مدمنة مكياج مثلي؟؟حياج.....متجدد

[ليان الكويت]

ونسيت اقول حبيباتي اهم شي دمج الالوان لانه فن حتى لو ماركه عاديه

 

[milkshake]

صدقتي اختي مشكدانة..اهم شي طريقة وضع المكياج والدمج..مو شرط الماركة

 

[العصيمية]

يلا نبي شي جديد ميلك شيك كله ادش اجيك على موضوعج

 

[milkshake]

سامحوني بنات على انقطاعي بس تدرون فترة امتحانات ..

هذي كريم حطيت عنه من قبل بس الحين طلبته من الانترنت..من ماكرة ايوكو,,اهو 3 في 1 ..كريم للوجه وكريم للعين وهايلايتر ..فضيييييييييييييييييع..لمعته ماتروح ..ياية وردي على برونزي ماعرف شلون..صورتها على ايدي بس التصوير ظالمها ..ماشفت اضاءة فضيعة جذي..







وهذي الشغلات استخدمها لجسمي اذا بالبس قصير..انا بيضة بس للاسف فيني سترج ماركس وماحب ايبين واضح..بعض هذي الالوان غامجة علي فاخلط اكثر من لون..العلبة الدائرية هذي بودرة تثبيت للكريمات ..
ماركات كفر بلند وديرمابلند والبخاخ اير برش..كنت طالبتهم من الانترنت من زمان قبل ما ينزلون عندنا..

 

[milkshake]

هذلين كونسيلرات مانفعوني بالمرة..اللي على اليمين من جيرلان تغطيته خفيفة بالنسبة لي..والثاني من ماك يتكتل ويبين خطوط العين ماعرف شلون مع ان في بنات ناسبهم بس انا لاء..واكاهم مقطوطين ماستخدمهم..





هذي كريمات احبها..اللي في النص توني شاريته لليد من نبتروجينا لليد شديدة الجفاف..حجمه صغير لكنه مركز..وايد حلو لليد..احب احطه في الشنطة..واللي على اليمين طبعا معروف لتشققات الرجل من شول..واللي على اليسار هذا كريم حماية من الشمس من بيوديرما خذيته من الصيدلية فضيع ودرجة حمايتهم 100 spf






هذي مجموعة فضيعة شريتها من ماركس اند سبنسر بس مو كاملة باشتري باقي المجموعة الشهر الجاي ..ريحته على صابون ونظافة والريحة ماتروح بسهولة..احبه للصبح





هذا بلاشر حطيت عن ماركته من قبل..حجمه صغير .طلبته من الانترنت وندمت..وايد لونه باهت ..من ماركة بيلا ال فلور

 

[milkshake]

هذلين بعد كونسيلرات كلش مانفعوني نفس المشكلة القبلية ..يتكتلون ويسوون العين ماعرف شلون..يجففونها وتبين الخطوط..اللي فوق من كريولان واللي تحت من نارس..



هذول كومباكت باودر..اللي على اليمين من جيرلان ..عادي..والدرجة اللي خذتها افتح مني للاسف فمخليتها لمحيط العين..واللي على اليسار شريته من نصيحة العضوة المميزة قطاوي من ماركة ريميل..فضيع ويخلي البشرة ما تدهن لفترة طويلة..مب سهل..بس للاسف خذيت درجة اغمج مني هالمرة وخليته للوك البرونزي..بس فضيع اخذوه عن نصيحة..



هذول اساسات ماحبها..اللي على اليمين من جيرلان..ملمسه مخملي على الوجه بس يمكن ينفع للي بشرتهم مافيها عيوب,,اللي على اليسار من ماك..وايد اصفر وماعرف ماحبيته..



هذا غلوسين مع بعض من ماركة كاراجا..طبعا مايحتاج اي كلام هالماركة فضيعة رقمها 3



هذي مجموعة شدوات من ماركات متنوعة ..
من اليسار فوق ..العلبة اللي فيها لونين ازرق وبني..هذا شدو كريمي من نينا ريتشي..طبعا ماحطه بروحه لانه مايثبت..
اللي بعده من بيكسي هذا كيك آي لاينر..وايد باهت ما يننفع..
اللي بعده شدوات من جوش..
اللي بعده شدوات من ريفلون..
اللي تحته بالضبط شدوات من كلينك حلوين ,,,
الوردي هذا انا شريته على اساس انه شدو طلع بلاشر من ميك اب فور ايفر.
اللي تحته البني هذا من بودي شوب حلو..
الورديين الفاتحين اللي في النص هذول هاي لايتر من الهنود..
الاخضر الفاتح اللي تحت هذا شدو مائي من كريولان ماعجبني وايد..
واللي ميه هذا شدو كربون من ماك

 

[flooonah]

مشكوووره حبيبتي عاالافاده .. انا بعد ماحبيت اساس ماك ودي اغيره .. بشنو تنصحيني ؟

 

[العصيمية]

ميلك شيك هلااا هلا هلا هلا فيج والله ناطرينج من زمان ..
ابي اللي تستخدمينهم لرجولج ..؟ لا لبستي قصير .. شنو اهما .. عطيني نبذه عنهم اسامهيم

 

[milkshake]

اختي فلونة

حبيبتي هذا يعتمد على بشرتج اذا كان فيها عيوب نفسي او لاء .. مثل النمش او مناطق اغمج من مناطق ثانية..
عموما انا استخدم اساس من ماركة ايستي لودر اسمه دبل وير ..وايد حلوة تغطيته ويدوم لفترة طويلة..وللمناسبات اخلطه مع ماكسيمم كفر من نفس الماركة لتغطية اقوا..
جربي بعد شيسيدو حلو وخفيف على البشرة اذا كانت بشرتج زينة..
عندج بعد كانيبو وايد حلو..
وعندج كومباكت كلينك ملمسه مخملي وحلو للبشرة..

اتمنى اكون افدتج حبيبتي ..

 

[milkshake]

ميلك شيك هلااا هلا هلا هلا فيج والله ناطرينج من زمان ..
ابي اللي تستخدمينهم لرجولج ..؟ لا لبستي قصير .. شنو اهما .. عطيني نبذه عنهم اسامهيم

هلا الغالية..

طبعا ذلين ممكن تستخدمينهم على الجسم كله مو شرط بس على الريول..
البخاخ اسمه اير ستوكينج سامحوني بنات كتبت اسمه بالغلط..واتذكر ايام اللي كنت ابي اطلبه من على الانترنت كان في 3 درجات فخذيت الدرجة الوسطية اسمها تيراكوتا اطلعت اشوي اغمج مني ..تغطيته حلوة وسهل في الاستخدام..اترشين على المنطقة اللي تبين تغطيتها وتوزعين بيدج..وخليه فترة لحد ما ينشف..
اما العصارات..فلي على اليمين هذا من ماركة كفر بلند..تغطيته وايد حلوة بس لازم تختارين الدرجة اللي تناسبج..
والباقيين من ماكرة ديرمابلند..طلبت 3 درجات لاني كنت متحيرة..واخلط بين الالوان عشان اوصل لدرجة مقاربة للون بشرتي ..
العلبة الدائرية هذي بودرة سائبة لتثبيت الكريم السائل (العصارات) ..
كلهم طلبتهم من الانترنت واستفدت منهم وايد..

واي استفسار انا حاضرة حبيبتي ..

 

[اوكيشنات]

تسلم أيدج على التجدد في الموضوع .

بغيت أسالج عن كونسيلير زين لأن الكونسيلير اللي استخدمه بعد فترة يجفف عيني ويتكتل :krkrkr:
وترى سواد حول عيني غامج وبغيت واحد طبيعي حق الدوام الصبح لأن كريمي طبيعي

 

[milkshake]

تسلم أيدج على التجدد في الموضوع .

بغيت أسالج عن كونسيلير زين لأن الكونسيلير اللي استخدمه بعد فترة يجفف عيني ويتكتل :krkrkr:
وترى سواد حول عيني غامج وبغيت واحد طبيعي حق الدوام الصبح لأن كريمي طبيعي

هلا حبيبتي..يعني نفس مصيبتي
انصحج اتجربين كونسيلر شيسيدو
وبعد عندج كونسيلر hr ويبيعون وياه فيتامين سي اتحطينه حول محيط العين عشان ايخفف الهالات
ويمدحون كونسيلر بوبي براون بس للأمانة ماجربته..
واهم شي تشترين درجة غامجة مو تاخذين افتح من لون بشرتج لانه بيطلع بعدين رمادي

 

[flooonah]

اختي فلونة

حبيبتي هذا يعتمد على بشرتج اذا كان فيها عيوب نفسي او لاء .. مثل النمش او مناطق اغمج من مناطق ثانية..
عموما انا استخدم اساس من ماركة ايستي لودر اسمه دبل وير ..وايد حلوة تغطيته ويدوم لفترة طويلة..وللمناسبات اخلطه مع ماكسيمم كفر من نفس الماركة لتغطية اقوا..
جربي بعد شيسيدو حلو وخفيف على البشرة اذا كانت بشرتج زينة..
عندج بعد كانيبو وايد حلو..
وعندج كومباكت كلينك ملمسه مخملي وحلو للبشرة..

اتمنى اكون افدتج حبيبتي ..

مشكووووووره وايد .. تصدقين وايد قالولي عن شيسيدو شكلي بجربه _03BA: ويالله يا ميلك شيك ناطرين اليديد منج :tek:

 

[milkshake]

من عيوني حبيبتي فلونة ..جريب ان شاء الله

 

[اوكيشنات]

مشكوره على الرد
بس بيغيت شنو hr أي ماركة ؟؟؟

 

[نسوره]

قصدها بhr هيلينا روبنشتاين

 

[milkshake]

مشكورين بنات..اي قصدي هيلينا روبنشتاين..

 

[milkshake]

للبنات اللي اسألوني عن انواع بيجمنت ماك وشنو الآمن نستخدمه على عيونة وشافيفنا ..حطيت الاسامي كلها في موضوعي الثاني ..شوفو الرابط

http://q8yat.net/showthread.php?p=7063665#post7063665


وللبنات اللي اسألوني اشلون انحول البيجمنت الى شدو مضغوط..شوفو نفس الرابط اللي فوق ..

 

[milkshake]

طريقة رهييييييييييييييييبة للمانيكير ..شافيتها على احد المواقع وقلت انقلها لكم..وايد رهيبة..

تحبين اظافرج اتصير جذي ؟؟



تعالي اقولج الطريقة ..




تحتاجين الى مزيل طلاء الاظافر
اناء صغير
ماء دافي
طلاء اظافر (اكثر من لون وحسب الرغبة)
اعواد قطنية المستخدمة للاذن
ملقط
ابرة او اي شي رفيع





املي الاناء ثلاث ارباعه بماء دافي



حطي اللون الاساسي اللي تبينه وراح ينتشر على كامل سطح الماء ..وبعدين ييبي اللون الثاني اللي تبينه وحطي نقطة ثانية..




كرري العملية..حطي فوق النقطة اللي حطيتيها فوق نفس اللون الاساسي اللي ملا سطح الماء ..وبعدين رجعي حطي في النص نقطة من اللون الثاني او الثالث حسب الرغبة الين ما يصير مثل الشكل ..

يتبع

 

[milkshake]

بعدين ييبي اي حاد مثل الابرة وشكلي في الدوائر مثل الصورة ..وبعدين حطي صبعج في الماء وبلطف شيلي طبقة المانيكير على ظفرج مثل الشكل ونظفي الزائد بعود تنظيف الاذن ومزيل المانيكير..

اذا ماعجبتج النتيجة شيلي الطبقة بسرعة بالملقط وابتدي من يديد




وهذي نفس الطريقة بس بألوان ثانية