~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[بطة رشيقة]

هلو هلو هلو .. انا بببكبببكككباااابكككببكككبييكككك... اقصد انا باااك .. ياهلا وغلا بالكل

جسوووته ... حبيبتى اشوه انج وصلتى الامانه ... تدرين ليش شااروووخ زعلان لان اهو كان خاطبنى اول بس ابوى ما رضى لانه هندى وخلانى اتزوج جوووزووو يقول الكويتى انفع ( هههههه) عشان جذى اهو شوى ماخذ على خاطره بس شسوى الله كريم هذا نصيب قوليله جذى اذا شفتيه مره ثانيه .... هاهاهاهاهاهاهاهاى ...


زيووون ... هلا فيج حبيبتى ... واحلام على كيفها تضعف وعلى كيفها تمتن ؟؟؟ احنا صارلنا شكثر نطحس والله المستعاان !!!


هلا والله بهنوده .. بالعافيه الريوووق


منمن ... هلا حبيبتى .. شلون الدوام والله يعينج على الدوام تصدقين على طارى المشى انا اول كله امشى على البحر اياام اووووووووول اىىى ايااام حبك كانت ايااام حلوووه .... الحين ياهل وريل ودواااااام الله المستعااان ... الله كريم ...


قاااب .. بشرى شكثر نزلتى ؟؟


وشخبارج

 

[mn.mn]

ههههههههههههههه الله يهداااج بس
لوعه عـــاد مررره وحــــده !! .. عاد منموون انتي شغلج حد الراااحه

بس شنو تخصصج ؟؟

حررررررررررررام عليج مدرسة وراحة ما يتوالمون

أنا صج ادرس حاسوب يعني مادة خفيفة مو مثل العربي والرياضيات

بس والله هم كررراف وشغل ولا توه يايبين لي سجل الاحتياط عندي السادسة احتياط ولا اولى ابتدائي

ليش جذي تقلبين المواااااااااااااااااااجع

أنا خريجة كلية العلوم الداثرة تخصصي احصاء ومساندي ادارة عامة

 

[mn.mn]

وينكم ؟

موجووووووووووودين

امبيه يلا طلعوا سوالف لاني بديت أقفل وتو الناس ما صارت عشر

 

[mn.mn]

منمن ... هلا حبيبتى .. شلون الدوام والله يعينج على الدوام تصدقين على طارى المشى انا اول كله امشى على البحر اياام اووووووووول اىىى ايااام حبك كانت ايااام حلوووه .... الحين ياهل وريل ودواااااام الله المستعااان ... الله كريم ...

بطو انتي للحين خفيفة ياهل واحد ليش ما تاخذينه بالعربانة مع ريلج وتروحون تمشون ؟

بس المشكلة إذا ريلج ما يحب المشي بس كيفه اذا يبيج تضعفين لازم يتحمل

انا أول لما بس كان عندي ولدي العود الله يحفظه كنت أحطه بالعربانة واحط بايده بطاط وعصير

ونروح أنا وريلي بليل نمشي كان وناسة بس الحين الله يحفظهم ثلاثة يعني الوضع ما يسمح

واللي كان صغير ويقعد بالعربانة صار الحين بثالثة ابتدائي الله يحفظه من كل شر

و صار متختخ شوي الظاهر يبيله يمشي الحين بس بدون عربانة !!!!

 

[هــنــــــد]

بطه رشييقه
يا هلا يا هـــلا
الله يعافيج غلاااااتي
ولووووووووووووووووووووووووووووووووووووول
عجبتني قصتج ويا شاروخ وعليه مسكييين ليش جذي كــــاسرييين فيييييه
:krkrkr: :krkrkr: :krkrkr:

منموون
يوووه اللــه يعيينج
خبري التدريس سهالاات ليش اختي تدرس ابتدائي صبيااان ((فنيــه)) وحدهاا تمدح بالوضع هنااك
من صجج انتي
يمعوده كلما ادق عليهــا طايحتله سواالف حتى بالحصص ترد
مقزرينها عددددددددل
الله يكون بعوونج شكلج متأذيه أذية العالمين
مادري ليش احسس شهادتج المفروص تشتغلين فيها بمكااان ثاني :gr4uu:​

 

[هــنــــــد]

بنااااات برب عن اذنكم برووح اريق لطووفه وارد

 

[GAP^^الكبيرة]

يومياتي

امس غداي كان المقرر انه همبورجر مشوي وفقع و الشوربه الحارقه مع سلطه شمندر
وانا ناطره الهمبورجر يوصل ولا ييبون مجبوس لحم وريحته تبط الراس جان احط لي شوي >> مو شوي شوي يعني وايد شوي ههههه

الشوربة الحارقه

سلطه شمندر وجرجير

وعشاي امس
قفشتين بلاليط مو حالي وايد و 3 قفاش بثيث تمر

وهذا ريوقي اليوم مع سناكي
صمون معاه جبن سلفايد و 7 حبات لوز و بطل ماي صغير و 3 تمرات بس عندي بالمكتب مو مصورتها


ورياضه امس مشيت بس 24 دقيقه بس هم احسن من لاشي


والحمدالله على كل هالتخربط اللي اخربطه اليوم لما وزنت تقريبا نازله 500 غرام
الحمدالله

 

[mn.mn]

منموون
يوووه اللــه يعيينج
خبري التدريس سهالاات ليش اختي تدرس ابتدائي صبيااان ((فنيــه)) وحدهاا تمدح بالوضع هنااك
من صجج انتي
يمعوده كلما ادق عليهــا طايحتله سواالف حتى بالحصص ترد
مقزرينها عددددددددل
الله يكون بعوونج شكلج متأذيه أذية العالمين
مادري ليش احسس شهادتج المفروص تشتغلين فيها بمكااان ثاني :gr4uu:​

هنود الفنية يمكن مرتاحين أكثر من الحاسوب

وعلى طاري ترد بالحصص أنا بعد ساعات اسوي هالحركة

بس لما تكون الحصة احتياط مو اساسية

وبالنسبة حق الشهادة صح بس حزة اللي كنت متخرجة طلبوا مدرسات حاسوب

وكان فيه وايد نقص فقدمت ومشى الحال طبعا هذي كانت رغبة سي السيد ريلي

بس تبين الصج أنا مرتاحة بمدرستي مع ان الشغل اللي فيها زايد عن باجي المدارس

بس تعودت واللي مصبرني العطلة والقرب صراحة ما ابي أدوام بمكان بعيد عن البيت

لان عيالي علطول معاي أوديهم وأييبهم ريلي ظروف دوامه صعبة

والحمد الله على الصحة والنعمة والعافية

 

[بطة رشيقة]

بالعافيه هنووده على ريوووق لطووفه ... بنتج ؟؟ لطووفه ؟؟؟ اى وشارووخان مسكين حدنا كسرنا فيه ..

ومنمن ... اسم الله عليهم الله يحفظهم ويخليهم لج انشالله ... وعلى طارى العرباانه سويتها مره خذت عربانه ورحنا انا وريلى بس اسم الله عليه يينا وحاسنا حووس جان يقول ريلى توبه بعد امشى معاكم
!!!

اهو بالعكس هاليومين متهم بالرياضه ... ( الظاهر احتر منى هه ) لا بس الحمدلله الحمدلله بدينا حلمه رجيميه حلوه الله يامم علينا حتى ولدنا نعطيه جبن قليل الدسم .. بس للاسف ريلى ما يرضى اروح امشى بروحى ولا مع احد !!! بس انشالله بحاول فيه لما اقنعه تخيلى ان امشى بالبيت تكسرت ريوولى دارى صغيره واقعد احوس وولدى يركض وراى يقول يما شيلينى !! واى عذاااب على ما اخلص هالنص ساعه الله كريم ..

 

[mn.mn]

بطوووووووو يحليله ريلج عاد تصدقين هالايام كلش مو امان والله أنا أروح الممشى واقرا بقلبي

بس حاولي فيه حتى لو العصر واذا ممشى مشرف يمج تمام علطول عمران بالاوادم

انزين ما عندج مكان حق جهاز مشي بالبيت ؟

 

[بطة رشيقة]

مشرف يمى .. اى ... وايد وايد احبه ... بس مايرضاااااج قوزووووو ....

وعلى طارى الجهاز والله للاسف عند المحمووله ماعندى غير دويره عنونه وفيها زويده عنونه مسوتها صاله ههه فما اعتقد ان اكو مكان حق جهاز يالله تعودت على المشى فى الغرفه بس انشالله ربى يوصلنا للى نبيه ..

تريقت بطاط وبيديان وعصير ...

وناسه من زمان عن البطاااط والبيدياااان ولهانه عليه ...

 

[mn.mn]

يلا ميخالف المهم رضى سي السيد

وبالعافية الصمونة أي والله من زمان شهيتيني

أنا قمت سويت لي كوب بابونج

انزين بطو بدال جهاز المشي ليش ما تشترين اوربتراك ما ياخذ مكان

وتقزر وان شاء الله تحصلين لج شقة تكون الصالة براااااااحة تحطين فيها اللي تبين

 

[بطة رشيقة]

واااى منمن ... شنو قلتى شقه !! شقه... واااى يبتيها على الجرح ودى ودى اليوم قبل باجر .. قولى انشالله ربى يفرجها على واطلع بشقه براحه وفى دار حق ولدى وعندى مبطخ وكل شى اطبخ فيه !! يارب انشالله ربى يسهل على ..:denya:

بس شنسوى هم السى السيد مو راضى .. يبى يقعد يم امه .. الله يخلى له امه ... وامى تقول ما يصبروون الا بنات الحمايل :tongue22:

الله كريم انشالله .... انا بنطر وانشالله الصبر تاليه خير ...

عاد اقولج على الاوربت تراك انا كان عندى واحد بس للاسف انكسر وموعارفه منو يصلحه لى ؟؟ لان المحل تسكر كان موجود فى عماره السلام اللى بالسالميه والحين هدموووها عرفتى !! .... الله كريم كنت حاطته عند امى وكل ما رحت
لعبت فيه .. :ada:

تعالى صج منمن ... اكيد المدرسه صخه صح البنات مو مداومين احنا الدواووم حده هدووء ... :eh_s(1):

وشنو تخطيطج حق اليوم ؟؟؟؟ ...

بالعافيه البابونج ..

 

[زيـنـه]

رجعنا من جديد

 

[mn.mn]

زينة ....... هلا والله يلا طلعي لنا سالفة

بطوو ....... بعد عمري صاجة أمج ميخالف حبيبتي

صج الوضع صعب ومحد يتحمل بس شتسوين والله يعافيج توني مخلصة البابونج

وبالنسبة للدوام لا والله مداومين البنات وولدي اليوم عنده امتحان باجر محد راح يداوم

الحين بدت الخامسة بروح اييب البنات عندي حصة بس ماني مدرستهم بخليهم يلعبون وبرد لكم

 

[زيـنـه]

من من .. ما عندي سوالف .. فجأه !
بس مستمتعه بسوالفكم


بطه .. ما عليه .. تفرج ان شاء الله .. و من هالغريفه لي بيت العمر ان شاء الله


وين غاب .. و جست مي ؟

 

[بطة رشيقة]

يالله تروحين وتردين سالمه منمن ...

اى والله زيوونه ماكوش يبقى على ماهو عليه .. ماعليه ... ( بس بس الحين عاد تقعد تغنى وتدوخنا) ههه ...

شنو مخططج حق اليوم ؟؟

وين باجى البنااات ؟

 

[زيـنـه]

بطوو .. اليوم معزومه عشا في بيت .

ما ادري وين باجي البنات !

 

[mn.mn]

أنا كم باك

بالنسبة لمخططاتي صار فيه شوية خلل

كان المفروض اليوم أزهب أغراضنا عشان باجر الفير كنا بنروح الخبر

يعني كنت ناوية آخذه عرضي بس للأسف توه ريلي بلغني انه مايقدر ياخذ عرضي باجر

بس إن شاء الله تكون خيره واليوم بقعد أزهب على الراحة لان الاربعا الفير بنحرك

بنات ادعولي الله يسهل الطريج ويحفظنا أمس حاشني ارق أحاتي استغفر الله

والله تعقدت لان بعطلة الربيع صار حادث حق واحد من اهلنا وتوفى ولده واهما بطريج سفر

صج الله الحافظ بس عفية دعواتكم ودي وما ودي أروح بس بتوكل على الله

 

[GAP^^الكبيرة]

باك

زيونه كاني حبيبتي بس كنت اضبط اوراق الدوام.. جسوت عندها موعد عند عبدالله المطوع والظاهر للحين ما وصلت
منمن ... الله الحافظ ذكرو بس ادعيه الطريق وامشو بالراحه وان شاء الله ماكو الا الخير
وانصحج اذا نويتي على الخبر اقري تقرير نجد ما شاء الله وايد حلو يمكن يعطيج افكار يديده للسوق
رشوق... ما عليه يا عمري وان شاء الله بعد هالغرفه تسكنين ببيت تسرح وتمرح فيه الخيل >>> نفس قصر اللي كانت ساكنه فيه اشواربا في ديفيداس هههههه