تعالو ندلي بعض على محلات الكلف والخياطه والاشغال الفنيه

[3emeyah]

مشالله الموضوع حلو وايد
بس انا اسوي بروشات وابي مكان زين واسعارة زينه
ياليت اللي تعرف تفيدني
وبالتوفيق

 

[badooora]

مشكوره بصاراحه انا ما اعرف الا بيت الكرستال وبركات ومجمع بيروت شنو اسما الله يعافج وين مكانه داخل ولا بره

 

[ام عزيزان]

الخيوط الصوفيه في منها انوااااااااع

والنوع الحلو تعرفينه من النظر له يعني يكون ناعم ... ونوعيته جيده

والخيوط الكشميريه على 100 فلللللللس مو 200 فلس

والمحل اللي اروح له بخيطان في مجمع الرجعاااان

بالسراب محلات العبي في معاهم محل للكلف والخياطه وانا اتعامل معاااااه

وبالنسبه للخرز انا اشوف محل في دبوس خيطان يبيع خرررررررز بانواعه واكسسوارات منوعه وصافهم جياس جياس واعتقد انهم على دينار مادري دينار ونص

ومحل الكلف في بيرووووت داخل المجمع

ويلا نبي محلات جديده ومحدده ​

 

[ام عزيزان]

هالكلام منقووووووول

الكويت :

بركات

تتوفر فيه عدد التطريز والكروشيه والرسم والاستنسل والخياطة والسيراميك وانواع كثيرة ومميزة من الشرائط ، الاقمشة المختلفة....................
الكثير من الكتالوجات والمجلات والكتب الفنية له فرعان على ما اذكر في السالمية:في مجمع المبرور، وآخر في الفروانية يمكن في الحمرا مول لكني لست متأكدة
ومنذ فترة اصبح يقيم بعض الدورات

آرتس آند كرافتس

يوجد فيه ايضا مواد الفنون لكنه متخصص في الحرف اكثر متل الموزاييك و النحاس ومستلزماته ، التذهيب والتعتيق ،الطباعة ولديه اشرطة فيديو لتعليم بعض الحرف عنوانه
الشويخ شارع كندا دراي مجمع وارة


مجمع دسمان

يحتوي على العديد من المحلات التي تجدين لديها الكثير من مستلزمات الفنون كالرسم وما الى ذلك وتتميز محلاته بتنفيذ الوسائل التعليمية للمدارس عموما
وهو طبعا في مدينة الكويت وهو مجمع معروف


تروفاليو

aec

يوجد لديهم البخاخات المختلفة الانواع للزجاج والخشب والتعتيق...................... ..
وعدد الاستنسل كاملة وبوردرات جاهزة للصق ورفوف خشبية متنوعة وما الى ذلك
هما اثنينهم بالشويخ
التروفاليو خلف ايكيا مقابل a2z

 

[ام عزيزان]

السلام عليكن جميعا . . . بالنسبة للخيوط . . حق الكروشيه ..

إضافة لمحلات الكويت : بركات السالمية /

بركات في الفحاحيل / محل رفيق في الفحاحيل واللي جنبه لكن تشكيلته قليلة /

العمارة المقابلة لبركات السالمية يوجد محل مقابل لبركات اتركيه وادخلي المحل الثاني يعني من جهة الشارع الرئيسي . . عنده تشكيلة حلوة . . وأحيانا نفس بركات لكن مع فرق واضح بالسعر أرخص وايد من بركات . .

مجمع بيروت في حولي : يوجد محل صغير مثل كشك في منتصف المجمع بالميزانين قرب الدرج عنده تشكيلة لا بأس بها.

البلوكات : كثير من المحلات عندها الخيوط .

 

[أم هـجـرس]

صح صح تذكرت شغله بعد في محلات كلف بخيطان مادري شيسمون المكان بس اهو صاير المجمع الي عند سليمان الدبوس في مكان حق العبي يصير بالسرداب موعارفه اسمه بس تلاقين فيه جنه 2 او 3 محلات كلف

وفي جم محل بالعربيد الي بالفروانيه وايد حلوين

 

[أم هـجـرس]

صح وفي محل قبال العربيد الفروانية الي فيه محل القرشي للعطور صاير بزاوية المجمع هذا بعد فيه هناك محلات كلف

 

[james546613]

عندكم جرير

 

[ام عزيزان]

انا دايم اروح جرير بس ما القى فيها شي يخص الكروشيه ولكن للاشغال الفنيه والرسم تلقون فيها كل شي مع انها غاليه لو مكتبات ثانيه ارخص

ومحل الكلف يا ام هجرس كاني رحت له اللي عند محل القرشي بس فيه خيوط للكروشيه ولا شنو فيه؟؟

 

[Miss-LuLu]

بنات بالنسبة حق الى جاوبتني عن الاكسسوارات



شفت عند محلات الكلف بس ناقصييين !! يعني لقيت صكات ملوت التراجي وملوت البروشات


بس ابي اشتغل بالسلاسل والاسوارات يعني ابي ادوات حق الاكسسواراات المعدنية وحلقات وسلاسل معدنية عرفتووو


؟؟؟؟
منو شايفة هالشغلات بمكان ؟؟

 

[Miss-LuLu]

اي صج بنات ابي هذا النوع من الخيوط الصوفية "bravo"

عطوني اسم محل لان باجر انشالله بروح الفروانية ؟؟ قولولي وين احصله هناك والمكان بالضبط ولي يعافيكم

 

[ام عزيزان]

روحي مجمع بيرووووووت لانه اضمن وفيه كل انواع الخيوط واصلا المحل خاص للكروشيييييييه

 

[Miss-LuLu]

ويييه ماقدر اروح من الفروانية لي حولي :\ بنات الى تدل بفروانية تقول لي

 

[ام عزيزان]

هوني من الفروانيه وروحي حوووووولي

الفروانيه مافيها شي

 

[أم هـجـرس]

ام عزيزان عنده خيوط حلوه بس طبعا مايوصل لخيوط بركات

بالنسبه لدسمان عندهم خيوط بعد ؟؟؟ واسعارهم اشلون نفس بركات ولا اغلى ؟

 

[Miss-LuLu]

up


up


up

 

[دلوعة روحي]

امس رحت بركات

تصدقون يا بنات

انا شارية السناناير من محل الكلف ب 750

و هناك لقيتهم ب 190 فلس

و الله عاد قمت و خذيت كل المقاسات

عاد الخيوط انهبلت شنو اخذ

بس خميتلي خيوط ب 14 دينار و طلعت خخخخخخ

بس 3 الوان ما كثرت خفت احصلهم ارخص

 

[princesse X]

امس رحت بركات

تصدقون يا بنات

انا شارية السناناير من محل الكلف ب 750

و هناك لقيتهم ب 190 فلس

و الله عاد قمت و خذيت كل المقاسات

عاد الخيوط انهبلت شنو اخذ

بس خميتلي خيوط ب 14 دينار و طلعت خخخخخخ

بس 3 الوان ما كثرت خفت احصلهم ارخص

قص عليج الهندي
عمري ما اشتريت سنارة منهم بأكثر من 250 وتكون ستيل
المهم الخيوطخذتيها محددة شنو بتسوين فيها علشان الكمية تضبط وتكفي لان حسافة يزيد منالخيط كمية ماتكفي شي ثاني و بعدين ماتدرين شتسوين فيها

 

[دلوعة روحي]

اي و الله قص علي و انا كنت باخذ منه كل المقاسات بس الله ستر

خذيت خيوط تقريبا 600 غرام حق شال

و خذيت بكرتين كل وحدة 50 غرام بسوي فيهم كبابيس حق ولدي و ولد اخوي

و خذيت بكرتين 50 غرام كل وحدة بسوي فيهم شال حق بنت ريلي

 

[miss-fofo]

بنات المحل الي في مجمع بيروت يبيع ابر ستيل؟ وعلى جم؟

ويبيع خيوط قطن فناتق؟