عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[Lulu_Perla]

كوكو اليكوتة
اي اكيد عجبني الموقع


يا حلاة حجيكم حبيباتي ..
لا يوقف مونسينا

 

[الصابرة المحتسبة]

السلام عليكم يا الحاضرين ............ وأحلى سلام لديرتنا الغالية الكويت في حجي بقلبي ودي أقوله من أول ما سجلت بالمنتدى ............ : الصراحة الحب والعطاء المشترك بين بنات ديرتي بكل رابط ..... ما أدري أحس المنتدى يعبر عن اللي بداخل كل وحده.
شكو الكلام هذا ........... حبت أبينه وبس ......... وعساكم على القوة ولا تبخلون بأي شي تعرفونه.

 

[الصابرة المحتسبة]

- ابو طبيع ما يجوز عن طبعه: الواحد اللي يتعدله جم يوم ويتغير بطبعه ولا سوالفه اللي تغث وتالي يرد على طبعه ما يطول.
- بات مظلوم ولا تبات ظالم: الله يبعد عنا وعنكم الظلم , يعني الواحد ينام ظالمينه وربي بينصره على اللي اظلمه ولا ينام ظالم والناس تدعي عليه ودعوة المظلوم ما بينها وبين الله حجاب.
- بغاها طرب صارت نشب: مثل الواحد لي اعجبته شغله ومفكر ان وراها وسعة صدر امسخت معاه وابتلش فيها.
- الثوب اللي أطول منك يعتك: يعني ما دام انت على قد حالك ومستوره ولله الحمد اشتبي ادخل روحك وتناشب الغني ولا تناسبهم ما تقدر على المصاريف خلك على حالك علشان لا تكرفس وتطيح.
- راعي النصيفة سالم: الواحد اللي يتقاسم أي شي النص بالنص يكون دايما ربحان.
-

 

[Q8_QT]

*كلنا نوقف وقفة اجلال وتقدير وحب ووفى للمرحوم الشيخ جابر الأحمد الصباح الله يرحمه ووسع مدخله وويغسله بالماء البارد والثلج ويجعل قبره روضة من رياض الجنة مع الأبرار والصديقين وحسن أؤلئك رفيقا*آآآآآآآآآآآآآآآآآآمين يارب العالمين في الذكرى الثالثة لوفاته .

آآآآآآآآآآآآآآآآآآآآآآآآآآآآآآآآآآآآميييييييييييييييييييييييييييييييييييييييييين

 

[كيوت_25]

مشكووووووووووووره على هالموضوووووووع الروعـــــه

انا الحين مشغوله بس لي عوده

 

[الصابرة المحتسبة]

السلام عليكم .......... اشتقت لكم ........

 

[الصابرة المحتسبة]

- بغيت طليب صغير من الأخت مشرفة القسم بأن تربط موضوعي(لبنيات ما اكثرهم ماي الورد يرشرشهم مع سوالف وحزاوي وعساكم على القوة.

 

[الصابرة المحتسبة]

السلام عليكم أسفرت وأنورت .......... هلا بالمنتدى ........

 

[الصابرة المحتسبة]

هذي بعض الكلمات اللي يقولونها الأولين وانشالله للحين تنقال:
- استريح ......... عدوك الريح.
- سم.......... سم الله عدوك.
- قرة عينك.................. بوجه نبيك.
- خطاك السو............ خطاك اللاش.
- فمان الله............... فمان الكريم( في أمان الله.......في أمان الكريم).
- عساك على القوة............ الله يقويك.
- ما تشوف شر........... الشر ما يجيك.
- شرفتوا ولا كلفتوا.
- هلا بالطش والرش والماي الورد بقرش.
- عين غطا وعين فراش.
- لو هي ذبيحة ما عشتك.
- سامحنا على القصور.

-

 

[الصابرة المحتسبة]

- لاهنت........... لاندمت.
- حياك الله......... الله يحييك ويبقيك.
- على هالخشم....... على هالشحم.
- احنا الطالعين........ وانتوا الداخلين.
- لاخلا ............. ولاعدم.
- عساه بيت عامر.
- عساه منزل مبارك.
- الله يكثر خيركم.

 

[الصابرة المحتسبة]

الأولين لي جاهم الضيف افتحوا قلوبهم قبل بيوتهم بالملقى والمهلي وان كان الله منعم عليه بالذبايح وما يخلي على ضيفه قاصر وللحين يالله من فضلك أهل الكويت راعين الأوله.
- دول الخليج عسى ربي لا يفرق شملهم متناسبين أهل الكويت مناسبين أهل السعوديه ولا البحرين أو قطر ولا الإمارات ولا عمان.
- وقبل كان المثل اللي يقول : (يا غريب كون أديب ) ملتزم فيها الضيف يراعي حرمة البيت وحده الديوان وبس.
- (والجود من الموجود) ويرضى بأشي يحطوله ولا يتأفف ولا ينقد.

 

[الصابرة المحتسبة]

عسى ربي يحفظ الكويت وشيوخنا وحكومتنا وشعبها والله لا يغير علينا ويزيدنا من فضله , ويبعد عنا كل حاسد ......... يالله اني طالبتك تحمي ديرتنا ولا تفرقنا وترحمنا برحمتك ياللي عينك ما تنام والسامع يقول آآآآآآآآآآآمين.

 

[جاي الضحى]

عسى ربي يحفظ الكويت وشيوخنا وحكومتنا وشعبها والله لا يغير علينا ويزيدنا من فضله , ويبعد عنا كل حاسد ......... يالله اني طالبتك تحمي ديرتنا ولا تفرقنا وترحمنا برحمتك ياللي عينك ما تنام والسامع يقول آآآآآآآآآآآمين.

آآآآآآآآآآآمين​

 

[تفاخيه مبطوطه]

الصابره مشاركاتج حيييييل قيمه مشكوره وماقصرتي

 

[MaRiuM]

عسى ربي يحفظ الكويت وشيوخنا وحكومتنا وشعبها والله لا يغير علينا ويزيدنا من فضله , ويبعد عنا كل حاسد ......... يالله اني طالبتك تحمي ديرتنا ولا تفرقنا وترحمنا برحمتك ياللي عينك ما تنام والسامع يقول آآآآآآآآآآآمين.

اميييييييييييين

 

[الصابرة المحتسبة]

جزاج الله خير يا تفاخيه وما سوينا شي عساه يفيد وينفع.

 

[ام الولو]

هذي اول مشاركه لي في هذا المنتدى مع اني من زمااان مسجله بس اطالع مواضيعكم


المهم انا بعطيكم كلمات اليما الحين احنا نستخدمها وكلمات امي وابوي الله يرحمهم كانوا يستخدمونها .
كنجيه : يعني الغرفه الي فوق الحمام
من يا عيله : يعني وقته طاف
جوه : يعني روح
وراك : شفيك
شاخص : عوار
موتر : سياره
احدر : ينزل الديره
عقنقز : بو شنيتر
رضه : عوار طقه
سومه : دوخه
حفيز : معرض سيارات
دكان : بقاله
مرزام :بايب ماي السطح
الكويت حره : الكويت غاليه



وفي بعد كلمات بس ما تحضرني

 

[الصابرة المحتسبة]

السلام عليكم ورحمة الله وبركاته......... وياعساكم بخير وبصحه وعافيه وعلى ديرتنا الحبيبه الغاليه اللي ودنا ترابها نبوسه ولاندوسه.

 

[الصابرة المحتسبة]

اليوم بسولفلكم عن ألعابنا كنا نلعبها قبل ويمكن بعد ألحين وعن نفسي أحب أعلمها عيالي مثل أنا الذيب باكلكم...........

- جم الساعة ياذيب: مجموعه من البنيات ويصير معاهم صبيان من العايله يقعدون واثنين يروحون بعيد شوي ويتفقون على ساعه من 1ليما12 وبعدين يسأل واحد من الأثنين: جم الساعة يا ذيب؟ واللي يعرف الإجابه يلحق الثاني واذا صاده يصير مكانه.
- ولعبة طاق طاق طاقيه.
- لعبة الحبل.
- لعبة باص باص باصينا اللص اللص اللصينا بنتين كل وحده تختار نوع من الميوه ( تفاح ...برتقال.....الخ) ويقفون اقبال بعض ومشربكين ايدياتهم ورافعينها فوق ومسوين مثل القوس يدخل منه البنات الباجي وفجأة يقضبوون وحده ويخيرونها تبي الموزه ولا البرتقاله وتختار وجذي ليما يخلص الطابور وبعدين يصير الموقف مثل شد الحبل .
-

 

[Lulu_Perla]

الصابرة ..
تسلم الايادي ..

امثالج و سواليفج وايد حلوة ..

بعطيج العافية