محتارة وابى رايكم

[تريزاا]

بنات انا بنتى فى اولى ابتدائى بس ماكملت ال6 سنوات وحيييييييييييييييييل ضعيفة بالدراسه ماتعرف شى لدرجة الارقام مو عارفتها والعربى ماتعرف تكتب والانجليزى ماتعرف شى الارقام والحروف لدرجة ان مدرساتها يشتكون منها ويقولون كل الطالبات اللى بالصف معاها يعرفون كل شى الا هى مادرى شسوى ابوها يقول نطلعها من المدرسه ونأسسها عدل يعنى ندخلها مركز الريادة لمدة 3 شهور بس تدرس عربى وعقبها 3شهور مثلا انجليزى وتعيد السنة ......... انتو شرايكم على فكرة انا يايبتله مدرسات و ادرسها وكل شى سوىته

 

[sereen]

شلونج عمرى شوفى بدام الحين انتى قاعدة جربين معاها المدرسين الخصوصيين نطرى وشوفى النتيجه احتمال بنتج ماتتفاعل اذا الفصل صار فيه طلبه وايد تبى تركيز عليهامثل one-on-one
تالى اشتريلها جهاز كمبيوتر عشان الويب سايتات التعليميه خليها تقضى وقتها بعد
الدراسه فيه بس حرام لاتعيدووونها السنه يمكن النضج الفكرى بعد ماكتمل يمكن بعد فترة قصير راح يببن معاكم وعسى الله يكبرها وتصير بروفيسووووورا

 

[تريزاا]

هلا حبيبتى مشكورة على الرد انا يبتلها مدرسات حتى المدرسات الخصوصيات يشتكون منها

 

[sereen]

انزين هل اهى عندها مشكله بالفهم صعوبه بالاستيعاب لان فى اختبارات خاصه للى يشكون فيهم عندهم الديسليسكيا عندنا فى امريكا على طول يحولونهم من المدرسه الى المختص مااادرى عندكم بالكويت هالسالفه يعنى المدرسه تتعاون مع البيت لتسهيل التعليم؟؟؟

لان حسب مااشوف عيال رفيجاتى على عمر 4 ونص يمسك القلم ويعرف الاحرف والاعداد طبعا اهى قدرات بس لابد ان فى حصيله للتدريس وفيه نتايج طبيبعيه متوقعه للى فى عمرها

 

[القرآن ربيع قلبي]

لا حرام ليش تضيعون سنة من عمرها
شوي شوي عليها وان شاء الله السنة الجاية تتحسن اسال مجرب
اهم شي بالموضوع تعرفين مشكلة البنت وين عشان تركزين عليها وتحلينها
ماتعرف الاحرف نهائيا والا ماتكتبها والا تكتببها مقلوبة ؟
هل هي تركز والا شاردة الذهن؟
هل ابلاتها متجاوبين معاها ويحاولون يساعدونها والا مايدرون شالطبخة؟
هل هي متلعوزة بمادة وحدة والا كل المواد؟
انتي شلون تدرسينها ومتى؟
التشجيع هل هو موجود والا لا؟

صدقيني جاوبي على الاسئلة هذي وانتي بنفسج راح تعرفين مشكلتها ان شاء الله وتحلينها
والعربي ترى ماله الا النسخ ثم النسخ ثم النسخ والمذاكرة اليومية

 

[القرآن ربيع قلبي]

وليش مدرسات خصوصيات حرام ترى اولا انتي لج اسلوب وابلة المدرسة لها اسلوب وهالمدرسة بالبيت لها اسلوب
الطفل يضيع وتتعب نفسيته ويحس ان المسالة صعبة واكببر من حجمه ولا يحاول يحلها
انا هذا رايي بس انتي اكيد لج رؤية خاصة فيج بس سؤال بنتج تحسنت بعد المرسات والا لا؟

 

[تريزاا]

هلا حبيبتى بنتى ماتعرف المواد كلها يعنى موفاهمه شى والابلات يقولون كله شاردة بالصف ماتركز وطبعا المدرسات كلش مايهتمون فيه وبالنسبه للتدريس انا ادرسها باستمرار والمدرسات الخصوصيات ماتحبهم ولاتحسنت عقبهم ودايما افتح دفترها العربى مال الصف القاه موكاتبه فيه شى ومرات خرابيط

 

[القرآن ربيع قلبي]

انزين شلونها مع العربي لان على اساس هالمادة بالنسبة لي طبعا يتحدد مستواها
تقرا تكتب والا كلش صفر يعني ؟؟
ومادامها ماتحسنت بعد المدرسات كنسليهم احسن
حطي لج دفتر خارجي وخليها تنسخ الكلمات الي خذتها والاحرف وكل ماكتبت صفقي لها حييييييييييييييييييييييل ووصليها السما العالي
وشجعيها بنتي الذكية بنتي المتفوقة ولمة وضمة وبوسة
وبعدين وصيها قولي اذا جاوبتي مع الابلة راح اكافئج نطلع سوق مطعم العاب اي شي
وكل يوم الصبح قولي لها انتي ذكية متفوقة ركزي مع الابلة لانهم راح يسوون حفلة للبنات الشطار مثلج
والدعاء لها دايما لا تنسينه حبيبتي
والله يوفقها ان شاء الله

 

[noooor]

شوفي اختي السالفة يبيلها صبرومتابعة وزيادة اهتمام منك . وبتشوفين النتيجة .
اول شي في المكتبة لوحات تعليمية للحائط حطيها في غرفتها .
1- لوحة الاحرف العربي 2- لوحة الاحرف الانجليزية ( احرف كبيرة وصغيرة ) 3- لوحة الاعداد بالنجليزي 4- لوحة الاعداد بالعربي .
هذا اللي سويته مع بنتي وجاب نتيجة حلوة . واشتري لوحات كروت الاحرف العربية وكل ما خذت حرف علقيه على الباب.
وهي داخله الغرفة تأشر على الاحرف وتقرأ ( الاحف مع الفتحة والكسرة والضمة ). وحتى عصاية شاريه لها علشان تأشر ( خفيفة من ورق ) . وصدقيني اختي ما يبيلها حتى مدرسين خصوصيين . واي شي تبينه حاضرة راسليني .

 

[أحلى عيون]

ليش ما تدخلينها للقاعده الحلبيه ماشاء الله ولد اختي ما يعرف اي شي وكله مقبول والحين ماشاء الله كله امتياز

حرام تضيعون منها سنه كامله

 

[القرآن ربيع قلبي]

البنات الله يجزاهم خير ماقصرو وفعلا هذي فرصتج الحين المعرض صالة كاملة كتب والعاب ووسائل تعليمية من مكاتب لبنانية ومصرية والصراحة في شغلات تهبل
والقاعدة الحلبية كل من يمدحها ونتائجها واضحة على الطفل

 

[تريزاا]

هلا حبيباتى ومشكورة على ردودكم بالنسبه لبنتى انا دخلتها القاعدة الحلبيه وماكو فايدة وبالصيف دخلتها نادى وكذلك ماكو فايدة وهى من النوع اللى ماتحب حتى تكت
ب واجباتها مهما اشجعها

 

[أم ضارى]

اختى ممكن اسئلج سؤال؟؟

بنتج اساسا اشلون استيعابها معاكم بالبيت خليج من المدرسه

يعنى هل اهيه اساسا استيعابها بطئ والا بس بالمدرسه

تحسون بشى غريب بتصرفاتها؟؟

 

[تريزاا]

هات اختى ام ضارى احس انها ماتفهم بسرعة يعنى اذا سالت وجاوبتها تسالنى يعنى شنو؟ واذا سالتنى اى سؤال وماجاوبتها تعيد وتكرر السسؤال لين اجاوبها وغير اجتماعية واذا طلعنا اى مكان لازم امسك ايدها تقول اخاف اضيع وبالمدرسه بالطابور اشوفها بروحها ماتكلم مع زميلاتها ومدرساتها كله يقولون بنتج كله شاردة ماتدرى شنو نقول............. اقسم بالله احترت فكرت اطلعها من المدرسه هالسنة وادخلها كورس تقويه بس عربى واذا تمكنت منه ادخلها كورس بس انجليزى لين تتقوى وادخلها المدرسه انتو اشرايكم

 

[أم ضارى]

شوفى خل اقولج شى

انا ولدى الصغير اسم الله عليه اول مايبته عقدنى استيعابه اقل من بطئ يعنى تسوين الحركه جدامه يبيله سنه على مايستوعب وبعدها يمكن هم بسنه على ردة فعله !!

ضيق خلقى وكله ويهه من غير ملامح ... وديته الطبيب جان تقولى الدكتوره ولدج عنده نقص اكسجين وعلشان جذيه الدم موقاعد يوصل راسه والحمدلله عالجته والحين ماكو احسن منه

اقصد لاتسكتين اكيد الناس قدرات بس هذا مايمنع تعرضينها على دكتور ... ترا اطبة الاطفال حتى قدرات الياهل العقليه يكشفون عليها

وفى بعضهم من وهوه صغير يقولون لج اذا ولدج ذكى والا لا

عيالنا امانه بس انج اطلعينها من المدرسه مو حل .. حاولى تسئلين عن دكتور زين ويفهم بحالتها وعرضيها عليه

انا ماقصد دكتور نفسى لا اول شى عرضيها على طبيب اطفال بس متخصص بهالشغلات ماتدرين يمكن الشغله عندها عضويه ولو تعالجت تصير طبيعيه وخلى آآآآآآآآآآآخر شى العلاج النفس اذا تأكدتى انها سليمه ان شاء الله

ومالها الا العافيه بنوتج يارب

 

[أم عبووووود]

احس انها ماتفهم بسرعة يعنى اذا سالت وجاوبتها تسالنى يعنى شنو؟ واذا سالتنى اى سؤال وماجاوبتها تعيد وتكرر السسؤال لين اجاوبها وغير اجتماعية واذا طلعنا اى مكان لازم امسك ايدها تقول اخاف اضيع وبالمدرسه بالطابور اشوفها بروحها ماتكلم مع زميلاتها ومدرساتها كله يقولون بنتج كله شاردة ماتدرى شنو نقول............. اقسم بالله احترت فكرت اطلعها من المدرسه هالسنة وادخلها كورس تقويه بس عربى واذا تمكنت منه ادخلها كورس بس انجليزى لين تتقوى وادخلها المدرسه انتو اشرايكم

حبيبتي ليش ماتستشيرين طبيب يمكن لا سمح الله فيها شي انتي غافلة عنه وماتدرين حرام تنظلم البنت وهي عندها مشكلة اذا مثل ماتقولين لازم حي طبيب مختص ويسوون لها اختبارات على ما اعتقد _الله يحفظها ويخليهل لج يارب )

 

[تريزاا]

خواتى تعرفون طبيب شاطر الله يعافيكم