تعالو ا نسولف عن الفندق اللى زرتييه فى دبى

[Rafeef]

ما في فور سيزون اصلا في دبي بس الدوحة و الرياض في الخليج و في بمصر بعد ....

أنا سكنت في دار المصيف في فندق مدينة الجميييييييييييييرة حدة روعة و اتحسين إنج ملكه صج

و في رويال ميراج قممممممممممممممممممممممممممممممممممممممة بعد بس احب انا مدينة الجميرة إتذكرني بايام حلوة

و سكنت برمال روتانا حلو بعد و قريب من الاسواق و هادي و توليب إن في الشارجة إجبال الميجا مول حلو و رخيص

و هوليدي إن الداون تاون حدة لوووووووعة و في سوالف خايسة

جراند حياة حلو و الفيرمونت حلو بعد و تاج بلاس حلو مجربتهم بس الاروع و الافضل مدينة جميرة نمبر 1 بعدها رويال ميراج

في فندق قمممممممر الدين روعة و في المنزل كلهم مارتهم بس ما سكنت فيهم يدد

و الكمبينيسكي إمارات مول سكنت فيه إختي تمدحه حيل

و بعد اسبوعين بنكون بكراون بلازا الفيزتيبال سيتي و الحمام تكرمون بينة و بين الغرفة زجااااااااااج شفاف
للسوالف بس في شتتتتتتتتتتتتتتتتتتتر
هذي صورة الغرفة

 

[cadbury]

شكررررررررررررررررررررررا على الموضوع
بس بغيت اسأل في احد جرب فندق شيرتون خور دبي
انشاءالله بروح اسبوع الياي .... اقولكم تجربتي اذا الله سهل و رجعت

 

[Rafeef]

للرفع

 

[* ورود *]

منو راح يسافر دبي ؟

 

[القبله]

ابصراحه خوش موضوع و أنا قلت يا حلوه يا قبله دامج دايم ابدبي خن أفيد حبيباتي كويتيات

أول شي أنا و أهلي على طول نروح ادبي و أدلها شبر شبر و تقريبا أغلب فنادق دبي سكنتها

قبل 6 سنين سكنا ابفندق بستان روتانا اهو قريب عند المطار و بعيد عن السنتر شوي و ابوقتها كان تو امبطل و حلو بس ألحين خرب قبل فتره سكنه فيه يومين و كان في أشياء مو زينه يعني بنات و سوالف

و سكنا قبل ثلاث سنين بعد ابشقق فندقيه أسمها " سيتي سيزون " مقابل السيتي سنتر و الحلو فيها أنه فندق أسلامي و حيل محترم بس أسعاره ابوقتها كانت نار

و سكنا قبل سنتين ابفندق " دوست " ابشارع زايد و كان تو أمبطل و فندق راقي جدا جدا و مكانه حيل حلو بس عيبه أسعاره ناااااااااار يهني أحنا كنا حاجزين بالعيد الغرفه لشخصين كانت باليوم 120 دينار و كنا حاجزين 4 غرف أسبوع كامل بس و الله خوش فندق و شرح

و هم قبل سنتين سكنا ابفندق " جراند حياة " ابصراحه ما استانسنا فيه لأنه صاد حيل و صخه و هم غالي

و العام سكنا ابشقق فندقيه أبشارع زايد اسمها " شيلسي " و أذكر سكنا بالدور 33 و ابصراحه شققهم كبيره حيييل و شرحه بس هم أسعارهم حيل غاليه

و هم قبل سنه و نص سكنا بالمروج روتانا و أهوا ورى شارع زايد و صاير جنه سلسلة عماير و حيل حلو و شرح

و قبل 5 شهور سكنا ابفندق " كمبنسكي " واهوا بمجمع الأمارت مول نفسه و حييييييل فخم و راقي و هم أسعاره ناااار و الحلو فيه أنه اذا ضاق خلقج في لوبي حلو و عندج السوق قريب

و قبل شهرين سكنا يومين ابفندق "الأمارت تاور" و كنا حاجزين من الأنترنت و كانوا مسوين تنزيلات لأنه هالفندق غالي ابشكل مبالغ فيه و لكن يستاهل لأنه فخم حيل بس اغرفه شوي ضيجه بس الفندق في جو و حلو


و أذا سافرنا ابرمضان و بعد العيد أبقولكم

 

[زقرتية]

بنات شرايمك في الشقع الفندقيه
فلورا بارك
احنا حجزنا حق عيد الاضحى
ابي اعرف اا محترم ونظيف

 

[أم حسون]

شقق فندقيه جولدن ساندز عجييب ونظيف وخدمتهم حلوه وشرح يعني 100%

 

[@ دهن العود @]

بنات شرايمك في الشقع الفندقيه
فلورا بارك
احنا حجزنا حق عيد الاضحى
ابي اعرف اا محترم ونظيف

اذا تقصدين اللى جدام سيتى سنتر فهو روووووووووووووووووووووووووووووووعه

 

[زقرتية]

ابي اعرف شنو اسامي المجمعات اللي يم الستي سنتر؟؟


وشنو اسماء المجمعات اللي يم ابن بطوطه

وشنو اسماء المجمعات اللي يم مول الامارت

وهمن اسماء المجمعات اللي يم دبي موول

وشنو الاماكن السياحيه اللي تنصحوني اروحلها

ابي كل مجموعه تكون يم بعض

عشان نروح كل مجموعه تكون يم بعض بيوم؟؟

والف شكررررررررررررررررر ردووووووووووووووووووو

 

[Fouz]

انا سكنت بسيتي سنتر عادي بس ميزته المجمع
سكنت برويال ميراج روووووووووووووعة و هدوء
سكنت بميناء السلام هم حلو بس مو هادي مثل رويال ميراج

 

[ام عوض]

للرفع

 

[الشرقية]

هلااااااااااااااا والله

حلو موضوعج....

انا يوم رحت دبي سكنت في تاج بالاس صج حلو ونظيف الفندق واهم شيء ان ما فيه خرابيط..........


والاحلى ان كل يوم يحطون بالغرفة كاكاوة باتشي........

 

[amoon]

اي والله تكفون ابي اروح الامارات ابي احسن صالون ابي اصبغ شعري واغير اللوك وابي اروح اشتري فستان سهره حق عرس اختى وابي بعد اسوي نفخ خدود ماادري وين احسن شي

وابي محل يبيع جلابيات بس مو غاليه يعنى 10 دنانير اتوقع باسواقهم الشعبيه صح اولا
بالنسبه للسكن نبي شي قريب من الاسواق
وايش احسن المطاعم ابي ايراني وهندي واوروبي
حشا غثيتكم

فديتج الصبغ يمدحون صالون عمرو للسيدات بس ماعرف وين مكانه بالضبط

 

[ام بنتها]

موضوع مفيد
يعطييج العافيه وانشالله لي رحت دبي اقولكم وين سكنت

 

[^noonaa^]

انا توني راده من دبي وقعدت بميناء السلام طبعا كلمة روووووووعه شويه علييه وليلته 118 دينار وقعدت في بارك حياة همن شي خياااالي ليلته شي و80 دينااار

 

[ام بنتها]

ام حسوون بس بغيت اسألج عن شقق جولدن سااندز شنو يمه و هل فيه سوالف بارات و بناات و خرابيط ولا لأ

لان شفته بالنت و سعره واايد حلوو و بغيت اعرف اكثر عنه لان حجزنا التذاكر حمدلله و باقي الفندق الله يسهل انشالله و يتمم السفره ياارب

بس ودي اعرف شنو يمه مولات و مطااعم و الشارع الي حوااليه لان اول مره بروح دبي و اول مره اساافر مع ريلي من تزوجنا

 

[looza76]

بنات ابى اسالكم عن فندق كى بورد ورا سيتى سنتر والفندق 3نجوم الله يعافيكم ردو على

 

[looza76]

اشلون صاير فى احد نزل بهالفندق

 

[ام عوض]

فديتج الصبغ يمدحون صالون عمرو للسيدات بس ماعرف وين مكانه بالضبط

هالصالون في بداية شارع الرقة

على فكرة ترى جويل اللي تقدم برنامج بصراحة احلى ..فتحت صالون في منطقة جميرا ..و شغلهم حلو ..صديقتي راحت تصبغ عندهم و تمدح فيهم

 

[كـلا كـلا]

الفنادق اللي سكنت فيها بدبي كلها حلوة ولا مرة صادفني موقف بايخ الحمدللله

موفنبيك
الرحاب روتانا
سيتي سيزون
رينياسنس

وكلهم تقريبا 5 نجوم وصراحة حلوين
والاسبوع الياي ان شالله بنجرب - ارجان روتانا -