بنات شخباركم
المشكله الاولى صغيره بس تعبت نفسيتي وايد بقولكم قصتي من البدايه انا ملامحي عاديه مب جميله وبشرتي حنطاويه كانوا اهلي يعلقون على ويهي وجسمي ويقولون من الخبل الي بيتزوجج لما رحنا للعمره تعرفنا على عايله سعوديه قمه في الاخلاق وصرنا لما نروح السعوديه نروح لهم وصارت علاقتنا وايد قويه بهم كأننا اخوان واكثر المهم تزوجت ولدهم الي هو ريلي الحين والله يابنات قمه في الاخلاق والادب وعمره ماعلق على شكلي بالعكس يشوفني قمر ويحبني وايد الله يخليه لي المشكله ان ريلي وسيم وايد ماشاء الله وهني المشكله انا لما اروح لاهلي ويكون معي تبدأ المقارنه ريلج يهبل شلون يقدر يطالع لويهج تخيلوا صرت اكره اروح لخواتي وبنات عمي عشان جذيه تصير كل سواليفهم عن ريلي ريلج ابيض وانتي حنطاويه ريلج طويل وانتي قصيره ريلج يين واغلبيتهم متزوجات بعد والمشكله ولدي يشبه ابوه وفي يوم كانت وحده من خواتي مساويه حفله يوم تخرجت من الجامعه وعازمه رفيجاتها وامي عزمت خواتها وجيرانا والا واحده شافت ولدي قالت منو هاذ يوم قلت لها ولدي جان تقول يالله عاد بلا جذب هذا ابيض وعيونه وساع بسم الله عليه الله يخليه لهله قامت ترد وحده من الحريم الي جالسين المصيبه لا تعرفني ولا اعرفها تقول يشبه ابوه انتي ماشفتي ريلها جمال وادب والله لو طلب يد بنتي زوجه ثانيه اعطيها له وبدون مهر اقولج يافلانه ماعنده خوات بجماله عشان اخطبهم لعيالي يابنات انا مت قهر وطلعت ابجي وجلست اصيح احس اني تحطمت من جوا صرت لما اجلس مع ريلي اتذكر كلام الحريم واكرهه واقول لنفسي ياربي ليش وافقت اتزوجه ليش ماتزوجت واحد مثلي والله يابنات زوجي طيب وكل الصفات الحلوه فيه ورومانسي واي شي ابيه يعطيني صرت اكره اطلع معاه واروح المطاعم عشان محد يشوفنا مع بعض ويعلق افكر احيانا اتطلق واتراجع اقول الموضوع مايسوى وش فيها ريلج لما يكون جميل صرت انطوائيه مااحب اجتمع بالناس ماابي اسمع كلام يجرحني تعبت والله حرام خلوني ابشع وحده في العالم والمشكله الثانيه ان ريلي عنده اخوان شباب وكلهم جميلين ماشاء الله لما يرحون عائلتهم كلهم الكويت عند اهلي يزورونهم يجون بنات عمي وبنات خالاتي هم بيوتهم قريبه من بيت اهلي ويجلسون يراقبونهم اذا طلعوا جلسوا يدلعون وتعرفون حركات البنات ووحده من بنات عمي حاطه عينها على واحد منهم وتقول والله لااخليه يموت فيني وتشوفون وبطلع رقمه من تحت الارض وطلعته مدري شلون وسمعتها مره تكلم وحده من رفيجاتها تقول مسوي نفسه ثقيل ومايحب المغازل والله لاايينه واخليه مايشوف غيري وموزعه رقمه على رفيجاتها والولد مسكين مصلي وحافظ القران وغير رقمه وبنت عمي تقول بطلع الرقم مثل ماطلعته اول مره يابنات اخاف اخو ريلي يقول عن سوالف بنت عمي لريلي و ياخذ فكره غلط عن عائلتنا بسبب بنت عمي وحركاتها تعبت يابنات احد يقولي شسوي
المشكله الاولى صغيره بس تعبت نفسيتي وايد بقولكم قصتي من البدايه انا ملامحي عاديه مب جميله وبشرتي حنطاويه كانوا اهلي يعلقون على ويهي وجسمي ويقولون من الخبل الي بيتزوجج لما رحنا للعمره تعرفنا على عايله سعوديه قمه في الاخلاق وصرنا لما نروح السعوديه نروح لهم وصارت علاقتنا وايد قويه بهم كأننا اخوان واكثر المهم تزوجت ولدهم الي هو ريلي الحين والله يابنات قمه في الاخلاق والادب وعمره ماعلق على شكلي بالعكس يشوفني قمر ويحبني وايد الله يخليه لي المشكله ان ريلي وسيم وايد ماشاء الله وهني المشكله انا لما اروح لاهلي ويكون معي تبدأ المقارنه ريلج يهبل شلون يقدر يطالع لويهج تخيلوا صرت اكره اروح لخواتي وبنات عمي عشان جذيه تصير كل سواليفهم عن ريلي ريلج ابيض وانتي حنطاويه ريلج طويل وانتي قصيره ريلج يين واغلبيتهم متزوجات بعد والمشكله ولدي يشبه ابوه وفي يوم كانت وحده من خواتي مساويه حفله يوم تخرجت من الجامعه وعازمه رفيجاتها وامي عزمت خواتها وجيرانا والا واحده شافت ولدي قالت منو هاذ يوم قلت لها ولدي جان تقول يالله عاد بلا جذب هذا ابيض وعيونه وساع بسم الله عليه الله يخليه لهله قامت ترد وحده من الحريم الي جالسين المصيبه لا تعرفني ولا اعرفها تقول يشبه ابوه انتي ماشفتي ريلها جمال وادب والله لو طلب يد بنتي زوجه ثانيه اعطيها له وبدون مهر اقولج يافلانه ماعنده خوات بجماله عشان اخطبهم لعيالي يابنات انا مت قهر وطلعت ابجي وجلست اصيح احس اني تحطمت من جوا صرت لما اجلس مع ريلي اتذكر كلام الحريم واكرهه واقول لنفسي ياربي ليش وافقت اتزوجه ليش ماتزوجت واحد مثلي والله يابنات زوجي طيب وكل الصفات الحلوه فيه ورومانسي واي شي ابيه يعطيني صرت اكره اطلع معاه واروح المطاعم عشان محد يشوفنا مع بعض ويعلق افكر احيانا اتطلق واتراجع اقول الموضوع مايسوى وش فيها ريلج لما يكون جميل صرت انطوائيه مااحب اجتمع بالناس ماابي اسمع كلام يجرحني تعبت والله حرام خلوني ابشع وحده في العالم والمشكله الثانيه ان ريلي عنده اخوان شباب وكلهم جميلين ماشاء الله لما يرحون عائلتهم كلهم الكويت عند اهلي يزورونهم يجون بنات عمي وبنات خالاتي هم بيوتهم قريبه من بيت اهلي ويجلسون يراقبونهم اذا طلعوا جلسوا يدلعون وتعرفون حركات البنات ووحده من بنات عمي حاطه عينها على واحد منهم وتقول والله لااخليه يموت فيني وتشوفون وبطلع رقمه من تحت الارض وطلعته مدري شلون وسمعتها مره تكلم وحده من رفيجاتها تقول مسوي نفسه ثقيل ومايحب المغازل والله لاايينه واخليه مايشوف غيري وموزعه رقمه على رفيجاتها والولد مسكين مصلي وحافظ القران وغير رقمه وبنت عمي تقول بطلع الرقم مثل ماطلعته اول مره يابنات اخاف اخو ريلي يقول عن سوالف بنت عمي لريلي و ياخذ فكره غلط عن عائلتنا بسبب بنت عمي وحركاتها تعبت يابنات احد يقولي شسوي
