مدرسة فجر الصباح

[مشخاله]

السلام عليكم

خواتي أبي فكره عن مدرسة فجر الصباح كل اللي أعرفه ان أغلب المتفوقين اكونون من مدرسة فجر الصباح

ياريت اللي عندها فكره عن هالمدرسة تقولي

من كل النواحي الاداره . . . المدرسات .....التدريس.....الرسوم ؟؟؟

 

[برونزية رشيقة]

نص صديقاتي بالدوام خريجات من مدرسة فجر الصباح بس شنو إبتدائي ومتوسط ..

سألتهم لج من ناحية تأسيس المدرسة قوية .... بس الإدارة كلها راهبات مسيحيات ويلبسون لبس الراهبات وتهتم بالناحية الأخلاقية للبنات أكثر من التدريس (( حسب الديانة المسيحية مو تقولين ما قلت لج ))

رسومها معقولة .. مو مثل المدارس الثانية .....الخاصة .

 

[--ام--حمني--]

التسجيل فيها صعب و يحتاج واسطة قوية...
وبعدين مشرفات الأقسام راهبات وهالشي احتمال يأثر على الطالبات (بالنسبة للطلبة ماعندي فكرة)

 

[مشخاله]

واااااااااي خرعتوني

بس اللي أعرفه ان مديرة المدرسة كويتية ومسلمة ؟؟
شلون !!!

مشكورين خواتي جزاكم الله خير أتم على مينوني أبرك

 

[قطورة ومطورة]

المدرسة واييد قوية بس الصراحة قديمة يعني المبنى قديم
يوصل عدد الصف الى 45 طفل
فما أدري أنا هذي كانت نقطت تحفظي على المدرسة يعني أفضل المدارس الحكومية الجديدة على المدارس الأهلية القديمة الغير مجددة وتكدس الطلاب فيها فضيع لأن رسومها قليلة

 

[شهووده]

أنا خريجة فجر الصباح درست فيها من الروضه لي الثانويه العامه وطلعت من الخمسين الاوائل عالقسم الأدبي ..

وكملت مسيرة التفوق بالجامعه الحمدلله ..

مدرسه قووووووويه وبصراحه تخرجت وأنا تووب بالانجليزي والفرنسي ..

كنت آخذ فرنسي من أولى متوسط بس ماكان يدخل بالمجمووع ..

المدرسات يشرحون من قلب .. الاداره قوويه وشديده .. وأبدًا ماله تأثير كونهم راهبات مسيحيات ..

بالعكس يشددون عالأخلاقيات والسلوكيات واايد واايد ..

وكنا مستفيدين من هالشغله إن أعيادهم كنا نعطل فيهاا ..


طبعًا التسجيل فيها واايد صعب .. تسجيل الروضه تكون فيه الأولويه حق اللي عندهم أخوان أكبر منهم بالمدرسه ..

وبالنسبه لتسجيل الكباار يعني الثانويه فلازم تكون البنت متفووقه ومن الأواائل ..

النقطه الوحيده إن بالصف يحطون 40 43 طالب يعني تكدددددس ..



ان شالله أكون أفدتج ..

 

[ام العيال]

بنات ريع هالمدرسة للراهبات في اسرائيل والاردن صح تدريسها زين بس مو توب في ارقى منها وايد بس رخيصة

 

[ملاك دنيا]

انا ولدي ثانية روضة الحين وهالسنة دخلتة وبالواسطة بس تدريسهم زين يعني روضة وعندهم كتاب واح عربي وواحد انجلش
ويعلمونهم يكتبون اساميهم بالعربي والانجلش وكلمات وايد وارقام بصراحة قوية بس مشكلتها تكدس الطلبة بالصف
وجان زين ولدي يداوم بالاسبوع لازم يغيبلة جم يوم

 

[زلابيا]

اخواني فيها

ومالهم شغل بالراهبات ولا بالديانه المسيحيه ولا صوبهم .. ناظرتهم كويتيه مسلمه .. مناهجهم مثل مناهج الحكومه .. بس الفرق ان تدريسهم اقوى ..

العيب مثل ما قالوا البنات بالتكدس داخل الصف ..

خواتي الثنتين واخوي تأسيسهم ماشاءالله قوي لأنهم من الروضه هناك..

يبيلها واسطه قويه عشان تدخلين عيالج

 

[مشخاله]

ايه هذا الكلام اللي اونس
انا هذا اللي ابيه أحد ادرس عيالنا عدل
زهقنا من بعض هالمدرسات و أغلبهم للأسف اللي صارت مهنتهم بدال التدريس انهم يهدمون شخصية عيالنا

وصلونا حق الطبيب النفسي حسبي الله ونعم الوكيل :0bee2e8d89:

مشكورين خواتي على هالمعلومات :aha:

 

[بوران]

جم التكاليف؟؟

 

[-Gucci Girl-]

معقولة فوق الاربعين طالب بصف واحد؟؟
المدرسة على شنو بتلحق مسكينة و خاصة صفوف الابتدائي شلون اليهال بيستفيدون ولا الوقت بيكفي اصلا؟؟

والله انا وايد استغربت مع انه اغلب متفوقين الكويت خريجين هالمدرسة .. بس الصراحة وايد 40 على صف واحد!!!

 

[برونزية رشيقة]

بنات ريع هالمدرسة للراهبات في اسرائيل والاردن صح تدريسها زين بس مو توب في ارقى منها وايد بس رخيصة

متأكدة من هالمعلووووووووووومة ؟ على اي اساس قلتي جذي ؟ ممكن دليل ؟؟؟؟

 

[bintmasr2009]

للرفع

 

[ريشه123]

انا ولدي طلعته منهااني روضه ابد ابد ماااحبيتها وللاسباب التاليه :

1- مثل ماقالووووو البنات بالصف يمكن 45 طلب وكلهم على 4 او خمس طاولات
2-مافي تركيز على الطالب من كثر عدد الطلاب
3- في تفرقه بن الطلاب الاجانب عن الكويتين
4-مايتدرجون مع الطلاب بالتدريس على طووول كلمات

 

[karaza]

الللللللللللللله مدرستييييييييييي قديماا انا واختي ووبنت خالتي ووايد من الاهل واكثرهم تخرجو منها انا من اولى روضة بفجر الصباح لييي ثانية ثنوي وبعدين طلعت عشان بغيت احول مقررات اخر سنتين من الثنوية

المدرسة كمبناا يمكن ما تعجبج وانه صحيح عدد الطلبة بالصف كبير...وصحيح انه الراهبات اهماا اداريات المدرسه يعني بمثابة الوكيله ووفي فوقهم ناظره كويتية لكن اهما الكل بالكل بالمدرسه....بس مالهم شغل بالبنات ولا تخافين انه يأثرون على عقول الطلبة والطالبات العكس اهما ماسكين المدرسه وماسسينها اساس قوي,,,, والناظره تكون كويتية ومسلسمه والمناهج نفس مناهج الحكوومه بس الفرق بطريقة التدريس والتاسيس قوية جدا

مدرسه قوية بادارتها ومدرساتهاا كلهم شاطرييين و ووالمدرسة مختلطه لي رابعه ابتدائي ووالبقية بنات بس

المدرسه تطلع اجيااال متفوقه وشاطره ووانا لما اتزوج واييب عيااال حدي حابة اني ادخلهم هالمدرسه,,,

انا ماحسيت بتفرقة بين الطلااب بين الاجانب والكويتين ,, واهيا من اقوى المدارس,,..واي استفسار انا حاضرة

 

[Mrs. Finance]

السلام عليكم
اختي انا كنت في فجر الصباح بس اختلف مع خواتي بجم نقطة..

اول شي لازم تفكرين انت ليش تبين مدرسة خاصة؟ ..

مدرسة فيها 45 طالب بالصف .. كل اهتمامها حشو ادمغة الطلبة باكبر معلومات .. اذا كان ولدج او بنتج عندها مشكله .. انسي ان وحده تتصل فيج تقولج ترا بنتج ولا ولدج عندها ضعف بالنقطه هذه و ترا الحل جذي و جذي.. و حنا بنساعدج
انا مستواي فيها بالابتدائي امتياز بس ماء شاء الله هم عندهم المتياز ولا شي لانهم يتنافسون على 99.9 و 99.8% يعني بالاعشار و الي اقل من 95 هذا ما له اي اعتبار عندهم

المدرسات اهتمامهم الاكبر على الاجانب ... و اكثرهم ربع و اهل يعني اذا وحدة مو عارفة شي تلقا من يشرح لها باي وقت و قلوبهم على بعض .. اما احنا فكانت جم مدرسة تعرض مجهوداتها كدرسش خصوصي ( انا جربت هالشي و زاد الطين بله ما تشرح ولا شي بس المهم تحط لي درجة زينه ) و اهلي ما كانو يرضون باهشي لان بالاخير محد خسران غيري

من ناحية الدين .. ما شفت ذرة تاثير و الشهادة لله الشي الوحيد الي شفت ان زين عندهم هي الشده و بالاخلاق سييييده! و اي غلط له عقاب عسييير ! ( مسطرة خشب :\ ) .. بس الي كان يحرني مثلا لما يكون في لزعاج من طالب و طالبين نتعاقب كلنا بالدور ننطق!! و هذا وايد اثر بنفسيتي .. يعني الاهتمام بتكوين شخصية الطالب و تنميتها مالها اي اهتمام عندهم

النشاطات .. اسوا مدرسة على مستوى الكويت .. حصص الموشيقى و الرياضة و الرسم و النشاط بالغالب يعطونها حق الحصص الاساسية الثانية و اذا خذوهم كلهم و ما فاد ياخذون حصة الفرنسي .. الي انا شخصيا ما استفدت منها ولو 1% لان كلها لعب و قرقة مو بس الطالبات مع بعض المدرسة نفسها تطيح سوالف معاهم!! و اذا عندنا امتحان المدرسة ما يهمها اذا وحدة افتحت الكتاب اشكرة !

و اهم و آخر نقطة ان المدرسات التربويات هناك معدودين على الاصابع اذا مو معدومين .. يعني مثلا بالحكومة مافي وحدة تصير مدرسة الا اذا كانت تربوية يعني دارسة شلون توصل معلومة و شلون تكون مدرسة تفهم المرحلة العمرية الي تدرسها و بين فتره و فترة يعطونهم دورات..
هذولا على حطة ايدج المدرسة الي من العصر الحجري تدرس هي نفسها حافطة المنهج تيي تشخط بالسبورة نفس الكلام كل سنه..
والي شهادتها مهندسة زراعية صارت مدرسة علوم او رياضيات .. و الي دارسة ادبي تدرس اي مادة ادبية و ان كانت مو تخصصها .. اذكر سنه من السنين كان في مدرسة يديده كانت مضيفة طيران فجاة سووها مدرسة رياضيات !!
و الي يقول القبول صعب و واسطات شي بديهي لانها مخصصه للاجانب الب ما يقدرون يدرسون بالمدارس الحكومية و ما يقدرون يدفعون تكاليف عالية فهذا الانسب للطبقة المتوشطة ة الي عندها كذا ياهل
و ما شاء الله عليهم الي يقول ان اكثرهم متفوقين لان هم اصلا اذكيا غير المجهود الخاص الي ينعطى لهم من قبل المدرسات مثل ما ذكرت قبل

و اخيرا لو يخيروني بين الحكومة و الخاص اكييييد باختار الخاص بس اذا حكومة و مدرسة مثل فجر الصباح فالحكومة احسن بوجهة نظري

هذا كل ما عندي و الله على ما اقول شهيد:eh_s(1):

 

[Mrs. Finance]

انا ولدي طلعته منهااني روضه ابد ابد ماااحبيتها وللاسباب التاليه :

1- مثل ماقالووووو البنات بالصف يمكن 45 طلب وكلهم على 4 او خمس طاولات
2-مافي تركيز على الطالب من كثر عدد الطلاب
3- في تفرقه بن الطلاب الاجانب عن الكويتين
4-مايتدرجون مع الطلاب بالتدريس على طووول كلمات

و هذه بعد من الاشياء الي عانيت منها شخصيا بذييج المرحلة !!!!

 

[moaze]

السلام عليكم
اختي انا كنت في فجر الصباح بس اختلف مع خواتي بجم نقطة..

اول شي لازم تفكرين انت ليش تبين مدرسة خاصة؟ ..

مدرسة فيها 45 طالب بالصف .. كل اهتمامها حشو ادمغة الطلبة باكبر معلومات .. اذا كان ولدج او بنتج عندها مشكله .. انسي ان وحده تتصل فيج تقولج ترا بنتج ولا ولدج عندها ضعف بالنقطه هذه و ترا الحل جذي و جذي.. و حنا بنساعدج
انا مستواي فيها بالابتدائي امتياز بس ماء شاء الله هم عندهم المتياز ولا شي لانهم يتنافسون على 99.9 و 99.8% يعني بالاعشار و الي اقل من 95 هذا ما له اي اعتبار عندهم

المدرسات اهتمامهم الاكبر على الاجانب ... و اكثرهم ربع و اهل يعني اذا وحدة مو عارفة شي تلقا من يشرح لها باي وقت و قلوبهم على بعض .. اما احنا فكانت جم مدرسة تعرض مجهوداتها كدرسش خصوصي ( انا جربت هالشي و زاد الطين بله ما تشرح ولا شي بس المهم تحط لي درجة زينه ) و اهلي ما كانو يرضون باهشي لان بالاخير محد خسران غيري

من ناحية الدين .. ما شفت ذرة تاثير و الشهادة لله الشي الوحيد الي شفت ان زين عندهم هي الشده و بالاخلاق سييييده! و اي غلط له عقاب عسييير ! ( مسطرة خشب :\ ) .. بس الي كان يحرني مثلا لما يكون في لزعاج من طالب و طالبين نتعاقب كلنا بالدور ننطق!! و هذا وايد اثر بنفسيتي .. يعني الاهتمام بتكوين شخصية الطالب و تنميتها مالها اي اهتمام عندهم

النشاطات .. اسوا مدرسة على مستوى الكويت .. حصص الموشيقى و الرياضة و الرسم و النشاط بالغالب يعطونها حق الحصص الاساسية الثانية و اذا خذوهم كلهم و ما فاد ياخذون حصة الفرنسي .. الي انا شخصيا ما استفدت منها ولو 1% لان كلها لعب و قرقة مو بس الطالبات مع بعض المدرسة نفسها تطيح سوالف معاهم!! و اذا عندنا امتحان المدرسة ما يهمها اذا وحدة افتحت الكتاب اشكرة !

و اهم و آخر نقطة ان المدرسات التربويات هناك معدودين على الاصابع اذا مو معدومين .. يعني مثلا بالحكومة مافي وحدة تصير مدرسة الا اذا كانت تربوية يعني دارسة شلون توصل معلومة و شلون تكون مدرسة تفهم المرحلة العمرية الي تدرسها و بين فتره و فترة يعطونهم دورات..
هذولا على حطة ايدج المدرسة الي من العصر الحجري تدرس هي نفسها حافطة المنهج تيي تشخط بالسبورة نفس الكلام كل سنه..
والي شهادتها مهندسة زراعية صارت مدرسة علوم او رياضيات .. و الي دارسة ادبي تدرس اي مادة ادبية و ان كانت مو تخصصها .. اذكر سنه من السنين كان في مدرسة يديده كانت مضيفة طيران فجاة سووها مدرسة رياضيات !!
و الي يقول القبول صعب و واسطات شي بديهي لانها مخصصه للاجانب الب ما يقدرون يدرسون بالمدارس الحكومية و ما يقدرون يدفعون تكاليف عالية فهذا الانسب للطبقة المتوشطة ة الي عندها كذا ياهل
و ما شاء الله عليهم الي يقول ان اكثرهم متفوقين لان هم اصلا اذكيا غير المجهود الخاص الي ينعطى لهم من قبل المدرسات مثل ما ذكرت قبل

و اخيرا لو يخيروني بين الحكومة و الخاص اكييييد باختار الخاص بس اذا حكومة و مدرسة مثل فجر الصباح فالحكومة احسن بوجهة نظري

هذا كل ما عندي و الله على ما اقول شهيد:eh_s(1):

لو اني متخرة كتير بالرد
اولا مشكورة عالتوضيح والافادة عندي طلب لوسمحتي
متى ينتهي التسجيل عندهم وكم الرسوم مع الباص طبعا
وماذا يقصد بكلمة واسطة يعني ما هي مؤهلات الشخص الواسطة
وجزاك الله خيرا

 

[سيدة الكويت]

الله أكبر