منو اللي يسأأل ومنو اللي يجاوب ( لأمهات التحدي والصبر فقط)؟؟؟؟؟؟؟

[الصابرة المحتسبة]

[size="6[size="7"]"]السلام عليكم..........



الموضوع من عنوانه نبي كل أأخت تدخل تسأل سؤال واللي وراها تجاوب وتسأل اللي وراها وجذيه يعني لعبه مفيده وتغيير روتين: بس يجب أخذ بعين الإعتبار بعدم الإسفاف والتجريح بالرد والمضايقه :

أبلش انا أول وحده :[/size]

 

[الصابرة المحتسبة]

سؤالي للي وراي جم عمر طفلك من ذوي الإحتياجات الخاصه؟

 

[مشاعل الشمري]

عمر ولييدي ثمن سنوات وانتي كم عمره

 

[مرمر]

عمر ولييدي ثمن سنوات وانتي كم عمره

بنتي سنتين ونص
طفلج دخل المدرسة او الحضانة وين وشلوم مستواها؟؟؟؟

 

[Emanova]

حمودي شهر 4 يكمل 7 سنوات ان شاء الله

و كان يداوم في هوب و المدرسه صارت فاشله السنه اللي فاتتت ...و لله الحمد دخلته التربيه النموذجيه و بشهاده الجميع ان الولد متغير

 

[HearT ChocolaTe]

ايمونوفا
شدعوة ليش ما سألتي

ما راح أجاوب سقطت بس بسأل اللي عقبي

كم طفل عندج من الإحتياجات الخاصة ..؟؟

 

[مشاعل الشمري]

يوسف كان بمركز التوحد 3سنوات بعدين تطورت حالته وتحسنت الحمدلله وقالي دكتور التطوري لازم تنقلينه مدرسه ياخذ شهاده منها ونقلته مدرسه بريطانيه واشتغلت معاه مدرسته وانهت معاه منهج 1 ابتدئي وهو وايد اسم الله عليه ذكي وشاطر بس الصدمه ان ماعندهم شهاده ولازم الحين انقله في مدارس الدمج علشان شذي كنت اسال عن مدرسة القبس والكويت الاهليه واليوم وديته معاي النجليزيه بحولي وقالت ان الولد is very goodبس انا ما اقدر اقبله لانه واااايد كبير على الاطفال اللي معاه الصبر من عندك يارب اللي تقدر تفيدني الله يجزاكم خير

 

[ام باسلل]

عندي واحد الله يشافيه السؤال شلون علاقه الاهل واخوانه معاه؟

 

[الصابرة المحتسبة]

الحمدلله الكل يحبه واخوانه يلعبون وياه ويغشمرونه.
سؤالي للي وراي: أطرف موقف مر عليج وانتي معاه؟.

 

[مرمر]

الحمدلله الكل يحبه واخوانه يلعبون وياه ويغشمرونه.
سؤالي للي وراي: أطرف موقف مر عليج وانتي معاه؟.

كنت رايحة الافنيوز مع مرمر وهي غرامها الرياييل
كان واحد قاعد بالكوفي شوب نفسه فراحت له وقاعد يلاهبها بحضنه وفجاة جاء رفيجة طالعت الاخت وجهه الياي ووجهة اللي قاعدة بحضنة وسوة مقارنة والصج الياي احلي من القاعد قالت وع وع للاولي وطبت علي اليديد
متنا من الضحك عليها انا وابوها


انتي شنو اطرف موقف

 

[Rana_Store]

انا بنتي اريج داون عمرها اربع سنوات حبوبة و لطيفة و ذكية ما شاء الله عليها...و مواقفها الطريفة كتيرة
بس احلاها لما بتهاوش علينا لو اخدنا منها شي بتصير بتحكي بسرعة و كلمات متشابكة مو مفهومة بس شكلها ووجهها احمر كتير حلوة
بنموت عليها من الضحك

شو الصعوبات بالتعامل مع بنتك او ابنك المعاق

 

[مرمر]

لله الحمد الي الحين مافي صعوبة بالتعامل مع مرمر حالها حال اي طفل طبيعي

جم طولتي علي ما تقبلتي ان ابنج او بنتج معاق

 

[مرمر]

الصابرة موقبول انا قاعدة ادخل واجاوب اكثر منج
وينج عسي المعرس بخير العروس تسال عنه

 

[الصابرة المحتسبة]

مرمر نبي الكل يشارك مو بس انا وياج ........... انتي تسألين وانا أجاوب هههه.
فديت العروس والله انتي شوفي النظره اللي بالصوره ودج بس تخمطينها وتحبينها عسى ربي يحفظها ويخليها لعين ترجيها.

 

[HearT ChocolaTe]

هههههههههههه فديتج الصابر
مرمر أنا تقبلت مرض عزيز مع الوقت والحمد لله ما ياني دفعه وحده لأني
أنا أكتشفته بروحي ولله الحمد أحسن من غيرة فديت قلبه

يعني تقدرين تقولين من البدايه
سؤالي : كم عمر طفلك وشنو حالته المرضيه ؟؟

الصابرة عادي نطلع عن الموضوع وإلا لازم بحدود أطفالنا ؟؟

 

[الصابرة المحتسبة]

ام عزووزي ها ها ها خلااااص الخط مفتوح لعيون عزووزي بس

 

[HearT ChocolaTe]

فديتج مشكورة بس ليش ماكو مشااااركات وينكم ..؟؟؟

السؤال : كم عمر طفلج وشنو حالته المرضيه ..؟؟

 

[الصابرة المحتسبة]

عمر الغالي 7سنوات والحاله: استسقاء بالرأس مع فتحه بالظهر سببتله اعاقه حركيه.
اللي وراي نفس السؤال؟

 

[مشاعل الشمري]

عمر يوسف8 سنوات والحاله اول توحد الحين بطء تعلم وحامل لبعض صفات التوحد .
اللي وراي نفس السؤال؟

 

[بنت الكويت1]

بنتي حنونة شهر 5 تكمل 6 سنوات شلل دماغي تقعد شوية بس ما تمشي ولاتتكلم احسها تفهم علينا وايد بس ما تقدر تعبر حبيبتي والحين انا جايبتها من الطبيب ريلها اليمين ما توقفها على الأرض ونمسكها تبجي سوولها اشعة ماكو كسر الحمدلله بس خوفوني الاهل قالوا يمكن بداية جلطة الله يستر السؤال للي بعدي : شنو احسن مكان علاج طبيعي وديتي فيه ولدج او بنتج