خواتي ابي رايكم كلكم ؟؟؟

[أم عبووووود]

السلام عليكم ورحمة الله وبركاته



تصدقون يا خواتي ان مدرسة بنتي مصرين على انهم يكرمون اللي يايبين نسبة من 95% وفوق واللي أقل ما يعتبرونهم متفوقين وانا اللي ذابحنب من القهر ان بنتي يايبة 94.8% وذمتكم مو حرة ؟؟ شسوي

راح ابوها حق الوكيلة مارضت قالت احنا عندنا وااايد بنات يايبين فوق ال 90% لأن احنا رافعينهم بالالعاب والفنية وهالمواد اللي مو اساسية بس حرااام عليهم ماشالله بنتي كل المواد امتياز الا الرياضيات جيد جدا وحراام والله يشهد انها تتعب بالدراسة بس ماقول الا حسبي الله عليهم ونعم الوكيل


وانتو اشرايكم ؟؟؟

 

[أم حمودي**MALL**]

صج شي يحر

 

[هدولى]

اى والله شى يقهرالله يعينج بس بنتج باى صف ام عبود ؟

 

[um hamed]

الله يعينج
بصرااحه شيء يقهر
انا مدرسة بنتي طالبين فلوس علشاان يكرمونها وانا مو رااضيه يعني بيكرمونها بفلوسنا انتي شنو تنصحيني فيه

 

[هدولى]

الله يعينج
بصرااحه شيء يقهر
انا مدرسة بنتي طالبين فلوس علشاان يكرمونها وانا مو رااضيه يعني بيكرمونها بفلوسنا انتي شنو تنصحيني فيه

الظاهر كل المدارس جذى انا خذو منها 5 دنانير .

 

[أم عبووووود]

صج شي يحر

حسبي الله عليهم

مشكوووورة حبيبتي عالمشاركة

 

[أم عبووووود]

اى والله شى يقهرالله يعينج بس بنتج باى صف ام عبود ؟

بنتي حبيبتي بالصف الثاني

 

[أم عبووووود]

الله يعينج
بصرااحه شيء يقهر
انا مدرسة بنتي طالبين فلوس علشاان يكرمونها وانا مو رااضيه يعني بيكرمونها بفلوسنا انتي شنو تنصحيني فيه

والله عطيهم كافي فرحة بنيتج لأن اذا ماعطيتيهم ما راح يكرمونها صايرة بمدرسة بنت اختي مرة تقول اختي الام ما رضت تدفع 3 دنانير ويوم الحفلة ماكرموها والام تهاوشت مع الادارة والله ماتسوى عطيهم ولا تندقر بنيتج

 

[um hamed]

مشكوووره حبيبتي ام عبود
على النصيحة بس انا مستغربه العام مدرسة ولدي كرمووه وصورووه بلااش

 

[JaDeL]

اي شي صج نظام فاشل انا اللي اعرفه المتفوقين من 90 وفوق

 

[اموله الاموره]

الله المستعان اهم شي الدراسه بدال مايفرحون عيالنا ويكرمونهم يصعبون المسائل وهي ماتسوى كلها شهادة تقدير تتوزع وبس

 

[sara999]

صج شي يحر....بس شنو الحكمه من هال طريقه يعني يبون النسب ترتفع ويصير تحدي ؟؟؟
مادري ترى الي يايب 95% شنو فرقه عن الي ياب 94.8% شنو يعني الثاني مو دارس يعني مو شاطر
كلهم انكرفو
حرام كلهم يستحقون التفوق .. ظلم وبياخه

 

[أم عبووووود]

مشكوووره حبيبتي ام عبود
على النصيحة بس انا مستغربه العام مدرسة ولدي كرمووه وصورووه بلااش

العفو حبيبتي حياج الله

 

[أم عبووووود]

اي شي صج نظام فاشل انا اللي اعرفه المتفوقين من 90 وفوق

كلنا نعرف هالشي الا مدرسة بنتي حسبي الله عليهم

 

[أم عبووووود]

الله المستعان اهم شي الدراسه بدال مايفرحون عيالنا ويكرمونهم يصعبون المسائل وهي ماتسوى كلها شهادة تقدير تتوزع وبس

اي والله

بس تدرين هذي الحفلة وااايد تأثر بمعنويات الياهل تشجعها

 

[أم عبووووود]

صج شي يحر....بس شنو الحكمه من هال طريقه يعني يبون النسب ترتفع ويصير تحدي ؟؟؟
مادري ترى الي يايب 95% شنو فرقه عن الي ياب 94.8% شنو يعني الثاني مو دارس يعني مو شاطر
كلهم انكرفو
حرام كلهم يستحقون التفوق .. ظلم وبياخه

احنا متفقين على انه ظلم بس ادارة المدرسة تقول غير هالشي
تصدقين والله مادري شنو قاعد يفكرون فيه وشنو الحكمة من اللي قاعدين يسوونه

 

[الصابرة المحتسبة]

ام عبووود وليدي نفس السالقة برابعه ابتدائي لكن ما نقول الا ربي يعين ويهديهم ما يدرون اشكثر راح يكون التفوق دافع لهم جدام ربعهم واهلهم ونفسهم
ربي لايضيع التعب

 

[أم عبووووود]

ام عبووود وليدي نفس السالقة برابعه ابتدائي لكن ما نقول الا ربي يعين ويهديهم ما يدرون اشكثر راح يكون التفوق دافع لهم جدام ربعهم واهلهم ونفسهم
ربي لايضيع التعب

هلا والله

والله كلمت الادارة والوكيلة ماكو فايدة بس اخر شي قالت راح نعطيهم شهادات تقدير بالطابور

يامعودة زين طلع منهم شي بس انشاء الله انا بسوي لها كاكاو وبخليها توزعه وتستانس وانا بخبها علشان اعطيها دافع:nbvppw:

 

[أم أسيل]

والله يا قلبي صج شي يحر ويعور القلب بس انا سمعت انا هذا قانون يديد يطبق على كل المدارس مو بس مدرستكم التكريم من 95 وفوووق

 

[حلم الطفولة]

أبييييه حراام ...... انزين آمنّا بالله ورضينا التكريم يكون للبنات من 95% بس ترى معروفه الكسور تنجبر دايما !! ..
94.8% = 95% .. !!!!
الل ياجركم صراحه صج يحررر......................