أدري إنهـا ما يت عـ الدبكـه ،
يت على أشيـاء و أشيـاااء الله يستـر علينـا بس :\ !
لكن تدرين المشكله شنو ؟
المشكله إن فلسطين عقب كل اللي سوّينـاه لهمـ , آخر شيّ إييـون يعني بيشكـرون الدول المُساهمه في نصرتهمـ
و ما شاء الله عليهمـ ذكـروا كل الدول ، و خلّوا الكويت و السعوديّه أعتقد :\
و فـوق هذا كلّه ، إييـون نوّابنا الله يحفظهمـ ، و يدبكـوون عشان نصـرة فلسطين !
شنوو نسيتوا اللي سوّوه فلسطين فينـا أيّـام الغزو :\ ؟
عموماً آنا مابي أخـرّب موضـوع الإخت ، لكنها فعلاً شغله تعوّر القلب !
شتبـون يعني إنتوا ؟ ماكو شيّ عاجبكمـ بالدنيـا !
القنــاة والله إنهـا توّصل صووت الشعـب الكويتي و دايماً تسعى لـ مُسـاعدة الكويتيّين المحتـاجين و غيرهمـ .
بـأي طريقه تبين الناس تتكلّم بمشـاكلها ؟
يا حبيبتي .. إهي بس يت على مشاكل بالسيـاسه ؟
إنتي لأنّج عايشه بخـير و نعمـه الله يتمّم عليج إن شاء الله
لكنّج ما تدرين عن أخوانج و خواتج الكويتيّين اللي الله يعينهمـ و يساعدهمـ
شكثـرهم المحتـاجين ، لا بيت زكـاة يساعدهم ولا شيّ
و أقرب دليل .. شوفي موضوع لـ عضـوه من الأعضاء حاطّه إنهـا مديـونه و بيت الزكـاة ما سوولها شيّ
و مُهـدّده بالسجن !
مو حـرام بنت يتيمـه تقضي حيـاتها بالسجن لأنهـا مديونه ، يبون منها فلووس يعني !!
وين تروووح ؟
روحي فتحي القنــاة يا حبيبتي ، و شوفي هالناس المحتاجه اللي تـدق عليهم و كاهم ما شاء الله مو مخلّين أحد و المحتـاج اهم بنفسهم قاعدين يعطـوونه ، طلال السعيـد بنفسه قاعد يعطي حق هالناس المحتـاجه اللي كل ما تروح مكـان سكّروا الباب بويههـا !
شتقـولين إنتي !
حسـبالج بس هالقنـاة اللي تكلّمت عن مجتمعنـا ؟
روحي شوفي الجـرايــد قـاعده تتكـلّم
هالناس اللي قاعده تتكلـم و تقول حق القنـاة تراها ناس محـروق قلبهـا عالكويت و عاللي قاعـد يصير فيها !
شنو يعني لما أروح و أسـاعد دوله إهي أصلاً كانت ضدّي بالغــزو ، و بعدين لما أسـاعدهـا تنكــر الجميل ؟
شالسااالفه يا جمااعه مو لهالدرجه اللي يقول الحق قـام يصير اهوا الغلطــان
و بالنسبه لـ سالفة السطح و التكــبير
أعتـقد نفس اللي صـار بأيّــام الغزو
و بصـراحه آنا ما رحت فوق السطح ولا كـبّرت لأني أصلاً كنت طالعه و مادري شالسالفه
بس كنت أشــووف ناس تكـبّر فوق السطوح ، و آنا كنت بالرميثيّه عندي جم شغله بسوّيهـا فـ شفت الناس بالشوارع قاعده تمشي و تكبّر
و لو إهي طريقـه تفشّل على قولتكمـ أو " نـاقدين عليهـا " جان ما شفتوا هالإقبـال الكـبير عليهـا 
آنا آسفه عالطوالـه .
اول شي حبيبتي السياسة يعني باللين بأسلوب راقي اسلوب قناة فيها حوار فيها اصول الاعلام لان احنا كويتين وكل كويتي عايش بنعمة مو بس انا وهالشي قاعدين ننحسد عليه
والجرايد ياعمري محلية اهي المكان الصح اللي لازم تناقش فيه المشاكل المحلية مو قناة فضائية تشمت العذال فينا
ومن شيم الكويتين الاصيلين سو خير وقطه بحر يعني ماتنطر الشكر لان الشي طالع من النية لله فالله !
والمحتاج كل دولة فيها محتاجين
وهالدولة تحرك مشاعر المسلم المؤمن اللي صج يغار على دينه وعلى هل حريم واليهال اللي مالهم ذنب
والمديونة اللي بيت الزكاة ماسوا لها شي الله يكون بعونها بس اذا كل مدوين الديرة النواب بيساعدونها لا بالله فلست الديرة معظم الكويتين مديونين حطو قروض على ظهورهم لأسباب الله يعلم فيها وتالي تعالو ساعدو وساعدو نحمد الله ان كويتين وهذي ديرتنا لو احنا مو كويتين جان شنو حالنا ياناس شوفو مشاكل بره وحمدو ربكم على مشاكلكم عيب والله عيب
