بنات ساعدونى صكت فينى الدنيا .. شسوى؟؟؟

[أم ضارى]

بنات بليز اللى تقدر تشور على لاتأخر .. مسكينه بنتى كاسره خاطرى بهذلناها ويانا

المهم سالفتى باختصار ... انا مدخله عيالى بالحضانه البريطانيه الدوليه وماشالله عليهم يهبلون ويبردون القلب

وخليت عيالى عندهم حتى بالكى جى ون اهمه عندهم صف يدرسون فيه نفس المواد اللى يدرسونها فى كى جى ون

ولما ييت انقل بنتى حق الرسبشن ريلى مارضى قالى يامدرسه قريبه لنا والا لاتنقلينها وهقنى مالقيت الا اجيال حسبى الله عليهم

عقدوا بنتى وخلوها تكرهه الدراسه ... قمت اوديها الاحد ترتفع درجة حرارتها 40 وفوق وباجى الاسبوع طايحه بالسرير من

كثر مانفسيتها صارت زفت

ييت انقلها نص السنه مالقيت مدرسه تقبلها غير اربع احسنهم كانت الكويت الوطنيه الانجليزيه نقلتها لها مؤقت لان مو وايد يمدحون هالمدرسه

الحين قاعده ادورلها مدرسه قويه انقلها لها السنه اليايه سكروها بويههى يايقولولى ماكو مكان حق بنتج الطلبات عندنا وايد

يايقولولى مدرسة بنتج مو قويه مااعتقد راح نقبلها او يسئلونى وين تقريرها وتقرير مدرسة اجيال كان مثل الزفت لان الابله حاطه عليها وتقرير المدرسه الوطنيه شهرى لان ماصارلها مده عندهم


شسوى يعنى بنتى تتحمل غلطتنا ... اشفيهم المدارس محد راضى يقبلها بلييييييييييييز اللى مرت بحالتى ترد على

او قولولى شسوى صج صكت فينى الدنيا

 

[فراوله]

السلام عليكم

الله يعينج يا أم ضاري هونيها وتهون....ليش ما تودينها الغانم ترى يقبلون ..انا اختى توها نقلت ولدها kg2 من مدرسة

الدانه إلى الغانم و ما شاء الله مستواها قوي....

ممكن سؤال شنو خلل مدرسة أجيال أنا ناوية أودى عيالى فيها السنة الجاية..لا تبخلين على بأي معلومة

 

[sara999]

ام ضاري انتي وين ساكنه ؟؟؟ عشان نقولج ؟؟؟

 

[مدرسة مكروفة]

بعد عمري والله قولي قدر الله وماشاء فعل.
المهم في وايد مدارس زينة مثل الرؤية ,روض الصالحين , وعندج مدرسة ولدي الحياة العالمية الي مؤسسها إبراهيم الخليفي المدرسة ما أقولج توب زينه يبيلها .....

 

[باونتى]

وفى مدرسة الخليج بالسالميه .. انا رفيجتى نقلت عيالها من حكومه وودتهم الخليج وقبلوهم

 

[سيدة الكويت]

الأكاديميه العربيه الأمريكيه ...روعه ومادة الأنجليزى قويه وايد وكتب امريكيه من امريكا

ترى هالمدارس بس حجى تلاقينها لا قويه ولا شئ

 

[أم ضارى]

بنات مشكورين على الرد ماقصرتوا

انا بصراحه افضل النظام البريطانى وايد ارتحتله

والمدارس اللى خاطرى فيهم :

- نيو انجليش سكول بالجابريه .... صكتها بويهى قالتلى الطلبات وايد والاماكن الشاغره شويه والاولويه للى عنده اخوان بالمدرسه
- كويت انجليش سكول بسلوى .... صعبتها على وقالتلى مااعتقد راح يقبل بنتج المدير
- المدرسه الانجليزيه بالسالميه..... كل ماكلمتهم قالولى سجلى عن طريق الانترنت
- المدرسه البريطانيه فى الكويت بسلوى ... موراضين اقدم طلب الحين يقولون شهر ثلاثه ومادرى عنهم شنو يبون يتشرطون بعد

 

[أم ضارى]

وبالنسبه لمدرسة اجيال ... للى عياله ماعندهم خلفيه بالانجليزى ممكن يمشى فيها ولو ان منهجهم كميته وايد صراحه فوق طاقة الياهل صعب يمشى بالانجليزى والدين والعربى مع بعض لازم تلاقينه زين بشى ومشى بالباجى

بس اللى عياله زينين بالانجليزى او عندهم خلفيه ما انصح فيها نهااااائى يدمرون الياهل لان راح يكون اعلى من مستواهم حسبى الله عليهم مثل مادمروا بنتى

 

[رفرف]

شلونج ام ضاري ؟؟

اغلب المدارس اذا مو كلهم يسوون اختبار قبول .. وعليه يعتمد اذا يقبلون الطالب والا لا ..
مالهم شغل بتقاريرها .. زين .. مو زين اهمه شكو ؟
اهمه يحطون اختبار قبول يحدد مستواها اذا يناسبهم والا لا !!
واذا مدرستها مو قوية بس انتي امأسستها عدل شكو ما يقبلونها ؟
ناجريهم وترى كل المدارس هذا حجيهم يمكن ما نقبل احد ومالج امل ومن هالحجي .. يسوون حق روحهم برستيج
بس انتي اصري وروحي وردي ويقبلونها انشالله

 

[أم ضارى]

وبالنسبه لمكان المدرسه مومهم لان انا ساكنه بالاندلس يعنى كللللل المدارس الزينه بعيده عنى

ولاتقولولى الرقعى وخيطان رحت مدارسهم من بره هالله هالله ومن جوه يعلم الله

 

[أم ضارى]

شلونج ام ضاري ؟؟

اغلب المدارس اذا مو كلهم يسوون اختبار قبول .. وعليه يعتمد اذا يقبلون الطالب والا لا ..
مالهم شغل بتقاريرها .. زين .. مو زين اهمه شكو ؟
اهمه يحطون اختبار قبول يحدد مستواها اذا يناسبهم والا لا !!
واذا مدرستها مو قوية بس انتي امأسستها عدل شكو ما يقبلونها ؟
ناجريهم وترى كل المدارس هذا حجيهم يمكن ما نقبل احد ومالج امل ومن هالحجي .. يسوون حق روحهم برستيج
بس انتي اصري وروحي وردي ويقبلونها انشالله

بعد عمرى رفروفه على هالحجى

والله حرونى... تقولى مدرسة بنتج مو شى !! قلتله انتى اشعليج من المدرسه بس بنتى شاطره سئلوها سوولها اختبار

وبعدين صج غباء يعنى لو مدرسة بنتى زينه شكو انقلها !!!!

يعنى صج شى يبط الجبد

 

[بمبة المفترسة]

اختي المدارس الخاصة يسوون اختباار قبووول وعلى هالاساس يقبلونهاا
بعدين شفيهاا اجيااال انا بنت اخوي كانت فيهاا وكانت ماشية اوكيه بالعكس وايد يمدحونها شلون مناهجهم صعبة يعني ؟؟؟
كل المدارس الخاصة مناهجهم مزحوومة وواجباتهم وايد ولد اخوي بمدرسة انجليزية وتعالي شوفي
كل المدارس الخاصة جذيه مايصير بعد تتشرطووون

وشوفي مدلرسة الاكاديمية الانجليزية بالجابرية عيال اخوي الحين فيها جربي
وبنت اخوي سواا لها اختبار ماقبلوها ودينها اجيال سنة وتالي رضوا يقبلونهاااا الاكاديمية الانجليزية يعني نفس المستوى

 

[أم ضارى]

اختي المدارس الخاصة يسوون اختباار قبووول وعلى هالاساس يقبلونهاا
بعدين شفيهاا اجيااال انا بنت اخوي كانت فيهاا وكانت ماشية اوكيه بالعكس وايد يمدحونها شلون مناهجهم صعبة يعني ؟؟؟
كل المدارس الخاصة مناهجهم مزحوومة وواجباتهم وايد ولد اخوي بمدرسة انجليزية وتعالي شوفي
كل المدارس الخاصة جذيه مايصير بعد تتشرطووون

وشوفي مدلرسة الاكاديمية الانجليزية بالجابرية عيال اخوي الحين فيها جربي
وبنت اخوي سواا لها اختبار ماقبلوها ودينها اجيال سنة وتالي رضوا يقبلونهاااا الاكاديمية الانجليزية يعني نفس المستوى

فعلا هذا اللى اعرفه انهم يسوون مقابله بس لما رحت الحين قالولى من كثر الطلبات عندنا قمنا انقى على حسب الكلام المكتبوب بالابلكيشن

خخخخخخخخخخخخخ اشفيج زعلتى على موضوع اجيال بالنسبه لى فعلا المدرسه فاشله ومو بس انا اقول هالحجى ناس وايد صار فيهم نفس اللى صار بعيالى وطلعوا عيالهم منها اذا عيالج اساسا يعرفون انجليزى من قبل لايدخلون مثل بنتى هالمدرسه ماتنفعلهم ..
مدرسة اجيال سالفتى معاهم طوييييييييييييييله عريضه السالفه مو سالفة مناهجهم
لا ياعمرى ... انا جم مره اكتب سالفة بنتى بمواضيع سابقه ورحت واشتكيت بس محد رد على بالعكس المدرسه حطت على بنتى زياده .......والله مالى خلق حتى ارد اكتب سالفتى معاهم من كثر ماكرهتهم

 

[روحي تحب]

آنا عيالي بالخليج الانجليزيه اللي ورا ليلى جاليري قاعدين يقبلون من مدارس الحكومه وكل شئ يعتمد على الاختبار سألي وشوفي وعندهم مالت التسجيل اسمها ايمان اشرحيلها واعتقد بتفهم ورقمهم 25757022و25757952
وفي الخليج البريطانيه بعد بالسالميه وايد اهلنا يمدحونها بس للصف السادس والامهات مرتاحين مستوى الطالب عجيب اهمه يقوونه بدون ما يعتمدون على البيت وطريقة العربي الطريقه الحلبيه في التدريس وانشاء الله خير لاتعتمدين على مدرسه وحده شوفي كذا وحده وانصحج بالنظام المريكي شوفي بنتي بالريسبشن وبطلها قاعده ادور مدرسه امريكيه لان الامريكان يحببون الياهل بالدراسه بنتي كله مالها خلق والانجليز ذبحوها منهج ثانيه ابتدائي قاعدين يعطونها اياه ولا في وناسه ولا عايشه عمرها والشئ راجعلج حبيت افيدج وموفقه

 

[أم ضارى]

روحى تحب ... واللى يعافيج انا سمعت ان مدرسة الخليج وحده مو زينه يعنى مستواها مو قوى والثانيه زينه

الحين اى وحده من اللى قلتيهم اهيه الاقوى؟؟؟

 

[بمبة المفترسة]

لاا انا بنت اخووي دخلت وماتعرف انجليزي خير شر وتعلمت عندهم انجليزي وتالي انتقلت للاكاديمية الانجليزية
اول شي مارضوا يقبلونهم يقولون مستواهاا ضعيف والسنة اللي وراها تقوت بأجيال وراحت لهم على طوول قبلووهااا

وترى كل المدارس الخاصة اي شي همهم الفلوس لاتتنظرين منهم شي

 

[روحي تحب]

شوفي حياتي ام ضاري آنا عيالي بالخليج الانجليزيه اللي وراء ليلي جاليري اللي كانت برميثيه قبل اهي قويه والحمدلله تاسيسها وايد قوي انصدمنا لما اعرفنا هالشئ من الفره على المدارس بس آنا لوانقلهم الحين ما يهمني لانهم تاسسوا عدل وبقوه
الحين آنا سمعت من ناس يصيرون لي عيالهم بالخليج البريطانيه اللي بالسالميه بعد انه مستواهم وايد قوي بس للاسف عندهم المراحل للصف السادس بسوهذول اللي قلت عنهم تدريسهم بالعربي عجييب وفي ناس كويتيين ببريطانيا يدرسون وعيالهم معاهم سالوا قبل مايردون علشان عيالهم يقولون طبعا الحجي منهم مو مني انه التعليم ببريطانيا مدحلهم هذه المدرسه وايد واسعارها وايد مناسبه بعد ادري آنا عدت الكلام مرتيين بس بقولج انه الثنتين يمدحونهم ماادري ايهي اللي ما يمدحونها

 

[أم ضارى]

روحي تحب .... تدرين اشلون بروح اشوفهم على الاسبوع الياى او اللى بعده والله كريم

وهم بقدم حق عيالى هم بالمدارس اللى قلت عنها ... والله يجدم اللى فيه الخير

انا كل مارحت مكان يقولولى لاتقدمين بمكان واحد روحى قدمى بكذا مدرسه

 

[caramella]

7abbeeebty allah esa3dech wallah 9ej 7oooosa tasjeeel el medares ana an9e7ech 7g bentech el netham el amreeeky cuz yemken mu bas el madresa elly mu merta7a feeeha yemken el netham eb kobra

 

[أم ضارى]

شوفى كاراميلا ... مادرى ليش لما رحت مريت المدارس من قبل ماحبيت النظام اامريكى حسيته شويه فرى

وانا خلقه تعبانه مع عيالى بالبيت مو قادره اسيطر عليهم لانه ساكنين فى بيت حمولتى وقاعدين يتعلمون من عيال عمهم وهالشغله مو عاجبتنى بالمره بس مو قادره اسيطر حتى لو ازفهم واحاول اعلمهم يروحون يسوون الشغله من وراى


فا النظام البريطانى عجبنى ارتحتله وايد

بس صج صج حوسه كل شويه فكره شكل ... يعنى ماشالله عليج جنج تقرين اللى فى بالى الحين قاعده افكر اقدملهم على المدارس اللى قلت عنها وهم اقدملهم على المدارس الامريكيه القويه على الاقل ما افلس بالمره خصوصا ان الوقت ماشالله يركض والناس ركضه تقدم اخاف الطيور تطير برزاقها وانا قاعده اتطمش

الله كريم