شوروا علي الله يرضى عليكم

[*~هاجس~*]

السلام عليكم

بنات الله يخليكم انا نفسيتي تعبانه والسب مدرسة بنتي


من اول اسبوع دراسه استدعتني مدرسة الرياضيات

ورحت لها.. الله يهداها شايفه نفسهاااااااااا

جان تقولي انا لي نظره بالطالبه

بنتج راح تسقط !!!! تخيلوااا


بنتي ب الصف السادس


وتموت عالرياضيات


وبعدين شلون تقول جذي واهي حتى ماشافات مستواها



زبده الكلام اهي حطت عالبنت


وكل جم يوم استدعاء


واروح

مره تقولي دفترها ضايغ .. وبنتي حرام تقول ماما والله الابله لامه الدفاتر وردت للكل دفاترهم الا انا


قلت ميخالف ماما نكسر الشر وبيني للابله انج شطوره ونسوي دفتر يديد


قعدنا عالدفتر انا وبنتي من المغرب لي الساعه 12 بالليل


وعقب تعب بنتي قالت الابله .. لقت دفترها


قهرررررررررر .. تحسون الحركه متعمده


المهم


تصدقون لمن بنتي تحل بالصف تقول لها الابله (( هاااا من وين ناقلته ))) بذمتكم مو احباااط


غير هذا ماتصلح دفترهااااا ليش ؟؟


رحت للاداره ماكو فايده لاتاخذوق حق ولا باطل


المهم هذاك اليوم يت بنتي قالت الابله قالت لها شيلي الوصاخه اللي تحتج

بنتي تقول طالعت ماكو شي

قالت ابله ماكو شي تحتي


قالت عادي روحي بزاويه الصف في وصاخه شيليهاااا




غير كلامها


يابقررر ،، ياحميرر .. يا اغبياء .. الله يعزكم


بنتي كارهه الماده



ابو بنتي ( طليقي ) دقيت عليك قلتله شوف حل

راح ورجع وياريته ماراح .. قال لاااااااا المدرسه شبينها وبين بنتج عشان تحط عليهااا


هذي عقليه حريم وووووو كلام ماله داعي



ابي حل واللي يعافيكم

انا تعبت من هالمدرسه حسبي الله عليها والله ماتخاف الله


ساعدوني .. واذا وحده عندها واسطه بمدرسه بنقل بنتي تكفون

 

[*~هاجس~*]

بناااااااااااااااااات ردوا علي بردوا قلبي


5 داشين ولا وحده ردت

 

[أمانيQ8]

حبيبة قلبي هم انا توا كاتبه موضوع عن ابله مجعت شعر بنتي وزوجي الله يهداه ماخلاني اروح اهو راح وهم ماسوا شي...

الرياييل مو مثلنا احنا غير
المهم
انتي شكيتي عليها بالاداره ؟؟ وعند منو الناظره؟؟؟

شوفي اذا مانفع نقليها من صفها وديها صف ثاني ...

واذا مادشيتي عالناظره ماكو فايده دشي وشوفي اتغير المعامله او لا
والله يكون بالعون

 

[Dancing^Queen]

الحل اثبتي حاله
قدمي شكوي بالناظره والمدرسه بالمنطقه التعليميه بس خلي عندج دليل
في ناس ماينفع الطيب معاهم
وانتي حاولتي وكلمتي الابله وكلمتي الناظره
في ناس ماينفع معاهم الا العين الحمره تمشي سيدا

 

[*~هاجس~*]

حبيبة قلبي هم انا توا كاتبه موضوع عن ابله مجعت شعر بنتي وزوجي الله يهداه ماخلاني اروح اهو راح وهم ماسوا شي...

الرياييل مو مثلنا احنا غير
المهم
انتي شكيتي عليها بالاداره ؟؟ وعند منو الناظره؟؟؟

شوفي اذا مانفع نقليها من صفها وديها صف ثاني ...

واذا مادشيتي عالناظره ماكو فايده دشي وشوفي اتغير المعامله او لا
والله يكون بالعون

انا دشيت عالناظره

منفسه الله يهداها جني يايه اطر

حتى ماسمعتني شنو ابي

وقالت روحي للاخصائيه

الاخصائيه مافادتني ب ولاشي


الله يعطيج العافيه اختي وتسلمين على ردج

 

[*~هاجس~*]

الحل اثبتي حاله
قدمي شكوي بالناظره والمدرسه بالمنطقه التعليميه بس خلي عندج دليل
في ناس ماينفع الطيب معاهم
وانتي حاولتي وكلمتي الابله وكلمتي الناظره
في ناس ماينفع معاهم الا العين الحمره تمشي سيدا

تصدقين سصطت بنتي هالشهررر ؟؟؟


حسبي الله عليهاااا

والله بموت قهر .. حبطت بنتي


تسلمين يالغاليه عالرد

 

[أم عبووووود]

وعليكم السلام ورحمة الله وبركاته

شوفي حبيبتي والله انا حاسة بمعاناتج لكن قولي حسبي الله ونعم الوكيل وربج مايضيع حق بنتج بس لا تسكتين حتى لو توصل لي المنطقة حرام عليها تخلي البنية تفقد الثقة بنفسها وتقول اها من وين ناقلته الظاهر هذا الابلة معقدة ولا فيها شي الله يكافينا شرها

حاولي كل يوم تدرسين بنتج وخليها دايما مستعدة حق اي سؤال من هالابلة ومادري شقول حسبي الله عليها من ابلة موصاحية ياويلها من ربها والدنيا دين وصدقيني كل قويوظالم الله يسلط عليه اللي اقوى منه

 

[*~هاجس~*]

وعليكم السلام ورحمة الله وبركاته

شوفي حبيبتي والله انا حاسة بمعاناتج لكن قولي حسبي الله ونعم الوكيل وربج مايضيع حق بنتج بس لا تسكتين حتى لو توصل لي المنطقة حرام عليها تخلي البنية تفقد الثقة بنفسها وتقول اها من وين ناقلته الظاهر هذا الابلة معقدة ولا فيها شي الله يكافينا شرها

حاولي كل يوم تدرسين بنتج وخليها دايما مستعدة حق اي سؤال من هالابلة ومادري شقول حسبي الله عليها من ابلة موصاحية ياويلها من ربها والدنيا دين وصدقيني كل قويوظالم الله يسلط عليه اللي اقوى منه

حسبي الله ونعم الوكيل


اختي والله العظيم البنت تدرس وبالبيت تفهم وتحل بدون مساعده

وكنت يايبه لها مدرس يقول حرام البنت فاهمه

وباجر عندها امتحان بالقسمه وانا توني قايمه من عندها حرام حلت جدامي بدون اي مساعده


وبشوف باجر شيتحط لها


اقسم بلله عقدت بنتي

والابو الله بالخير

تسلمين يالغاليه ويشرفني ردج علي

والله يوفقج يارب

 

[ديرتي الغاليه]

حسبي الله عليها ليش حاطه عليها ما استقوت الا علي طفله ضعيفه مالها لاحول ولا قوه .........

 

[القرآن ربيع قلبي]

حسبي الله ونعم الوكيل
الظاهر عقب الشكوى ومالقت احد يردها استقوت اكثر الله يسخرها لبنتج يارب
ولا تحسسين بنتج وكل شوي تسالينها وتكبرين من امر الابلة عندها لانه راح تهاب الابلة وتخاف لمجرد رؤيتها وماتحل حتى لو كانت فاهمة
واذا ماتسنعت الابلة حاولي انقليها صف ثاني على الاقل
ولا تخلين بنتج تحت رحمتها خوفج تسقطها صج واشتكي مرة و2 و3 و4
ولا تياسين
وادعي ان الله يسخر هالابلة لبنتج وميخالف بالاول سايسيها عشان بنتج وان شاء الله تنحل الامور

 

[msmshasnsn]

حسبي الله ونعم الوكيل على الابله
بس حبيبتي انا حسيت من كلامج انج انسانه مسالمه
وصدقيني المدارس مايمشي معاهم هالاسلوب لازم توقفينهم عند حدهم وتهددينهم انج راح توصلينها للمنطقه
والله مايفيد معاهم الا العين الحمره

 

[$ صمت الشفايف $]

حسبي الله عليها اختي اشتكي عليها عند الناظره روحي انتي لهم مو اي احد ثاني واذا ما نفع رةحي لغرفة المدرسات واشتكي عليها عند المشرفه مالت الماده لانها راح يصير عندها لفت نظر ولا راح تعطيها تقدير زين واذا مانفع روحي المنطقه التعليميه هناك راح يوقفونها عند حدها

والله يعينج ويعينها