أكره اهلي غصبا عني ، ساعغدوني

[pretty sarona]

بعد كل شي نصيب , مالا داعي تكرهينهم عشان متزوجات ! كل من بياخذ نصيبه عيشي حياتج و الزواج مو كل شي ,

 

[كرستال]

الله يرزقج يا مروه ويرزقنا قولوا آآآآآآآآآآآآآآآآآآآآآآمين
حبيبة قلبي هذا رزق من رب العالمين وكل تأخيره فيها خيره
ومثل ما قالوا البنات هذا نصيب وقدر من رب السموات والأرض
أرضي بنصيبج وخالق الكون راح ييسر أمورج

رددي دائما " اللهم لا أسألك رد القضاء ولكن أسألك اللطف فيه "

 

[Loyalty]

الله يرزقج بولد الحلال ان شاء الله

كثري من الأستغفار

 

[مروه2009]

بعد كل شي نصيب , مالا داعي تكرهينهم عشان متزوجات ! كل من بياخذ نصيبه عيشي حياتج و الزواج مو كل شي ,

سامحيني اختي اذا كنت منفعله بس خلني اقولج
مو لان متزوجات اكرهم ،لأن ما يحسون فيني ولا يسعون بالخير لي ، وايد بنات ونسوان يرشحون حق بنات فلان وجيارنهم
يحصلون اجر يسترون الناس
، اختي اهم سعو لبناتهم ما راح اطلع اسرارهم ، وتجي وتتطنز الام على البنت الكبيره اللي ما تزوجت واهي نست اشسوت عشان تزوج بنتها

كلامهم مثل السم حسبنا الله والنعم الوكيل الحمد لله ان الله سبحانه ربنا لأن كل شي له حدود

اختي اهم اللي مبتعدات عني
ومحسسين الناس اوووو احنا شي وااااااو انخطبنا
لو تشوفين الكلام الحركات المسجات متاكجه ما راح تلوميني

الزواج مو اهو الهدف الوحيد لأن فيه ريااايل نعوذ بالله منهم

لكن البنت اللي كبيره ومأخره وبحجرتها بروحها اهي اللي تعاني
لأن الكل لاهي مع ازواجه وعياله
وين تحصل البنت كلام وغيره اذا بحجرتها
ويجونج هالمتزوجات ما عندهم الا الأستعراض
يقول رسولنا عليه الصلاه والسلام قل خيرا او اصمت ، واهم يا ختي ما عندهم الا التجريح
الله سبحانه انعم عليه يا ان يساعدون غيرهم او يسكتون

 

[iTaLiyA]

اول شي تسوينه انج تصفين نيتج و قلبج !!
عقبها تدعين ربج بالزوج الصالح لأني حسيت من كلامج انج غيرانه من البنات المتزوجات يا قلبي هذا نصيب و اكيد اللي الله كاتبه لج بيصير

 

[مروه2009]

الله يرزقج يا مروه ويرزقنا قولوا آآآآآآآآآآآآآآآآآآآآآآمين
حبيبة قلبي هذا رزق من رب العالمين وكل تأخيره فيها خيره
ومثل ما قالوا البنات هذا نصيب وقدر من رب السموات والأرض
أرضي بنصيبج وخالق الكون راح ييسر أمورج

رددي دائما " اللهم لا أسألك رد القضاء ولكن أسألك اللطف فيه "

آميين يارب
جزاج الله خير ع النصيحه
بس اختي هالدعاء حكمه ما يجوز
سؤال آخر



هل يجوز للمسلم أن يدعو بهذا الدعاء:

اللهم إنى لا أسألك رد القضاء بل أسألك اللطف فيه ؟

بسم الله الرحمن الرحيم
والحمدلله والصلاة والسلام على رسول الله
وبعد،
فإن هذا الدعاء بهذه الصيغة لا يجوز؛
حيث قد ورد أنه لا يرد القضاء إلا الدعاء،
وفي الحديث أيضاالدعاء والقضاء يتعالجان
يقول القضاء:
أنا نازل من عند الله،
ويقول الدعاء:
أنا صاعد بأمر الله ،
أو كما قال رسول الله صلى الله عليه وسلم
الشيخ جعفر أحمد الطلحاوي
من علماء الأزهر الشريف

 

[مروه2009]

اول شي تسوينه انج تصفين نيتج و قلبج !!
عقبها تدعين ربج بالزوج الصالح لأني حسيت من كلامج انج غيرانه من البنات المتزوجات يا قلبي هذا نصيب و اكيد اللي الله كاتبه لج بيصير

اخواتي انتو فاهمات غلط ومبين عليكم متزوجاات ما تعرضتو للتجريح ،
بس يمكن ما فهمتو علي خواتي

تخيلي نفسج مو متزوجه وكل اشوي تقط عليج نغزات شنهو شعورج

تخيلي ترشح لغيرج وانتي ما تفتكر فييييييج

تقولج اشلج بالزواج واهي وناسه وما تقدر تترك زوجها ليله وحده

الرسول عليه الصلاه والسلام قال تمنا لأخيك واسعى في حاجه ا خيك
مو جرحه بالكلام وهاذا اللي يسووونه بنات هلي

ابيكم تفهمون علي خواتي بارك الله فيكم

 

[منورة الكويتية]

حبيبتي بفهم شلون اهلج يسعون بتزويجج!! يدللون عليج مثلا!!
انتي مو بايره ولا طايحه بجبدهم وجبد نفسج عشان يسوون فيج
ونصيبج راح اييج بس نطري شوي
لاتخلين الزواج شغلج الشاغل وهمج الاول والاخير
اذا لج نصيب بييلج
تعوذي من ابليس

 

[الحلوه نونو]

الله يرزقج بالولد الصالح

والرجال الثصالح يا رب

 

[مروه2009]

اختي في بنات بعايلتنا تزوجو عن طريق ترشيح
يعني مثلا لو زوجه خالي ليش ما تقول لفلانه دوري حق بنت اخي زوجي مثل ما تسوي حق الغير

هاذا قصدي
اشكرج ع النصيحه

 

[Lemon Juice]

تأكدي انه كل شي بيد رب العالمين

لا أهلج ولا غيرهم اللي بيوقفون أمام نصيبج أو بيردونه

انا أتفق معاج بإنه في شغلات ومواقف تجرح البنت خصوصا ً من هالناحيه (الزواج)

بس متى ما الله كتب لج الزواج .. بتتزوجين إن شاء الله

ومثل ما قالوا البنات كثري من الاستغفار والأدعيه وقيام الليل وقراءة سورة البقره

 

[Anwaar]

الله يرزقج بولد الحلال

 

[مروه2009]

جزاج الله خير اختي
بس لو كنتومكاني ، تشوفون يرشحون بنات غيركم وانتي مطنشينج اشلون بتتعاملون معاهم احتاج نصايحكم وسامحوني

 

[* حلوه وماكو احلى مني *]

لا حبيبتي كل شي ولا اهلج ,, اهما عزوتج بالدنيا والريل عمره ما يغني عن اهلج

تعوذي من بليييس وعليج بالدعاء

الله يرزقج بالزوج الصالح

 

[Lemon Juice]

جزاج الله خير اختي
بس لو كنتومكاني ، تشوفون يرشحون بنات غيركم وانتي مطنشينج اشلون بتتعاملون معاهم احتاج نصايحكم وسامحوني

بهالموقف ما بيدج تقولين أو اتسوين شي

فوضي أمرج لله

الله ما ينسى عباده

 

[مروه2009]

، ماجذب عليكم خاوتي ، تلفوني مايرن الا يمكن مره بالسنه هذولا أهل
أهل لما تحضرين افراحهم واحزانهم ولما تصيدج مشكله محد جنبج الله سبحانه المستعان

 

[مروه2009]

بهالموقف ما بيدج تقولين أو اتسوين شي

فوضي أمرج لله

الله ما ينسى عباده

ووالنعم بالله سبحانه
جزاج الله خير ع النصيحه

مشكلتي ما قدر اعطيهم وجه وقلبي متالم منهم

 

[iTaLiyA]

ممكن سؤال؟؟
انتي جم عمرج؟

 

[توت عنكبوت]

ما اقول الا الله يرزقج بولد الحلال اللي يعوض صبرج خير

 

[syda-ml38a]

الله يرزقج بولد الحلال عاجلاً غير آجلاً ..