شوفو شنو صار فينى بعد كل هالانتظار اللهم لا اعتراض

[بدون هويه]

باديه العلاج عندالدكتور باترك بمستشفى لندن من شهر ونص تقريبا ويوم قرب موعد عملية طفل الانابيب سافر للكرسمس وخلاني يقولون راح تكملين مع دكتوره ثانيه اسمها منى الشرهان شرايكم بنات ومنو سامع عن الدكتوره هذى

اللهم لا اعتراض كل الايام اللى طافت وانا ابر فى ابر والله المستعان

 

[عروسه 99]

اللهم لا اعتراض بس والله احتريت من قريت عنه مالت على كرسمسهم انا سامعه عن باتريك حبيبتي اما عن منى الشرهان ما اعرف عنها شي انشالله البنات يفيدونج والسموحه حبيبتي وانشالله خيره لج حبيبتي والله يوفقج ويرزقج انشالله ويرزق كل محرومه

اللهم لا تذرني فردا وانت خير الوراثيين

 

[بدون هويه]

عروسه الله يوفقج على الرد تونى كنت اقرى موضوع وحده وقريت رد لج لما كتبتى انك متزوجه صار لك 8 شهور ومارزقك الله بذريه انا بعد مثلك تقريبا صار لي 8 شهور الله يرزقنا اجمعين

اسعدنى مرورك

 

[عروسه 99]

آآآآآآآآآآآآآآآآآآآآآمين يا رب ويرزقج ونفرح بذريتنا يا رب الشهر الياي نبشر بعض انا وياج حبيبتي ويفرجها علينا رب العالمين انشالله وبلغيني حبيبتي عنج وعسى الله يرزقج ويرزق كل محرومه انشالله

ربي لا تذرني فردا وانت خير الوارثيين

 

[&رعبوووبه&]

صلي استخارة والحمل لابيد باتريك ولا غيره انشالله ربي يكتب لج على ايدها

موفقه ياحياتي

 

[بدون هويه]

رعبوبه الله جزاك خير هذا الكلام الصحيح كل شي بيد الله سبحانه وتعالى بس حبيت اعرف عن دكتوره منى الشرهان

 

[m e m e]

ماتدرين يمكن خيييره حقج

 

[نــعــوومــه]

دام انــتــي طلــبــتــي النــصــيــحــه انــا بــقــولــج

انــا الــصــراحــه راجــعــت فــي مــســتــشــفــى لــنــدن وحــت عــنــد مــنــى لأن زوجــي

كــان رافــض اتــعــالــج عــنــد دكــتــور والصــراحــه مارتــحــت لــها كــلــش ماتــعــرف شي وغــرفــتــها فــاضــيــه

ومــحــد يــطــلبــها والدوس كــلــه عــنــد باتــريــك واي شــي تــســويــه كانــت تـتـصل علـى باتــريــك تســألــه

وكــان مــعاي كــيــس عالمــبــيــض وقــاعــده تفــحـصـنــي بالسونــر وتـســألــني ويــن الكــيــس ...شدعوه شــفايدة السونــار تسأليـنـي؟؟

بإخــتــصــار حــســيــت إنــها موفاهــمــه شي وانـــحــشــت:RoadRunner:​

 

[بدون هويه]

مي مي اسعدني مرورك ويمكن فى الامر خيره والله خير العالمين

 

[بدون هويه]

نعومه بس انا توهقت الحين الدكتور سافر وصارلي 24 يوم واهو شغال على بالابر المنشطه ليما صرت اخذ اربع ابر باليوم وبكره موعد السونار عشان يشوف حجم البويضه اليوم انصدمت انه سافر هم ما اقدر انحاش لاني بلشت بالعلاج والله المستعان

 

[وسن 11]

اولا كل الامر بيد االله سبحانه سواء كنتي عند بتريك ولا غيره

يعني انتي اخذتي ابره وراء ابره والحين هو سافر برايج بتخلين المراجعه وتقعدين لين يرد!!!!!!!
خلاص كملي علاجج عند الدكتوره مني
وانشاء الله الله بيرزقج الله الذريه الطيبه

امييييييييييييييييين

 

[Emanova]

عسى ان تكرهوا شيئا و هو خير لكم و عسى ان تحبوا شيئا و هو شر لكم

شوفي حبيبتي الله ما يخذ شيء من حد و يعطيه شيء اقل منه ...و الدكتور ما اهو الا وسيله الله حاطها فيمكن خيره لج و ان شاء الله يا رب ما يضيع تعبج و يرزقج الذريه الصالحه يا رب

 

[كويتيه مذهله 87]

اول شي

انتي صارلج 8 شهور ولا 8 سنين؟!

لان تو النااس تسوين اطفال انابيب حراام والله
انا ما سمعت عنها ويكمن خيره حبيبتي

 

[نــعــوومــه]

خــلاص حــبــيــبــتــي كــمــلــي عــنــدهــا مــابــيــدج شــي

والــلــه ســبــحــانــه وتــعــالى قــادر عــلــى كــل شــي

 

[بدون هويه]

اولا كل الامر بيد االله سبحانه سواء كنتي عند بتريك ولا غيره

يعني انتي اخذتي ابره وراء ابره والحين هو سافر برايج بتخلين المراجعه وتقعدين لين يرد!!!!!!!
خلاص كملي علاجج عند الدكتوره مني
وانشاء الله الله بيرزقج الله الذريه الطيبه

امييييييييييييييييين[/quote


وسن الله يفرح قلبج صح والله كلامج ما تنفع القعده الحين والخيره فيما اختارها الله سبحانه وتعالى

 

[بدون هويه]

عسى ان تكرهوا شيئا و هو خير لكم و عسى ان تحبوا شيئا و هو شر لكم

الله يا اختى يا حلو كلامك ساعات نحتاج نسمعه من الاخرين مع كلنا نعرفه عدل الله يحفظك

 

[بدون هويه]

كويتيه مذهله صار لي 8 شهور بس انا كبيره بالعمر 40 سنه ولج طولت العمر مع انى مافينى اى مرض بس مثلج يدرى العمر يركض وكل شي بيد الله سبحانه وتعالى ونعم به

 

[بدون هويه]

شسوي نعومه بكمل وامرى كله بيد الله سبحانه وتعالى ما اهى الا سبب

 

[مرمريتوو]

بعد عمري والله
صج دقة قوية
الله يكتب لج الخيرة وين ما كانت
دخلي عليها و جربي يمكن ربي ينزل الشفا على ايدها
و ادعي انها تكون سبب لحمالج
و ربي يرزقني و يرزقج و يرزق كل البنات قولي آمين

 

[غيـ الناس ـر]

يا حياتي عسى الله يرزقج الذريه الصالحه يارب ..

بس حبيت ادعيلج