مستجدات ومستمرات الجامعه العربية المفتوحة **) تعالوا نتناقش وندردش ونستانس (**

[ή ő 0 и Ч *]

بنات وينكم ياللي سجلتوااا .. ؟

 

[زبــــــــدة]

نوني

انتي متى تسجيلج
بيوم تسجيلج يتبطل عندج

 

[ή ő 0 и Ч *]

اليوم تسجيلي
قاعده احاول فيه بسجل بالنت مو راضي اهئ

 

[زبــــــــدة]

اممممممممم
مادري بس شنو يطلعلج لايسمح بالتسجيل؟؟؟
اذا جذي نطري وعالصبح دشي سجلي

ليش مستعيله

 

[ليانة]

مبروك زبده
احنا سحبوا علامات الواجبات من الال ام اس يقولون بندور الكوبى وبنعطى زيروووووووووووو
يحليلهم فاضيين

مساكين فاضين ..
بس فالحين يدورون الكوبي .. خل يزهبون نفسهم حق الامتحانات و يطلعون نتايجنا بسرعه مو كالعاده

 

[جوري الحلوة]

شدعوى يدورون الكوبي ويعطون زيرو

شصاير

خلي يعدلون اسألتهم الصعبة علشان مايلقون الكوبي

 

[سمو]

صباح الخير بناااات شلونكم ؟ عساكم بخير


على طاري الكوبي ..احنا دكتورنا ..منقص علامات البنات بالواجبات ..وحاط لهم عند الاسئله المنقوله .. سؤال منقول من النت لوووووووول ..امبيييييه ما يطوفه شي


وعلى طاري التسجيل انا تسجيلي 30 من الشهر وما اقدر اسجل الا مادتين بس عربي وانجليزي ..عادلولي مواد الاختياري ...ومواد التخصص ما اقدر ااخذ الا بدايه الكورس ؟!!


المهم ماعلينا ..متى امتحاناتكم؟؟


انا عندي ميد تيرم 7 و 8 /1 ..ورا بعض


وامتحنت ال tu170 ...كان حلوو وسهل


والانجلزي ماكو امتحان ثاني اشوه


وسلامتكم

 

[F.A]

الله يستر من هالقرارات الجديده

 

[زبــــــــدة]

انا عندي امتحان
19-1
29-1
3-3

لوووول اشوة في بينهم فجه عشان الواحد يركز شوي

 

[ليانة]

ana 19-1
26 & 27 -1

 

[زبــــــــدة]

انشالله كلهم a

^_^

 

[F.A]

انا 21-1
26-1
ان شاء الله ننجح

 

[*الماضي على ويش نعيدهــ*]

امبيه قهر
منتدى يمعه هكر عليه واحد سعودي

 

[F.A]

من صجج
خليج مع
http://bb.q82.net/

 

[ماكينتـ*زينة*ـوشة]

مرحباا شلوونكم ؟؟

وحشتوووني موووت انا كنت مريضة عشان جذي انقطعت عنكم


دعواتكم باجر عندي امتحان تعلم ذاتي اللي يستر

وعندي تسجيل بعد بس ماطلع لي الا عربي وانجلش بس ..... لان عادلوا لي المواد


بنات التسجيل من 9 الى 2 بس

انا عندي امتحان من 9-10 ووراه محاضرة من 10-12 ؟؟

يعني بس ساعتين افففففففففففف



امتحاناتي

ااممممممم

الانجليزي 14-1

العربي 17-1


تعلم ذاتي 27-1




موفقين

 

[رورو الدلوعة]

امبيه قهر
منتدى يمعه هكر عليه واحد سعودي

انا كنت بدخل عليه وانصدمت مثلك

بس انا يمكن تأثر الجهاز منه لان فجأه الاب توب طفى واخي خبرني انه ممكن يكون اخذ كل شي موجود عندي من ملفات:0bee2e8d89: لان مجرد ما يطفي الجهاز وارجعنا فتحنا النت يقدر ياخذ كل شي موجود

ف عملته فورمات اليوم

 

[زبــــــــدة]

ماكنتوشه لا عادي
يظل مبطل على طوول

انا من يوم تسجيلي وللحين لما ادش يتبطل عندي عادي
وروحي اذا خلصتي محاضراتج كلها 10 دقايق تسجلين وتخلصين

 

[زبــــــــدة]

وسلاااااااامتج حبيبتي
ماتشوفين شر

 

[Noor AlQ8]

السلام


انا مو طالبة بالجامعة بس كنت ناويه ادرس فيها صراحه من اول زيارة لها غيرت رايي

مبنى مدرسة مهجور ما حوله شي .. الموظفين نفوسهم خايسه ولا جنها جامعة خاصة غير انه ماحد ينفعج جيت باسال عن التخصص ابي مرشد بعرف اكثر مو معقول اسجل جذي عمياني


بكل صراحة مو مستوى جامعة خاصة ولا تستىاهل اقط فلوسي عليها سوري بس هذا رايي من خلال اللي شفته

 

[سمو]

السلام


انا مو طالبة بالجامعة بس كنت ناويه ادرس فيها صراحه من اول زيارة لها غيرت رايي

مبنى مدرسة مهجور ما حوله شي .. الموظفين نفوسهم خايسه ولا جنها جامعة خاصة غير انه ماحد ينفعج جيت باسال عن التخصص ابي مرشد بعرف اكثر مو معقول اسجل جذي عمياني


بكل صراحة مو مستوى جامعة خاصة ولا تستىاهل اقط فلوسي عليها سوري بس هذا رايي من خلال اللي شفته

صباح الخير

الجامعه ..بالدراسه فيها وانج تاخذين شهاده جامعيه ...مو المبنى الحلو..والكافتيريا الراقيه ..وووو


صدقيني حبيبتي انا كنت بجامعه الكويت ... لامباني تفتح النفس ..ولا كان عندنا كفتيريا سنعه ...تلوع الجبد ..كافتيريا المدارس احسن منها بوايد ..وتوها تطورت وكشخت ...وهم بعد كليه العلوم السياسيه اول كانت بالعديليه عباره عن مدرسه متوسطة وروضه ...وطلبتها من العوايل المعروفه ريتشي ريتش ..وعادي الحياة سعيده .


يمكن برايج مثلا تدفعين للجامعه الفلانيه مبلغ بالاف الدنانير ..ومبنى حلو ... بس تدفعين وانتي مو عارفه تقسيمه فلوسج ..وين تروح ؟! .. ويمكن يكون مبناها حلو وراقي ..والكافتيريا فيها ستاربوكس وغيره


بس حبيبتي برايي الشخصي .. الجامعه العربيه احسن من كل الجامعات الموجوده .. اولا اعرف على شنو دافعه فلوسي ... جم الكتاب الفلاني .. جم المقرر الفلاني ..عندي مقدره اسجله ولا لا ...اما المبنى فهو مدرسه حاله حال كليات جامعه الكويت قبل التطور ...وبعدين اشتغل وادرس ..ماله داعي ااخذ اجازه دراسيه واوقف ترقياتي بالدوام 4 سنين علشان الدراسه ..بالعكس وانا ادرس اترقى خلال هذي السنوات ..واسعارها حيييل رخيصه ...وشهادتها جامعيه بريطانيه



وانتي شرايج


وسلامتكم .