تجمع امهات 2008 حياكم

[داريني]

رحنا شرينا نطاطيه الهوا من العاب شرق حق اليهال
ولما حطيناها بالحوش نبي ندخلهم دانه وفضه ميتين بجي وخووف

لو بره وبفلوس جان صارت حلوه وتهبل

 

[Q8stylle]

مبروك الصفحه الخمسيه
وعقبال المليون

 

[كويتيه وافتخر]

السلام عليكم
اشلونكم

كان يومي تمام مع ولدي
رديت الشقه وتنكدت اخر نكد

خل اقولكم السالفه وشوروا علي

انا الحمدلله من بيت اخلاقهم عاليه وعندنا الحلال بين والحرام بين
وزوجي فقير عنده شغلات غلط بس الحرام عنتده بعيد ان شاء الله


يعني يسمع اغاني يدخن مو اكثر
المهم


مايعرف شيء بالنت كلش ملش
قبل لايسافر رفيجه سواله ايميل قال خل نكلمك ماسن
وفعلا يومين يكلمونه ويمكن تضحكون اهوا يمي اقراله واكتب لهم اللي يبي يقوله
حلو الكلام

المهم والا واصله الرسائل الوارده 59 رساله
قلتله رسايل ربعك 00 نكت وسوالف ومعلومات تبي افتحهم لك قال شوفيهم على ما اروح اشتري اغراض
وافتح رساله

شيء يندي له الجبين
منكر اعوذ بالله
صور حريم يعني شقول مولابسين لبس داخلي وبوضع مخزي


حذفت الرساله
بس شسوي الحين بهالدمار اكيد الرفيج الوسخ هذا بيدز له مره ومرتين
واكيد زوجي بيجي اليوم اللي يتعلم ويشوف

مدري اقوله اكلمه

اخاف بعدين مايخليني افتح ايميله
وهم مقهووووووووره
انا اشوف هالمنظر الوسخ الله لايسامحه كاسب اثم انه يطالع ويدز حق الناس بعد عشان يفسدهم

بالذمه موشيء يقهر ويلوع الجبد

عاد انا مشاكلي اليوميه مع زوجي عالعبادات لاتتاخر بالصلاه حاول تقطع السجاير غض بصرك

اشلون على ها المنكر اسكت ؟؟؟



سامحوني يمكن لوعت جبودكم مثل مالاعت جبدي بس مقهوره والله انسدت نفسي عالعشا ماتعشيت
اشهالناس اللي تتباهى بالحرام
بتشوف شيء قذر حلاة وجهك استر على عمرك موتدزه للناس

 

[أم وجيه]

السلام عليكم

شخباركم بنات وأخبار بيبياتكم

الجاردينيا اي تستقوي شفتي من الحين أبوها مسميها الكتكوت الشرس وبدا عنده دلع البنات يقول هذي حبيبت أبوها تسوي اللي تبيه

دردر عليج بالعافيه الفلوس
اي يحبون أي شي برا بس بالبيت يصير مو حلو كلهم هذي حالتهم

كويتية ما أدري شقولج بس برايي دزيله ايميل من ايميل زوجك للعظه يعني قصة من القصص اللي نقراها عن اللي ينشرون هذي الأشياء
يمكن الله يهديه على ايدج وبدال ما يخرب زوجك تكسبين انتي أجر
الله يهدي أمة المسلمين ان شاء الله
اهم مو يتباهون بالحرام صدقيني اهم غافلين عن كبر المعصية والشيطان عامي قلوبهم جربي دزيله ايميل هداية على انه من زوجك

باقي البنات شخباركم اليوم الشوارع فاضية الصبح الظاهر ماكو أحد مداوم

 

[الاستاذة]

السلام عليكم

داريني مبرو الاعمال الممتازه وانشالله اتهنين فيهم احنا مانزلو شي ليلحين وانا حاطه آماال عليهم

كويتيه انا بنظري مثل ماقالتج ام وجيه دزيله ايميل وبس ولاتقوليلن حق ريلج والله يصلحه لج ويهديه

يالله استبرق كل تاخيره فيها خيره

القاردينيا مافيج شي شحلوج بس سوي نيولك ترى التغيير يعدل النفسيه وانشالله كل تحاليلج اوكي

ام وجيه شخبارج؟

رقي فاقدتها والله وينهاا شكلها ساحبه عالدوام

 

[الاستاذة]

بنات امس زيون بليل الفير واهيا نايمها اتنهد اتخرع من قلب مسكينه احسها مو مرتاحه او جنها حلمانه واستمرت وايد لي درجة اني ماقدرت انام لامتها اقرى عليها مادري شفيهاهالحاله صارلها جم يوم تهقون من شنو وشسوي شورو علي؟؟؟

 

[داريني]

صباح الخير
مالي خلق دوام يايه غصب

 

[داريني]

الاستاذه
عادي مسكينه يمكن تكون حلمانه اقري عليها معوذات ونوميها يمج ترا حرام

 

[داريني]

كويتية وافتخر
حبيبتي الله يعينج لا تنقهرين وانشالله الله يغفل عيون ريلج على هالسوالف وبعدين انتي تصرفي من غير ما يدري
طرشي ايميل وفهمي الي طرش هالشغلات انه عيب وحرام

 

[أم وجيه]

هلا الاستاذه لا تحاتين يمكن تحلم مسكينه لا تنومينها بدون لا تقرين عليها الرقيه الصغيره والمعوذات ومثل ما قالت دردر حطيها يمك بحضنك ترى تطمن وترتاح حبيبتي يعورون القلب لما يتنهدون

دردر وآنا بعد يايه غصب الصبح لبست ملابسي كلها ورحت تمددت على السرير مو قادره أبي أنام

 

[رقي]

السلام عليكم
شخباركم
انا ان شالله بخير وصحه وعافيه
بس عندي مشكله
والصراحه من صنع ايدي
دعواتكم لي الله يفرجها علي

 

[داريني]

السلام عليكم
شخباركم
انا ان شالله بخير وصحه وعافيه
بس عندي مشكله
والصراحه من صنع ايدي
دعواتكم لي الله يفرجها علي

الله يفرجها عليج انشالله

 

[الاستاذة]

داريني ام وجيه انا كانت نايمه يمي وقريت عليها بس وايد اتنهد عورني قلبي والله وماقدرت انام

رقي الله يفرج همج وانشالله ماكو الا الخير

 

[أم وجيه]

السلام عليكم
شخباركم
انا ان شالله بخير وصحه وعافيه
بس عندي مشكله
والصراحه من صنع ايدي
دعواتكم لي الله يفرجها علي

مس يو رقي
الله يفرجها عليج ان شاء الله ويريح بالج

 

[الاستاذة]

طلبت من مدكدولندز الديره والطلب ناقص انقهرت

 

[كويتية1]

صباح الخير
اليوم داومت ونسيت تلفوني بالبيت حدي ضايعه

كويتية لاتكبرين الموضوع عادي
رقي الله يفرج همج
ام جوجو اشلون المشيمه الحين؟
باجي البنات شخباركم

 

[الاستاذة]

صخخخخخخخخخه شفيكم انا بستاذن بروح اسوي اغراضي بروح المزرعة العصر انشالله اشوفكم على خيرر

وهاف فن

 

[mrs_sugar]

كويتية و افتخر

الله يفرج همج و ما يفتح عيون ريلج على هالسوالف

انتي طرشي ايميل نصيحة ولا بوربوينت عن هاللأشياء انك اشكثر بتاخذ اثم اذا سويت هالسوالف

موجودة و تحصلينها اذا دورتي عليها بقوقل يمكن تفتح عيونه

و لو انا منج اوقل حق ريلي

ليش ما اقول له

بس ما اقول له اني طرشت الايميل

بس لا تضيقين خلقج

انا ساعات تييني ايميلات من ناس ما اعرفهم و قروبات و انصدم بالمناظر و امسح على طول

عادي لازم الواحد يكون عنده رقابة داخلية و اكيد هالشي موجود عند ريلج و انا متأكدة من هالشي

 

[mrs_sugar]

بنات امس زيون بليل الفير واهيا نايمها اتنهد اتخرع من قلب مسكينه احسها مو مرتاحه او جنها حلمانه واستمرت وايد لي درجة اني ماقدرت انام لامتها اقرى عليها مادري شفيهاهالحاله صارلها جم يوم تهقون من شنو وشسوي شورو علي؟؟؟

حلمانة اخاف

اقري عليها

و لا تثقلين عليها بالعشا

خليه خفيف شوربة ولا توسته و جبنة و بس

 

[mrs_sugar]

دعواتكم لي الله يفرجها علي

الله يفرج همج و يريح بالج