عطيت طاف حق ابر التفجير

[Marka Store]

السلام عليكم،،
انا بلشت كورس حبوب الكلوميد على اساس انهم خمس ايام بعدين اروح آخذ ثلاث ابر تفجير،،

بس بصراحة خلصت الحبوب ومارحت آخذ الابر،،

يعني الحبوب ما منهم فايدة؟؟
ياليت تفيدوني

 

[madam_cake]

وييي الابر تكملت العلاج ياروحي ليش ما اخذتيهم وبعدين الابرة التفجيرية اهي وحدة مو ثلاث ومادري ليش الدكتورة كاتبتلج ثلاث؟؟ والابرة التفجيرية اهي تفجر غشاء البويضه عشان تسهل عملية اختراق الحيوانات المنوية للبويضة يعني تسهل التلقيح ،، والله يرزقج الذرية الصالحة

 

[الفراات]

كملي علاجج

وروحي دقي الابره

وان شاء الله تحملين

 

[كويتيه مذهله 87]

انا الي اعرفه اذا خذيييتي كلوميد بدون ابره تري تسببلج تكيسااات

فرووحي لحقي اخذي علي الاقل ابره وحده


وربي يرزقج هالشهر يااااارب

 

[Marka Store]

انا الي اعرفه اذا خذيييتي كلوميد بدون ابره تري تسببلج تكيسااات

فرووحي لحقي اخذي علي الاقل ابره وحده


وربي يرزقج هالشهر يااااارب

واي:0bee2e8d89:
انا من دون شي عندي تكيسات من كنت بنت،،
انا طوفت الموعد ،، لازم الحين آخذ موعد مرة ثانية واشوف الدكتورة شتقولي

 

[Emanova]

3 ابر اهي ابر تنشيطيه مو تفجيريه

و بعدين التفجيريه ....خربتي علاجج

 

[pink-rose]

حبيبتي لازم تكملين العلاج

 

[فطووومة]

حبيبتي لازم تكملين العلاج وتفاءلي بالخير والله يرزقج الذرية الصالحة

 

[عروسه 99]

مادري شقولج بس مادام انج بديتي كنتي لازم اتكملين العلاج حبيبتي والله يهداج ويرزقج الذريه الصالحه انشاالله

 

[Swan]

شوفي انا مره اخذت الحبوب وماقالت لي الدكتورة اخذ ابر وكان تبويضي وايد زين
بس اذا انتي عندج مشكله بالتبويض يمكن تحتاجين تاخذين الابر عشان يكون مفعولها اقوى

 

[konan]

الله يهداج

لازم تتقيدين بكلام الدكتوره

والله يرزقج الذريه الصالحه

 

[BNT_NAS]

اكبر غلط اتوقفين العلاج من كيفج.....حياتي هذي هرمونات مولعب....روحي حق طبيبتج باسرع وقت

 

[مغيب الشمس]

والله انا اخذت الحبوب من غير ابر كانت الدكتوره كاتبتهم لي ونزلت علي والشهر اللي بعده اخذت راحه وسبحان الله حملت فيه مادري يمكن يختلف من وحدة لي وحدة الله يرزقج الذريه الصالحه

 

[ايمانو حلوة]

انا اخذ كلوميد بس بدون ابر يمكن على حسب نسبة التبويض كملي علاجج واله يرزقج ويرزقنا معاج آمييييييييييين

 

[alaml]

انا خذيت الكلوميد والدكتور ما وصف لي الابرة علشان التبويض زايد شوي وقال مايصير

بس روحي كملي علاجج افضل لج

دام انج قررتي تبدي لازم تنهين العلاج