سويره راحت

[a.n.y]

السلام عليكم


شلونكم ابلات


بغيت اسالكم منو يعرف كلمات أغنيه سويرة راحت البر تجيب العيش الاحمر

وشلون طريقة لعبها

مع جزيل الشكر:edbf4317b9:

 

[طيرشلوا]

كلماتها سويرة راحت للبر .......تجيب العيش الاحمر

تحطة بالصوانى ..............على جية خوالى خوالى يادلالى
أمى تنادينى مدرى شتبى فينى .....تبى تحنينى

صينى على صينى يارب تهدينى ....واروح بيت اللة واشوف حبيب اللة

قاعد على سجادتة جت الغزالة ونادتة

ان كنت مانى مضيعة هذى كلماتها ولعبها تقليد الحركات مثل قاعد على سجادتة تقليد حركة الركوع

 

[a.n.y]

مشكورة طير شلوا على سرعة الرد

الله يوفقج ويسهل دربج وينورلج طريقج

آنا حابه العب الاطفال هذي الاغنية بالنشاط الشعبي

بغيت اعرف الاغنية لها تكملة

وشلون يلعبونها الاطفال

نفس طريقة طاق طاق طاقية يعني يسون دائرة كبيرة

ياريت تساعديني

مع جزيل الشكر:33_1185028183:

 

[عهود الحب]

يدورون على الدائرة ماسكين ايدين بعض ومع الكلمات يسوون حركات الاغنية
يعني تبي تحنيني تأشر بيدها صيني على صيني مثل الي تخبز
تروح بيت الله ترفع ايدينها كدعاء
وهكذا

حلوة عالاغنية حيل
وولو تبين اغاني بعد امري

 

[a.n.y]

مشكورة عهود الحب ماقصرتي

بميزان اعمالج انشاءالله:edbf4317b9:

 

[أم حمـــــودي]

واي وناااااااااااااااااااااااااااااسه
ذكرتوني بايام الطفوله

 

[طيرشلوا]

مشكورة طير شلوا على سرعة الرد

الله يوفقج ويسهل دربج وينورلج طريقج

آنا حابه العب الاطفال هذي الاغنية بالنشاط الشعبي

بغيت اعرف الاغنية لها تكملة

وشلون يلعبونها الاطفال

نفس طريقة طاق طاق طاقية يعني يسون دائرة كبيرة

ياريت تساعديني

مع جزيل الشكر:33_1185028183:

بالنسبة للنشاط الصباحى ابلة الموسيقى لازم تقدر تعزفها عدل وعلى الدوائر وكل صف مع ابلتة حيل ارتب والحركات ما

قصرت عهود قالتها لج واسمحيلى على التاخير تونى ادخل النت:hjy5jewf:

 

[ماري كوين]

:edbf4317b9:تليس البنت بخنق ومعها سبيل وتدور على الاطفال وتطلع شنو داخل السبيل

 

[*أم*خالد*]

دور دور يالبطة .. " العن ابو من حطة " (( تتغير عفية على من حطه ))
ماحطته الا سويره .. وسويره راحت البر
اتييب العيش الأحمر .. وتحطه بالصواني .. على يـيت خوالي .. خوالي يا دلالي .. امضيعدي الهلالي
أمي تناديني .. مادري شتبي فيني .. تبي تحنيني .. في مليلة الصيني .. صيني على صيني .. يارب تهديني .. واروح بيت الله وازور حبيب الله

بيت العيوز احترق .. صبو عليه ماي ومرق


عاشوا عاشوا

 

[نانو الشيطانه]

اليوم مسوينها بالنشاط الصباحي
بس ماذكرها عدل

 

[×رحله عمري بلا مرسى×]

لوووووووووووووول
ذكرتيني فيها كل اعاير اختي سوسو فيها اقعد اجبالها واغنيها ولا بعد اغني غنيه دريد لحام فطوم فطوم فطومي لاختي الثانيه فطفط
حدي فاصله سوسوري

 

[zyoonaaq8]

كلماتها الاصلية:

شوط شوط يالبطة (مسوين دائرة وماسكين ايد بعض)
يابنية نطي نطة
مانطت الا سويرة
سويرة راحت البر
تييب العيش الاحمر
وتحطة بالصواني
على يية خوالي
خوالي يادلالي
يامضيعدي يالاسودي
سود على ويه الصبي
ترى الصبي مايستحي
يلعب مع البنيوتي... يوتي
سويرة سويرة( طبعا وحدة تمثل دور الام وتنادي على بنتها)
امي تناديني
مادري شتبي فيني
تبي تحنيني
في ملة الصيني
صيني على صيني
واروح بيت الله
واشوف حبيب الله
قاعد على سيادته( ينزلون الاطفال على ركبهم ويقلدون وضع السجود)
يت الغزالة ونادته