كاشف البلوتوث او الأجهزة النقالة ..

[alhayen]

السلام عليكم ورحمة الله وبركاته

شلونكم بنات .. ممكن خدمة ماعليكم امر ..

منو تعرف شركة (ثقة) توفر لي جهاز كاشف الاجهزة النقالة في الحفلات ..

مابي اللي انشوفه بأغلب الحفلات وحدة تفتش المدعوات وحاطه يمها كبت فيه اقفال شكله (cheap)

ابي شي مرتب واللي تفتش تكون ذربة مو دفاشه تنرفز ضيوفنا..

بيني وبينكم انا ماودي اييب وحدة تفتش وتاخذ التلفونات النقالة لكن للأسف صديقات عروستنا اصدموننا

كانوا رايحيين عرس ومصورين نفسهم بالحفلة عن طريق موبايلاتهم فسألتهم عروستنا شلون دخلتوا موبايلاتكم ؟

قالت عادي اللي تفتش فتشتني وانا كنت خاشه موبايلي (طبعا يتفننون بطرق الخش والدس) وعادي دخلنا !!

علشان جذي عروستنا قالت انا ابي وحدة تفتش على الموبايلات بس ابي وحدة ذربة مو دفاشه وابي جهاز الكاشف

فاللي تعرف ممكن تفيدنا جزاها الله خير ..

أختكم
​

alhayen

 

[TeKaNa_Girl]

انشالله البنات يفيدونج
ماعندي خبره بهالشي
بس ماحبيت اطلع بدون ما ارد

 

[alhayen]

انشالله البنات يفيدونج
ماعندي خبره بهالشي
بس ماحبيت اطلع بدون ما ارد

مشكوورة حبوبة ..

وبانتظار البقية ​

 

[احبكم]

تلقين بالمكاتب حق تجهيز الكوش وانتي تشرطين عليهم على ما اعتقد



وفي واااايد بالجرايد الاعلانيه وان شاء الله تلقين طلبج ياااارب ^_^

 

[alhayen]

تلقين بالمكاتب حق تجهيز الكوش وانتي تشرطين عليهم على ما اعتقد



وفي واااايد بالجرايد الاعلانيه وان شاء الله تلقين طلبج ياااارب ^_^

مشكوووورة حبيبتي انا باجر بروح اشوف جم محل لكن ابي احد مجرب يكون افضل ..

ماقصرتي يالغالية

 

[alhayen]

مافي احد عنده فكرة ؟

 

[صاحبة المعالي]

شوفي الصاله توفر لج هالخدمه
تقدرين تطلبينهم وتشوفين النماين ..
مع اني في رايي مهما تييبين وحده ذربه .. المعازيم راح يكرهونها
و انا اولهم .. مااحب اللي تفتش
وبعرسي ماني يايبتهم
​

 

[alhayen]

شوفي الصاله توفر لج هالخدمه
تقدرين تطلبينهم وتشوفين النماين ..
مع اني في رايي مهما تييبين وحده ذربه .. المعازيم راح يكرهونها
و انا اولهم .. مااحب اللي تفتش
وبعرسي ماني يايبتهم
​

انا وياج ماحبهم بس شنسوي في بنات الله يهداهم يصورون بالعرس ومايهمهم وماتدرين منوا اللي بيشوف الصور

على العموم مشكورة حبوبة واحنا حفلتنا بفندق وماضن الفندق ايوفر هالشي بس هم بسأل ..

 

[الجفول&]

مساء الخير
انا الي اعرفه ان جهاز كاشف البلوتوث مايكشف الجهاز اذا كان طافي فبعضهم اطفي جهازها وتخلي المفتشه تفتشها بالجهاز وما راح تحصل شي.

 

[بنت ديرة الكويت]

اعرف واحدة اتصلي واساليها 99497643

 

[Toulin RTN]

حبيبتي عندي...
ثقة ومحترمين واضمنلج ماتدخل وحدة بجوالها معهم جهاز التفتيش
بس هم كبت مع اقفال ...
لو تبين راسليني على الخاص