كل وحده مسويه تحزيم معده تشاركني

[الكيكة]

استفسار
من صار معاها التهاب بالمرئ من الدرجة الثانية بسبب التحزيم
ساعدوني بنات افكر اشيلها
لانه تسببت بالتهاب وزني زاد 10 كيلوات من الحلويات لانها تطوف واكل بالليل وانام

اهلين النية الصافيه انا صار التهاب بالمريئ من الدرجه الثالثه و خورشيد قالي لازم تشيلينها ..و وسعوها لي اوسع شي قبل 8 شهور و زاد وزني9 كيلوات

بس ماشلتها و خذيت علاج و الحمد لله صرت احسن و امس رحت ضيقتها شويييييه نتفه

 

[تونه الكويت]

عساج بخير حببتي تونة ,,وانشاءالله ينولج اللي في بالج وتوصلين الوزن المثالي :ggdw: آنا انشاء الله قررت أسويها بدار الشفا عند الدكتور هيثم وكان ودي أسويها عند الدكتور سلطان لكن ناطرة عطلة نص السنة عشان مدارس اليهال يعني شهر واحد لأن كافي اللي عانو معاي مساكين في عمليتي الأولى بعيد الشر عن السامعين ,وإذا كان عندج علم ابيية الدكتور سلطان في هالوقت خبريني :klhfl:

هلا حبيبتي ان شاءالله تسوينها ياااارب وتقومين بالسلامة

وبخصوص الدكتور سلطان التمياط اهو راح يكون كل شهر بالكويت ان شاءالله وموعده الجاي يوم 25/12 وبيقعد يومين او ثلاثة وان شاءالله شهر واحد يكون موجود وكل شهر

وأي سؤال انا حاضرة حبيبتي

 

[رشيقه هانم]

تونه الله يوفقج صراحه مو مقصره مع البنات

 

[رشيقه هانم]

اب اب اب

 

[كويتية مملوحة]

هاي بنات .. انا توني حاطة الحلقة .. وايد خايفة .. اللي حاطة حلقة وانجحت معاها بليييييييييييييييييييييييز !! تقولي شنوا سوت واشكثر المدة .. علشان ما استعيل او اخرب العملية .
بليز بليز لا تهملون رسالتي .. انا محتاجتكم .. وخايفة .. خاصة اني قريت عن التحويل وتحسفت ليش ما سويتها .. بس تبون الصراحة انا خفت من التحويل لانها مالها خط رجعة اذا سويتها .. بس الحلقة ممكن اشيلها اذا ما ناسبتني ..

 

[رشيقه هانم]

الله يوفقج وتنزلين بالصحه والعافيه حبيبتي اقري من اول الصفحات وراح تشوفين اراء البنات وشنو ماشين عليه صدقيني وبس تخلصين من هالصفحات ملوت الموضوع شوفي شنو ودج تعرفينه سالي فيه جذي احسن لج

ولا تخافين بس ديري بالج وانتي وتاكلين وانا سمعت ببرنامج طبي قبل لا تبلعين اللقمه لازم تمضغينها 30 مره والله صج وجربي وعودي نسفج ووخري عن الحلو وهالسوالف عشان تضعفين وعلى فكره ووايد ناس انجت معاهم لانهم منتبهين على اكلهم وعندج منتدى الدكتور سلطان التمياط واقري عن المتحزمين وشوفي قصصهم ورايهم ونظام اكلهم اوكي حبيبتي بعد الحين مستضفينه بالمنتدى بنفس القسم موضوع مثبت ساليه واهناك تلقين موقع منتداه

والله يوفقج حبيبتي

بس بجم سويتها وعند اي دكتور وجم وزنج وطولج عشان نكون بالصوره معاج

 

[كويتية مملوحة]

Rose-85 : مشكورة حبيبتي على التشجيع .. والله يطمنج مثل ما طمنتيني .. انا اول ما سويتها كان وزني 83 وطولي 156 .. وعمري في بداية الثلاثينات .. المهم .. انا الحين وايد مشتطة واصلا خايفة اكل .. بس المصيبة اني مو قاعدة انزل بسرعة .. وخايفة ارد وزني بعد ما اتعود عليها .. المشكلة كنت ضعيفة بس زاد وزني بسرعة بسبب النفسية وضروف الحياة .. وفجاة صحيت بيوم وشفت نفسي اني زدت على عمري 20 سنة .. وكل ما اروح السوق ما القا مقاسي علشان انا للحين متعودة على استايلي القديم والحين صار بشع علي علشان جذي سويتها .. انا سويتها عند دكتور بـ 2000 دينار بمستشفى السلام .

 

[رشيقه هانم]

ولو العفو حبيبت يما سويت شي ماشاء الله صغيره زين سويتي ولحقتي على عمرج اهو الي اعرفه انه الحزام ما ينزل بسرعه شوي شوي ما يخالف ينزل شوي شوي ولا ما ينزل شي عدل؟ والله انا مثلج نفسيتي ومشاكل والدراسه قبل عفست حياتي خلتني انفجر من المتن وانا مقرره خلاااااااااااااااااااااااص ما باذني ماي بسوي عمليه بعد بس السيليف واخلص عمري من هالمتن بس يارب تمر العمليه على خير واقوم بالسلامه مخترعه من التخدير شوي

يارب ننزل بالصحه والعافية

 

[كويتية مملوحة]

Rose-85 : الله يقومج بالسلامة .. وزين سويتي .. والله المتن ما اييب الا الامراض .. وبخصوص البنج اهم شي تختارين المستشفى الزين لان المؤول عن التخدير مو الدكتور الي بسويي العملية الدكتور ما ل المستشفى (دكتور التخدير) اهو اللي بسوي لج تخدير .. والله يقومج من العملية بالسلامة وتضعفين وخلينا معاج خطوة بخطوة وانة ما راح اخليج ابروحج كلنا معاج.

 

[كويتية مملوحة]

يا بنات .. عندي لكم خبر مو حلو بس لازم اقوله لكم .. سمعتو عن اللي توفي قبل امس .. حاطينا في جريدة امس اهو في بداية الاربعينات .. ترى اهو اتوقع ان مات من المتن ... وقبل لا يتوفى بليلة كان مسكين ما في شي .. بنات ادعولة بالرحمه .. والثبات لاهلة .. بنات حطوا بالكم على نفسكم .. والله الضعف عافية .. والمتن مرض .. الله يرحمنا جميعا .

 

[النية الصافية]

هلا الكيكة
توني اشوف ردج
الله يتقبل منج
وحج مبرور وسعي مشكور وذنب مغفور يااااااااااااارب
انا سويت منظار في مبارك وقالو لي انه معاي التهاب درجة ثانية بالمريئ وارتجاع بالمعدة
ورحت حق موسي خورشيد قالي كيفج اشيلها بس اخاف تمتنين وانا زايدة 10 كيلوات بس ما وسعها كلها بس وسعلي من 7 خلها 5 سي سي
ومحتارة اشيلها والا اخليها
وشنو تنصحيني اخليه يسوعها كلها واعالج الالتهاب مدة 8 شهور وبعدها اضيجها
انتي اشرايج

 

[النية الصافية]

عندي سؤال وياريت تفيدوني بنات
وعندي فتاق وتمزق بغضلات البطن وبارز لي بره وعوار فضيع من اقل حركة او كحه او اذا صرخت او اذا رجعت وما ادري اسويها عند منو وانا اساسا مسويه عملية شد لبطني

ومحتارة اروح حق عادل قطينه او اسويها في مبارك وقالي الدكتور لازم نحط لج شبك وهذا زين والا مو زين

 

[منوول 60]

السلام عليكم متحزمات .....بنات شعري..لحقو علي شعرررررري راح والله تقولين خيشه قديمه ممزعه..شعري قبل قطعه وحده وكثيف وصحححي ...شسوي عشان ترجع صحته..والله ان اكلي زين اتريق جبن وبيض وحليب وتوست والغدى ماكل شئ بس العشى اكل سيزر سلات ولا شوربه والله ساعات اكل من مطعم اكل مب شوي شوربتين وقطع دجاج بسلطه ولا مكرونيا بشميل ...يعني شنو قبل مخلي شعري زين الاكل؟؟؟؟؟؟؟ هذا انا اكل !!!!!!
افكر قول يمكن طريقه امتصاص الفيتامينات تغيرت بعد الربط؟
احترت وانبطت جبدي ابي شعري يررررررررررجع

 

[miss_Ba6oOo6a]

نسبة نجاحها 45% انا سويتها ونزلت 40 كيلو خلال سنتين بسسسسسسسسسس فشلت لان سوتلي ارتجااااااع واختراق الحلقه المعده مما سوا تسرب وتسمم للجسم وشق للمعده اللله لا يراويكم وشلتهاااااااا من اقل من سنه ورد كل وزني الي نزلته كنت مسويتها عند خورشيد والصراحه اهي لازم يقولوج انها لها فتره معينه ولا اتسبب اضرار واتسوي الي صار والتصاقات حتا مع الحمل مو زينه الحمدالله انا الحين حامل بس اولد راح افكر اني اسوي بين التحول والتكميم القص الطولي للمعده لان هذووووووو لالاضمن للمدا البعيد مو مثل التحزيم وشكراااااااااااااا

 

[كويتيه78]

شلونكم بنات

انا ودي اسوي تحزيم يعني حلقه معده بس ابي اعرف احسن دكتور يسويها واحسن مستشفى وجم كلفت العمليه
لاني بصراحه مليت من الرجيم اللي انزله بشهر ارده باسبوع لاعت جبدي وماكو حل بس ممكن اخلي الحلقه تظل على طول حتى بالحمال ؟
بنات ضروري ردوا علي الله يخليكم ويضعفكم انشالله.........​

 

[كويتية مملوحة]

`النية الصافية : حبيبتي ما تشوفين شر .. الله يقومج بالسلامة .. وانصحج اتبعي ما يقولة الدكتور بالحرف حتى توصلين للي تبينا . وبخصوص الفتاق ترى اهي سهلة ولازم اتسوينها بسرعة قبل لا يسير عندج تسمم واختناق في الامعاء , بس عندي لج بشارة خلال عملية الفتاق يقدر الطبيب يشيل كل الدهون اللي في البطن ويسوي شد بعد للبطن كل مع العملية .. يالله عملية شفط ببلاش وعلى فكرة الشبك وايد امن واحسن طريقة واضمن طريقة علشان ما يرد الفتاق مرة ثانية .
miss_Ba6oOo6a : الله يقومج بالسلامة وتوصلين للي تبينا.
كويتيه78 : يا حبيبتي الله يضعفج ويضعف كل متينة .. بس نصيحة حبيبتي .. اقراي كل كل العمليات المتاحة للتخسيس واسالي دكاترة عن افضل عملية تناسبج .. لان العمليات تتوقف على اكثر من عامل مثل وزنج + اسلوب اكلج + وحالتج الصحية والدكتور هو اللي يقرر لا تستعيلين .. والله يوفقج.

 

[كويتيه78]

كويتيه مملوحه :
مشكوره على النصيحه انا قريت وايد يس حبيت استفيد من خبرات البنات وتجاربهم انا وزني 80 وطولي 161 يعني انسب شي حقي اهو الحلقه . بس مادري ابي نصايحكم بنات ...​

 

[جوجو.]

هاي بنات .. انا توني حاطة الحلقة .. وايد خايفة .. اللي حاطة حلقة وانجحت معاها بليييييييييييييييييييييييز !! تقولي شنوا سوت واشكثر المدة .. علشان ما استعيل او اخرب العملية .
بليز بليز لا تهملون رسالتي .. انا محتاجتكم .. وخايفة .. خاصة اني قريت عن التحويل وتحسفت ليش ما سويتها .. بس تبون الصراحة انا خفت من التحويل لانها مالها خط رجعة اذا سويتها .. بس الحلقة ممكن اشيلها اذا ما ناسبتني ..

ماشالله عند منو حطيتيها؟؟

 

[جوجو.]

كويتيه مملوحه :
مشكوره على النصيحه انا قريت وايد يس حبيت استفيد من خبرات البنات وتجاربهم انا وزني 80 وطولي 161 يعني انسب شي حقي اهو الحلقه . بس مادري ابي نصايحكم بنات ...​

80 تتوقعين يسوون لج ؟

 

[جوجو.]

انا مشكلتي ان اهلي مو مقتنعين والا ودي
يخافون يفولون العمليه اتموت
عشان جذي ودي اسويها بره الكويت