شنو الحل مع الاكزيما !

[D_Stylle]

بنات انا عيالي وايد يعانون من الاكزيما وكل مره اوديهم الطبيب ولا اكو فايده

كريمات وايد استعملت ولا واحد نفع والحين مع البرد زاد ؟؟؟!!!!!

شنو الحل ؟!

 

[cat_girl]

في دكتور مال جلديه وايد زين اختي مجربته حق بنتها

 

[أسيـل الجـــرح]

انا بعد من اول ما ولدت طلع بيدي نفس الحساسيه وصار لي الحين سنه ورحت مستشفى وعياده وماكو فايد ومع ملابس الشتا تعالي شوفي الحكه مو طبيعيه بس احس انها يا اكزيما يا صدفيه ما ادري بس خشنه

 

[نووووونا]

ا

ختى من اهم الاسباب بالشتاء ان الاكزيما لازم ما تكون نااااشفه

طريها على طول بكريم تلطيف او اى كريم الى ان تروحين طبيب مختص للجلديه


والف سلامه ,,,,,,,,

 

[NoNoFeTa]

في عضوه كاتبه قصتها مع الاكزيما وانها تشافت منها وتعاني منها سنين طويله وتقول شرت كريم من حواي جمعية القصور سوي سيرج عن موضوعها والله يشافي عيالج يارب

 

[vanilla.21]

انا جربت كل شي مع ولدي و كل ما اوديه طبيب جلديه يعطيه كريمات فيها كورتيزون و تخف الاكزيما مع الكريم و تالي ترد اكثر من اول ومع بالشتا معاناة .. ما فادني الا دكتور واحد قالي يايبين كريم بدون كورتيزون وتوه يديد و بنجربه فجربته مع ولدي و الحمدالله والحمدالله راااااحت الاكزيما و ما صدقت الا لما يي الاشتا و ما ردتله الاكزيما و الحمدالله ليلحين بس مراات و نادر تطلع و تكوون خفيفه
الكريم اسمه elidel انا اخذه من اسعد الحمد بالصباح و مادري اذا تلاقونه بالصيدليه بره
بس استمروا فيه -- مرتين باليوم و انشالله بتشوفون نتيجه
وما تشووفن شر

 

[لازوردي]

حبيبتي مشكوره على طرحج للموضوع الصراحه انا اعاني مع ولدي من الاكزيما مسكين طالعه على خده دائره كبر 100 فلس اكزيما و عيزت و انا احط له كريمات و ماكو فايده عطاني الدكتور كريم فيه كرتزون بس راحت جم يوم حتى اقل من اسبوع و ردت مسكين حتى ابلتة بالحضانه ضايق خلقها كل ما اتشوفني اتكلمني عن ولدي ليش اللي بويهه مايروح مع اني ارطب دايما و شاريه حقه من ماركة افنت الغسول و الكريم يستخدم للجسم و الوجه بس الريل خفت اما الوجه لا ليلحين البقعه موجوده و صاير لونها احمر واايد .....:0bee2e8d89:​

انا جربت كل شي مع ولدي و كل ما اوديه طبيب جلديه يعطيه كريمات فيها كورتيزون و تخف الاكزيما مع الكريم و تالي ترد اكثر من اول ومع بالشتا معاناة .. ما فادني الا دكتور واحد قالي يايبين كريم بدون كورتيزون وتوه يديد و بنجربه فجربته مع ولدي و الحمدالله والحمدالله راااااحت الاكزيما و ما صدقت الا لما يي الاشتا و ما ردتله الاكزيما و الحمدالله ليلحين بس مراات و نادر تطلع و تكوون خفيفه
الكريم اسمه elidel انا اخذه من اسعد الحمد بالصباح و مادري اذا تلاقونه بالصيدليه بره
بس استمروا فيه -- مرتين باليوم و انشالله بتشوفون نتيجه
وما تشووفن شر

حبيبتي مشكوره انج فدتينا انشالله باجر بمر اسعد الحمد اسألهم عن الكريم و انشالله يارب يطيب ولدي من الاكزيما .....​