شنو شريتي او بتشترين من معرض الكتاب .. حياكم

[miley]

السلام عليكم ورحمة الله وبركاته ..

شنو شريتي او بتشترين من معرض الكتاب


اي وحدة شرت من معرض الكتاب تقول شسم الكتاب وعن شنو يتكلم ..


انا بشتري كتب عبد الوهاب السيد ((17)) و ((زيارات ليلية )) انتو شنو بتشترون


شنو تنصحوني اشتري بعد كتب ..


يلا بنات نبي تفاعل عشان نعرف شنو نشتري


ناطرة ردودكم ​

 

[رفاعية19]

هاي حبيبتي معاج اسراء السيد الرفاعي اخت الكاتب عبدالوهاب السيد.....اتمنى ان القصص اعجبوج وابي اعرف اذا قريتي مؤلفاته الباجية؟؟؟؟؟

 

[أحب بابا جابر]

شنو بطل المعرض ؟
قوة بنات شلونكم
انا بشتري كتب متنوعه ولي الحين مو حاطه في بالي كتاب معين بس المواضيع في بالي
واذا لقيت روايه تسوى بشتري
بنات نبي كتب تمدحونها شنو ؟

 

[miley]

هاي حبيبتي معاج اسراء السيد الرفاعي اخت الكاتب عبدالوهاب السيد.....اتمنى ان القصص اعجبوج وابي اعرف اذا قريتي مؤلفاته الباجية؟؟؟؟؟

ياهلا والله فيج اسراء شلونج شخباررج

اكيد انا قريت كل كتبه وكلهم ابدااع xابدااع

وبشتري 17 وزيارات ليلية وشنو تنصحيني اشتري بعد كتب ؟؟

 

[miley]

شنو بطل المعرض ؟
قوة بنات شلونكم
انا بشتري كتب متنوعه ولي الحين مو حاطه في بالي كتاب معين بس المواضيع في بالي
واذا لقيت روايه تسوى بشتري
بنات نبي كتب تمدحونها شنو ؟

انصحج تشترين كتب عبد الوهاب السيد كلهم حلوين وابداع ونهاية القصة شي ما تتوقعينه يعني غموض ورعب بس روعة

انصحج تشترين كتاب الابعاد المجهولة الجزء الاول والثاني

وحكايات من العالم الآخر

والاصدارات اللي نزلت هالسنة اسم الكتاب الاول ((17)) والكتاب الثاني (( زيارات ليلية ))

انا للحين ما شريتهم بس الكل يمدح كتبه

 

[أحب بابا جابر]

مشكورة مايلي حياتي
والله شوقتيني انا مو نوعي اقرا حق روائيين كويتيين
يبيله حق بعد الامتحانات نتفرغ عليهم

 

[miley]

العفو حبيبتي انا بالخدمة ..

اقريهم وقولي رايج بالكتب ان شاء الله يعجبونج وصدقيني ما راح تتحسفين ..

الباجي ردودكم حبايبي ..

 

[بدوره 22]

شلونج مايلي ..

انا اخت رفاعيه 19 وبعا اخت عبدالوهاب السيد احم احم ..

انصحج بالجانب المظلم والعالم الاخر روووووعه

 

[miley]

شلونج مايلي ..

انا اخت رفاعيه 19 وبعا اخت عبدالوهاب السيد احم احم ..

انصحج بالجانب المظلم والعالم الاخر روووووعه

اهلا فيج نورتي موضوعي

انا قريت كل كتب اخوج المبدع عبد الوهاب السيد ادري مهما تكلمت ماراح اوصف اللي قدمه لنا ..

يسلمو على الهطلة الحلوة

لاتحرمينا من ردودج ​

 

[pama girl]

ناويه اشتري روايات الكاتب عبالوهاب السيد الرفاعي..
وكتاب طريق النجاة..
بنات احد يعرف كتب أو مؤلفات د.موسى الجويسر؟

 

[رفاعية19]

ياهلا والله فيج اسراء شلونج شخباررج

اكيد انا قريت كل كتبه وكلهم ابدااع xابدااع

وبشتري 17 وزيارات ليلية وشنو تنصحيني اشتري بعد كتب ؟؟

هلا حبيبتي اسفة اني طولت عليج بالرد.....الصراحة انصحج بالابعاد المجهولة وفي جزاين بس انشالله تلقينهم اثنينهم والباجي اللي قالت عنهم بدورة اختي

 

[مطيريه ماركه]

والله شوقتوني اقرا لعبدالوهاب السيد وان شاء الله روياته تطلع شي مابي يكون كلامهم دعايات مممممممم انزين رواياته عن شنو بليز لحد يعصب بس آنا اشوف اخته تمدحه اشوف اشكثر بنات يمدحون رواياته شتنصحوني فيه ترا احب الروايات بس ماحب الروايات اللي تشطح حيل احب الواقعية والله يوفقه كافي كويتي

 

[رفاعية19]

والله شوقتوني اقرا لعبدالوهاب السيد وان شاء الله روياته تطلع شي مابي يكون كلامهم دعايات مممممممم انزين رواياته عن شنو بليز لحد يعصب بس آنا اشوف اخته تمدحه اشوف اشكثر بنات يمدحون رواياته شتنصحوني فيه ترا احب الروايات بس ماحب الروايات اللي تشطح حيل احب الواقعية والله يوفقه كافي كويتي

هلا فيج اختي شوفي حبيبتي روايات عبدالوهاب اكثر شي فيها رعب وكلللللللللللللللللها معلوماااااات والله راح تستفيدين وراح تتعرفين على شغلات يديدة بعد وصدقينيييييييييييي راح تعجبج وقولي ما قالت رفاعيةوانصحج اقري اخر كتابين له اللي اهما 17 وزيارات ليلية واقري كتبه اللي قبل مممم عندج الابعاد المجهولة جزأين وووو في الجانب المظلم وحكايات من العالم الاخر وادعيله بالتوفيييق

 

[miley]

الله يوفق عبد الوهاب السيد وخواته وكل الناس

نصيييييحة بنات اقرو كتبه كلهم كل واحد احلى من الثاني

يسلموو على ردودكم الحلوة ...

ابي تفاعل اكثر

 

[بدوره 22]

الله يوفق عبد الوهاب السيد وخواته وكل الناس

نصيييييحة بنات اقرو كتبه كلهم كل واحد احلى من الثاني

يسلموو على ردودكم الحلوة ...

ابي تفاعل اكثر

يسلمو حبيبتي من ذوووووووووقج والله يوفقج انتي بعد وكل الي يحبونج وتحبينهم .. يا حلوج ويا حلو دعائج ماشاء الله عليج :eh_s(6):

مع اني قريت كتب اخوي بس هم بشتريهم لاني احب احتفظ بنسختي الخاصه وبتوقيع منه :ggdw:


انشاء الله باجر بروح المعرض وودي اشتري كتب يووووووعانه قراءه :tomato2:

ودي اشتري كتاب علياء الكاظمي هي بنفسها لمن مره راسلتها على ايميلها الخاص قالتلي ان راح يمون مفاجأة ..

هي تكتب قصص اجتماعيه وانا احب هالنوع من القصص ..

وودي اقراى الكتاب اللي كتبت عنه وحده منا بالمنتدى ... اسمه رائحة القرفه بس على قولتها احتال يكون ممنوع ان بنباع بالكويت..

وبعد اممممم شنو اشتري بعد ؟؟؟

انا مرات احط لي لستة كتب ومرات اروح واحووووووووووووووس لمن القى اللي يدخل مزاجي :eh_s(6):

 

[Shiny Star]

:nbvppw::nbvppw

:أنا رحت المعرض وطبعا شريت اخر اصدارين للمؤلف المبدع م.عبدالوهاب السيد لأن رواياته ما تتطوف أنصح الكل يقراهم حتى اللي ما يحب روايات الغموض فاسلوب المؤلف والمعلومات اللي بالروايات روعة روعة روعة
وشريت بعد كتاب ( رومانسيات زوجية) إعداد: نورا ماجد - منال نايف يشتمل على 150 فكرة زوجية لقضاء ليلية رومانسية مع زوجك بصراحة وايد حلو وفيه أفكار وطرق لارضاء الزوج والكتاب من جزئين بس أنا بس حصلت الجزء الأول وبروح مرة ثانية إن شاء الله المعرض​

 

[فلانه_الفلاني]

انا رحت اليوم وشريت زيارات ليليه +17 م.عبدالوهاب السيد

وشريت بعد ( الذين عادوا ) م.سند راشد​

 

[مطيريه ماركه]

يبيله عبدالوهاب الله يوفقه

 

[هاردلك يا قلب !]

وانا بعد ولله ماعرفه عبدالوهاب بس بشتري له طيب وين نلقى كتبه

انا بروح اخبص بالروايات لاني حيل احبهاا ؟

 

[pama girl]

شريت مجمومة من الكتب منها :
الجانب المظلم (خلصته ههههه)
17
و زيارات ليلية.
مشاء الله امس كان زحمة عند دار دايموند للنشر