لاحول ولاقوه الا بالله
حسبي الله وننعم الوكيل في هالمدرسه وكل مدرسه تطق اليهال ان شاءالله تشوفه يعيالها يارب
srsr
اقدر موقفج واللي تمرين فيه
من فتره بسيطه مريت بنفس الموقف
بس الفرق انا عيالي بمدرسه خاصه وماعندي شهود علي الموقف اللي صار
خل ابلغج بالموقف كله علشان تستفيدين
قاعده ادرس بنتي حق اختبار سبيلنغ انجليزي اهم باولي ابتدائي وعيزت احاول وياها مو راضيه
لما مليت قلت اجرب اسلوب ثاني قلتها تبين الابله تقول عنج كسلانه؟ وانج ماتعرفين؟
جان تصدمني بالرد بكل برود قالتلي ماما انا اصلا كسلانه وماعرف ومخي مو زين مثل ربعي
ربعي كلهم مخهم احسن مني
وانا فاشله وماقدر افكر
ليش اتعب عمري وانا كسلانه اصلا ولاراح اعرف مثل اصدقائي انا مو فلانه (اسم رفيجتها)
انصدمممممممممممت عيوني بغت نطلع من مكانها قلتها شنو شنو شنو
منو معلمج هالحجي من وين سامعته؟
جان تقولي من مس ارابيك (ابله العربي) اهي كله تقولي ليكييييييي انتي كسلانيييييييييي وكل رفئاتك احسان منك انتي فاشله ولو
(بنتي قامت تنطق سوري)
قلتها ليش الابله قالتلج جذي!!
وبعد شسووت؟
جان تقولي امبله اهي كله تقولنا جذي انا واختي قلتلها تقول حق الصف كله جذي؟ (قلت يمكن طريقتها الخنفشاريه بترهيب اليهال علشان يبذلون جهد) جان تقولي لا ماما محد كسلان غيري وانا اختي اهي كلنا تلقولنا جذي اذا كنا بروحنا وبالممرراو بالفرصه او لي شافتنا بنروح الحمام
ال..... تتحين لليهال وتحطمهم نفسيا !
انصدمت انصدمت قلتها انزين ماما بعد شنو؟ جان تقولي والله ماما صدقيني اهي تقول ان احنا فاشلين
واليوم طقتني طراق علي ويهي
اهنييييييييي عاد صلللللللللللللللللعت قمت ادخخخخخخخخخخخخخخخخن
قلتها تعالي ماما الابله طقتج طراااااق علي وييييين؟ جان تقولي والله العظيم طقتني طراق علي ويهي
قلتها ليش؟
جان تقولي انا قلتلها اني ماحليت الواجب لاني نسيت الكتاب (بنتي ناسيه كتابها بالمدرسه قبلها بليله ويوم اكتشفت قلتها خلاص يا يما روحي انتي والابله تفاهمو انا ماعلي وقامت تبجي حبيبتي تفحط ماما بليييييييييز خل اكتب علي ورقه اي شي وانا مو راضيه ابيها تهتم ان تيب كتبها تعرفون اللي ترجاني عفيه الله يخيلج وتبجيييييييي وانا موراضيه اقولها الا تروحين حق الابله وتقوليلها انا نسيت كتابي وعلشان جذي ماحليت الواجب شدراني ان الابله مو صاحيه ومو سويه نفسيا ومسويه رعب وتحطيم نفسي لليهال تخيلو اني قليت بنتي علي هالانسانه حسبي الله ونعم الوكيل عليها حسبي الله عليها ماني محللتها وبنتي تترجاني من خوفها من الابله وانا ياغافلين لكم الله اقولها غصب روحيلها ياحياتي )
تقولي ماما انا نطرت مس فلانه بالممر علشان ماتقولي اني فاشله جدام صديقاتي واني ماعرف فشله جان اقولها مس انا نسيت كتابي ماحليت الواجب جان تطقني طراق علي ويهي وتقولي كسلانه ولووووو فاشلييييييي
<<تخيلوشكلي وقتها
قلتها ماما اييييييييييييي ماتدرين اهيتتغشمر معاج اهي شلون طقتج ربتت علي ويهج؟ شوي شوي يعني سوت تابينغ تتغشمر (ابي اعرف السالفه صج والا بنتي تتخيل) جان تقولي لا مامااااااا طراق صجي علي ويهي (بنتي عمرها مانطقت طراق) قلتها شلون راويني جان تطق عمرها طراق علي ويها
قلتها لااااااااا ماما راويني علي ويهي قالتلي لاااااا انتي اميييييي شلون اطق ويهج!! الله مايرضاااااااااااااا!! مابي وقامت تبجي
قلتها ماعليه انا مسامحتج بس ابيج تطقيني مثل ماطقتج وتعرفون اللي تجدم ريل وتاخر ريل متردده ماتبي تطقنيي ياقلبي
وحطت ايدها علي خدي والثانيه طقت ايدها
والله ان ويهي لف من حمو الطراق
واختها تاكد ان انطقت
قلتها شفتيها ؟ قالتلي لا ماشفتها نا كنت بالمرر بس ماطالعهم سمعت الطراق
قلتها انزين عقب ماطقتج محد كلش كلش شافج؟ قالتلي نو قلتها انزين يوم دخلتي الصف شنو سويتي؟ جان تقولي ولاشي قعدت وسكت قلتها ليش مابجيتي؟ الطراق مايعور قالتل يامبله يعور وايد بس شلون ابجي بعدين كل صديقاتي يدرون اني انطقيت لاني فاشله وماييت الواجب مابي بعدين مايحبوني
(حبيبتي محطمتها ال ....نفسيا لدرجه ماتبي تبجي مستحيه من عمرها )
قلت اوكي امنا بالله البنت انطقت خلااااااااااااااااص شسوي؟
قبل كل شي
تاكدت ان السالفه صج
مسكت بنتي بنفس اليوم وقعدت اسولف وياها ولفيت السالفه يمين يسار ودخلت فيها عناصر خياليه مثلا يوم الابله طقتج لو انج مصفره جان يتج تنكر بيل وانقذتج تكت علي الابله دست سحري وتصير الابله طيبه (عاده بنتي لما ادخل شخصيات دزني تمشي وياي بالقصه وتدخلهم وتسوي فلم اهي خياليه شوي) جان ترد تاكد علي ماما شلون تنكر بيل تيي احنا من صج مو ديزني !
وردينا واحنا نلعب قلتها الحين ابله الارابيك لازم نقولها عيب ونكلمها لان اهي تتغشمر وياج غشمره بايخه وبعد خل نكلم ام صديقتج فلانه قالتلي ليش؟ قلتها علشان نقولها لانها طقت فلانه بعد (بشوف في احدانطقوياها او بتمسك طرف وتعطيني قصه خياليه كالعاده) جان تقولي ياماما لازم تعرفين محد كسلان الا انا واختي كل اصدقائنا اهي تحبهم ماطقت فلانه اهي طقتني انا بس (واختها الثانيه منهاره نفسيا اكثر تقول اكيد انا بنطق بس مادري متا)
اول مرحله تاكدت ان البنت منطقه من صج علشان ماظلم الابله
ثاني مرحله افسر الطق وسببه حق بنتي مابي اعقدها من الدراسه وابي اصلح اللي صار وابي اشرحلها الن المدرسه غلطانه
قلتها ماما ترا ابلتج غلطانه وانا بروح اكلمها واشرحلها غلطلها اهي علي بالها ان عادي تتغشمر وياج تطقج في ناس اهلهم مو معلمينهم ان هالشي غلط وعيب وحرام والله مايرضا فيه انتي ماسويتي شي غلط بس ابلتج ماتعرف انا بكلمها واعلمها
اهي تتغشمر وياج غشمره غلط ماتدري ان مانرضا ولايعجبنا لانها تتغشمر مع عيالها بهالاسلوب مومعناته انج صج فاشله ولامعناته ان عادي ممنوع اي احد يطقج حتا لو جوكينغ ولا انتي تطقين احد
اهني بررت وحاولت اني اصلح شوي
مابي المدرسات يطيحون من عينها ولا ابيها تهاب الموقف وابي اوصلها انها ممو غلطانه الابله غلطانه وان امها بتساعدها
هذا تصرفي مع بنتي
الحين تصرفي مع الابله والمدرسه
اولا ماشوف ان صح تكلمين الابله الابله غلطانه علي البنت وطاقتها حتا لو كنتي شاكه تروحين تقوليلها انتي طاقه بنتي؟ اكيد بتنكر وتجذب
وبتسوي رعب نفسي للبنت بتوحد فيها وتخرعها ولاتتكلمين والوضع يسوء مايتعدل
اكلم الي يتصرف في الموضوع واشوف تصرفه
البروسيجر يقول شنو؟ اذا غلطت تاخذ لفت نظر شفهي باول غلطه ثاني غلطه لفت نظر كتابي الثالثه خصم او او او
وطبا كل خطئ له مستوي عقاب
قلت اكلم الاداره ولاتنسون انها بمدسه خاصه بشوف شنو تصرفهم مع الوضع
كلمتهم وحددت موعد مع الناظره باخر اليوم لاني لي ييت اتكلم ابي اتكلم عدل وعقل بدون صراخ بدون تنرفز واوصل اللي ابيه لهم عدل
مابي يقولون الام تصرخ وتلطلط ومانتفاهم والناس هذول مايتفاهمون ومن شاف الام يتوقع البنت و و و و
ولما قلتهم ابي الناظره لاسباب خاصه طبعا ماتو يعرفون يمكن داقه علي السكرتيره مالت الاستققبال تسع مرات
شالسبب وانا اقولها شوفي حبيبتي لو ابي اقولج قلتلج من البدايه انا ماكلم الا مس نورما
اخر شي كلمتني مس نورما قالتلي انا لازم اعرف بخصوص شنو تبين تشوفينعلشان استعد قلتها مابيج مستعده ابي اشوف رد فعلج لان علي اساس رد فعلج وتصرفج بشوف جان اروح اشتكي علي المدرسه بكبرها بالتعليم الخاص والا انطر تصرفكم
ويوم اصرت قلت ليش انا اتحرقص بروحي خل يتحرقصون وياي ويروحون يسئلون ابلاتهم وحده وحده
قلتها بخصوص سلوك وحده من مدرساتكم مع بنتي سلوكها غير طبيعي وغير مقبول وافضل اتفاهم وياج ويهه لويه اهني طخخخخخخخخخت سكتت
المهم رحت علي الموعد وقعدت ويا الناظره وشرحت كل شي وقلتها السالفه واكدت اني ناطره تصرفها بشوف شنو بتسوي وعلي اساسه يا اني اروح اشتكي بالوزاره يا اني اكتفي بتصرفهم اللي يسوونه (وانا ادري ان اقصي شي يسونه الوزاره مجرد ان يرفعون توصيه للاداره بعزل الابله لانها غير صالحه للتعليم ) وابي المدرسه اهي تتصرف وتنصر بنتي علي هالانسانه مابي ينجررون
ويه الناظره صار طماااااااااااااااااااااااااااطه ونادت مساعدتها اللي بنت صاحب المدرسه
ونادت بنتي وسئلتها طبعا تلعب وياها وتكلمها وتسولف وبنتي علي فكره معروفه بالمدرسه لانها ماشاءالله لسانها طلق وتمشي وتحبب وتللملم بالابلات ويرعه شوي
ومثلتها القصه اللي صارت
وراحت
طبعا من البدايه وضحت شغله ماسمح لاي احد ان يشكك ببنتي وصحه قصتها واكدت لها اني قبل لا ايي او اطلب الموعد تاكدت ان السالفه صج واني ماسمحلها ان تغالط بنتي او تشككها بنفسها كفايه الضرر النفسي اللي سوته الابله فيها
قالتلي الناظره شنو تبين؟
احنا بنتصرف بس شنو برايج يصير؟
قلتها تنشال هالابله
تتحول تحقيق
وينحط بملفها
ابي مثل ماضرت بنتي اهي تنضر اهي موكفو مسئوليه ولا انسانه تستاهل تكون جنت يهال ولا تتامن عليهم تسوي حرب نفسيه لليهال وترسخ فكره ان فاشل براسه!
حتا لو اهي طريقتها الخنفشاريه بالتدريس وحث الياهل ان يبذل مججهود اكثر عن طريق ان تقوله انت ماسويت عدل وانت يبلك مجهود يالله شد حيلك ماتيي وتقوله انت كسلان شد حيلك ! ولاتقوله انت فاشل اشتغل اكثر جذي بتحبطه اكثر وماسمح لاي كان يقول حق بنتي فاشله او كسلانه بناتي معروف نشاطهم ومعروف مستواهم ! منو اهي اللي ترسخ هالفكره براس بنتي
النتيجه الصبح بجي ونواح مو من اللي انطقت من اختها رافضه تروح المدرسه خايفه لاتنطق وخايفه تغلط بالسبيلنغ تيست وتكرها الابله لانها تحب الابله مالت الانجلش حيل (ابله الانجليزي تهبل) والتيشر استتنت اتيييييييييييييييييييييييينن
ومارضت تنزل وتدش المدرسه واطريت ادق عليهم ينزلونها من السياره (لاني مو موديتها رايحه مع السايق وخدامتها ودقو علي قالولي انها تبجي ومرواضيه تدش ومجلبه بالسايره )
وبعدين طرشو احد يدخلها المدرسه وخدامتها شايلتها وصلتها لين فوق (تذكرو انها باولي ابتدائي مو ياهل )
وخدامتي لما ردت البيت داقه علي تقولي بليز روحي اخذيها لانها قامت تبجي وتصرخ وماتبي هدوم المدرسه تبي تفصخهم وتبي بجاما ترد البيت ولاتبي المدرسات وتصرخ وتبجي وهالحركات بنتي ماسوتها حتا بالروضه !
لهالدرجه وصلت
ولي الحين اعاني ان بنتي تموت خرعه ان تغلط وبالها ان خلاص اكس عوده عليها اذا جاوبت غلط وكله اخاف ماعرف اخاف ماعرف ولاترضا تسمع دين تقول ماعرف انا مو حافظه لان تخاف تغلط ولاترضا املاء تبجي تنهاااااااااااار لان تخاف تغلط وتنطق
وتنرعب من الانجلش ماتبي تكون ماتعرف او تغلط علشان ماتخسر ابله الانجليزي
اخيه بس اخيه خل نركز علي سالفه الطق
الاداره شرحولي البروسيجر ان اول شي تتحول تحقيق ومايطول الموضوع ويتصرفون
وان مجرد ما اطلع بيحولونها تحقيق
ولان بنهايه الدوام ماقدرو يكلمونها مشت الابله قبل لايحصولنها وبلغوها الاحد
وقبل تبليغها الناظره حضرت حصه لها وشافت طريقتها مع اليهال وشافت تعامل اليهال معاها تالي نادت المدرس الاول وشرحتله وعقبها نادت الابله وقالتلها ان تحولت تحقيق بسبه هالسالفه
اللي حرني ان علي مايخلص التحقيق الابله تتعامل مع اليهال عادي ! وتدرسهم
يعني تخيلو يوصلها ان ام هالياهل مشتكيه عليها وان متحوله تحقيق بسبتها واهي اول سنه لها بالمدرسه ومدرسه خاصه واحتمال ينقطع ررزقها وتكون الياهل جدامها! اكيد بتدمرها نفسيا وتحطمها وايد تعبت بهالفتره ماحبيت هالتصرف
كلمت الناظره عليه قالتلي ماقدر مجرد ماتيي شكوي اغير جداول الابلات كلهم لازم اتاكد (ومالومها معاها حق مو كل شكوي صح ولاكل محد اشتكا عفسو الصفوف والتدريس)
قلتها ماقدر ارتاح نفسيا وهذي يمي عيالي هذي مو كفو (وتخيلو طلعت خبره 15 سنه تدريس بمدرسه عربيه خاصه وتاليتها طلقت خبره تسطر)
بالنهايه اتفقنا ان تنحط وحده ياها بالصف مساعده مدرسه علشان ماتكون ويا اليهال بروحهم )وصلنا لحل وسط علي مايخلص التحقيق تكون بالصف وياهم تيشر اسستنت
وحذرت بنتي منها ان ماتكلمها واهي بروحها ولاتقعد بروحها مع الابله
وبهالوقت قمت اقوي ثقه بنتي بنفسها
كثفت التدريس حيل
ولو تروحون ملتقي المدارس الخاصه تقرون تجربتي هناك وتشوفون شلون تعبت بالتدريس وشنو طريقتي حتا مصوره كتابه بنتي وحاطتها (بس ماقلت القصه من قبل ماحبيت اني اتكلم فيها قبل لاتخلص )
الابله تحولت تححقيق وياها لفت نظركتابي والناظره حضرت حصه لها ولاحظت سلوك اليهال كلهم ولاحظت طريقتها وعرفت انها تمثل
وشالوها من الصف
وعلي قوله الناظره نقلنا تسع صفوف علشان انيبلكم احسن مدرسه بالمدرسه (واللي اعرفه ان فعلا هالابله اللي يت من احسن الابلات عندهم) وهذيج مسوكها صف كبار يعني ماتقدر تلعب وياهم يمين يسار يمشونها اهم عدل
ياني تعبت حدييييييييييييييييييي صج صج صج
بنتي شقت كل كشاكليها مالت الكتابه يعني تخيلو كل كشكول مفصول عن الكفر ماله وعادي تشق صفححه ولايهمها
صارت كيرليس مايهمها دراسه لان تقول سو وات ! انا اصلا كسلانه وماعرف والكشكول من داخل كله اسود من التمسح لدرجه ان الورقه تنهري
الثانيه توئمها انهارت نفسيا مثل ماقتلكم
الواجبات ماقدر اخلصها وياهم الا الساعه عشر ونص نقعد ساعه ساعه ونص علي سطر واحد كتابه بنتي ماترضا تلهي عمرها بالف شي وشي وصلت مرحله اني انا تعبت نفسيا من التدريس ماقدر ! بنتي ماتسمعلي
بس بالمدرسه اهي بيرفكت
حتا ابلتها اللي طقتها قامت تتعامل معاها زين وتخمخم وتلمملم فيها (عاد اخذو من اليهال بنتي تقولي ماما مس اررابيك تحولت من دارلا الشريره الي ابله طيبه زينه اهي تتحول مرات شريره ومرات تصير زينه)
لاني رسخت ابالها ان الابله صجج غلطانه بس اهي مو قصدها علشان ماتتعقد
وكليت هوا وياها بالتدريس
اخر شي اطريت اني الجأ لمدرسه خاصه شكرا يادوني علي المساعده وعلي الابله
