل في العالمية الامريكيه و اغلب المدارس الامريكيه يعيدون لج الاختبار انتى اعتذري منهم قولى اى شي كان تعبان مو نايم اى شي بس يعيدون له الاختبار ودام ان ولدج اسم الله عليه كي جى تو يعنى يفهم الكلام اللى تقولين له وقولي له قبل الاختبار بيوم ان عنده مقابله وان في وحده راح تعطيك اختبار وانا راح انطرك برا الغرفه ولازم تجاوب عشان تدش هالمدرسه الحلوه اللى اتهبل يودون رحلات وقولى له الاماكن اللى ايحبها وردي كرري هالحجى وانتو رايحين المدرسه بيوم الاختبار ووديه واهو شبلعان نوم ومتريق عدددددددل وعند باب المدرسه طلعي له من جنطتج اى شي ولدج يمووووت عليه وماتعطينه اياه الا نادر يعنى بمعنى لاشافه يفز قلبه عليه وقولى له انج راح تعطينه اياه اذا جاوب على الامتحان وشوفي اذا ماشارك ولدج انا سويت بولدي جذي كان يموووووووووت على الفوم الرغوه وكل روحة جمعية يبي فوم بس انا اخاف من الفوم يحوش عينه وما اخذ له الا بالاعياد الوطنيه لما شافه طااااااااارت عينه على الفوم والحمدلله خلونى ادش معاه المقابله وكل سؤال يجاوب ويطالعنى يما انا شاطر

 

[ReeMaN]

وصاجه لوف ستورى لازم يكون يعرف الكتابه بالاختبار عطو ولدى يكتب اسمه وعطوه مقص يبون يشوفونه اذا يقدر بالمقص يمشي على الخطوط وطبعا لازم يعرف الاحجام والحيوانات والالوان والارقام والانواع معينه من الخضار والفواكه

 

[شانيل نمبر 5]

لا تحاتيني انا بنتي شاطره وايد بالانجليزي يتكلم وتسولف بعد
بس بالمقابله سويت شذي ماتكلمت ولا كلمه
والابله تسألها واهي ساكت
بس الابله ذكيه قطت قلم علي الارض
وقالت لها بالانخليزي ممكن تجيبني لي القلم بكل احترام
وفجأه قالت بنتي تفضلي القلم يا ابله
وطلع الكلام من بنتي بعفويه
لانه المدرسات يعرفون اليهال اللي شاطرين واللي يعرفون الكلام
بس اااااهم شئ عندهم
الثقه ان يكون اليهال جريئه وحيل يثق بنفسه

 

[شانيل نمبر 5]

لا تحاتيني انا بنتي شاطره وايد بالانجليزي يتكلم وتسولف بعد
بس بالمقابله سويت شذي ماتكلمت ولا كلمه
والابله تسألها واهي ساكت
بس الابله ذكيه قطت قلم علي الارض
وقالت لها بالانخليزي ممكن تجيبني لي القلم بكل احترام
وفجأه قالت بنتي تفضلي القلم يا ابله
وطلع الكلام من بنتي بعفويه
لانه المدرسات يعرفون اليهال اللي شاطرين واللي يعرفون الكلام
بس اااااهم شئ عندهم
الثقه ان يكون اليهال جريئه وحيل يثق بنفسه

 

[sara999]

صح عدل كلام البنات لازم تمهدين له .... يعني اشتريله مثلا تي شيرت وخشوها وقوله انها حق يوم المقابله وان لي لبستها راح يقولون حلوه وبتطلع حلو وليلتها وديه تمشي وياه خليه يطلع كل طاقته ومرو لما يصير وقت المقابله وانتو بالسياره رايحين قوليله بالدبه اكو لعبه حقك بس قبل لا تاخذها لازم تتكلم ولازم تجاوب وتسوي كل شي واذا قالولي ولدج حلو وشاطر راح تاخذها وخليه يشوفها قبل لا يدش المدرسه

 

[خوختي دنيتي]

انا ماعندي خبرة لان ولدي توه4شهور بس مشالله افكار البنات حلوة
موفقه ان شالله ينقبل

 

[برونزية رشيقة]

الله يعينج والله حاسة فيج

شوفي مهدي له من الحين ان فيه مقابلة وانج بتودينه وهو شاطر وراح يجاوب وراح تودينه يشتري الشغلة اللي يبيها على طول بعد المقابلة بس ترى لازم تلتزمين بكلامج انج تودينه يشتري اللي يبيه على طول علشان يصدقج على طول وخلي ابوه يشجعه وسووا له جو ان عنده امتحان وراح يجاوب وان شالله ينفع معاه

أنا مع إختي أم عبووووود :gathering:

 

[rawona]

وي الله يعينج بس طلبي منهم يعيدون لج الاختبار .. وماتدرين خيره بس انتي مهديله وقوليله عن الاختبار وشوقيه ..

الله يستر لا بنتي تسوي فيني نفس الشي انا من الحين امهدها للاختبار وبيوم عيد ميلادها يبت لها كيك وشموع وشريت لها ملابس حلوه بس قلتلها هذي مو هديتج هديتج باخليج تختارينها بنفسج من بروووووي بس مو الحين!! قالتلي متى قلتلها اذا جاوبتي عدل بالمقابله واقبلوج اوديج سيده بروووووووووي العبج واخليج تنقين هديتج لوووول انشالله تنجح هالفكره

والله يوفق عيالنا كلهم اللهم امين ​

 

[HoOoriah]

مشكووووووووووووووووووورين حبيباتي على افكاركم الحلوه ودعوتكـــــــــــــــم اللي تبرد القلب


وانا من اليوم بديت امهد له حق الموضوع وانه في مقابله مره ثانيه واستفدت من افكاركم وايد الله لايحرمني من تواصلكم ويوفق عيالكم يارب.

وقتله انه راح اشتري له هديه كبيره و بحطها بدبة السياره وماراح اعطيه الهديه الا اذا تكلم بالمقابله وانشالله يارب تنفع معاه هالطريقه وبحاول كل يوم اشوقه واتكلم معاه عن المقابله.

وذكرتيني حبيبتي rawonw اهو يموت على بروي ومن زمان مو موديته يلعب هناك بقوله اذا خلصنا المقابله وكنت شاطر بوديه بروي. وانشالله الله يوفق بنوتج بالمقابله وتبيض ويهج.

وصاجه اختي ردينيه المدارس كل وحده لها نظام مختلف انا حابه النظام البريطاني لانه يعلمون الطفل الالتزام والمسؤوليه من الصغر وريلي يبي نظام امريكي لان عيال اخته بال AIS ووايد عاجبه مستواهم. فقلنا نقدم اوراقه بالمدرستين ونشوف اي مدرسه تقبله. وانشالله الله يكتب اللي فيه الخير