{.. مـــلــتــقى عـــرايــس شــهـــر 4 - 2009 \\ .. حياكم

[خدود بنات]

انتي مثلي انا شكثر والله بجيت واحس اني متندمه كل هذا من الخوف والمسؤوليه

الله يوفقنا ويسر امورنا ويسعدنا ويرزقنااا
الله يجملنا بعيونهم ويجملهم بعيونا ويحببهم فينا ويحببنا فيهم يااااااااااااارب

يلا فديتووج اشوفج ع خير .. انا استاذن بحاول انام وراي مشوار الساعه 9 وشكلي بسحب عليه

 

[خدود بنات]

قبل شوي شريط توقيعي باجي اربع اشهر و18 يوم

شلون بجم ساعه صار 4 و16 يوم <+ مصدومه

 

[نـور الكويت]

الله يسمع منج

نوم العواااااااااااافي ياقلبي .. هم انا بطلع ..مع السلامه

 

[خدود بنات]

شكله خرف من كثر ماتحلطمت اليوم :krkrkr: :krkrkr:

 

[نـور الكويت]

خخخخخخ اي اللحين دشينه شهر 12 لا تنسين .. اليوم 1_12 _2008

 

[نـور الكويت]

يا الله ياقلبي مع السلامه

بصلي وانام ..

 

[سجى 2000]

تسلم الايادي فديتج عروس 2009

 

[سجى 2000]

بناااااااااااااااات رحت اليوم حق سوق الذهب


يما يعور القلب ماكو شي يسوى الذهب حدده غااالي


قالي الصايغ انه الغرام 6 وربع ومع المصنعيه 8


دورت عند كذا محل تلاقين الثقيل بس مافيه لمعه

وتلاقين اللمعه بس ماكو ثقل

احترت

سئلتهم اذا في شي جديد قالوا للحين
واذا في مجال ينزل غرام الذهب قالوو ما ندري هذي بورصه


منو فيكم شرت الذهب ؟؟

 

[foz q8]

موفقيييييييييين عرايسنا

إذا تبون أي شي حنا بالخدمة

 

[عــ2009ــــروس]

خدود ونور

بخير الله يسلمكم وانتو


وي وي يا خونه ماتنطروني اي اسولف معااااااكم

 

[عــ2009ــــروس]

سجى العفو

مو خوش بشاره

قالولي انه البورصه صاعده



ماقصرتي فوز فيج الخيررررررر

 

[عادي من قلبي أشيلك]

عسى الله يوفقكم ان شاءالله

 

[عــ2009ــــروس]

اجمعين يارب

ويوفقج معانا

ماقصرتي

 

[كويتية26]

شلونكم بنات شخباركم مع التجهيز ؟؟؟؟؟؟؟؟؟؟؟؟
انا بصراحه شريت شوي وكل ما قالتلي امي اشتري اقولها بعدين ما ادري شنو انطر شريت من كل شي شويه عن الحلال والحرام
ودي ابدي من شهر واحد انتوا شرايكم

 

[كويتية26]

مشكوووووووووووووووورة حبيبتي عروس 2009 ما قصرتي
تسلم ايدج ويا مال العافية وعسى ربي يوفقج ويوفقنا كلنا ان شاء الله

 

[كويتية26]

انا سمعت ان الذهب راح ينزل نطروا شوي

 

[كويتية26]

تدرين عروس انا كان المفروض عرسي معاج كانوا حاجزين وخالصين بس غيروا الصاله وقدموه يومين بصراحه احسن لان وراه عطلة انا خالاتي قالولي خشينلنا من المهر حق طبيات بناتنا بس الحين ارتحت ما احاتي الطبيات ههههه
وان شاء الله يكون مثل ما هو ما يتغير بعد

 

[عــ2009ــــروس]

كويتيه هلا فيج حبيبتي

الله يوفقنا يارب ..


ماظنتي بينزل ماصدقو يرفعونه

مالت عليهم ماصدقو على الله ورتفعت البورصه

ان شاء الله تنزل من نصيبناااا


صج يا عمري .. الله يسهل علينا ليلة العرس


وبعدين ليش تجهيزج جذي ترى مابقى شي والله عدي 4 اشهر ..

من ملجنا واحنا نقول ما بقى شي بس ترى الصج مابقى شي

شهر واحد و 2 ماينعدون بسرعه يطيرون .. واااااااااااي

شوفي عرايس شهر 11 ماشاء الله خلصو والله ان شاء الله يوفقهم والحين بدى العد التنازلي لعرايس شهر 12 وبعدها 1 واااااااااااي الايام تركض يا كويتيه


جم عمرج كويتيه ؟
قوليلي من وين جهزتي وشنو شريتي .. وبلشتي عنايه بنفسج جسمج وشعرج

وين ناويه تحطين مكياجج وبدلة العرس ..

شنو خلصتي وماخلصتي ..


وين عرسج باي صاله ؟

 

[نـور الكويت]

قوه عرايسنا شلونكم شخباركم ؟؟؟

الذهب مرتفع .. الله يعين إن شاءالله

إن شاءالله ينزل الذهب يارب العالمين انا من اللحين احاتي الذهب

 

[نـور الكويت]

خدود ونور

بخير الله يسلمكم وانتو


وي وي يا خونه ماتنطروني اي اسولف معااااااكم

دووووم يارب انج بخير

الحمدالله بخير

خخخخخخخخخخ انتي مدري وين رحتي قعدنا وسولفنا:gathering:

وينج انتي وين رحتي ؟؟ :krkrkr::krkrkr: