منو ترشحين مستشفى الصباح او الهادي ؟؟؟؟؟؟؟؟؟؟؟؟؟؟

[شمشونه]

بنات شرايك بمستشفى الصباح وشرايكم بالدكاتره هناك اختي حامل ومفكره تولد هناك بس متردده بين الهادي او الصباح
شكثر مدحو لها الصباح وقالوا انهم زينين وصبورين حيل
انتوا شرايكم من تجاربكم
بس بنات ابي تجارب حديثه خلال سنه او سنتين
واللي ترشح الهادي تقولي عند منو ولدت

 

[om_3azoz]

حبيبتي ماعندي فكره بس ماحبيت اطلع من غير رد
انشاءالله البنات يفيدونج

 

[البسايل]

اذا بجريه ..... الصباح

 

[أم رفيف]

والله أنا بجرية ما جربت بس للأمانة مافي حد سألته عن الصباح و ما مدحولي بقولون دكاترة كويسين و يصبرون عليك و نظافة و معاملة حلوة لأني ناوية ان شاء الله أولد هناك و السلام ما عندي فكرة
و أنا كلها 20 يوم ان شاء الله لو ربنا أراد و أولد و ان شاء الله أقولك تجربتي لو لسه أختك ما راح تولد
و الله يسهل على أختك و علينا كلنا يااا رب

 

[بيرق الكويت]

قط فلوسك بشمس واقعد بالضلال اناولدت بالصباح قبل شهر قيصريه إذا وضع الجنين طبيعي وصحتج زينه اولدي بالهادي اريحلح

 

[Emanova]

شوفي حبوبه ...مرت اخوي بجريه راحت الحكومه لما نزل عليها ماي و انطروا عليها لحد ثاني يوم اولدت طبيعي و عطوها ابره ظهر و كل شيء ..و من احسن ما يكون

لو كانت رايحه الخاص نفسي انا لما ولدت جان شقوا بطنها من اول يوم و ولدوها و خلصوا

انا جربت الخاص تدفعين فلوس علشان غرفه كشخه و حمام كشخه بس الرعايه الصحيه و الامكانيات مو مثل الحكومه ...

الله لا يقوله لا صار بالوحده شيء او البيبي علطول حطوها الخاص بالاسعاف و دزوها الصباح و ليش البهدله ؟!؟!؟

انا ما اقول الا الله يتمم عليها...و يقومها بالسلامه ان شاء الله

 

[xxx]

انا مجربة الاثنين

طبعا الهـــادي أحسن

واصلا مافي مجال للمقارنة

 

[al7noona]

انا توني ماصارلي اسبوع والده بالهادي عند انيتا ماشالله فوق الممتاز والسسترات والولاده وكل شي زين ومن قبل 3 سنين انا والده عندهم يعد ابنتي عند بهواني

 

[شمشونه]

مشكورين حبيباتي عالردود
حبيبتي بنت الكويت عند منو ولدتي بالهادي؟؟؟؟؟؟؟؟؟؟؟
والحنونه شلون الدكتوره انيتا هل هي صبوره اختي تخاف انهم يستعجلون عليها وولادتها اللي قبل كانت قيصريه

 

[hneen2]

والله انا عندي راي تبين الولاده الطبيعيه وانهم ينطرون ويصبرون وتطلعين ثاني يوم كل شي اوكي روحي الصباح حتي كمام وابره ظهر قام يعطون ..............
....تبين غرفه بروحج ودلع وسسترات دار مدارج روحي خاص بس انتي وحظج ؟؟؟؟؟؟؟؟؟؟؟؟

انا كل عيالي الصباح اولد طبيعي وماعلامي شي وثاني يوم يرخصوني انا والبيبي شحلاتني اخر حمله صممت اني اولد


بخاص امي وريلي قالو روحي الصباح انا قلت لالالالالالالالالالالالا ابي خاص ابي ادلع وابي غرفه بروحي كبيره وابي


استقبال وعندت وركبت راسي رحت دار الشفا قالو ماكو غرف والغرف فل ومادري شنو نفس خايسه من الضغط اللي عندهم


هذا الله يعين بدفع فلوس وجذي ورد ريلي قالي الصباح طيعيني وانا لالالالالا مابي ابي خاص ودني المواساه ورحت

المواساه طبعا دلع واهتمو فيني وكل شي الله خير داروني مداره بس شنو طلقت طلقت وبالنهايه شقو بطني وخذو من ريلي الف وميتين ..............
مو خساره الفلوس المهم سلامتي وسلامه الياهل بس انا خلالالالالالالالاص الخاص اكس اكس اكس هذا رايي الشخصي مادري

 

[xxx]

مشكورين حبيباتي عالردود
حبيبتي بنت الكويت عند منو ولدتي بالهادي؟؟؟؟؟؟؟؟؟؟؟
والحنونه شلون الدكتوره انيتا هل هي صبوره اختي تخاف انهم يستعجلون عليها وولادتها اللي قبل كانت قيصريه

لاشكر على واجب

دكتورتي من بره المستشفى

(( ماجدة اليتامى ))

 

[فراشة الوادي]

انصحج الهادي عند انيتا جدا صبوره

 

[كربلائية]

اشفيه الحكومة ياما يداتنا وامهاتنا اولدوا

 

[madam_cake]

من راايي الهادي قطي فلوسج بالشمس وقعدي بالظلال لالا مستحيل الصبااااح

 

[أم رفيف]

والله انا عندي راي تبين الولاده الطبيعيه وانهم ينطرون ويصبرون وتطلعين ثاني يوم كل شي اوكي روحي الصباح حتي كمام وابره ظهر قام يعطون ..............
....تبين غرفه بروحج ودلع وسسترات دار مدارج روحي خاص بس انتي وحظج ؟؟؟؟؟؟؟؟؟؟؟؟

انا كل عيالي الصباح اولد طبيعي وماعلامي شي وثاني يوم يرخصوني انا والبيبي شحلاتني اخر حمله صممت اني اولد


بخاص امي وريلي قالو روحي الصباح انا قلت لالالالالالالالالالالالا ابي خاص ابي ادلع وابي غرفه بروحي كبيره وابي


استقبال وعندت وركبت راسي رحت دار الشفا قالو ماكو غرف والغرف فل ومادري شنو نفس خايسه من الضغط اللي عندهم


هذا الله يعين بدفع فلوس وجذي ورد ريلي قالي الصباح طيعيني وانا لالالالالا مابي ابي خاص ودني المواساه ورحت

المواساه طبعا دلع واهتمو فيني وكل شي الله خير داروني مداره بس شنو طلقت طلقت وبالنهايه شقو بطني وخذو من ريلي الف وميتين ..............
مو خساره الفلوس المهم سلامتي وسلامه الياهل بس انا خلالالالالالالالاص الخاص اكس اكس اكس هذا رايي الشخصي مادري

و الله طمنتيني حبيبتي
و أنا بسمع أغلب اللي ولدو بالخاص قيصري مو بس هني بالكويت و الله في أي مكان صارت تجارة يبون فلوس و بس ابسط مشكلة تواجهم على طول شق قليل ما تلاقين دكاترة عندهم ضمير و يصبرون عليك
وهي سبحان الله سهالات مو مشكلة الفلوس اهم شي السلامة

 

[أم أنور]

اشياب لي ياب حبيبتي أكيد الهادي

 

[om MaRyooM]

لو الصباح زينة ونظيفة جان مالقينا أحد بالخاص والكل وفر فلوسه !!


عموما الله يسهلها التساهيل على ربج مهما كان المكان .. بس نصيحتي الولادة بالخاص احسن

 

[om MaRyooM]

اي ونسيت اقول ..


انا حبيبتي اراجع بالهادي عند د.انيتا
شحلاتها روحها طيبة وصبورة .. وبصراحة الكل يمدحها

 

[فنانة الحزن]

انا تجربتي مع الصباح مو شي الصراحه واقولج عن تجربه
انا كنت حامل بالشهر الخامس ونزل معاي دم خفت حدي
قلت اخاف ولاده ورحت الصباح ودخلوني الوضع وقالولي معاج
ولاده مع اني مو حاسه بشي لاعوار ولا شي بس دم ينزل
المهم دخلوني الوضع وقاعد انادي السستر ماعطتني ويهه
سكت صبرت لين يو بيعطوني ابرة طلق خفت وبصراحه
كنت قويه بهالموقف شلت الاجهزه وقلتلهم مابي ابي اطلع
ويكلمني الدكتور يقولي حالتج ولاده لازم تدخلين قالتلهم مابي
وطلعت ووقعت بالخروج على مسؤليتي والحمدلله 3 ايام وقف
الدم وولدت بنتي بالتاسع ,, مو الخامس ..
يقولون اذا عندج احد بالصباح يقدر يضبط اوكي اذا ماعندج مانصحج
بصراحه الغرف وايد مونظيفه انا السرير اللي كنت فيه كان حده وصخ ..

 

[كويتيه عسوله]

الصباح ولادتهم حلوه يعني يعطونج ابره الظهر وبس ماتحتاجين كمام انا كنت صاحيه وشفت كل شي عشان جذي

تطمنت حيل ومعاملتهم وصبورين انا بجريه وكنت خايفه وابي امي معاي بس لما شفت الولاده ماابي احد معاااي كلش

حلوه بس بصراحه لان واسطه بس الغرف خياس والشفت اللي بالليل زفت اناعمومي مالقيت خاص الكويت كلها ولدت معاي تقريبا انا صارلي 4
شهور واذا تبين دكتوره افا عليج كويتيات يهبلون اذا صممتو قولي لي اوصيت على الدكتوره بس تحجزو الغرفه اول ماتدخلوووون لاني توهقت