حملة قراءة سورة البقره كل يوم

[أم سعد الحلوة]

أنا معاك إن شاء الله يا بنت المطيري

 

[الجوهرة الماسية]

هلا فيكم بنت المطيري وام سعد الحلوة في الحملة
بالنسبه للمشكلة الي عندك يا بنت المطيري حلها بسيط
انتي تقولين تقرينها يوم وتتركين يوم عشان تنامين
اختي لا يكلف الله نفسا الا وسعها
اقريها يوم في الليل واليوم الثاني اي وقت يعجبت ترى مو ضروري ابد يكون في الليل
بس صلاة الليل لا تخليها اصحي قبل صلاة الفجر لو بنص او ربع ساعه وصلي واستغفري وادعي
لان هذا الوقت الي ينزل فيه رب العالمين لسماء الدنيا ويقول هل من داعي فاوجيبه هل من مستغفر فاغفر له

الله يعينك وييسر لك امرك

 

[الجوهرة الماسية]

في الصحيحين والسنن وغيرهما عن أبي هريرة رضي الله عنه أن النبي صلى الله عليه وسلم قال : { ينزل ربنا تبارك وتعالى إلى السماء الدنيا حين يبقى ثلث الليل الآخر , فيقول : من يدعوني فأستجيب له , من يسألني فأعطيه , من يستغفرني فأغفر له } . زاد ابن ماجه فيه : { حتى يطلع الفجر } فلذلك كانوا يحبون صلاة آخر الليل على أوله , وفي رواية لمسلم : { أن الله عز وجل يمهل حتى إذا ذهب ثلث الليل الأول نزل إلى السماء الدنيا فيقول : هل من مستغفر ؟ هل من تائب ؟ هل من سائل ؟ هل من داع ؟ حتى ينفجر الفجر } .

 

[القبله]

مرحبا بنات

أنا اليوم الحمدلله قريت سورة البقره الساعه 11 لأني خفت أنام فصليت الشفع ة الوتر و قريتها

الله يثبتنا إن شاء الله

 

[YAREB]

بس اختى الجوهره الماسيه لوا قراتها فى الصلاه الاخت يكون مفعولها اقوى وسمعت تقدر تقيم صلاة بعد صلاة العشاء يعنى قبل ماتنام مباشرة

 

[الجوهرة الماسية]

بس اختى الجوهره الماسيه لوا قراتها فى الصلاه الاخت يكون مفعولها اقوى وسمعت تقدر تقيم صلاة بعد صلاة العشاء يعنى قبل ماتنام مباشرة

اكيد ان مفعولها قوى
بس زي ماقلت لا يكلف الله نفسا الا وسعها
تقرى البقرة باي وقت بس ما تخلي صلاة قيام الليل ولو بكم ركعه قبل صلاة الفجر وتوتر بركعه .
التدرج مطلوب عشان الانسان مايمل ويترك
قليل دائم ولا كثير منقطع

 

[الجوهرة الماسية]

مرحبا بنات

أنا اليوم الحمدلله قريت سورة البقره الساعه 11 لأني خفت أنام فصليت الشفع ة الوتر و قريتها

الله يثبتنا إن شاء الله

جيد اختي استمري وخلي ساعة المنبه ترن على قبل الفجر بنص ساعه قومي وصلي ركعتين وادعي وجلسي استغفري لين يذن الفجر .

مع الوقت بتصير هينه عليك صلاة الليل وتقدرين تقرين البقرة فيها .

 

[::blackrose::]

السلاام عليكم بناااااااااات

تسجيل دخووووول

وحياكم الله بنت المطيري وام سعد

 

[~NaZaKa~]

سوري يا قلبي مرض النخاله ترا مو معدي
سويت سيرش عنه :050103nbh_prv:
مبروك هذا المرض يصيب الانسان مرة وحده بحياته

واسفه على الازعاج بس لاني حاطه ببالي انه الامراض الجلدية كلها معديه <<<<<<<< خوااااااافه:roadrunner:

هههههههههههه ياحياااتي يا روز والله شاده حيلج معاي لووول

وانا مادري شسالفه

بس عجبتني سالفة مره وحده بحياته

لانه كلش مالي خلق اعالج وترجع تطلع فيني لانه الدكتوره قالت اطول على ماتروح

 

[~NaZaKa~]

شلونكم بنات ان شاء الله مستمرين انا مستمره الله يوفقنا ويثبتنا
نازاكا طمنينا ان شاء الله في تحسن بحالتك

والله ما احس في شي تغير وامس نسيت لا أحط

بس الدكتوره قالت ياخذ وقت على مااتعالج

الحمدلله على كل حال

مشكوره ياقلبي على السؤال.

 

[~NaZaKa~]

الوتر الحزين وفلور
مشكورين ياقلبي على السؤال


وشلووونكم مع القراءه ؟؟

انا امس ما قدرت اقرا كلش كان عندي بروجكت من المغرب لي 4 الفجر وانا مجابلته

بس رحت الكليه على 7 ( اطلع مبجر عشان الزحمه ) وقعدت بسياره وقريتها على ما بدت محاظرتي

 

[::blackrose::]

نازاكا
اسأل الله رب العرش العظيم ان يشفيك




بنااااااااااااااات وينكم

ام منصوووووووووور وين غطيتي

الفا وينج

بنت زايد

كويتيه عسوله

الوتر معذوره بس طلي علينا شوي

فلاور

عجميه

وكل البناااااااااااااااااااات

 

[flowers_q8]

هلا والله بلاك روز اشلونج ؟ شخبارج مع القرايه؟
انا ان شاء الله مستمرة معاكم
بنات شخباركم كلكم؟
جي جي وينها

 

[~NaZaKa~]

بلاك رووز مشكووره حبيبتي على الدعوه

تصدقين دخلت احوس بالنت عن النخاله الورديه واخترعت هههههه

الحمدلله الي فيني قليل مو نقس صورهم لوووول بس زين خذيت فكره

ما قلتي لنا شلونج مع القرايه؟

 

[::blackrose::]

الحمدالله مستمرة بالقراءة
والله لا يغير علينااااااااااا

فلور وينها ام منصور ما تبين<<< ماادري احسكم تعرفون بعض؟؟!!


نازاكا حتى انا شفت صورهم بس الظاهر هذول حاله متقدمه مادرييييي

 

[~NaZaKa~]

اللهم آمييين

 

[نهاية حبنا]

مرحبااا بنات ...

ماشالله مواضبين على سورة البقرة .. الله يعطيكم العافيه ...

انا ودي اقراها كل يوم بس انا عندي مشكله بالقراءة .. عيني بسرعه تتعب ماقدر اركز وايد ...

مرات اقرى نصها ... ومرات اسمعا كامله بالـ جهاز ...

 

[الجوهرة الماسية]

هلا والله بنات شلونكم وش مسوين
انا الحمد لله مستمري
وببداء من اليوم بخلطة الرومي

نازاكا يا قلبي احرصي على الدواء لا تنسينه وزي ماقلتلك اقري الرقيه وانفثي وامسحي على جسمك وباذن الله بطيبين

فلاورز شلونك حبيبتي
بلاك روز طمنيني مستمره اليوم الظاهر اخر الثلاث ايام ان شاء الله تكوني استمريتي
الفا وينها وام منصور ما عاد بينت
ومنورة وبنت زايد وعجميه والكادي ............ وين البنات عسى المانع خير
بنت مطير وام سعد الحلوة والقبلة شلونكم خواتي ان شاء الله مستمرين معنا ؟؟

 

[الجوهرة الماسية]

اسمحيلي يا الغراااام وينك حبيبتي ان شاء الله مستمره معنا ؟؟

 

[(رينا)]

مشكورة الجوهرة الماسية انج ذكرتيني وكثر الله من امثالج
باذن الله بستمر معاكم
انا انشغلت اللهم ياكافي ونسيت اني وياكم