علمونا يا موظفات شلون ندبرون أقساط المدارس الخاصة النار؟؟؟

[alshamali]

هاهاهاهاهاههاي والله شوفوا انا صراخه ما احب الجمعيات بس هل الشهر داشه جمعيه عقب ما خلصت اقساط المدرسه عندي بس قسط سيارتي 300 دينار يقص الظهر

بس شسوي 100 جمعيه مده 10 اشهر تطلعين فيها الف انسيها وكل شهر تخشي 200 او 250 من الي تدفعينهم حق الحضانه يعني لو فرضنا 200 كل شهر شلتي من شهر واحد لي تسعه هذي 1800 واميه جمعيه هذي 1000 يعني لي شهر 9 انتي عندج 2800 ويظلج قسط شهر مال الجمعيه ال اهو شهر 10 تكيشين المدرسه وعندج الباجي اسرح وامرح سفر وسوق وماركات واستمري على هل المنوال

والجمعيات دشي مع الاهل خواتج حمواتج امج

 

[mr000]

والله شوفي أختي موضوع المدارس الخاصه موضوع مهم يحتاج تخطيط عدل واتفاق بين الزوجين خاصة حق اللي على معاشاتهم بس وماعندهم مورد ثاني واذا طفل واحد مقدور عليه بس أذا أكثر من طفل راح تكون ميزانيه موسهله وخاصه أذا بتدخلينهم المدارس الغاليه ولازم تحسبين حساب أن بيدرسون 12 سنه غير الروضه وكل طفل بالابتدائي يكلف بحدود 2000وأكثر بالمتوسط آنا ولدي بالعالميه الأمريكيه بالصف السابع أدفع له 2876وبعد سنه راح تكون رسومه 3040 فأكيد في تقشف شوي مو بالمصروفات اليوميه أقصد السفر مثلا فلازم تضبطين ميزانيتج!آنا أول شي أحول 250 شهريا بحساب ثاني حق مدرسة ولدي ماأصرف منهم لأي سبب كان وأدفعهم على دفعتين بداية السنه ونص السنه بس طبعا يظل الاستقطاع الشهري ماشي علشان تتيمع رسوم السنه اللي بعدها

 

[فلونة احلى وردة]

واي الله يعينكم أمهات
صج معاناة وتفكير وتخطيط وتدبير
انا من النوع اللي احب اصرف من غير تفكير
وما احب اخر الشهر ما عندي شئ
تتأزم نفسيتي
بس والله ماكو الا جذي عشان نحصل اللي نبيه لابد من التخطيط والتجميع مع انه يتعبني نفسيا
بس شسوي مضطرة
مشكووورين
بختصر أفكاركم:
1- تدخلين جمعية
2- تسوين استقطاع( هذي الفكرة شكلي بسويها وان شاء الله اقدر عليها وما اصرف اللي اجمعه)
3- انتي نص وزوجج نص( وآآآآآآآآآآآآه ونص)
4-أنتي واحد وزوجج واحد( أختاري الاصغر أرخص هههههههههههههههههه)
5-سددي من شهر 9 الى 1 وبعدين تجمعين للسفر(او للتوفير )

 

[القلوب الساهيه]

الله يعينكم ... وان شاء الله تحصلين افكار تعجبج يا الصايبه ودخلينهم كلهم مداارس خااصه

ماعندي افكاار لاني بعدي طالبه بالجامعه موو متزوجه ولا عنددي عيال لووووول بس لقافه دااشه

تقبلي مروري

 

[روح البخور77]

انا بقول وجهة نظري الخاصه دشيشي اعيالج مدارس حكوميه حبيبتي لا تلعوزين نفسج واذا على التأسيس تعبي عليه اشويه بالعربي والانجليزي اسسي بمدرسين خاصين ... انا اقولج شنو سلبيات الخاص
1 انتي من الحين بتيمعين وما ادري شنو بتسوين يعني حالتج الماديه عاديه مو وايد راهيه فنصيحه مدرسة حكومه مع سفر وما تقصرين على عيالج احسن من مدرسه خاصه وما يشوفون الدنيا
2 يمكن الحين تقدرين تدخلينهم مدارس خاصه بس عقب جم سنه بطلعينهم راح تتوهقين معاهم المناهج والطريقه غير حرام تخسبقينهم
3 ومدارس الحكومه خرجة دكاتره يعني ما يعيبها شي حبوبه لي الثانويه ودزيه امريكا يتعلم
وسلامتج

 

[سيدة الكويت]

السلام عليكم

شوفى حبيبتى .....اذا على معاشج ما عندج دخل ثانى ..........ما راح تقدرين على الخاص .........

ممكن تدخلين ولدج مدرسه ثنائيه اللغه .............بس تأسيس لحد 3 ابتدائى ...وبعدين حكومه....عشان ما يسير العربى صعب عليه اذا راح حكومه

ودخلى اخوه الثانى ......يعنى كلهم نفس الطريقه وخلاص تدخلين واحد وبعدين تطلعين الثانى


فى طريقه ثانيه .....دخليه حكومه ......وأنتى اسسيه بالمعاهد ....للغات ...فى معاهد قويه ...

ومو شرط الى يدخل المدارس الخاصه بيدخل الجامعه .........والله اعرف اشكثر ناس من مدارس معروفه ....حتى الجامعه ما ادخلوها

الذكى ذكى ...+++دور الأسره مهم بالتأسيس

 

[احلا كويتيات*]

حبيبتي انا موظفه مثلج ولا اعرف اجمع وعلي قسط سياره وداشه جمعيتين علشان عيالي ادخلهم مدارس خاصه وهذا استثماري في عيالي الله يحفظهم وبارك فيهم انشالله 0
وابو للعيال عليه باقي المصاريف

 

[ام دودو المزيونه]

انا عن نفسي بنتي اسستها بالخاص بالروضه والحضانه والحين اهي حكومه ابتدائي لأني ما اقدر اكمل معاها العمر كله خاص
( ماني من اصحاب الملايين ولا الأملاك وما احب التزم مع ناس جمعيات وغيرها ) يا دوب المعاش يكفي ووراها اخوها هم بدخله روضه وحضانه خاصه وبعدين حكومه وانشاء الله مع المتابعه بالبيت راح يتفوقون وبالنسبه الي طريقة الدفع كانت من شهر 5 ادفع المقدم لحجز كرسي 400دينار نزلت معاشات العطله (الأخت اداريه بمدرسه ) ومن بداية شهر 9 ادفع القسط الشهري 100 نظام المدرسه اقساط شهريه وفي نظام الكوسات وانا كان الهدف من البدايه تأسيس الياهل
والحمدالله علي كل حال

 

[طيبة الكويتية]

وعليه وهقتي زوجج
ما عليه مو خسارة وكافي تقديرج له
وان شاء الله ما تتحسفين
لان وايد امهات كبار اسمعهم تحسفوا على طيبهم بعيالهم
ان شاء الله ما تكونين منهم
ممكن سؤال خاص
عسى ما شر وين راحت اجاراتج
عسى ما لطشوها اخوانج ولا.............
الله يستر ويعوضج ويرزقج باجارات عمارة كاملة
ولا اقول
ابراج ان شاء الله ومجمعات:d

ان شاءالله يارب ماكو حسافه والله يوفقهم و يحفظهم و يصلحهم آمين ياااااااااااااااااااااااااااااااااااااااارب
و الحمدلله ما شر بالنسبة للأجارات لأنه العماره انباعت و توزعت فلوسها بيني و بين اخواني. اخواني الله يخليهم لي اللي عندهم مو لهم والله.
والله يسمع منج و يعوضنا ببرج حق كل واحد فينا يااااااااااااااااااارب
و لا تحاتين انتي بعد الدعوه لج ويانا طبعا.

و بعدين تدرين فيه شي مقويني على اصراري اني ادخل اعيالنا المدارس الخاصه نسيت اقوله, بدوام زوجي يدفعون للياهل حوالي 10000 درهم اماراتي كل سنه و كل ما يترقى زوجي يزيد المبلغ ان شاءالله. و الحمدلله بحكم انه اليهال بعدهم بالروضه تقريبا جذي يكون واصلنا نص مبلغ المدرسه حق كل ياهل. يصير عليه الحين نص المبلغ.

الله يرزقنا كلنا برزق اعيالنا قولوا آمين

 

[CottoN_CanDy]

موضوووعكم حلو... دايم أفكر هل راح أقدر عليهم في المستقبل ولا لا... بس إحنا لازم نتفاءل ونحاول..
تكفون أنا بصرخ من نظام الحكومة الفااااااااااااااااااااشل..
يلا انشالله على ما يدخلون عيالي الابتدائي إلا نظام التعليم الحكومي متسنع..الله المستعان!
أنا عن نفسي حسبت مبلغ المدرسة كامل، وقسمته على 12 شهر، و أجمع مبلغ شهري أنا وريلي جزء منه للسفر وجزء منه للتعليم.. الحمدلله ماشية الأمورر.. بس لي كثرو العيال ماندري شنسوي!

 

[فلونة احلى وردة]

:مشكوووووووووووووورات
على تفاعلكن وتجاوبكن معي
s142::tek::nbvppw::hjy5jewf::lkmnkl::gr4uu::gr4uu:: الحين اخذت أفكار منكم
وراح ادخلهم لحد 3 ابتدائي كتاسيس وبطلعهم
فراح اقزرها
وبقسم معاشي مثلكم
بس مو جمعيات بسوي استقطاع
وعلى فكرة فليساتنا رايحة رايحة
ختروح على شئ مفيد أحسن من نقطهم بهالملابس ووووو
على قولت العضوة المشاركة استثمار
والحين ودنا نسمع تجارب البنات
وعسى الله لا يحرمني منكمgr4uu::050103nbh_prv::_s(21)::eh_s(21)::eh_s(21):

 

[فلونة احلى وردة]

ملاحظتي من ردودكن:إن كل تجميع الكويتيات لاحظته للمدارس الخاصة وللسفر
شلووووووووووووووووووون على تجميع البيت ولا تنطرون القسايم ولا كلكم عندكم فلل
مجرد فضوووووووووووووووول
ولا اقولكم الله يبارك بالقروض ساعتها ناخذ قرض
ولا حقين على الهم

 

[برونزية رشيقة]

حبيبتي أغلبيتنا ..... على الإيجارات مو من أصحاب الفلل لان المنتدى أغلبيته من فئة عمر العشرينات وأوائل الثلاثينات ... أنا اتكلم عن هالقسم وقسم المتزوجات .. جوابا عن سؤالج .

وردااا عن سؤالج شلون ندفع ... أنا السنة إللي طافت لأول مرة بحياتي دشيت جمعيات علشان ولدي وشرطت عليهم أستلمها في تواريخ دفعات المدارس .
مدرسة ولدي أول شي : دفعة أولى بداية السنة اسمها حجز مقعد ( لكل المراحل ) 200 دينار .
عقب شهر القسط الأول

عقب 3 شهور القط الثاني

عقبها ب3 شهور القسط الثالث والأخير ...


اختي في مدارس نظام دفعات ومتفهمين ... وفي مدارررررررررررررررررررس ماديين انحاشي عنهم !!!!

 

[برونزية رشيقة]

نصيحة بما أنج موظفة والزوج مو راضي بمدارس خاصة (( الحاااااااااال من بعضووووووووووو ))

الحل من نظري : الجمعيات مع ناس ثقة

 

[فلونة احلى وردة]

ما انصحكم بالجمعيات
شلي بحنة الناس والالتزام
وبالله شهر احتجت المعاش كامل
لالالالالالالا يحوشك
بس فيها ميزة
تغصبج على التجميع و تنفع وقت العازة
عن نفسي ودي استقطاع محد يدري عنه حتى حكومتنا وعمدتنا

 

[Queen-q8]

احسن شيء الجمعيات وتقسمين المبلغ بينج وبين ريلج وهمن تسووون ميزانية للسفر

يعني مو كل سنة ديرة غالية ومرة سفر بالصيف ومرة بالشتا واذا على الدر مرة اختاروا ديرة قريبة وباردة وهالشيء للتقشف وتغيرون جو والسنة اللي بعدها تسافرون سفرة سنعه

والعيال اذا اكثر من واحد ممكن تدخلونهم تأسيس مدارس اسعارها مناسبة وبعدين تنقلون الكبار مدارس احسن وتتقسم الحسبة جذي توفرون مبلغ حلو

وانا بصراحة من نظرية اللي عندي ادرسه والمستقبل بيد الله احنا اعمارنا موضامنينها عشان نضمن البيوت والميزانية حق السنين الياية

وعموما اللي يشتغلون باماكن زينة تزيد معاشاتهم مع الوقت وهالشيء يحل جزء من المشكلة

واذا صارت الامور المادية تعبانه او في بنيان بيت العمر اهني ممكن نطلعه مدارس خاصة ارخص ونتعب بالدورات بالمعاهد الخاصة ونقويهم وبهالطريقة يكونون بنفس المستوى

 

[برونزية رشيقة]

احسن شيء الجمعيات وتقسمين المبلغ بينج وبين ريلج وهمن تسووون ميزانية للسفر

يعني مو كل سنة ديرة غالية ومرة سفر بالصيف ومرة بالشتا واذا على الدر مرة اختاروا ديرة قريبة وباردة وهالشيء للتقشف وتغيرون جو والسنة اللي بعدها تسافرون سفرة سنعه

والعيال اذا اكثر من واحد ممكن تدخلونهم تأسيس مدارس اسعارها مناسبة وبعدين تنقلون الكبار مدارس احسن وتتقسم الحسبة جذي توفرون مبلغ حلو

وانا بصراحة من نظرية اللي عندي ادرسه والمستقبل بيد الله احنا اعمارنا موضامنينها عشان نضمن البيوت والميزانية حق السنين الياية

وعموما اللي يشتغلون باماكن زينة تزيد معاشاتهم مع الوقت وهالشيء يحل جزء من المشكلة

واذا صارت الامور المادية تعبانه او في بنيان بيت العمر اهني ممكن نطلعه مدارس خاصة ارخص ونتعب بالدورات بالمعاهد الخاصة ونقويهم وبهالطريقة يكونون بنفس المستوى

كفيتي ووفيتي حبيبتي ... وفرتي علي الكلام إللي كنت بقوله ..
والله يوفق إعيال الجميع إنشاءالله :ada:

 

[فلونة احلى وردة]

عسى الله يوفقكم ويوفق عييلكم( صرت عجيز)
ويخليهم لكم
آآآآآآآآآآآآآآآآآآمين