سفـــر القطوة

[lawyer-4ever]

هـــــــاي بنات

بغيت اسال اذا في وحده عندها فكرة شنو المطلوب حق سفر القطوة
يعني اذا في اوراق مطلوبة ؟؟
واذا لازم نحجز لها بالطيارة تذكرة ولا شلون ؟؟

ياريت من الي مسفرة قطوتها معاها من قبل تعطينا فكرة

ومشكووورين مقدماً :ggdw:

 

[حيادر]

اي والله ياريت وحدة تفيدنا

انا ودي لما اسافر اخذ قطوتي معاي

اهوا جنه لازم تودين كرتها الصحي ( شهادة الميلاد ) اللي عطاج اياه البيطري حق مادري وين
وتطلعيله ورقة لامانع من السفر اتوقع يصير مثل جواز خاص فيه

وبعدين لازم تودينها البيطري وتحطينلها شيب ( مثل كبسولة صغيرة تنحقن تحت الجلد صوب رقبة القطوة وفيها رقم سري ويعطونج الرقم السري مالها )

علشان تقدرين تعبرين فيها بالمطارات الدولية برة الكويت لان الحين صارت هالشغلة مطلوبة
لان وايد ناس يهربون حيوانات

فلازم تثبتين ان هالقطوة حقج وان رقمها لاسري وكل اوراقها معاج

الشيب بالدهماء جنه ب5 دنانير

والباجي مادري والله بس ودي اعرف لان هذا اللي سمعته

مادري وين اسئل

 

[lawyer-4ever]

حيادر

هلا والله مادري وينهم عنه محد معطينا ويه

ويــــه والله السالفة فيها حوســـة مو

وخاصة الشيب احسها تخرع لووول

اي والله ماندري وين نسال انا قلت اجرب بالمنتدى مشالله عليهم خبرة وانشالله يفيدونه

 

[sweet cake]

حبيبتي دوري بالمواضيع القديمه شوي
في بنات كتبوا عن هالشغله وجاوبوها الخوات بالمنتدى
يبيلج شوية فره بالقسم

 

[kikoo]

اي جان زين أحد ايقولنا أنا أبي أييب قطوه من مصر أشلون اذا في أحد عنده فكره

 

[lawyer-4ever]

اي والله وحد راضي يرد علينا وبعدين قاعده احوس بالمنتدى ماحصلت دار راسي

 

[خنابق]

سلام ..

يبون يا هانم:
شهادة تطعيمات مختومه من العيادة البيطرية.
بوكس اللي تنحط فيه.
واذكر ان التيكت رمزي جدا , اعتقد انه شي موحد لكل الدول بعد يعني ما تفرق من بلد لاخر.


وبس ,

 

[lawyer-4ever]

سلام ..

يبون يا هانم:
شهادة تطعيمات مختومه من العيادة البيطرية.
بوكس اللي تنحط فيه.
واذكر ان التيكت رمزي جدا , اعتقد انه شي موحد لكل الدول بعد يعني ما تفرق من بلد لاخر.


وبس ,

مشكووووورة خنابق عالرد وانا افضل شي بتصل في شركة طيران اسال ولا شرايكم :dddds: