الوايلية
New member
- إنضم
- 31 أكتوبر 2008
- المشاركات
- 2,247
- مستوى التفاعل
- 0
- النقاط
- 0
لا يومي بيوم ٍ ولا ليلي بليل
ولا السّعد مقبل ولا الهم زايل
ما غير أزم هموم وأحط وأشيل
ولا راح منها هم جاله بدايل
تدرون يالعربان وش هي البهاذيل
فرقا وليف وحظ ما من صمايل
الوصل نعمة والمفارق غرابيل
ياحظ ليتك تعتدل ما تمايل
لا من بغيت أعدّلك ترجع تميل
كنّك تقول أعيش وأموت مايل
والمهرة اللي ما تعيّن مع الخيل
من دونها تقصر جميع الأصايل
من دونها ضاعت عقول الحلاحيل
وتضاربت فيها سلوم القبايل
يا شيب عيني يوم قفّت وأنا أخيل
دموعها وبلٍ على الخد سايل
وأنا اتصبّر وأزهم العقل والحيل
والقلب يشكي للضلوع النحايل
أصبر مثل صبر الرجال المشاكيل
وأخبّي جروح الزمن وأتحايل
لأن الردي والهيس وخبل الرجاجيل
تفرح لا وراني الزمان الهوايل
وأنا أترفع وأترك القال والقيل
وأجبر عزا قلبٍ على الموت آيل
أشب نار الشوق وأرهي المعاميل
وأريّح أعصابي بــ بدع المثايل
وإلاّ الغلا ما عاد يحتاج تفصيل
لأنّه موريني نجوم القوايل
ياللي غيابك حط بالقلب تنكيل
ويلي على قربك ولاني بطايل
لا غاب صوتك ما تفيد المراسيل
وفر على الجوال كثر الرسايل
والله لو تاخذ لــ دمي تحاليل
تلقاك بالجينات صايل وجايل
حبك تعدى حب الأكراد لأربيل
إلاّ تعدى حب شمر لــ حايل
صبيت حبك مثل صب الفناجيل
وين الجليلة تشرب أشواق وايل
وأنتَ تواعدني من اسهيل لــ سهيل
والشوق في قلبي مسوي عمايل
ليتك تبادلني الغلا والمواصيل
وترد لي بعض الوفا والجمايل
تعبت من قولة ظروف وعراقيل
وتعبت من قولة يا قل الوسايل
لا قلت أنا أحبك ومشتاق بالحيل
تقول لي جعل العوض فـــ الموبايل
يعني أنا وياك مثل المهابيل
وأشباهنا فــ الوقت هذا قلايل
كذاب من قال المحبة تساهيل
راحو ضحيتها عيال الحمايل
ولا السّعد مقبل ولا الهم زايل
ما غير أزم هموم وأحط وأشيل
ولا راح منها هم جاله بدايل
تدرون يالعربان وش هي البهاذيل
فرقا وليف وحظ ما من صمايل
الوصل نعمة والمفارق غرابيل
ياحظ ليتك تعتدل ما تمايل
لا من بغيت أعدّلك ترجع تميل
كنّك تقول أعيش وأموت مايل
والمهرة اللي ما تعيّن مع الخيل
من دونها تقصر جميع الأصايل
من دونها ضاعت عقول الحلاحيل
وتضاربت فيها سلوم القبايل
يا شيب عيني يوم قفّت وأنا أخيل
دموعها وبلٍ على الخد سايل
وأنا اتصبّر وأزهم العقل والحيل
والقلب يشكي للضلوع النحايل
أصبر مثل صبر الرجال المشاكيل
وأخبّي جروح الزمن وأتحايل
لأن الردي والهيس وخبل الرجاجيل
تفرح لا وراني الزمان الهوايل
وأنا أترفع وأترك القال والقيل
وأجبر عزا قلبٍ على الموت آيل
أشب نار الشوق وأرهي المعاميل
وأريّح أعصابي بــ بدع المثايل
وإلاّ الغلا ما عاد يحتاج تفصيل
لأنّه موريني نجوم القوايل
ياللي غيابك حط بالقلب تنكيل
ويلي على قربك ولاني بطايل
لا غاب صوتك ما تفيد المراسيل
وفر على الجوال كثر الرسايل
والله لو تاخذ لــ دمي تحاليل
تلقاك بالجينات صايل وجايل
حبك تعدى حب الأكراد لأربيل
إلاّ تعدى حب شمر لــ حايل
صبيت حبك مثل صب الفناجيل
وين الجليلة تشرب أشواق وايل
وأنتَ تواعدني من اسهيل لــ سهيل
والشوق في قلبي مسوي عمايل
ليتك تبادلني الغلا والمواصيل
وترد لي بعض الوفا والجمايل
تعبت من قولة ظروف وعراقيل
وتعبت من قولة يا قل الوسايل
لا قلت أنا أحبك ومشتاق بالحيل
تقول لي جعل العوض فـــ الموبايل
يعني أنا وياك مثل المهابيل
وأشباهنا فــ الوقت هذا قلايل
كذاب من قال المحبة تساهيل
راحو ضحيتها عيال الحمايل
