رايج يهمني ( لذوي الخبرة في المدارس الخاصة)

[meyow]

السلام عليكم بنات

عندي استفسار بسيط ودري انكم ما تقصرون

شنو الفرق بين المدار الامريكيو والانجليزية

واي وحدة احسن وشنو الاسباب

وشكرا

 

[أم أسيل]

نفس السؤال وياريت يفيدونه

 

[meyow]

ماحد يعرف؟؟؟؟
انا افتريت المواقع لاحظت ان الانجليزي اذرب من الامريكي بس مادري ويييييييييييييييينكم يا ذوي الخبرة

 

[طيبة الكويتية]

سلام عليكم
راح افيدكم باللي اعرفه و ان شاءالله الخبيرات يفيدونكم اكثر مني.
اول شي النظام البريطاني يقبلون من عمر 3 سنوات تقريبا و مراحل الدراسه 13 سنه.
اما الأمريكي يقبلون من 4 سنوات و المراحل الدراسيه عندهم 12 سنه.
البريطاني أحسن و اقوى في تأسيس الطفل اما الأمريكي اشويه يعطونهم حريتهم و مناهجهم مو وايد قويه.
اعيالي بمدرسه نظامها بريطاني و ماشاءالله تأسيس فوق الممتاز. بيت ييرانه اعيالها بمدرسه امريكيه صج انهم كبار لكن اشوف البنت كل يوم و الثاني عندها مشروع لماده او بحث او عمل فني, حتى افكر متى يدرسون.
ما اعرف اكثر.

 

[CrystalQ8]

المدرسه البريطانيه احسن لن بالكويت نمشي عالمنهج اللبريطاني واما الأمريكي وين تحصلين جامعه منهجها امريكي صعبه شوي

 

[CrystalQ8]

طيبه عيالج اي مدرسه؟؟؟؟

 

[برونزية رشيقة]

حسب كلام المشرفة الأولى على رياض الأطفال في مدرسة ولدي ............ لمن حست إن ولدي عشتووو مو عاجبه الوضع وكنت بنقله مدرسة ثانية كثر ما أذوني بالنظاااااااااااااااااااااام عندهم وشرحت لي شخصية ولدي والفرق بين النظامين :


الأمريكي : يهتم بتقوية شخصية الطفل وأستقلاليته والاعتماد على نفسه وتنمية الإبداع عنده ويهتمون بالجانب المرح اكثر من الجاد ... طبعا يهتمون بالشخصية أكثر من الاهتمام بمنهج التدريس .


البريطاني (( الأنجليزي )) : نظام صاااااااااااااااااارم بالقوانين ابتداء من معاقبة الطفل إذا أخل باللبس الرسمي للمدرسة إلى تعليمهم الوقفة الصحيحة إلى أحترام الوقت بالدقيقة ....! تعليم الطفل النظام بأسلوب الحياة ككل ... ومنهج الدراسة قوووي جدا من أولى روضة وما يتساهلون بالتدريس نهائيا .

 

[سمبوسه2]

السلام عليكم حبيت أعرف شنو أقوى مدرسة نظام بريطاني

 

[طيبة الكويتية]

طيبه عيالج اي مدرسه؟؟؟؟

اعيالي بالامارات بمدرسه الشويفات الدوليه اذا سامعه عنها

 

[برونزية رشيقة]

السلام عليكم حبيت أعرف شنو أقوى مدرسة نظام بريطاني

ما أعرف اسمها بس موجودة بسلوى عالشارع العام وقديمة بالكويت ... شعارها نص شمس والله مو ذاكرة اسمها مالت ولد المطوع ... :68_asmilies-com:

بنات عفية ذكروني باسمها ؟؟؟؟

 

[ام عبوشى]

ما أعرف اسمها بس موجودة بسلوى عالشارع العام وقديمة بالكويت ... شعارها نص شمس والله مو ذاكرة اسمها مالت ولد المطوع ... :68_asmilies-com:

بنات عفية ذكروني باسمها ؟؟؟؟

bsk
المدرسه البريطانيه بالكويت

 

[طيبة الكويتية]

البريطانية بسلوى و الانجليزية الحديثه بالجابرية هذول اقوى ثنتين

 

[ريوف2]

انا من رايي ان النظام الامريكي وايد احسن من الانجليزي..
لأن النظام الانجليزي صارم وثقيل على غير معنى.. والامريكي احسن منه دراسيا
ومرة وحدة تشتغل بمدرسة خاصة نظام امريكي سمعتها تقول ان اللي بيحولون
من مدرسة انجليزية وبيون عندهممايقدرون يجتازون امتحان القبول.