ياريت تسمعوون سالفتي وتسااعدووني(ابي تربيه واهلي يبوني ادش هندسه او طب او اداريه)

[بدلية]

بسم الله الرحمن الرحيم

اول شي هذا اول موضووع لي

وان شالله انتوا ماتقصروون بالردوود الحلوة

المهم شنو سالفتي

انا اخر سنة بالثانوية علمي ونسبتي99 وبالوزن النسبي 98

المهم وامووووووووووووووووووووووووووووووووت بالرياضياات ماتصورون شكثر احبه يعني هواايتي ادور بالانترنت اشياء عن علماء الرياضيات وجذي

المهم

وناوية باذن الله ادش تربية واصير ابلة رياضيات

بس الاهل مو رااضين الي يقوول هندس والي يقول طب والي يقول ادارية

والكل يقوول حرام على هالنسبة تدخلين تربية

بس انا مشكلتي الكبيييييرة اني ماعرف انجليزي كللللللللللللللللللللش

احفظ وادخل والحمد لله اييب علامة

بس ع الفهم كللش مافهم يعني كل البنات اشطر مني بالانجليزي

عشان جذي ماودي ادخل هندسة او طب

شسوي شتقوولووون عفياا طلبتكم ابي راايكم لاتبخلوون علي بالردووود :wqedqw::eh_s(7):

 

[ENG.Tahane]

رد: ياريت تسمعوون سالفتي وتسااعدووني

اممممممممم
رغبة الاهل مشكلة كبيييرة صرااحة
الله يعيينج بس لازم تكلمين اهلج قوليلهم تخصص احبه وجذي
وبعدين عمر النسبة ما تحدد الكلية اللي يدخلها الطالب
انا 97% عامة علمي نظامنا القديم
اهلي كلهم حنّو علي ادش طب
بس فهمتهم وقعدت وياهم وقلت مابي اضيع عمري بشي ما احبه
ومستحييل ابدع فييه
ودخلت هندسة كمبيوتر وماشية فيها تماام ما انزل عن A- الحمدالله
وبالرغم من ان هندسة الكمبيوتر ثالث اصعب تخصص بالهندسة
بس مااشية فييه ، ليش ؟؟؟؟ لأني احبه !!!
ندرس فيه 3 لغات برمجة ومنطق و..و... وشغلات معقدة
بس ما داام اني احبه ببدع فييه ومعدلي عاالي بالكلية الحمدالله
وعلى فكرة انا مثلج امووت بالرياضيات
احنا ملزوميين ناخذ مقررات ماث من كلية العلوم 5 مقررات رياضيات
Calculus A
Calculus B
Calculus C
Linear Algebra
Differential equations

اثنين سهلين و3 فيهم صعووبة بس يبت فل مارك بثنين ونزلت شوي بالباجي
وهذا يؤكد كلااامي أن اللي يحب الشي يبدع فييه


نصيحة: لااازم تفهمين اهلج انج تحبييين التخصص
والله يوفقج..

 

[Betty]

رد: ياريت تسمعوون سالفتي وتسااعدووني

ما شاء الله تبارك الرحمن عسى الله يحفظج حبوبه
شوفي بقولج شي انتي تعرفين نفسج و تعرفين شنو تحبين مادام تحبين الرياضيات و تبين تصيرين ابله خلاص استخيري و توكلي على الله
و اهلج حبوبه ما ينلامون انا صراحه كنت ناويه اقولج روحي هندسه بس انتي ذكرتي انج ماتبين و بعد خوفج الانجيليزي يتعبج
عالعموم عسى الله يوفقج و يسهل عليج و يحفظج وين مارحتي عسوله

 

[يا ليل مطولك]

رد: ياريت تسمعوون سالفتي وتسااعدووني

عمره ما كان المعدل اساس لدخول الكليه

انا الحمدلله نسيتي قويه وكانوا اهلي نفس اهلج يحنون علي ابوي يبيني طب وامي تبيني هندسه حتى خواتي

بس تدرين شنو دخلت؟


دخلت تربيه لانها رغبتي من وانا صغيره وتخصصت علوم ورياضيات والحمدلله تخرجت هالكورس

اهم شي الرغبه حبيبتي وصلي استخااااااااره

بالتوفيق...

 

[يا ليل مطولك]

رد: ياريت تسمعوون سالفتي وتسااعدووني

بس على فكره حبيبتي كل التخصصات العلميه في الجامعه تكون دراستها بالانجليزي

بس من كليه لكليه تتفاوت

يعني احنا التربيه التخصصات العلميه
مواد كليه العلوم ناخذها بالانجليزي ما عدا مادتين او ثلاث
ومواد كليه التربيه كلها بالعربي ماعدا اكيد مواد الانجليزيس ترا مادتين

اتمنى وضحت الفكره..

 

[بدلية]

رد: ياريت تسمعوون سالفتي وتسااعدووني

والله مشكووووووووريييين وماقصرتوووا صج هذا الكلاام الي يبد الجبد

يعطيكم الف عاااافية

وان شااالله تشوفوني مدرسة اولى ريااضياات << يااااااارب

مشكوورين مرة ثانة ع المروور الحلو على رااسي كلكم من فووووق

 

[السنعة2]

رد: ياريت تسمعوون سالفتي وتسااعدووني

صلي استخاره وشوفي شنو الي قلبج يرتاح له
وعسى الله يوفقج يارب

 

[بدلية]

رد: ياريت تسمعوون سالفتي وتسااعدووني

ان شاالله هذا الي بسويه تسلمين حبيبتي ماتقصرين

 

[WHO CARES!]

رد: ياريت تسمعوون سالفتي وتسااعدووني

دشي اللي ترتاحين له ولا تخلين احد ياثر على قرارج

 

[Me SaRa]

رد: ياريت تسمعوون سالفتي وتسااعدووني

صلي استخارة


واذا على الـ English


اخذي دورات وااااااااااااايد

 

[بدلية]

رد: ياريت تسمعوون سالفتي وتسااعدووني

مو المشكلة مايمدي بقى لي كوورس ع التخرج

 

[JaDeL]

رد: ياريت تسمعوون سالفتي وتسااعدووني

حبيبتي انا نفسج نسبتي كانت عالية حيل واهلي يحنون علي ادش ياهندسة ولا طب وانا مشكلتي مع الانجليزي وحياتج دشيت الكورس اللي طاف طب وادش المحاضرات انا والطاولة واحد لان الشرح بالانجليزي اخر شي اتعبت نفسيتي صج وقلت لهم خلاص بطلع والحين الحمدلله سحبت اوراقي وقبلوني بالتربية ونفسيتي حيل مرتاحة عكس يوم اقبلوني بالطب وان شاء الله بتخصص رياضيات وعلوم فانتي فهمي اهلج واستخيري ودشي الشي اللي انتي تحبينه عشان تبدعين فيه

 

[كعيب الضبي]

رد: ياريت تسمعوون سالفتي وتسااعدووني

ماشاء الله
تدرين شنو بعد ميزه بالرياضيات انج ممكن تكملين ماجستير ودكتوراه بالرياضيات يعني تصيرين دكتوره بالجامعه تخصص رياضيات شي حلو
استخيري واذا تبين تدريس ادخلي تربيه واذا تبين تثقفين بالرياضيات دشي كليه العلوم وكملي ماستر ودكتوراه

 

[كعيب الضبي]

رد: ياريت تسمعوون سالفتي وتسااعدووني

على فكره الكيمياء والرياضيات والطب والشريعه هم التخصصات الوحيده الي فيها دكتوره

 

[[..كـــــرك..]]

رد: ياريت تسمعوون سالفتي وتسااعدووني

على فكره الكيمياء والرياضيات والطب والشريعه هم التخصصات الوحيده الي فيها دكتوره

من قالج ؟

كل التخصصات فيها دكتوراه

 

[^الاسود يعبر^]

رد: ياريت تسمعوون سالفتي وتسااعدووني

صح انتي ورغبتج بس اذا تبين دشي علوم اداريه فيها رياضيات و تخصصاتها حلوه بس كلها انجليزي

بس مشالله على معدلج تقدرين ادشين تربيه رياضيات وبعدين اتكملين ماستر ودكتورا
بس
والله حرام تدخلين تربيه

والله يوفقج

 

[مطـــيــريهـ فـــوشيـــآ]

رد: ياريت تسمعوون سالفتي وتسااعدووني

والله مشكووووووووريييين وماقصرتوووا صج هذا الكلاام الي يبد الجبد

يعطيكم الف عاااافية

وان شااالله تشوفوني مدرسة اولى ريااضياات << يااااااارب

مشكوورين مرة ثانة ع المروور الحلو على رااسي كلكم من فووووق

حبيبتي ترا حتى تربيه رياضيات التدريس يكون بالانجليزي
تبيين نصيحتي دخلييييي هندسه لانه مقااربه للي تبينه لانه حرااام نسبتج قوويه !!! لوووول
المهم سووي الي يريحج بس لووو كنت مكاانج مستحييييييييييييييييييييييييييييييييييييييييييييييييييييييييييييييييييييييييييييييييييييييل ادخل تربيه يااما ناس يبون تربيه ومااتو على ماتووضفو فيهاا والحين مستعدين يسوون اي شي عشان يطلعوون اناا كل عمااتي مدرسات والحين ولا وحده فيهم تبي التدرريس اتمنى تطلع اليوووم قبل باااجر ,,,
وهذي ننصيحتي وحبيبتي نصيحه قبل كللل شي استخيري
والله يوفقج

 

[.]

رد: ياريت تسمعوون سالفتي وتسااعدووني

مابي احبطج..

بس ترا التربيه تخصص الرياضيات يدرسون بكليه العلوم واهي اغلب موادها بالانجليزي..<< مواد التخصص اما مواد التربيه اللي اهي تدريس وغيره لا تكون بالعربي..

ويمديج تقوين نفسج بالانجليزي بس لاهم تنوجد رغبه واراده بهالشي ..

لا تخلين الانجليزي عائق عن حلمج..

واقنعي اهلج واستخيري..

وموفقه يارب..

 

[.]

ووضحت العنوان..

و القبول بكليات العلميه والاداريه ع معدل المكافا فشدي حيلج بالقدرات..

وموفقه يارب..

 

[بدلية]

شمكووووووورين ع المروور والمشااركة الحلوة

ويا اخت روونه انا امتحنت قدرات

ويبت بالرياضيات 95 والانجليزي 54 وبالكيميا نسيت بس بالثمانينات

شكلي بقعد بالبيت بدوون اي شغلة والله اذ كل شي بلانجليزي لووووووووول والله مشكلة هههههه لا بس مادري يمكن تربية ويمكن هندسة بعد شسوي لازم اجامل هالنسبة