الليـــمـــــــــــــــــــــــــون !!

[dessert_flavors]

السلام عليكم ،،،

شلونكم بنات ،،،

حبيت اعرف ليش كلا يقولون الليمون ما يصلح حق الوالدة ؟؟

تكفون الي عندها فكرة اتفيدنا لان هالشي امحيرني ،، شنو علاقة الليمون بالنفاس؟

مشكورين وماتقصرون​

 

[eman84]

انشالله البنات يفيدونج

 

[طــمــوحــي]

لليمون بعد مو زين .. ما ادري انا اول حمله لي و توني اسمع منج ....؟؟ خل يفيدونا البنات

 

[ان شكينا بكينا]

ايي يقولون مو زين لانه من الحوامض الليمون والبرتقال مو زين

ومايندرا ليش مو زيين

 

[جمرة غضى]

والله ما ادري بس اللي اعرفه ان الوالده تبتعد عن كل الحمضيات(الليمون - البرتقال)
ديري بالج

 

[dessert_flavors]

والله انا سمعت بعد بس مادري ليش عشان جذي قاعده اسأل ...

 

[dessert_flavors]

والله ما ادري بس اللي اعرفه ان الوالده تبتعد عن كل الحمضيات(الليمون - البرتقال)
ديري بالج

هذا الي قالوه لي بس بعرف ليش؟

الصراحه السلطه ووايد اكل مو حلو بدون الليمون .. انا احب اقتنع ماحب يمنعوني وبس بدون سبب

 

[sugar lip's]

مادري يقولون انا سمعت من امي مادري صج مادري تخرعني عشان لا اكل تقول ان الرحم للحين ما برى رطب والليمون حامض حار يخرب الرحم مثل يخيس ... مثل شي مجروح وينزف وانتي ترشينه ليمون شيصير فيه ؟ وما يثبت فيه بيبي يديد يصير داخله من اسيد

والله العالم

 

[أحلى عيون]

مثل ما قالت لي عمتي يوم ولدت تقولي السلطه بعد مو زينه لانه فيها ليمون وفيها طماط يسوي سوائل بالرحم وقالت لي الرقي بعد مو زين عيل شنو نااااااااااكل والموز يقولون يسوي امساك ومو زين على الوالده

 

[fatma]

ليش موزين عاد انا مااقدر استغنى عن الليمون

 

[Samora]

واااي عاد انا ما احب الليمون اكل السلطة بدون ليمون

 

[um 3li]

حبيبتي الليمون يحمض حليب الأم وجذي يتأذى الياهل لان الحليب في حموضة !!!

ابتعدي عنه دام انج ترضعين

وهم مو زين للرحم

 

[dessert_flavors]

مثل ما قالت لي عمتي يوم ولدت تقولي السلطه بعد مو زينه لانه فيها ليمون وفيها طماط يسوي سوائل بالرحم وقالت لي الرقي بعد مو زين عيل شنو نااااااااااكل والموز يقولون يسوي امساك ومو زين على الوالده

اي والله شناكل .. اذا كل شي لا ومايصير .. في ناس يقولون حتى الماي مايصير .. شلون يعني نموت ؟

بروح اكثر الحوامل عقب الولادة منفرشين من المتن وماناكل سلطة بعد عيل شناكل عيوش وقبوط ؟ حق المتن زود عشان كل وحده تطلع من النفاس فيل

 

[lailalaila]

يخلي الحليب حامض اذا ترضعين لكن بالنسبه للرحم ما اعتقد له علاقه

 

[نماين]

يسبب افرازات ولزوجة للمره بالانفاس

ويطلع ريحة لها حسب ما قالولي

ومثل ما صار لرفيجتي لانها سمعت كلام الطبيب وقامت تشرب عصير برتغال والسلطة معظم ما فيها ممنوع ( الخيار الطماط الليمون )

وللحين تقول احس برطوبة مع انها صاااارلها مدة من ولدت


وبالنفاس لازم ناكل حار ودافي عشان بسرعة تنظف المره والرحم يرد لمكانه واكيييييييد ممنوع الرجيم بشهادة الكل

ادري قرقرت بس ابي افيدكم

 

[نماين]

لليمون بعد مو زين .. ما ادري انا اول حمله لي و توني اسمع منج ....؟؟ خل يفيدونا البنات

اي استفسار قولي وبجاوبك على الي اعرفه وبسألك اهل الخبرة عن الي ما اعرفه

 

[أمانيQ8]

لا ليمون ولا برتقال ولا افندي ولا موز ولا طماط ولا اناناس ولا بيبسي ولا اي شي غازي ولا اي شي بارد ولا بفك ولا برد ولا ولا ولا ولا ولا ولا ولا ولا ولا ههههههههههههههههههههههههههههه بالنفاس انا اذوق العذاب عند امي الله يالبيبسي يصير عزييييييييييييز علي وايد وااااااااااااي اتغافل امي واروح افتح واحد واشربه بالبوق مثل المينونه بدعت بدعتتتتتت ديري بالج ترا صج تحسفين

 

[هوفه]

مو زين للنفاس لانه يقطع نزول الدم

وما يخلية ينزل كلة يخليه يتجمع بالرحم

 

[dessert_flavors]

مشكورين عالردود وماقصرتوا بس الصرااحه الاجابات متعدده ولا في احد مثل الثاني احنا نبي شي علمي في والا مافي ؟!؟!؟!
انا معاكم البيبسي مو زين لانه غازات ويتفخ البطن .. الي مو والده شربي بيبسي وشوفي بطنج شلون ينتفخ فما بالج الوالدة مع كرشتها يالله تعابل فيها على ماتطلع من ال 40 الا شوي خافة .. عشان جذي لازم تبتعد عن المشروبات الغازية .. انا سألت وحده صينية ليش كلا يقولون الحوامض مو زينة حق الوالدة (اهيا دكتورة) قالت لي لان الحوامض بعد الولادة تأثر على اسنان الوالدة وتسبب في تساقطهم المبكر .. والله اعلم .

 

[om_3azoz]

حبيبتي صح يمكن موزين حق النفااس لان حتى وقت الدوره يقولون موزين الليمون وقت الدوره بعد
وانشاءالله البنات يفيدونج