شوفي حبيبتي ..أكيد عندهم توصيل ..
وبعد يبيعون منه على الموقع التالية
http://us.strawberrynet.com/makeup.aspx?region=usa&iq_id=417263&brandid=666
http://thebeautycloset.com/index.php?manufacturers_id=1
واي ميلك شيك يعطيج العافيه ..,
انتي من صجج انا اصلا قبل حمري كلها ماركه
مستحيل اشتري من الهنود شي
والله ميزانتي كلها مكياج
بس من هبيت بالهنود
والله الحمر والشدو ماقمت افكر الا منهم
لان جد كل نفس الشي واحلى ..
خاصه الحمر .. لو اموت ما اجرب اشتري مره ثانيه غاليه
وفي شي حبيت انصحكم فيه بنات وعن تجربة..طبعا كلنا انحب المكياج والماركات..لكن اهم شي اهو ازالة المكياج عن الويه..
انا من فترة ..صادتني حكة في جفوني العلوية.يعني مكان وضع الشادو..فرحت لدكتور عيون..وصورلي جفوني من جريب وكبر الصورة وصور رموشي..ابصراحة تخرعت..كانو مليانين قشور وماعرف شنو..المهم..قالي الدكتور المشكلة ان اغلب البنات مايعرفةن اشلون يعتنون ابجمالهم..قالي لا تغرج الماركات العالمية اذا نزلت منتجات لتنظيف الويه...ترا اغلبها ما يسوي شي..قالي بعطيج شي مثل الصابون استخدميه طول حياتج حتى اذا صرتي زينة..وانصحي كل صديقاتج فيه لانه يحميهم انهم يصيدهم مثل اللي صادني وغير جذي اينظف جفونهم ورموشهم من داخل وبرا ويمكن تكون الاكياس الدهنية اللي فوق العين .. ونصحني ابهذا المنتج..شوفو صورته
الحين صارلي 3 سنوات مستمرة عليه والحمد لله وايد مرتاحة منه..كنت قبل اشتري منتجات غالية لازالة مكياج العين ..والحين ما استخدم غير هذا..
طبعا اهو لتنظيف الجفون بس انا بعد استخدمه لازالة المكياج
تقدرين تلقينه في اي صيدلية وسعره 3 دينار ..
والطريقة كلش سهلة..
في العلبة تلقين سائل وتلقين كيس شاش مثل الصورة..
تاخذين قطعة شاش وحدة وتحطين منها شوي من السائل
وتفكرين الشاش في بعضه كأنج تغسلين قطعة الشاش
الى ان تتكون عندج رغوة بسيطة
اخذي قطعة الشاش ونظفي رموشج..جفنج العلوي..حتى الجفن الداخلي تقدرين اتنظفينه ومايحرق ابد انا اول كنت خايفة بس لما استخدمته والله ولا احس ابشي..واقصد بالجفن الداخلي مكان اللي انخط الكحل داخل العين
طبعا كل عين لها شاشة بروحها
والتعليمات موجودة بعد داخل العلبة..
حبيت انصحكم والله بترتاحون منه وراح يحفظكم من كل الامراض اللي هابة الحين..انا كل ما شوف وحدة من صديقاتي من زمان ما شفتها..الاقي فوق عينها او تحت عينها كيس دهني منتفخ..واهم للاسف يجهلون السبب..المكياج مع الوقت يتراكم داخل العين خاصة الكحل اللي انخط فيه العين من داخل..
هــــــــــــــــــــــــــــــــــــــــام
للبنات اللي اسألوني عن محلولي لتنظيف منطة العيون من المكياج وغيره lid care واللي كتبت عنه قبل ..حطو بالكم واقرو اللي باكتبه عدل..وللي يخافون..ارجوكم لاترون ترا يخرع..اول شي للي ماقرو اللي كتبته قبل ..ارجوكم اقروه
لصاحبات البشرة الدهنية .. او اللي يحطون مكياج وايد وشدوات وهالخرابيط..حطو بالكم...لازم اتنظفون وجوهكم عدل..لازم اتنظفون وجوهكم عدللللللللللللللللللللللللللل..واختارو المستحضرات اللي اتنظف عدل وماتزيد من دهنية هذي المنطقة وخاصة المنتجات الكريمية حطو بالكم ترا هذا غير انه يؤدي الى تحسس الغدد الدمعية والغدد الدهنية في العين ويخليها تنتفخ وتصير عيونج كأن أحد ضاربج على عينج..غير هذا ترا في مثل العث او الكائنات الصيغرة ممكن تتكون على ويهج وعلى منابت الرموش وتعيش في مسامات الوجه واسمها Demodex folliculorum او demodicid تتغذى على خلايا الجلد الميتة ولها رأس ورجلين وأغلب الناس عندهم هذي العث ، شوفو صورتها
مالهم ضرر كبير الا انهم اذا زاد عددهم وتجمعو مثل الصورة كلهم في مسامة واحدة فممكن الرموش تتساقط..اغلب الناس عندهم هذي الكائنات وخاصة اللي يستخدمون المكياج من ماسكرا وكحل الا انهم مالهم خطر مثل ما البعض يقول لانهم لايأكلون سوا الخلايا الميتة
شلون نتخلص منهم:
1. التنظيف ثم التنظيف ثم التنظيف
2. مايكفي سائل ازالة المكياج
3. اما تستخدمين المحلول اللي كتبت لكم عنه وانا افضله لانه ينظف الجفون والرموش والجفون الداخلية وكل شي أو
4. شامبو جونسون للأطفال خففيه بالماء ومسحي فيه الرموش من المنابت
وبشارة لكم..مع هذا كله..مابتتخلصين منهم نهائيا..راح اتقلصين اعدادهم بس واللي ما تصدقني اتسوي سيرج على الانترنت..
معقوله هالشي قاعد يتحرك بين رموشي الحين ؟؟ :0bee2e8d89: يعطيج الف عافيه حبيبتي عالموضوع والحين بقوم احط بيبي جونسون على عيوني ورموشي عشان يروحووووووون مو بس يتقلص عددهم 
شكل هالكائنات يخرررررررررررررررررع
تسلمين يا عمري ما تقصرين على مجهودج والله كل ما ادش موضوعج استفيد منه بمعلومه يديده ..
لا يوووووووووووقف
