انتوا مثلي ؟؟؟؟ولا بس انا!!!!!!

[فوفو22]

يا جماعه الخير

والله العظيم تعبت

يوم الاحد :تجليد وتسطير ومراجعه سريعه وطلبات مكتبه ل2 طلبه يا الله من فضلك

برابعه ابتدائي وثانية ابتدائي

يوم الاثنين :

رابعه ابتدائي

*حفظ 4 آيات من سوره عبس
*كتابه قطعه كبيره من درس ابن بطوطه بالعربي مع استخراج 5 جمل فعل ماضي
*حفظ جدول الضرب لرقم 7+8
*اجابة على ورقه خارجية عدد سؤالين لمادة الرياضيات
*قراءة سريعه لدرس جديد بكتاب جديد لمادة العلوم على درس الكهرباء
*قراءه سريعه لدرس جديد وكتاب جديد لمادة لانجليزي

ثانية ابتدائي:

*حفظ سورة التين والزيتون كامله
*كتابه السطر الاول 3 مرات من كتاب العربي في درس عيادة المدرسه
استخراج 3 كلمات من ال القمرية
*تدريس الصفحه الاولى من كتاب الرياضيات عن الجمع
*قراءة سريعه للدرس الاول بالكتاب الجديد لمادة الانجليزي

يتخللهم فترة غداء -واسبحهم :27d66a9c24b146327bf -صلاة -واكل
والامتناع عن الرد على الموبايل

وااااااااااااااااااااااااااي ارحموا الامهات يا ابلات خففوا عنا شوي

حفظوهم السور بالحصص لانها تاخذ وقت
حفظوهم جدول الضرب بالحصص او بالشرائط لانه ياخد كل الوقت
والله يا ابلات تاخذ اجر فيني اللي تساعدني بطريقة تسهل عليي التدريس وغيره

طبعا ابتدي مع صلاة العصر واخلص الساعه 30ر7 وانا ما خلصت 100%

تعبت :cxxxp:ومليت وفوق هذ وذاك

متى ارتاح واتكشخ والبس واطلع

وآخر الليل آخذ بندول وانام:botetoo:

بو رابعه ساقط بالرياضيات وعلى الحفة بالعلوم والدين:0bee2e8d89:

ووبو ثانية جيد بالموسيقى مع ان الماده الوحيده الفالح فيها موسيقى:dddds:

<<<<قامت تقول قصة حياتها

 

[نواره الحلوة]

الله يعينج

 

[ReeMaN]

والله حاسه فيج ياوخيتى .... واغلب الامهات حالهم نفس حالتج الله يعينج ويصبرج وياجرج على تعبج

 

[م فطومه]

والله انج ام سنعه وكله عشان عيالج وكل شي يهون عشان الضنى بس انا ابلة والله ما اعطى واجبات شمهنتنا تدرين ان الامهات اييوني يقولون اشلون ندرس عيالنا للمنهج الجديد( رياضيات) اقولهم لاتدرسونهم انا شمهنتي كل الى ابيه مراجعه بسيطة لمفاهيم الجمع والطرح بالويك اند وبسسسسس ما احب الواجبات


اغلب الواجبات من المواد الادبية عشان يقوون الطالب بس انا احس انه يتعب وييكره المادة انا بنتي بثانية بس ماراجع لها والله بس واجب بسيط وبسسسسسسس حرام هذول يهال

 

[أم عبووووود]

يا جماعه الخير

والله العظيم تعبت

يوم الاحد :تجليد وتسطير ومراجعه سريعه وطلبات مكتبه ل2 طلبه يا الله من فضلك

برابعه ابتدائي وثانية ابتدائي

يوم الاثنين :

رابعه ابتدائي

*حفظ 4 آيات من سوره عبس
*كتابه قطعه كبيره من درس ابن بطوطه بالعربي مع استخراج 5 جمل فعل ماضي
*حفظ جدول الضرب لرقم 7+8
*اجابة على ورقه خارجية عدد سؤالين لمادة الرياضيات
*قراءة سريعه لدرس جديد بكتاب جديد لمادة العلوم على درس الكهرباء
*قراءه سريعه لدرس جديد وكتاب جديد لمادة لانجليزي

ثانية ابتدائي:

*حفظ سورة التين والزيتون كامله
*كتابه السطر الاول 3 مرات من كتاب العربي في درس عيادة المدرسه
استخراج 3 كلمات من ال القمرية
*تدريس الصفحه الاولى من كتاب الرياضيات عن الجمع
*قراءة سريعه للدرس الاول بالكتاب الجديد لمادة الانجليزي

يتخللهم فترة غداء -واسبحهم :27d66a9c24b146327bf -صلاة -واكل
والامتناع عن الرد على الموبايل

وااااااااااااااااااااااااااي ارحموا الامهات يا ابلات خففوا عنا شوي

حفظوهم السور بالحصص لانها تاخذ وقت
حفظوهم جدول الضرب بالحصص او بالشرائط لانه ياخد كل الوقت
والله يا ابلات تاخذ اجر فيني اللي تساعدني بطريقة تسهل عليي التدريس وغيره

طبعا ابتدي مع صلاة العصر واخلص الساعه 30ر7 وانا ما خلصت 100%

تعبت :cxxxp:ومليت وفوق هذ وذاك

متى ارتاح واتكشخ والبس واطلع

وآخر الليل آخذ بندول وانام:botetoo:

بو رابعه ساقط بالرياضيات وعلى الحفة بالعلوم والدين:0bee2e8d89:

ووبو ثانية جيد بالموسيقى مع ان الماده الوحيده الفالح فيها موسيقى:dddds:

<<<<قامت تقول قصة حياتها

الله يعينج حبيبتي وياجرج تونا في بداية الكورس الثاني شدي على نفسج وريج يعينج ان شالله

ترى وااايد امهات مثل حالتج انا عن نفسي من تبدي الدراسة ما اطلع ولا اروح ولا ايي الا بالويك اند يوم ازور اهلي ويوم اطلع عيالي وبس اسميها فترة التجنيد لي وان شالله ب ربي يوفق عيالنا ويصلحهم

 

[daloola]

انا بنتي برابعه بس مو هالكثر واجبات
بدينا بالقسمة بالرياضيات وحفظ سورة عبس بالصف

 

[هدولى]

أنا عندى برابعه وبثانيه وباولى والله انا نفسج صج واجبات وايد وايد وشى مو طبيعى من يوم الاحد وهم انا حامل موصله تخيلى مافى وقت كلش ( طبعا رابعه شى عجيب نسخ الايه وحفظ واملاء كلمات انجليزى وواجب العربى ) ارحموووووووووووووووووووووووووووووونا .

 

[طير الحب]

عندنا وعندج خير

انا اسم الله عليهم 4 ادرس منو واخلى منو لا

ولا مناهج الرياضيات اليديد اللى ساعه على ما تستوعبين المطلوب

والله داشين حاميين بس الشكوى لله

 

[alhekma]

أنا أحسن منج الأبلات كلهم غايبين بنتي راحت على الفاضي لو غايبه جان أحسن .خوش مدرسات .

 

[wathoo7a]

ذبحوا اليهال بالواجبات
ترى الواجب مو كل شي
المهم يوصلولهم المعلومة بلصف
وأنا من رآيي يمددون دوامهم ساعة بالمدرسة يحلون واجباتهم ويتغدون ويرجعون (واييييييييد أحلم

 

[قمر الليالي]

فوفو كلنا نفسج
انا عندي ثانيه ابتدائي وسادس واولى بالباكستانيه يعني 3
بس يتغدون ع طول حل واجبات اللي ماتخلص وحفظ الآيات مانتحرك الا وقت الصلاة ولاالساعه 7ونص هذا مبجر اذا استعابهم سريع ولااذا بطيىء نطول
وع فكره انا حاااااااامل وتعبانه حدي والله اقعد فترات ابجي نسيت اقولج بعد الطلبات اللي مالها داعي مثال مدرسة الرياضيات طالبه المغناطيس اللي تعلق الارقام باللوحه هذا مو موجود بالدرس وع المدرسات مو الطلبه وغيرها من الطلبات اللي موذاكرتها الحين

 

[F.A]

الله يصبرج ان شاء الله
بس دايما البنت اتشيل شوي عمرها
بس الولد يبيله مجابل أكثر
الله يوفق عيالج وعيالنا ان شاء الله

 

[برونزيه شقرا]

الله يكون في عوننا

 

[m1979]

اللي عندها عيال بثالث اشلونهم بالانجليزي ولدي مأذيني صعب عليه وكلمات كثيرة.............
والله يعينك اختي

 

[مــ_ــا مــ_ــي]

الله يعينج وانا مثلج وخصوصاا ما اعرف احفظ القران بس فيه طريقه حلوه ونتيجتها احلى واحلى انا على طول اشغل القران جزء عم لخالد غريب السعيدي واكثر شي في السياره واحط على السوره المطلوب حفظها واعيد واكرر فيها واخلي ولدي وراها يقول اول مره يتأتأ وثاني مره ثالث مره يقرا كلمه ويغلط بكلمه بس كل يوم اشغلها بسم الله على وليدي حفظ الايات اللي ما خذاهم بعد للحين واول واحد يسمع القران وحتى بنتي اللي بالروضه حافظه وياه وبصراحه هذي احسن طريقه للتحفيظ

 

[um hamed]

الله يعينج
بس ترى على حسب المدرسه ماشالله مدارس عياالج شاادين حيلهم عدل على اليهال
انا عياالي يردون من المدرسه بس يكون عليهم عربي ورياضيات ممكن صفحه وحده بس
اما الايات الابله قايلتلي لا تحفظونهم بالبيت احنا نحفظهم بس تابعوهم
اما الطلباات من بلشنا للحين بس فلووس بنتي كل يوم تقولي يبوون فلوس
تذكرت ليش احنا ندفع فلوس صورة عيالنا حق التكريم مو وايد الصورة بخمسه:0bee2e8d89:

 

[نووووونا]

اى والله

طلعتى ايللى بالقلب ,,


بس نرد ونقول لكل مجتهد نصيب ,,وبيرجعلج كله باذن الله احتسبى الاجر


والله يسهل علينا وعليكم ,,,,

 

[رفرف]

الله يعينكم بس ترا انتي هالكة روحج ..

بو4 ابتدائي ريال انتي تحفظينه السورة ؟؟
علميه يبطل المصحف ويسمع الشريط ويعيد ويعيد لين يحفظ أو في جهاز اسمه إقرأ جنه آيبود يقدر يحدد الاية اللي يبيها ويعيدها كل شوي لين يتمكن منها .. وتالي انتي بس سمعيله ..


وتابعيه يحل واجباته يمج وانتي تدرسين اخوه يعني 4 ابتدائي كبير يقدر يقرا السؤال ويحل ..